دۇنيا سەھىيە تەشكىلاتىنىڭ ساغلاملىق توغرىسىدىكى10 تۈرلۈك ئۆلچىمى

bulbulgoya

	ساغلام بولاي دىسىڭىز ئالدى بىلەن ساغلاملىقنىڭ ۋە ساغلاملىق ئۆلچىمىنىڭ نىمە ئىكەنلىكىنى بىلىشىڭىز كېرەك.دۇنيا سەھىيە تەشكىلاتىنىڭ  ساغلاملىققا بەرگەن تەبىرى :ساغلاملىق دىگىنىمىز كىسەللىك بولمايلا قالماستىن بەلكى،جىسمانى، روھى  ۋە ئىجتىمائى جەھەتتە تولۇق ماسلىشالايدىغان مۇكەممەل ھالەتنىڭ بولىشى كۆرسىتىلىدۇ.بۇنىڭغا ئاساسەن،دۇنيا سەھىيە تەشكىلاتى ساغلاملىقنىڭ 10 تۈرلۈك ئۆلچىمىنى ئوتتۇرغا قويدى: بىرىنچى.زېھنى قۇۋۋىتى ئۇرغۇپ تۇرۇش.كۈندىلىك تۇرمۇش ۋە خىزمەتتىكى بېسىمغا بىمالا تاقابىل تۇرالايدىغان ھەم زىيادە جىددىلىشىش ھىس قىلمايدىغان بولۇش. ئىككىنچى.ھەرقانداق ئىشتا ئۈمۈدۋار بولۇش،ئاكتىپ پوزىتسىيەدە ،مەسئوليەتنى ئۈستىگە ئالالايدىغان بولۇش،ئىشنى چوڭ -كىچىك دەپ ئايرىماسلىق، ئۈچۈنچى.ياخشى دەم ئېلىش،يېتەرلىك ئۇخلاش. تۆتىنچى.ۋەزىيەتكە ماسلىشىشچانلىقى كۈچلۈك بولۇش،مۇھىتنىڭ ھەرقانداق ئۆزگۈرىشىگە ماسلىشالايدىغان بولۇش. بەشىنچى.ئادەتتىكى زۇكام ۋە يۇقۇملۇق كىسەللەكلەرگە قارشى تۇرالايدىغان بولۇش. ئالتىنچى.بەدەن ئېغىرلىقى مۇۋاپىق بولۇش،قەددى -قامىتى كىلىشكەن بولۇش،ئۆرە تۇرغاندا باش،مۈرە،بىلەكلىرى ئۆز-ئارا ماسلاشقان بولۇش. يەتتىنچى.كۆز روشەن،ئىنكاسى تېز،كۆز-قاپىقى ياللۇغلانمىغان بولۇش. سەككىزىنچى.چىشى پاكىز،قۇرت يىمىگەن ،ئاغرىمىغان بولۇش؛چىش مىلىكلىرىنىڭ رەڭگى نورمال بولۇش،قانىماسلىق. توققۇزىنچى.چېچى پارقىراق بولۇش،كىپەك بولماسلىق. ئونىنچى.مۇسكۇل ،تېرىلەر ئېلاستىكىلىققا ئىگە بولۇش،يول يۈرگەندە يىنىك،مەزموت قەدەم تاشلاش. بىز كۈندىلىك تۇرمۇشىمىزدا يۇقۇرقى ئون تۈرلۈك ئۆلچەمنى ئاساس قىلىپ ،ھەر ۋاقىت ياشاش ئۇسۇلىمىزنى تەڭشەشكە دىققەت قىلساق،ساغلامىقىمىزغا كاپالەتلىك قىلىشنىڭ ياخشى ئۇسۇلىنى تاپقان بولىمىز. مەنبە :ساقلىق ساقلاش ژورنىلى

tutem

	دۇنيا سەۋىيىسىدىكى يۇقۇرقى ئۆلچەمنى كۆرۈپ دەرھال يۈرەك كىسىلىم قوزغىلىپ 119 غا تىلفۇن ئۇرمىغىنىم ئۈچۈن مەن ئۆزەمنى تەلەيلىك سانىدىم.

samran

	كىسەل دىگەن تەندە ئەمەس روھتا بولىدۇ

tiwip

	دۇنيادىن بۇنداق ئادەمنىڭ چىقىشىغا ئىشەنمەيمەن .

bargiya

	ساغلاملىقنىڭ يۇقۇرى ئۆلچىمى ئىكەن بۇ..پۈتۈنلەي بۇنداق بولمىساقمۇ 70%بولساقمۇ بولاتتىغۇ.. ھەر ھالدا ساغلاملىقىمىز ئۈچۈن دىققەت قىلىشىمىز كېرەك.

zilnur

	مۇشۇنداق بۇلۇش ئۈچۈن تىرىشساق بۇلىدىكەندە؟

想你

	بىلىۋىلىشقا تىگىشلىك تىما بوپتۇ،،

margan1990

	مەنمۇ  ئىشەنمەيمەن .......مۇكەممەل بۇنداق ئادەم دۇنيا دا يوق  !     بۇ ساغلاملىق ئۆلچىمىنى كىملەر تۇزۇپ چىققاندۇ ؟   ئۇزىمۇ شۇنداق ئۆلچەمنىڭ 50%گە يىتمدىغاندۇ ؟

parhana

	يوللىغان تېمىزغا رەھمەت. مەندە بۇ ئۆلچەمنىڭ ئاران 5لا باركەن