سەن باھارنى سېغىنمىدىڭمۇ ( ئادىل تۇنىياز )

bayawan

	زۇمرەت ئاسمان تۇرار كۆز چېقىپ ، دۆڭدىن ئەگىز ئاقار شىرىلداپ . ئەجەپ ئوتلۇق خۇمارلىق بېقىپ ، ھوجرىسىدىن چىقىپ كېلەر كۈن . بىراق سەندىن يوقتۇر شەپە-ئۈن ، سەن باھارنى سېغىنمىدىڭمۇ ؟ كىيىكلەرنىڭ سەكرەشلىرىدىن قامىتىڭنى ئالىمەن ئەسكە . گۈللەر ئۈزدۈم ئېتىز قىرىدىن ، لېكىن ساڭا ئوخشىماس بەرى . ئەي خىلۋەتكە مۆكۈنگەن پەرى ، سەن باھارنى سېغىنمىدىڭمۇ ؟ كۈمۈش تەڭگە چاچىدۇ بۇلاق قىياقلاردا يالتىرار شەبنەم . كۈيلىرىگە سالىمەن قۇلاق ، يۈرىكىمدە مۇڭلۇق بىر رىتىم . كۆرگىنىم يوق سېنى بىر قېتىم ، سەن باھارنى سېغىنمىدىڭمۇ ؟ ئىللىق شامال مەسىت قىلار مېنى ، قوللىرىدا ئويناپ ئەركىلەپ . چىمەن ئىچرە ئويلايمەن سېنى ھىدىڭ كەلمەس ، كەلمىدىڭ بىراق . كېپىنەكلەر ئۇچقاندا يىراق ، سەن باھارنى سېغىنمىدىڭمۇ ؟ باغلار گۈزەل ، نازلىنار شۇنچە يېشىللىققا پۈركەنگەن ئەتراپ . گۈزەللەشتى تەبىئەت شۇنچە لېكىن شادلىق بېرەلمەس ماڭا . باھار قۇچاق ئاچماقتا ساڭا ، سەن باھارنى سېغىنمىدىڭمۇ ؟ 1988-يىل ، قاغىلىق مەنبە-"دېڭىزدىكى كوچا "

yalpuz0997

	خۇش كەپسىز ،ئادىل ئادىل تۇنيازنىڭ ‹‹تەڭرىتاغ›› ژورنىلى 2010-يىللىق 3-سانىدىكى ‹مەن قايتىپ كەلدىم› ناملىق شېئىرىدىن تۇغۇلغان ئويلار خۇش كەپسىز ئادىل يىراق ئەلدىن قۇشلارغا قېتىلىپ كۆكلەم بىلەن تەڭ. مىھرىڭىزدەك  يېقىشلىق سالام بەردى تەڭرىتاغقا ئۆزگىچە بىر رەڭ. سالام بەرگىم كەلدى مېنىڭمۇ ، نىگارىڭىز سوراپ قالسا گەر، جەنۇپتىكى نەمخۇش  دالىدا ئۇسۇپ چىققان ئاددىي يالپۇز دەڭ. سالام بەرمەكتە ئەنە، ئەتىگەنلىك بازاردا سەي سېتۋاتقان قىز، ئالدىدىكى شۇخۇلدەك قىزىرىپ سىزگە . مەسلىگىم كەلدى، گۈلە قاق ساتقاچ، سىزگە سالام قايتۇرغان شىر سۈپەت ئەرگە. يەنە ناۋي سۇندى قۇياشتەك ناننى چىلىق چىلىق چۈمۈلۈپ تەرگە. سىڭىپ كەتسۇن مىھرىلىك سالام پاكىز يۈرەكلەردىن تامچىپ شەبنەمدەك، ھارارەتلىك بۇ ئۇلۇغ يەرگە. سېغىندى سىزنى، ‹‹قەشقەردىكى يەر شارى››، ئاي نۇرىدا تۇرغان ئاق تېرەك، سىنتەبىردە تۈكۈلگەن يامغۇر، دىكابىرداياغققان ئاپپاققار. ‹‹چىملىقلاردا ئېرىق بۇيىدا سازاڭ تېرىپ يۈرگەن نەۋ باھار›› سېغىندى ھەتتا ، ئاپىرىلدا ھۇيقۇتقان شامال. ئاۋات رەستە خالتا كۇچىلار، تىلەمچى بالا،ھەم رەمچى ئايال. چۇنكى سىز ،سېغىندىڭىز ئۇلارنى ، ئىلاھى نۇر تامغان يۈرەكتە، يېتىپ مامۇك تۈشەكتە. سېغىندىڭىز ، دۆڭ كۆۋرۈكتە ئىچكەن دوغاپنى، قەھۋە ئىچكەچ ئالتۇن قەدەھتە. ئوۋلاپ كېتەلمىدى سىزنى ، ياقا يۇرتنىڭ گۈزەل پەرىسى. سالتەنەت –ھەيۋىسى. سۈيۈپ كەلدى سىزنى ، خىرىتىگە چۈشۈپ باقمىغان، يىراقتىكى قاغىلىق ھىسسى. روھىڭىزغا ئورناشقان ۋەتەن، شېرىڭىزدا ۋەتەن سۆيگۈسى. ‹‹ۋەتەن ،ئېخ ۋەتەن، چىرايلىقتۇر ھەممە نەرسىسى››. چىرايلىق ئۇنىڭ، باغلىرى ، تاغلىرى، ئاق قۇشقاچ ھەم زاغلىرى، تىنىقىمىزدەك ئوت تېمىپ تۇرغان، زومچەك زومچەك قۇم بارخانلىرى. شۇڭا، كېچەلمەيمىز ۋەتەندىن، مەن، سىز، ئۇمۇ ھەم. بۇلۇپ كەتتۇق ۋەتەن بىلەن بىز، بىر جان ،بىر تەن. خۇش كەپسىز ئادىل، ئۆزگى يۇرتنىڭ تۇپراقلىرىدا ، ‹‹ئايلانماستىن تاش يا ئەرەپكە›› ئۇچۇپ كەپسىز كۆك كەپتەر مىسال ئاسمىنى كەڭ  ئۇلۇغ ۋەتەنگە . قايتىپ كەپسىز قۇياشتەك كۈيۈپ، ‹‹سەھەرگە،نامازدىگەر،شام ھەم خۇپتەنگە››. ئەسكەرتىش: قوش تىرناق ئىچىدىكى مىسرالار شائىر ئادىل تۇنيازنىڭ مەنبە: يالپۇز  0997ئىجادىيەت  خاتىرىسى

arkhon

	شۇنداق لىرىك شۇنداق ئىسىل چىقىپتۇ رەھمەت ...جانابى ئاللاھتىن ئادىل تۇنىياز ئەپەندىگە ۋە ئائىلىسىگە بەخىت تىلەيمەن...

taranqi

	بۇنداق قاتتىق سوغۇقتا باھارنى سىېغىنمايدىغان كىم بار دەيسىلەر ...

mazargojam

	مەخمۇت سۇلايماننىڭ مۇشۇ تېمىدىكى لېرىك ئىجادىي ناخشىسى ئېسىمگە كېلىپ قالدى.

bulbulgoya

	بۇ 3قەۋەتتىكىtaranqi يوللىغان 2011-01-29 18:39 غا قارتىلغان  : بۇنداق قاتتىق سوغۇقتا باھارنى سىېغىنمايدىغان كىم بار دەيسىلەر ... شۇنى دەڭا.مانا، بىزنىڭ يۇرتتا  كۈز بىلەن ئەتىياز پەسلى شۇنداق قىسقا،ياز شۇنچىلىك ئۇزۇن ھەم 42 گىرادۇستىن يۇقىرى بولدىغان كۈنلەر خېلى  كۆپ  تۇرۇقلۇق يەنىلا باھارنى،تىنجىق،دىمىق ئىسسىق بولسىمۇ  يەنلا  يازنى سېغىنىمىز .ياز پەسلىنى تىلغا ئېلىپ،ئوت يۈرەك شائىر ئابدۇخالىق ئۇيغۇرنىڭ <<تۇرپان كىچىسى >>دىگەن شىئېرى يادىمدىن كەچتى.

bayawan

	تۇرپان كېچىسى نېمىدىگەن ئىسسىق، نېمىدىگەن دىمىق، نېمىدىگەن تىنجىق تۇرپان كېچىسى. بۇغۇلدى نەپەس، بۇرۇقتۇم قەپەس، تەرلىتەر چىپ-چىپ، تۇرپان كېچىسى. سايلاردىن سوقسا ئىسسىق شاماللار، يىغلار بۆشۈكتە تەرلەپ بالىلار، ئەللەي ئېتىدۇ، بەزلەپ ئانىلار، نېمىدىگەن تىنجىق تۇرپان كېچىسى. تۇرار جىمىرلاپ كۆكتە يۇلتۇزلار، باغلاردا سۇلغۇن گۈللەر-قۇندۇزلار، يەلپۈگۈچى قۇلىدا، زارلانغان سۆزلەر، نېمىدىگەن تىنجىق تۇرپان كېچىسى. جۈجەملەر گويا تامچىلىغان ياش، يىغلاۋاتقاندەك يۇرتتا قېرى-ياش، قاچان چىقاركىن قۇياش ئېتىپ قاش؟ دەھشەت قاراڭغۇ تۇرپان كېچىسى. قاچان نۇر چېچىپ ئاتار ئالتۇن تاڭ، ئاتمامدىكىن دەپ بولمىغىن ھاڭ-تاڭ، سۈبھى يورىدى، يورىدى بۇ تاڭ، بەرىبىر ئۆتەر تۇرپان كېچىسى. 1922-يىلى

sefura

	باھار كەپتۇ يۈرىكىمگە،باھار كەپتۇ تۇپرىقىمغا، دەرەخلەرگە،ياپراقلارغا،باھار كەپتۇ كائىناتقا، چىچەكلەرگە،قۇرتلارغا،باھار كەپتۇ دالىلارغا، گۈل ئېچىلىپ كۆڭۈللەرگە،باھار كەپتۇ ئوچاقلارغا. گۈزەل قۇشلار ۋىچىرلىشىپ باھار كەپتۇ باغلىرىمغا، تاغ سۇلىرى شىلدىرلىشىپ باھار كەپتۇ ئېرىقلارغا. تاغلارغا ھەم ۋادىلارغا باھار كەپتۇ ئېدىرلارغا. قوزىلارغا،بوتىلارغا باھار كەپتۇ ئوغلارقلارغا. كۆزلەر كۈلسۇن يىغلىمىسۇن ،مېھمان كەلسۇن ئاۋۇلۇمغا. يامغۇر يېغىپ تۇپراق ھىدلاپ باھار كەپتۇ شاماللارغا. يېشىل لىباس ئارتىشىپ باھار كەپتۇ قىرلىرىمغا، باھار كىلۇر شاھ تېغىمغا،گۈزەل يۇرتۇم ۋەتىنىمگە. -ئىسمىخان ئەرتۇغمۇش

sarwina

	باھار ،باھار.........باھار دىگەن يىلنىڭ بېشى،سېغىنمامدۇ باھارنى؟؟!

tomoquk

	چىللىساممۇ كەلمىدى باھار، جۇت سوغۇقتا قىلىۋاتىمەن. سايرىغاندەك شىخىمدا بۇلبۇل چۈشلىرىمدە ئىللىۋاتىمەن. توموچۇق نىمە دىگەن ياخشى شىئىر ھۇزۇر ئالدىم،ئادىل تۇنىيازنىڭ تىنىگە سالامەتلىك،ئائىلىسىگە بەخىت تىلەيمەن. يالپۇز خانقىز بەك ياخشى يىزىپسىز جۇمۇ