نىمە قىلدۇق ۋەتەن ئۈچۈن؟

imkan

	نىمە قىلدۇق ۋەتەن ئۈچۈن باشىڭ ئىگىپ تەزىم ئەيلە، شۇكرانە ئېيت، سېنى گۈلدەك ئەركىلەتكەن چىمەن ئۈچۈن①. ئاسمانلاردا يۈرگەن بولساڭ تۇپراققا قايت، ئېيتقىن دوستۇم، نىمە قىلدۇق ۋەتەن ئۈچۈن؟ كۆزى قارا، يۈرىكى ئاق شۇ ئەل ئۈچۈن، تۇپراق ئۈچۈن، شۇ يۇرت ئۈچۈن، چىمەن ئۈچۈن، ئۇلۇغ ئىنسان باشلاپ بەرگەن شۇ يول ئۈچۈن، ئېيتقىن دوستۇم، نىمە قىلدۇق ۋەتەن ئۈچۈن؟ ئېلىم ئۈچۈن، يۇرتۇم ئۈچۈن، ياراتمىشتۇر بىزنى خۇدا ۋەتەن ئۈچۈن. نىمە قىلدۇق ۋەتەن ئۈچۈن؟ كېرەك بولسا، جانىم پىدا ۋەتەن ئۈچۈن. قاچانغىچە قارنىڭنى ئويلاپ ئۆتۈۋېرىسەن②؟ قاچانغىچە كۆكتىن چەلپەك كۈتىۋېرىسەن؟ ئەھلى ۋەتەن ھەممە بىلەن تەقدىرداش سەن③، ئېيتقىن دوستۇم، نىمە قىلدۇق ۋەتەن ئۈچۈن؟ بۇنچە بەنە قونماڭ زەرەر(زەررە)چاپانلارغا④ (بۇنچە كۆپ چاڭ قوندۇرمىغىن چاپانلارغا)⑤، سەراتاندا گىياھ بولغىن دېھقانلارغا، سۆيۈنگىلى تاياق بولغىن چوپانلارغا، ئېيتقىن دوستۇم، نىمە قىلدۇق ۋەتەن ئۈچۈن؟ ئېلىم ئۈچۈن، يۇرتۇم ئۈچۈن، ياراتمىشتۇر بىزنى خۇدا ۋەتەن ئۈچۈن. نىمە قىلدۇق ۋەتەن ئۈچۈن؟ كېرەك بولسا، جانىم پىدا ۋەتەن ئۈچۈن. ھېچكىمدىن كەم ئەمەسسەن، كەم بولمىغايسەن، يەردە قالساڭ قۇياش بولۇپ كۈلمىگەيسەن، قاچان بەلنى مەھكەم تارتىپ باغلىغايسەن؟! ئېيتقىن دوستۇم، نىمە قىلدۇق ۋەتەن ئۈچۈن؟ شۇ سايلاردىن سۇلار ئۇرغىن يۈزۈڭگە سەن، بىر رەت نەزەر سالغىن باسقىن ئىزىڭغا سەن، شۇ سۇئالنى بېرىپ كۆرگىن ئۆزۈڭگە سەن. ئېيتقىن دوستۇم، نىمە قىلدۇق ۋەتەن ئۈچۈن؟ ئېيتقىن دوستۇم، نىمە قىلدۇق ۋەتەن ئۈچۈن؟ ئېلىم ئۈچۈن، خەلقىم ئۈچۈن، ياراتمىشتۇر بىزنى خۇدا ۋەتەن ئۈچۈن! نىمە قىلدۇق ۋەتەن ئۈچۈن؟ كېرەك بولسا، جانىم پىدا ۋەتەن ئۈچۈن! ئىزاھ: ①،②،③،④⑤ ئورۇنلاردىكى بەزى سۆزلەرنى تازا ئېنىق بىلەلمىدىم، بەزىلىرىنى يېقىن مەنىسى بويىچىلا ئالدىم. بىلىدىغانلار بولسا تۈزۈتۈپ بەرسەڭلار. ئىگىسىز رېئاللىق جاھاندىن بەك يىراق گۆھەر ماكاندا، بەخت ۋە تەشۋىشتىن خالىي بىر ھايات. بىغەملىك بىرمۇبىر قىرقىپ تەن، روھنى، يېقىنلاپ كەلمەكتە سۈرى يوق مامات. ئىگىسىز رېئاللىق قانسىرار ئۈنسىز، ياتلاشقان روھلاردا قاغجىراش ئېگىز. مەنىسىز مەۋجۇتلۇق قاقاھلاپ كۈلەر، پەرىشتە، خىزىرلار يوقلىماس ھەرگىز. مۇز قاتقان كۆزلەردە بۇلدۇقلايدۇ ياش، مېھىرسىز ھەر نىگاھ لاغىلدار تەبىئىي. قۇياشمۇ تاپالماي قالدىمىكىن، تاڭ شەپقەتسىز سوغۇقلار بولار ئەسەبىي.                                                  __ خاتىرەمدىن ... نادان ئىنساننى يۆلەپ قويساڭ تاغدەك خامانغا يەيدىغان يوق قالار ئاچ قورساق. ئاپىرىپ قويساڭ دەريا بويىغا، سۇ ئالالماي ئۆتىدۇ چاڭقاق. دەريا بويىدا قېلىپ نائىلاج، ئاققان سۇلارغا قارايدۇ ناچار. نادانلىقىدىن، ئۆز ئۆيىگە ئىجارە تۆلەپ، ئۆز ئېتىزىدا بولار مەدىكار. تەر تۆكۈشنىلا بىلىدۇ پەقەت، بىلمەس باشقىنى. ئۆزىنىڭ ئانا شەھەرلىرىدە، ئاچ ئەرۋاھتەك چىقىپ گۆرىدىن، بولۇپ دىۋانە، كوچا-كويلاردا، ئالتۇننى دەسسەپ يۈرۈپ تىلەيدۇ. يالماۋۇزدەك يالمايدۇ شۇنداق، ھەممە-ھەممىنى، ئەلنى قاپلاپ كەتكەن نادانلىق. ھەممە نەرسە كېتەر ئىلكىدىن، قالىدۇ پەقەت نامى ئىنسانلىق.                                            __ قۇربان باراتنىڭ "مەشئەل كۆتۈرگەن ئۇلۇغ بوۋىلار"دىن پارچە. يىغلىغۇم كېلىۋاتىدۇ بىر تال يۈرەك كۆيىۋاتىدۇ، زەينەپ نەدە؟                    كىمنى سۆيۈۋاتىدۇ... دەردىنى سېتىۋەتكەنلەر كۈلىۋاتىدۇ، ۋىجدان ساتقانلار ئۆلىۋاتىدۇ، جاھان شۇ قەدەر بىغەم ئۇيقۇسىراپ ئۆتىۋاتىدۇ. قوش لوكىلىق تۆگىلەر، بىر ئېشەكنىڭ كەينىدىن كېلەر. ئۆتۈپ كەتتى يەنە بىر ئەسىر، بۇ قىسمەتنى يەنە كىم بىلەر...                                             __ ئىبراھىم نىيازنىڭ "ئاينىڭ  نۇرى كۆيمەكتە"دىن پارچە. ئاڭلانماقتا قىشنىڭ ناخشىسى ، ئاڭلىماسقا سالغۇم بار، بىراق، پەسىللەرنىڭ ئازابخانىسى، بولمىغاچقا ئۆيۈمدىن يىراق. شىلدىرلىغان قاننىڭ ئۈنىدە، ماڭا ئېيتىپ بەرمەكتە قوشاق. قوشاقلارنىڭ ئىچىدە مېڭىپ، بولۇۋالدىم ساختا ئۈمىدۋار. يېڭى يىلنى تەبرىكلەش ئۈچۈن، تەييارلىدىم بىر نەچچە شۇئار. ئەمما قات-قات كىيىم ئىچىدە، ئۆلۈم ھىدى گۈپۈلدەپ تۇرار. ئاڭلانماقتا قىشنىڭ ناخشىسى، بەكلا سوغوق بەكلا پەرىشان. ئاڭلا مەپتۇن بولغان مەلىكەم، غەمكىنلىكتىن توزدەك ياسانغان، دەردتىن پۈتكەن كىيىمى بىلەن، قوزغار مەندە چەكسىز ھاياجان. ئۇ بىلمەيدۇ تانساخانىنى ، بىلمەس ھەتتا ئويناشنى ئۇسۇل. ئەمما نامرات  ئۆينىڭ ئىچىدە، غەمكىنلىكتىن ئالغاندەك ھۇسۇل، پەسىللەرگە بەرمەكتە جاۋاپ. ئامرىكىنىڭ سابىق زۇڭتۇڭى، مۇخبىرلارنى قىلغاندەك قۇبۇل. بىر ۋەھىمە ئېلىپ كەلمەكتە، قىش ناخشىسى قەبرىستان ئارا، كۈز پەسلىنىڭ كەينىدە تۇرمۇش، تارتىپ بىزنى باغرىغا ئاستا، تۇتۇپ قارا قوللىرى بىلەن، غاجىماقتا ئاپئاق ئاغزىدا...                                          __ قەيسەر تۇرسۇن، "ئاڭلانماقتا قىشنىڭ ناخشىسى". قىرلىق تاش كەسمىلەپ تاپانلىرىمنى، قىلماقچى بولسىمۇ ھاياتتىن بىزار. پەپىلەپ ئاسرايمەن تىكەنلىرىڭنى، بولغاندەك ئازابقا شۇنچە ئىنتىزار. ئۇچۇشنى ئويلايمەن قۇشقاچلار بىلەن، قىلمايمەن ۋە لېكىن قالغاچقا ھەۋەس. نەپ ئۈچۈن كەچمەيمەن ئانا يۇرت سەندىن، ئەقلىمدىن ئادىشىپ بولساممۇ ئەلەس. غورۇرۇم كۈچ ئالار يۇلغۇنلىرىڭدىن، سەجدە قىپ ئەقىدەم توغراقلىرىڭغا. تانمايمەن تىل سېلىپ سېنىڭدىن يۇرتۇم، مەلھەم بوپ ياشايمەن ئازابلىرىڭغا. كۈلىمەن سەن كۈلسەڭ، كۈلىمەن يۇرتۇم، بىلىنمەس قوينۇڭدا ئازاب ھېچنېمە. سەن ئۈچۈن ياشايمەن، رازى سەن ئۈچۈن جېنىمدىن ئايرىلىپ كەتسەممۇ يەنە.                                                           __ ئەخمەتجان ئوسمان، "ئانا يۇرت". ۋەتەن دەپ توۋلىدىڭ، ئىمانىڭ قېنى؟ قەلەملەر  تەۋرەتتىڭ ۋىجدانىڭ قېنى؟ تاڭلارنىڭ ئىشقىدا گۈلخانمەن، دېدىڭ، كۆڭلۈڭ ئاسمىنىدا چولپانىڭ قېنى؟ قەلەمنى مەشئەل قىپ مۇدۇرۇپ ئۆتتۈڭ، ئۆپكەڭمۇ يوغىناپ، يۆتىلىپ ئۆتتۈڭ. ۋەتەنگە ئىخلاستا باڭساڭ ئېڭىشىپ، قەۋمىڭنىڭ يىلتىزى ياتار چىرمىشىپ، چاقنايدۇ مازاردا فوسفور يالقۇنى، كۆكتىكى يۇلتۇزلار بىلەن سىردىشىپ. بۇ يەردە بۇغدا ھەم ئوغۇز ياتىدۇ، قوقاسقا ئايلانغان يۇلتۇز ياتىدۇ. سەپ تۈزۈپ ھەر رەڭدە پەسىللەر ئۆتتى، "ۋەتەن" دەپ باھادىر نەسىللەر ئۆتتى. ئەۋلادقا پەقەتلا ۋەتەن قالىدۇ، باشلاردىن نى ئەقىل، نەقىللەر ئۆتتى. ۋەتەن چۆچەك ئەمەس، سەجدىگاھىڭدۇر، ۋەيا ئەرمەك ئەمەس، باشپانىھىڭدۇر. "ۋەتەن-جانان " دېدىڭ، جانان تېپىلار، ۋەتنىنىڭ بولسىلا ھامان تېپىلار، غۇربەتتە تېنىگەن ساياقلارغىمۇ، شاھانە قەسىر ھەم ئايۋان تېپىلار. بەزىدە ۋەتەنسىز سۇلتان بولىدۇ، ئۆزىنىڭ گۆشىگە ئوتۇن بولىدۇ. ۋەتەن ئەسقاتىدۇ ئۆلگەنلەرگىمۇ، نەپىسنىڭ ئوتىدا كۆيگەنلەرگىمۇ، ھەتتا ئوسىمىسىنى سېتىپ خوتۇنىنىڭ، بىر ئۆمۈر تاماشا كۆرگەنلەرگىمۇ. لېكىن ھاقارەتتە قالدى قەبرىسى، تالاي ئاھانەتتە قالدى نەۋرىسى. ۋەتەن ئىمان بىلەن بىر تەن ئەمەسمۇ؟ ۋەتەن ئىمانسىزغا ماتەم ئەمەسمۇ؟                                                    __ ئابدۇقادىر جالالىدىن، "ۋەتەن ۋە ئىمان".

imkan

	ناخشا ئادرېسى: http://www.tudou.com/programs/view/DSngxA4HN20/

isilbala

	نىمە دىگەن ئىسىل يازمىلار بۇ!...ئەمما مېنىڭ يازمىلىرىمغا ئىنكاس يىزىش چەكلەنگەندەك ھىس قىلدىم .مۇنبەر باشقۇرغۇچىللىرىنىڭ ئارسىدا مەن بىلەن قىرشىۋاتقان بىرسى بار،شۇڭا مىنىڭ تىمىلىرىم بەك كىچىكىپ تەستىقلىنىدۇ ياكى تەستىقلەنمەيدۇ .تەستىقلانغانلىرىغا ئىنكاس يىزىش چەكلەنگەن ...       مۇشۇنداق ئىسىل يازمىلىرىڭلار ئۇزۇلمىسۇن !....

mihri

	ياراتمىشتۇر بىزنى خۇدا ۋەتەن ئۈچۈن. جۆيلۇپتۇ،مۇشۇ يىرىنى دىمىگەندە باشقا يىرى ياخشى يىزىلغان ئىكەن.

zial

	تۈزتۈپ قويۇشقا تېگىشلىك بىر   سۆز بار ئىكەن. قاچانغىچە قارنى ئويلاپ ئۆتۈۋېرىسەن ئەمەس، قاچانغىچە قارنىڭ( قوسقىڭ) ئويلاپ ئۆتۈۋېرىسەن دەپ ئالسىڭىز توغرا بولىدۇ.

0998bahar

	ھەممىسى ياخشى شىېرلار ئىكەن. ھەممىمىز ئويلاشقا تىگىشلىك تىما، نىمە قىلدىم ۋەتەن ئۈچۈن؟ ناخشىنى يۇلتۇز ئوسمانىۋا ئىيتىپتۇ،   تەسىرلىك. تىما ئىگىسىگە تەشەككۈر،  ئەھمىيەتلىك تىمىلىرىڭىز ئۈزۈلمىگەي!

altilmachup

	بۇ ئەرەپنىڭ قىلىۋاتقانلىرىمۇ ۋەتەن ئۈچۈن بولسا كىرەك   http://www.torimiz.com/yengiliqlar/article.asp?mid=193

gulqi.biz

	كىمدۇر بىرىنىڭ ۋەتەن دېگەن ئاددىي چىگرا - پاسىللار ئەمەس ، ۋەتەن دېگەن قەلبتە بۇلىدۇ دېگەن بىر سۆزى پەقەتلا ئىسمدىن چىقمايدۇ

uguzhan76

	[quote]بۇ 3قەۋەتتىكىmihri يوللىغان 2011-01-27 15:11 غا قارتىلغان  : ياراتمىشتۇر بىزنى خۇدا ۋەتەن ئۈچۈن. جۆيلۇپتۇ،مۇشۇ يىرىنى دىمىگەندە باشقا يىرى ياخشى يىزىلغان ئىكەن. [u ------------------------------- نىمە ئۈچۈن ياراتتى دىسەك توغرا بۇلار ؟ ھايۋاننى قورساق ئۈچۈن دىسەك بۇلار ، ئادەمنىچۇ؟ ، ھە راس ، ئىبادەت ئۈچۈن دىمەكچىمۇ سىز؟

0998bahar

	بۇ 6قەۋەتتىكىaltilmachup يوللىغان 2011-01-27 17:52 غا قارتىلغان  : بۇ ئەرەپنىڭ قىلىۋاتقانلىرىمۇ ۋەتەن ئۈچۈن بولسا كىرەك   http://www.torimiz.com/yengiliqlar/article.asp?mid=193 altilmachupبىر ئوبدان تىمىغا تىتىقسىز ئىنكاسنى قىستۇرۇپ قويغىنىڭىز ياخشى بولماپتۇ، ھەر قانداق مىللەتنىڭ  بىر قىسىم ناچار ئادەملىرى بولىدۇ لېكىن، ئۇلار كۆپ ساندىكى پەزىلەتلىك، ئەدەب-ئەخلاقلىق ۋە بىلىملىك كىشىلەرگە ۋەكىللىك قىلاممايدۇ.