مەڭزىمدىكى ھىجرانلىق كۆز ياش
خاسىيەت ساملاق
(يالپۇز )
ئازاپ ھىدىغا تۆكۈلگەن كۆز ياش ،
يىڭى يىلدا ئىزدەر ۋىسالنى .
تەنھا ئايغا دەردىنى تۆكۈپ ،
بۇقۇلدىغان ھىجراننىڭ دىغى .
ۋىژىلدىغان شىۋىرغان ئۈنى ،
قۇچاقلايدۇ ۋىسالنى شۇ تاپ .
تىتىرگەنچە سۆيگۈ ھېسلىرى ،
قار ئاستىدا قالدى تەمتىرەپ .
غېرىپلىققا ئېسىلغان كىرپىك ،
تۈن كېچىنىڭ سىرداش ھەمرىيى .
مۇزدەك ھىسىيات ئىچىدە يۈرەك ،
تەنھالىقنىڭ بولدى دىلكىشى .
سىرغىماقتا مەڭزىمنى بويلاپ ،
چىن سۆيگۈگە ئىنتىلگەن ھەسرەت .
قېتىپ قالدى سېغىنىش ئىڭىراپ ،
مۇزلىغاندەك دۇنيامۇ ئەبەت .
غېرىپ يوللار، يىغلار جىگدىلەر ،
يالغۇزلۇقۇمغا ھەمراھ سېغىنىش.
شەپەققە تامان تۇتاش ئېقىنلار،
مەڭزىمدىكى ھىجرانلىق كۆز ياش .
يالپۇز ھەسرىتى
مەنبە : ئۆز قەلىمىم
يوللىغان ۋاقتى 2011-1-26 17:33:37
