مـۇئـەلـلـىـم مـەن(ئاۋازلىق ئەسەر)

yahxilik

	مۇئەللىم مەن (شائىر،مائارىپ تەتقىقاتچىسى،قابىل ئوبزورچى ئەيساجان تۇردى ئاچچىقنىڭ مۇدىر مەن ناملىق ساتىرىك ئەسىرىنى ئوقۇغاندىن كىيىن) مۇھەممەد ئەخمەت جۇدۇن شامۇ-سەھەر غەشلىكتىن باتنايدىغان مالىم مەن، ئازابىمغا كۈلكىنى قاتمايدىغان مالىم مەن. ئىشرەت قوغلاپ ھەرنەپەس قاتنايدىغان مالىم مەن، تۇرسا ئەۋلاد مەپىدە تارتمايدىغان مالىم مەن، شەپەرەڭدەك تۈنمۇ-تۈن ياتمايدىغان مالىم مەن. بېسىپ تۇرغاچ گەجگىدىن تەييارلىقىم رەتمۇ-رەت، ئۇھ دىيىشكە ماجال يوق يىزىلماقتا كۈندە خەت. رەڭ بىرەملەي چىنلىققا كۆرۈنىمەن گاھى سەت، ئەنە شۇنداق يامانكەن دەرد ئۈستىدە ياتسا دەرد، نە قانۇنسىز بۇيرۇقتىن قاچمايدىغان مالىم مەن. بولسا بىزە بوش ۋاقتىم باشلىغۇم بار سەيلىنى، كىملىكىمنى بىلمەيمەن تېپىۋالسام لەيلىنى. بىر قاماقتا ئالىمەن قىيناپ-قىستام مەيلىنى، پىسخىلوگمەن شۇ دەقىق بىلسەم خۇيى پەيلىنى، رەڭلىك دىگەن يەردىمۇ چانمايدىغان مالىم مەن. كىملەر قويغان بىلمەيمەن ماڭا ئاشىق بولۇشنى، سىن بەردىمۇ مۇھەببەت تولۇنئايدەك تولۇشنى. چوققا ئىدى مۇنبىرىم ئويلىسام گەر قۇنۇشنى، ئەۋزەل كۆردۈم ئىشرەتلىك پۇتنى ئۇزۇن سۇنۇشنى، بۇنداق رەزىل ھەۋەستىن يانمايدىغان مالىم مەن. ئۇرۇلغاندەك بولىدۇ خىياللىرىم قىرغاققا، مۇھەببىتىم شەۋكىتىم ساقلىغاندەك قىرغاقتا. ئۈزۈپ بارغۇم بار شۇئان لىكىن جىسمىم ئىلماقتا، چوغ تەپچىگەن باغرىمنى بىر ۋەھىمە تىلماقتا، مانىۋېرغا تۇيغۇمدا قانمايدىغان مالىم مەن. بولۇپ قالدى شۇئارىم كىلە دوستۇم ئىچىمىز! ئاۋۇ نوچى چەككەننى بىزمۇ رەت-رەت چىكىمىز. بور-توزانغا سۆيۈلسەك بىزمۇ ئۆلۈپ كىتىمىز، قىلنى قىرىق يارساقمۇ مالىم بىزنىڭ ئېتىمىز، دەپ سۆرەن سېپ جاھانغا پاتمايدىغان مالىم مەن. ئەركىلىسە ئىزچىلار مېنى يېقىن كۆرۈپمۇ، قوپاللىققا ئالىمەن گاھى قاپاق تۈرۈپمۇ. ھەققىم باردەك بەزىدە قويدۇم ھەتتا ئۇرۇپمۇ، ئوڭ كەلمىسە تەستىكىم سالدىم يەنە چۆرۈپمۇ، ۋىجدانىمنىڭ بېغىنى ئاچمايدىغان مالىم مەن. ئەۋلاد دىمەك خان دىمەك،كەلگۈسىگە جان دىمەك، ئەۋج ئالدى مائارىپتا كۆز چاقنىتار سان دىمەك. قالدى ئۈگدەپ سۈپەتمۇ جان بېقىشقا يان دىمەك، سىرغىغىنى قارچۇقتىن نە ياش بولسۇن قان دىمەك، مىللىتىمگە خۇش پۇراق چاچمايدىغان مالىم مەن.

shabine

	مەن

shabine

	مەن بۇ ئاۋازلىق ئەسەرنى ئوقۇپ شۇنداق تەسىرلەندىم.ئوقۇتقۇچىنى راسلا ياخشى تەرىپلەپ يازغانكەن.ئەمىليەتچىل بوپتۇ.

huxrui

	بۇ شىئرنىڭ مەزمۇنى بەك چۇڭقۇر ، بەك ياخشى يىزلىپتۇ، تەربىۋى قىممىتى بەك چۇڭقۇر ئىكەن.

riyangul118

	بەكلا ياخشى يېزىلىپتۇ،رەخمەت سىزگە.

atikam1

	شېرىنىڭ ھەر-بىر مىسرالىرى ئادەمنى ئويغا سالىدىكەن ،،،،

想你

	ۋاھ    مەزمۇنىنىڭ   شۇنداق مەنىسى بار،،،،،،،،،شۇنچىلىك ئىسىل تىما بوپتۇ  بۇ،،   راسلا ياخشى  چىقىپتۇ.............

bagtemur

	ھەقىقەتەن بىز مۇئەللىملەرنىڭ كۆڭلىگە ياقىدىغان شىئېر بوپتۇ !

parqin126

	مەنىلىك چىقىپتۇ.

gulum2011

	ئەۋلاد دىمەك خان دىمەك،كەلگۈسىگە جان دىمەك، ئەۋج ئالدى مائارىپتا كۆز چاقنىتار سان دىمەك. قالدى ئۈگدەپ سۈپەتمۇ جان بېقىشقا يان دىمەك، سىرغىغىنى قارچۇقتىن نە ياش بولسۇن قان دىمەك، مىللىتىمگە خۇش پۇراق چاچمايدىغان مالىم مەن. مانا بۇ مەزمۇن بىزدەك ئوقۇتقۇچىلارنى ھەقىقەتەنمۇ ئويلاندۇروپ ئويغاتسا بولىدۇ................. قۇلىڭزغا دەرت كەلمىسۇن