ئاتا – ئائىلىنىڭ تۈۋرىكى

yulgun1

	ئاتا – ئائىلنىڭ تۈۋرىكى يۇلغۇن   ئاتىلار – ئائىلنىڭ تۈرىكى ، قۇرالى ، ئائىلىنى قوغداش قوغداش ، گۈللەندۈرۈش ئاتىنىڭ باش تارتىپ بولمايدىغان مەسۇلىيتى ھەم مەجبۇريىتى . بۇ مەسۇلىيەت ھەم مەجبۇرىيەتتىن ئۆزىنى ئېلىپ قاچقان ئاتا روھى جەھەتتىن كاردىن چىققان ، مەنىۋىي جەھەتتىن ئاچارچىلىققا دۇچ كەلگەن ، ئائىلىگە ھېچقانداق ئىللىقلىق ئاتا قىلالمايدىغان لاياقەتسىز ئاتىدۇر . ئائىلىسىنى جان تىكىپ قوغدايدىغان ، ئائىلىسىنىڭ بارلىق ئىشلىرىنى ئۆز ئۈستىگە ئېلىپ كۆتىرىدىغان ئاتا ئائىلە ئەزالىرىغا يۈكسەك دەرجىدە مىنىۋى توقلۇق ئاتا قىلالايدۇ . ئائىلە ئەزالىرىنى ئىتتىپاقلاشتۇرۇپ ، مېھرى – مۇھەببەت ، كۆيۈشتىن بەھرىمەن قىلىپ ، ئۇلغىۋار نىشانلىرى ، ئوتلۇق ئارمانلىرى ئۈچۈن ، بىر ياقىدىن باش ، بىر يەڭدىن قول چىقىرىپ مەردانە ئالغا ئىلگىرلەش يولىدا باشلامچىلىق رولىنى داۋاملىق نامايەن قىلىپ تۇرىدۇ . چۈنكى ، مۇنداق ئاتىلار ئائىلە ، خوتۇن ، بالا ئالدىدىكى مەسۇلىيتىنى ئەركەكلىكنىڭ ئەڭ يۇقۇرى پەللىسى دەپ ، پۈتۈن كۈچى بىلەن مەسۇلىيتىنى ئادا قىلىدۇ . بۇ يولدا مەغرۇر قەدەم تاشلاپ ، غورۇرىغا ، ۋىژدانىغا يات قىلمىشلاردىن ئۆزىنى يىراق تۇتىدۇ ، چىن قەلبىدىن خوتۇن – باللىرىغا كۆيۈنىپ ، ئائىلىنىڭ تۈرلۈك ئېغىرچىلىقلىرىنى يەلكىسىگە ئېلىپ كۆتۈرۈپ ، ئاتىلىق مەسئۇلىيەت ھەم مەجبۇرىيەتنى ھەر قانداق ۋاقىتتا ئېسىدىن چىقارمايدۇ . ئاتانىڭ مەسئۇلىيەتچانلىق بىلەن كۆيىشىدە چوڭ بولغان بالا مەسئۇلىيەتچان ، ئەقىللىق ، سەگەك ،  باشقىلارغا ياردەم بىرىشنى شەرەپ دەپ بىلىدىغان ، مۇستەقىل ياشاش ئېڭىغا ئىگە بولۇپ چوڭ بولىدۇ . ئېرىنىڭ كۆيۈنىشىگە ئىگە بولغان خوتۇنمۇ ساداقەتمەنلىك بىلەن ئېرىنىڭ ئەتىراپىدا پەرۋانىدەك ئايلىنىپ ، ئائىلىنىڭ گۈللەپ ياشنىشى، بالىلارنىڭ غورۇرلۇق ، ئەقىللىق چوڭ بولۇشى  ئۈچۈن توختىماي ئەجىر سېڭدۈرىدۇ . چۈنكى مۇنداق ئايال ئاتا بىلەن ئانىنىڭ بالا ، ئائىلە ئالدىدىكى مەسئۇلىيتى ھەم مەجبۇريىتى تەڭ دەپ قارايدۇ  - دە ، بالىلرىنىڭ مېڭىش – تۇرىشى ، گەپ – سۆزلىرىگە مەسئۇلىيەتچانلىق تۇيغۇسى بىلەن دىقەت قىلىدۇ . بۇنداق خوتۇنلارغا ئۆيلەنگەن ئەرلەر دۇنيادىكى ئەڭ بەخىتلىك ئەرلەردۇر . خوتۇندىن كۆڭلى سۇ ئىچىدىغان ئەر لاياقەتلىك ئاتا بولالايدۇ . لاياقەتلىك ئاتا بالىلىرىنىڭ قەلبىگە ئەدەپ – ئەخلاق ئېڭىنى ، مىللىي غورۇرنى سۆز – ھەركىتى ئارقىلىق سىڭدۈرۈپ بارىدۇ . بۇنداق ئاتىلار قانچە كۆپ بولسا ، مىللىتىمىزنىڭ ساپاسى شۇنچىلىك يۇقۇرى بولىدۇ . ئاتا – ئائىلىنىڭ تۈىكى . شۇنىڭ  ئۈچۈن ئۇ ھەر ۋاقىت ، ھەر زامان ئادەمدەك ياشىشى ، ئكزىنى بىلىشى ، قەدىرلىشى ، شۇنداقلا ھاياتىغا ، ئائىلىسىگە ، خوتۇن – بالىلىرىغا ، ئۆزىنىڭ ھەم ئۇلارنىڭ كەلگۈسىگە ۋىجدانىي يۈكسەكلىكتە مەسئۇل بولۇشى كېرەك . مەسئۇلىيەتچان ئاتا نام – شۆھرەت مەنپئەت ، راھەت – پاراغەت ، ئەيىش – ئىشرەتلەرنى ئائىلىنىڭ ئۇلىنى كولايدىغان كەكە ، كەتمەن دەپ ، شەرم – ھايا ، ئېتقاد  ، مېھرى – شەپقەت ، مۇھەببەت ، ۋاپا – ساداقەت ، ئاق كۆڭۈللۈك ، كۆيۈمىنى ئائىلىنىڭ يىمىرىلمەس ئۇلى دەپ بىلىدۇ . بالىلىرىنىڭ ياراملىق ئادەم بولۇپ چىقىشى ئۈچۈن ، ئۇلارغا ئىنسانىي پەزىلەتلەر جەھەتتىن داۋاملىق ئۈلگە بولىدۇ . ئاتا كۆيۈمچان ، مېھرىبان ، مەسئۇلىيەتچان بولسا ، ئائىلە ئىللىق ماكانغا ئايلىنىدۇ . ئىللىق ماكاندىكى بالىلار ياراملىق چوڭ بولىدۇ . ئىللىق ماكاندىكى ئەزالار بىر نىيەت – بىر مەخسەت بىلەن ئۆزىنىڭ بەخىت – سائادىتى ، پارلاق كەلگۈسى ئۈچۈن مۈرىنى – مۈرىگە تېرەپ كۈرەش قىلىدۇ . شۇنداق ، << كېمىگە چىققانلارنىڭ ئارزۇ – ئۈمىدى بىر – دە ! >> ئاتىنىڭ پەرزەنتلىرىگە قىلىپ بىرىدىغان ئەڭ چوڭ .ىشى ئانىنى ئۇلۇقلاش ، جان تىكىپ ئائىلىنى قوغداش . مانا بۇ نوقىتىنى تونۇپ يىتەلىگەن ئاتىلار ھەقىقى ئاتىدۇر . ئائىلە – ئىنساننىڭ ئەڭ كىچىك ۋەتىنى . ۋەتەننى سۆيمىگەن ، ئائىلىسىگە ، ئائىلە ئەزالىرىغا مۇھەببىتىنى بىرەلمىگەن ، مەسئۇل بولالمىغان ئاتا ئەڭ لاياقەتسىز ئاتا ، بۇنداق ئاتىلاردىن ئۆمۈد كۈتۈشكە بولمايدۇ . ئائىلە ئەزالىرىغا ھەقىقىي كۆيۈنىپ ، قويۇق بولغان مېھرى – مۇھەببەت مۇھىتى بەرپا قىلىپ ، ئەخلاق – پەزىلەتكە ، ۋاپا – ساداقەتكە تويۇنغان ، بەخىتلىك ئائىلە قۇرۇپ چىقىش يولىدا ھاردىم – تالدىم دېمەي ، ھالال تەر تۆكۈپ كىلۋاتقان ئاتا ئائىلىنىڭ تۈرىكىدۇر . بۇنداق تۈۋرۈككە ئىگە بولغان ئائىلىنىڭ بۈگۈنى تولىمۇ شاد – خورام ، كەلگۈسى پارلاق ھەم نۇرلۇق بولىدۇ .

arslan

	ئاتا- بىر ئۆينىڭ، بىر ئائىلىنىڭ، بىر ئىجتىمائىي توپنىڭ، ھەتتا بىر مىللەت، دۆلەت ۋە دۇنيانىڭ تۈۋرۈكى، ئۇلار سىز كۆكتە يانغان قۇياشمۇ نۇر چاچمايدۇ، ئۇلار سىز گۈلشەن باغلىرىمىز قۇچاق ئاچمايدۇ.

tunji

	سىز ماقالىڭىزدىكى ئىملا خاتالىقىغا قانداق قارايسىز؟

qongtirak

	بۇ تىمىنى ياخشى يوللاپسىز،بەزىبىر مەسئۇلىيەتسىز ئاتىلار ئۇقۇپ ئۇزى ھەققىدە ياخشىراق ئويلىنىپ باقسا بولغۇدەك!

tomoquk

	دادىنىڭ قانداق دادا بولۇش ئۈچۈن تەييارلاشقا تىگىشلىك بولغان شەرىتلىرىنى ئوتتۇرىغا قويۇپ سىز. دادا قانداق بولسا ئوغلى شۇنداق بولىدۇ.چوقۇم دادىسىغا قاراپ ئەرگە تىگىش كىرەك!

zulhumar

	مەيلى جەمئىيەتتە بولسۇن ياكى ئائىلىدە بولسۇن يۈكسەك مەسئۇلىيەتنى ئۈستىگە ئالغان ئاتا پەرزەنتلىرى ھەم ئائىلىنىڭ تۈۋرىگى بولۇپ ، ھەر ۋاقىت مەسئۇلىيەتچانلىق تۇيغۇسى ھەم قايسەر روھى بىلەن بىر ئاتىلىق مەجبۇرىيىتىنى ئادا قىلىدۇ ، لېكىن ھەممىلا ئاتلار ئۇلۇغ ئاتىلار دىگەن تەرىپلەشكە لايىق بولىۋەرمەيدۇ ، ھازىر جەمئىيەتتە بىر ئاتىلىق شەنىگە داغ چۈشۈرۈپ ، ئاتىلىق مەجبۇرىيىتىنى ئادا قىلالمايۋاتقان مەسئۇلىيەتسىز ئاتىلارمۇ يوق ئەمەس ..............