ئەرلىك مەسئۇلىيەت نەدە؟

saba

	تۇرمۇشتا ئۇچراپ تۇرىدىغان ئانچىكى ئىشلار بەزىدە كىشىنى ئويلاندۇرسا،بەزىدە ئازاپلايدۇ.يېقىندا ئاڭلىغان بىر نەچچە ئېغىز گەپ مىنى ئويلاندۇرۇپ قويدى. تۇنۇشقىلى ئۇزۇن بولمىغان بىر ئاغىنەم بىر سورىندا ھال-كۈننى ئېيتىپ:ھازىر تۇرمۇشىم خېلى ياخشى،ئۆيدە خوتۇن،بالىلىرىمنى ئوبدان بېقىپ ئەرلىك مەسئۇلىيىتىمنى ئادا قىلىۋاتىمەن،شۇنچىلىك قىلسام بۇلار،يەنە باشقا ئىشقا جۇۋاپ نىمە قىلاي،دېدى.بۇ ئۇنىڭ ئۆزىنى چوڭ كۆرسەتكىنىۇمۇ ياكى ئۆزىگە تەمەننا قويغىنىمۇ بىلمىدىم.ھەر ھالدا،بۇ سۆز خاتا ئەمەس ئىدى،چۈنكى ئاتا-ئانىسىغا ۋاپادارلىق كۆرسىتىشتە يوق،ئۇلارنى زار-زار قاقشىتىۋاتقان،ئازغىنە مال- دۇنيانى دەپ قېرىنداشلىرىغا قارا ساناۋاتقان،خوتۇن-بالىلىرى بىلەن كارى يوق ئەيىش-ئىشرەت كوچىلىرىدا ئەلەڭلەپ يۈرىۋاتقان،ئازراق پۇل تاپسا كۆرەڭلەپ جاھانغا پاتمايۋاتقان،ھەشەمەتچىلىك قىلىپ ئىسىل ئەنئەنىلەرنى كۆزگە ئىلمەيۋاتقان ،روھى زەئىپ بەزى ئەرلەرگە سېلىشتۇرغاندا ،ئۇ ھەقىقى ئەر ئىدى.ئەمما ئەرلىك مەسئۇلىيەتنىڭ زادى نىمە ئىكەنلىكىنى ھەقىقەتەنمۇ ئويلىنىشقا تىگىشلىك ئىش. ئەرنىڭ مەسئۇلىيىتى نىمە؟ دەرۋەقە،بۇ سۇئالغا ئائىلىنى ئوبدان بېقىش،ئايالى،بالىلىرىنىڭ ئېھتىياجىنى قامداش ،ئۇلارنى باشقىلارنىڭ ئالدىدا بويۇن قىستۇرماسلىق ،ئائىلىسىگە ۋاپادار،سادىق بۇلۇشتىن ئىبارەت.دەپ جاۋاپ بەرسەك خاتا بولايدۇ،لىكىن،ھەقىقى بىر ئەر ئۈچۈن بۇلا كۇپايا ئەمەس.كونىلاردا:ئەرنىڭ غېمى-ئەلنىڭ غېمى .دەپ ناھايىتى توغرا ئيتقان.مۇشۇ نوقتىدىن قارىغاندا ،ئەرلەنىڭ جېنىنى،ئائىلىسىنى بېقىپ كىتەلەيدىغان قابىلىيەت بولغاندىن باشقا،ئاتا-ئانىسىغا ۋاپادارلىق يەتكۈزەلەيدىغان،غۇرۇر-ۋىجداننى ھەمىدىن ئەلا بىلىدىغان،ئۆز يۇرتى،خەلقى،ۋەتىنى  ئۈچۈن جان كۆيدۈرەلەيدىغان،ئۆز بەختى ئەل-يۇتنىڭ ئىستىقبالىدىن ئىزدەيدىغان گۈزەل ئەخلاق ،دۇرۇس نىيەت،ئالىجاناپ قاراش ۋە قەيسەر خاراكتىر بۇلۇشى كىرەك.مۇشۇنداق ئەرلەرنى مەسئۇلىيەت ئېڭى كۈچلۈك ئەر،دىيىشكە بۇلىدۇ. ئەرنىڭ يەنە بىر مۇھىم مەسئۇلىيىتى شۇكى،پەرزەنتىنىڭ ئېتقادى پۇچەك،مەسئۇلىيەت ئېڭى تۈۋەن ،شەرم-ھايانى بىلمەيدىغان،ئەجداتلارنىڭ نامىنى بۇلغايدىغان ناكەس،چۈپىرەندىلەردىن بۇلۇپ قېلىشتىن ساقلاپ ،ئۇلارنى ئادەملىك ئوبرازىنى،نۇرلاندۇرىدىغان،يۇرتى ۋە يۇتداشلىرى پەخىرلىنىدىغان ئەقىلىق،باتۇر،ئەخلاقلىق،مېھرىبان،ئۆم،مېھماندوست،قولىدىن ئىش كېلىدىغان قىلىپ تەربىيلەپ چىقىشتىن ئىبارەتتۇر.

samran

	ئەرلىك مەسئۇلىيەت، خوتۇن-باللىرىنى  ئاتا ئانىلىرنى يۇرت مەھەلىلرىنى ۋەتەن مىللىتىنى رازى قىلىشتا؛

er^tugh

	نۇرمۇھەممەت ئۆمەر ئۇچقۇن ئەپەندىمنىڭ < كۆزۈڭنى ئاچ ، ئۆزۈڭنى تاپ ئەركەكلەر > دىگەن كىتابىنى ، ساقال - بۇرۇت چېققان بارلىق ئاكا - ئېنى تورداشلارنىڭ ئەستايىدىل بىر ئوقۇپ چېقىشىنى كۈچلۈك تەۋسىيە قىلىمەن ... قىلىمەن ... قىلىمەن...

arman1002

	ئەرلىك مەسئۇلىيەت __  تورداشلار  دېگەندەك،  ئالغان ئايالىغا ،تاپقان پەرزەنتلىرىگە مەسئۇل بولۇش، ئاتا-ئانىسىغا ۋاپادار بولۇش بىلەن بىرگە، ئالدى بىلەن دىنى ئىتىقادىغا ،مىللى ئۆرپ-ئادەتلىرىگە شۇنداقلار ئائىلە ئەخلاقىغا ،جەمىيەت ئەخلاقىغا مەسئۇل بولۇشتا. دېسەم  گەپ تولىدەك تۇرىدۇ ،

Mehrinaz

	چوڭ ئاچام توي قىلىپ چىقىپ كەتكەندىن كىيىن يولدىشىنى ئۆچ كۈرۈپ قالغان ئىدىم . چۈنكى ئۇ كىچىك ۋاقىتلىرىم بولغاچقا ، ئاچامنى بىزدىن ئايرىۋەتتى دەپ ھەر قىتىم ئۆيگە كەلسە ، كۆرۈشمەي تەتۈر قاراپ تۇرۋالاتتىم . چوڭ بولغانسىرى تۇرمۇشنى چۈشەندىم . ئاكىلىرىمنىڭ ئاتا - ئانامغا ، ئايالىغا شۇنداقلا ئەتراپتىكى ئاجىزلارغا ياردەم قولىنى سۇنىشىدىن پەخىرلىنەتتىم . كىيىن ئالىي مەكتەپكە كەلگەندىن كىيىن ، ئاچامنىڭ يولدىشىنىڭ قانچىلىك ئىسىللىقىنى ، كىچىكلىكىمدە ئۇ ئاكامنى خاتا ئەيىپلىگىنىمدىن تولىمۇ كۈلگۈم كىلىدۇ . ئۇ ئائىلىدە ياخشى بىر ئەر ، ئىدارىسىدا نەمۇنىلىك كادىر ، سىرتتا نامسىز مىھرىبان ئاتا . شۇ ئاكامنىڭ ھازىرغىچە قانچىلىغان يىتىم - يىسىر ، نامرات بالىلارنى ئوقۇتۇپ ، خىزمەتكە چىقارغىننى مەنمۇ ھەتتا ئۆزىمۇ دەپ بىرلمەسلىكى مۇمكىن . ئۆزىنىڭ خىزمىتى شۇنچە ئالدىراش بولسىمۇ ، يەنىلا ۋاقىتنىڭ ئىچىدىن ۋاقىت چىقىرىپ ئەنە شۇنداق نامرات ، يىتىم ، ئاجىزەلەرنى يوقلاشنى ئۇنتۇپ قالمايدۇ . لىكىن ئۇلارغا قەتئىي ئۆزىنى كۆرسەتمەيدۇ ھەم بىلدۈرمەيدۇ . گەرچە مىليون پۇلى بولسىمۇ لىكىن يەنىلا شۇنچىلىك تەمكىن ، شۇنچىلىك كەمتەر . ھەممىدىن بەك خۇشال قىلدىغىنى ئاچامنى ئۆيدە ئولتۇرغۇزۇپ قويغىنى بىلەن لىكىن سىرتتا بىرە قىزغىمۇ كۆز قىرىنى سالغىننى بىلمەيمەن . خۇداغا شكرى . ئەرنىڭ مەسئۇلىيتى پەقەت خوتۇن باللىرىنىلا بىقىش ئەمەس بەلكى جەمىيەتنىمۇ تەڭ بىقىش . لىكىن ھازىر بۇنداق ئەرلەر ساناقلىقلا قالدى .

xapkat888

	ئەرلىك مەسئۇلىيەتنى ئادا قىلىپ، ئائىلە ئىناقلىقىنى ساقلاپ، پەرزەنىتلىرىمىزنى ياراملىق قىلىپ تەربىيلەيلى!