ئۇيغۇرچە ئۇسسۇل ئويناشنى بىلەمسىز

مۇبارەك

	ھەجەپ مودا بولغان مۇشۇ پىلاستىنكا بىر چاغلاردا، دادام ئۆيگە كېلىپلا ئاڭلايتتى. ئۇيغۇر خەلق ناخشىلىرى بەك يېقىملىق، كىشىنىڭ ئاڭلىسا ئاڭلىغۇسى كېلىدۇ...

tomoquk

	بۇ 5قەۋەتتىكىtikan يوللىغان 2011-01-13 15:58 غا قارتىلغان : ھازىرقى ياشلار ئۇسسۇل ئوينىسا خۇددى ماشىنىنىڭ رولىنى باشقۇرۇۋاتقاندەك،غەلىتە ئوينايدىكەن،بۇمۇ بىر خىل مودا بولسا كېرەك،لېكىن ئۆزىمىزنىڭ ھەقىقىي خاسلىققا ئىگە بولغان ئۇسسۇلىمىزنى غەلىتە قىلىپ ئۆزگەرتىپ قويسا قانداق بولار دېگەننى ئويلاپ قويۇش كېرەكتى... ھەراست،تېما ئىگىسى ۋە باشقا تورداشلار ئۇسسۇل دېگەن خەتنى ئۇسۇل دەپ يېزىپ قويۇپسىلەر، ئۇسۇل بىلەن ئۇسسۇلنىڭ مەنىسى تۈپتىن ئوخشىمايدۇ، ئۆزگەرتىۋالغايسىلەر. كۈلۈپ ئۆرۈلۈپ كەتتىم.راس مەنمۇ نەچچە ياشلارنىڭ تويىغا بارغان،قىزلار شۇنداق چىرايلىق سەھنىنى پىقىراپ ئوينايدىكەن،بەللىرىنى تولغاپ،ئوغۇللار ئوتتۇرىدا چۆگۈلەپ سىز دىگەندك رو ل باشقۇرىۋاتقاندەك  ئوينايدىكەن .توۋا........ چوڭ تويلاردىغۇ سورۇن ئاياللارنىڭلا......ئەرلەر ھاراق ئىچىپ ماكچىيىپ ئولتۇرغان.......

bayawan

	ئېسىل يەرلىك ناخشا ، مۇڭ بىر چاس ئۇسسۇل ھاردۇقۇمنى چىقىرىۋەتتى .

nijad

	ئۇسسۇل  دىگەن  نەرسىنى  قەتئى  چۈشەنمەيمەن  ، ئۇسسۇلدىن  ھۇزۇرلىنىدىغان  ئىلمىنىت كەمچىل  ئوخشايدۇ  مەندە .

alip28

	راست، ئۇيغۇر ئۇسسۇلىنى ، ناخشا مۇزىكىلىرىنى ھېچنىمىگە تەڭ قىلمايمەن مەن ...   ئالىي مەكتەپنىڭ ئۈچىنچى يىلى مەكتەپتە خەلىقئارالىق مەدەنىيەت ئالماشتۇرۇش پائالىيىتى بولغان ئىدى  ، كۈندۈزى مەكتەپنىڭ چوڭ مەيدانىدا مەكتىپىمىزدىكى چەتئەللىك ئوقۇغۇچىلار ئورۇنلاشتۇرغان ئۆز دۆلىتىنىڭ مەدەنىيىتىنى تەشۋىق قىلغان كۆرگەزمىدەك بىر پائالىيەت بولدى ، كەچتە چەتئەللىك ئوقۇغۇچىلارنىڭ سەنئەت پائالىيىتى بارلىقىنى ئاڭلاپ نەچچىمىز شۇ كۆرگەزمىدىن يېنىپلا مەكتەپ كۇلۇبىغا قاراپ ماڭدۇق،  بارساق كىرىش ئىشىكىنىڭ ئالدىدا خەنزۇ ئوقۇغۇچىلارنىڭ شۇنچىلىك ئۇزۇن ئۆچىرىتى ،  " بۇ ئۇزۇن ئۆچىرەتتە قاچان نۆۋەت كېلەر " دەپ ئەتراپقا قارىساق يان ئىشىكتىن چەتئەللىك ئوقۇغۇچىلار بىخارامان كىرىپ - چىققىلى تۇرۇپتۇ ، ئىشىك توسىدىغانلارنىڭمۇ ئۇلار بىلەن كارى يوق،(لېكىن خەنزۇ ئوقۇغۇچىلارنى كىرگۈزگىلى قويماپتۇ )  بۇنى كۆرۈپ ، " جۈرۈڭلار ئاغىنىلەر ، يان ئىشىكتىن كىرىمىز " دەپ شۇ چەتئەللىك بالىلار بىلەن بىر قاتاردىلا كىركەتتۇق، توسقۇچىنىڭمۇ كارى بولمىدى....    شۇنداق قىلىپ ئويۇنمۇ باشلانغان بولدى ،  كۆپىنچىسى شەرقى جەنۇبىي ئاسىيادىكى ، ئافرىقىدىكى ،  يەنە ئاز ساندىكى ياۋروپالىق ،ئامېركىلىقلارنىڭ ، تۈركىيەلىكلەرنىڭ نۇمۇرلىرى ئىكەن ... ھەممىدىن ھوزۇرلىنىپ كۆرگىنىم تۈركىيە بىلەن ياۋروپادىكى بىر قانچە دۆلەتنىڭ بولغان ئىدى، شۇ   نۇمۇرلارنى كۆرۈپ نېمىشقىدۇر ئۇيغۇر ناخشا - مۇزىكىسى ، ئۇسسۇللىرى كۆز ئالدىمغا كېلىۋالدى ، كۆرۈۋاتقان نۇمۇرلار بىلەن سېلىشتۇرغۇم كەلدى ، باشقىلارنىڭكىنى چۈشۈرگۈم ئەمەس، شۇ ۋاقىتتىلا سەنئىتىمىزنىڭ نەقەدەر قەدىرلەشكە ئەرزىيدىغانلىقىنى تېخىمۇ بىلىپ يەتتىم.

oyqan.uyghur

	مەن ئۇسسۇل دېگەننى پەقەت بىلمەيمەن،ئۆگىنەي دىسەممۇ ئۆگىنەلمىدىم.ساما ئۇسسۇلىنى چوڭ ئاكاشلاردىن تىل ئىشتىپ تۇرۇپ ئازىراق ئۆگەنگەن.ئۇسسۇلغا پۇت-قولۇمنىڭ پەقەت قولاشمايدىغىنىغا ئۆزۈممۇ بەك ھەيران.

tomoquk

	ئۇسۇل ئوينايمەن دەپلا ئوينىغىلى بولىدىغان تەنھەركەت ئەمەس دە! خەخنىڭ ئاغزىدىن <ئۇيغۇر مىللىتى ئايىغى چىقىپلا ئۇسۇل ئويناشنى بىلىدۇ.تىلى چىقىپ ناخشا ئىيتىشنى بىلىدۇ >دىگەن سۆزنى ئاڭلاپ كۈلگۈم كىلىدۇ!ئۇسۇلنى ئىچ ئىچىدىن قايناپ ئوينىيالىسا ئوينىسا بولىدۇ، ئىلمان قىزىقچىلىق بىلەن ئوتتۇرىغا چۈشۈپ مازلىشىپ قالمىغان ياخشى.

bargiya

	ئەلكۈيىدە مەشرەپ ئۆتكۈزۈلسە ھەممىمىز مىللىچە كىيىملەرنى كىيىشىپ قاتناشقان بولساق،بەرگىيە ئۇزۇن كۆينەكلىرىنى لەپىلدىتىپ قوللىرىنى ئىگىز كۆتىرىپ تۇرۇپ ئۇسسۇل باشلاپ بەرسە كىم بېقىشىپ ئوينايدۇ؟؟ [s:2] تازا بېقىشىپ ئوينىيالايدىغانلار چۈشۈڭلار ھە مەن ئۇسسۇلغا راستىنلا ئۇستا

tomoquk

	ئىنكاسلاردىن قارىغاندا باياۋان ئوينايدىغاندەكلا قىلىدۇ جۇمۇ بەرگىيا

alip28

	بۇ 17قەۋەتتىكىbargiya يوللىغان 2011-01-14 12:13 غا قارتىلغان  : ئەلكۈيىدە مەشرەپ ئۆتكۈزۈلسە ھەممىمىز مىللىچە كىيىملەرنى كىيىشىپ قاتناشقان بولساق،بەرگىيە ئۇزۇن كۆينەكلىرىنى لەپىلدىتىپ قوللىرىنى ئىگىز كۆتىرىپ تۇرۇپ ئۇسسۇل باشلاپ بەرسە كىم بېقىشىپ ئوينايدۇ؟؟ [s:2] تازا بېقىشىپ ئوينىيالايدىغانلار چۈشۈڭلار ھە مەن ئۇسسۇلغا راستىنلا ئۇستا    مەنمۇ خېلى ئۇستا ئۇيغۇرچە ئۇسسۇلغا جۇمۇ بەرگىيە ھەدە، ئەگەر سىز قوللىرىڭىزنى ئېگىز كۆتۈرۈپ ئوينىسىڭىز مەن چوقۇم بېقىشىپ ئوينىيالايمەن ....  ئەلكۈيىدە شۇنداق بىر مەشرەپ بولۇپ قالسا بىرىنچى بولۇپ سىزنى تاتسام بولامدۇ؟