پۇل بولمىسا ...

bayawan

	پۇل بولمىسا ... روزى سايىت پۇل ئەجەپ نەرسە ، چاتاق ، پۇل بولمىسا ، يوق مەئىشەت ، نام-ئاتاق ، پۇل بولمىسا ، كەڭ جاھانمۇ تار ، دوزاخ ، پۇل بولمىسا ، تۇتمىقىڭ تەس ئۆي-ئوتاق ، پۇل بولمىسا ، كونا تاملىقتا قوناق (1) پۇل بولمىسا . بولسا پۇل ، ھاجەتلىرىڭ مەقبۇل سېنىڭ ، بولسا پۇل ، قالمايدۇ ئىگىنىڭ جۇل سېنىڭ ، گۈل سېنىڭ ، بۇلبۇل سېنىڭ ، دۇلدۇل سېنىڭ ، بەزمە-مەشرەپ ، توي سېنىڭ ، مەرغۇل سېنىڭ ، يۈرگىنىڭ شۇ ئاچ قورساق پۇل بولمىسا . پۇل بىلەن كۆكلەيدۇ ئالەم سەبزە رەڭ ، پۇل بىلەن ئۇ مەيدە قاقسا ، بۇ كۆرەڭ ، بولسا پۇل ، بار « قارىي قۇرئان » دا سۈرەڭ ، كىمنى پۇل تۇرغۇزدى جىم ، كۆر ،شوخ ، تېرەڭ ، كۆز چاپاق ، چېھرىڭ ئاۋاق ، پۇل بولمىسا . « بولسا پۇل ، جاڭگالدا شورپا » بەزىدە ، « پۇلغا رۇستەم قۇل » شۇ پۇلنىڭ قەرزىدە ، بەزىلەرنىڭ باغرى خۇن پۇل دەزىدە ، پۇل ساقايىتقاي بولسا دەرھال نە زېدە ، كولىماي گۆر –تاقاق ، پۇل بولمىسا .. « پۇل –پۈچەك –قەغەز » پەقەت رەڭدار نېمە ، « ئىت يېمەيدۇ بەرسە شۇنداق » خفر نېمە ، ھەجىمى ئالىقانچە ، كۈچى داڭدار نېمە ، شۇڭا پۇل كىمدە ، قىلۇر ھالدار نېمە ، ھەر قەدەمدە مىڭ توسۇق ، پۇل بولمىسا . كۆرگىنە تاڭ سېڭغا پۇلسىز « نوم » قېنى (2) ؟ بەردىمۇ « نوم » ، قانچە قىلدى غوم ، قېنى ؟ نۇشىرۋانمۇ (3) بولسا يانچۇق توم ، قېنى ، ۋارقىراپ باققانمۇ ئامغا بوم (4)  قېنى ؟ نەدە نەپ ، ھەرقانچە باق ، پۇل بولمىسا ؟ پۇل نەكويغا سالمىدى نۇرغۇنلىنى ، ئەقلىدىن ئازدۇردىغۇ « تۇيغۇن » لىنى ، دەل شۇ پۇل « مىزان » غا ماس –ئۇيغۇنلىنى ، قىلدى رەت ، جىم قويمىدى « تۇرغۇن » لىنى ، بولدى يوللۇقلار مازاق ، پۇل بولمىسا . دوسىتنى دۈشمەن ، يارنى يات ئەتتى شۇ پۇل ، بىرنى موھتاج ، بىرنى شاد ئەتتى شۇ پۇل ، بىرنى قامچا بىرنى ئات ئەتتى شۇ پۇل ، مۈشكۈلاتنى قاتمۇ-قات ئەتتى شۇ پۇل ، سۆيگۈگە يەتتى سىناق ، پۇل بولمىسا . پۇل تالاي پۇلپەزنى شۈك ئۇخلاتمىدى ، پۇل چۈشەپ كۈندۈزمۇ جۆيلۈپ ياتمىدى ، تاپتى پۇل ، ئىنساپنى بىللە تاپمىدى ، بىرنى ئون قىلسام دېدى ، قۇت ئاتمىدى (5) ، كەتتى پانىيدا ساياق ، پۇل بولمىسا . پۇل تۈپەيلى قان چېچىشتى نەچچىلەر ، پۇلنى دەپ جان بەردى كۆپ بايۋەتچىلەر ، ساتتى پۇل كۆزلەپ ئىمان بۇ بەچچىلەر ، « ئېسىت ! » دېيىشتى مويسىپىت ھېكمەتچىلەر : ھەي بۇ پۇل...ھېچكىم ئاڭا قۇل بولمىسا ! پۇل تېپىپ ، پۇل تاپمىغانلار ، ‹تۈف › ساڭا ! پۇل تېپىپ ، پەر قاقمىغانلار ،‹تۈف › ساڭا ! پۇل يېقىپ ، ئەل ياقمىغانلار ،‹تۈف › ساڭا ! پۇل بېقىپ ، ئەل باقمىغانلار ،‹تۈف › ساڭا ! كۆرىمىز ئالەم ئۇزاق ،پۇل بولمىسا . پۇلنى تاپ ، خەجلە كېرەمدەك كەڭرى سەن ، يول ياسا ، مەكتەپ ياسا ، تۈر يەڭنى سەن ! گەر تاسادىپ پۇل تۈگەپ ، بىبەھرى سەن ، ئەل پاناھىغا ئالار بىجەبرى سەن ، ئەستە تۇرسۇن بۇ ساۋاق ، پۇل بولمىسا . پۇلى بار ئۆكتەمنى گالدار ئاقلىغان ، پۇلى بار بەتنامنى ھەم بار ياقلىغان ، كىمكى پۇلدار مەيلىچە نايناقلىغان ، بولما زىنھار پۇل بىلەن ئويناقلىغان ، تاپ كامال ، چاچ خۇشپۇراق ، پۇل بولمىسا ! پۇل مۇھىم ، پۇلدىن مۇھىم دىل ئاقلىقى ، ئاقمىغاي پۇلنىڭ بېشەم ،ھايتاقلىقى ، كىم دۇرۇس يولدا بېيىپتۇ پاكلىقى ، رىزقى پاكقا بار ئاۋام ئامراقلىقى ، ساتما ۋىجدان ، سات قىياق ، پۇل بولمىسا ! ‹ ئىشىكنى ئاچماق › تىن غەرەز ئالماشتۇرۇش ، ( ئالغۇ-بەرگۈ ) ...سودىنى قاملاشتۇرۇش ، يول تېپىش ھەم پۇل تېپىشتا شاش تۇرۇش ، يۇرتنى دۇنيا ۋەزنىگە يانداشتۇرۇش ، ياندىشىش تەس ، ھەممە ۋاق پۇل بولمىسا !...» بىر ھېسابتا پۇل دېگەن شۇنداق نېمە ، ئەمما پۇلنى تەكتى ھەل قىلغۇچ دېمە ، كىم زېرەك ، ئاقىل ، شۇنىڭ پۇل ، غەم يېمە ، قويغۇسى پۇلسىز سېنى تەرسىز تەمە ، تاپقۇسى كىم ئەقلى ساق ، پۇل بولمىسا . نا ئۈمىد قويماس ھالال قىلغان كىرىم ، يول راۋان بولسا ، نېنىڭ قالماس يېرىم ، ئەتىنى كۆزلەپ بۈگۈن تىكتىڭ جىرىم ، پۇل ئاشۇ ! كۆپ قالمىدى-قىلدىڭ كىرىم، ئۆز كۈچۈڭدە ئىشىكنى قاق ، پۇل بولمىسا . گەپمۇ بار « پۇل تاپقۇچە يۈز تاپ » دېگەن ، « يۈز » دېمەك –ئابرۇي ، ئىناۋەت ، بىل ، ئۆگەن ، نەپسى شەيتان تۆكمىسۇن يۈز ، سال يۈگەن ، ھەق-ھالاللىق بىرلە توشسۇن زەر لېگەن ، باشقىنى قىل « ئۈچ تالاق ! » پۇل بولمىسا . پۇل نىجىس ، پۇل كىر-ھارام ، ياق ، پۇل –ئىمان ، پۇل مۇھەببەت ، پۇل ئوزۇق ، ياق ، پۇل سامان ، پۇل دېگەن غەم ، پۇل تۇزاق ، ياق ، خانىمان ... قانچە قىلغىن پۇل نەزەردە بار ھامان ، « قاغىمۇ قىلمايدۇ ‹قاق... › ، پۇل بولمىسا » . بولسا يول داغداملىقى ، ئادىل تۈزۈم ، تۇرسا قاشتاش ھەم گىلەم ، مەشۇت ، ئۈزۈم ... پۇل تېپىشچۈن يول تاپار ، بۇ ھەق سۆزۈم ، راسىتنى يازدىم ئىلچىلىك بولغاچ ئۆزۈم ، ئىشقا ئاشقاي بۇ بۇداق ، پۇل بولمىسا . پۇل ، قېنى  ئېيىتقىنچۇ ،كار-بارىڭ نېمە ؟ شادلىقىڭ قانداق ، يەنە زارىڭ نېمە ؟ بىرلا گەپ قىل : بىزگە ئىزھارىڭ نېمە ؟ ھەمدىمىڭ ، يارىڭ ۋە ئىنكارىڭ نېمە ؟ تاپقۇلۇق ، بىل ، سەن سىياق پۇل بولمىسا ! مەنبە-روزى سايىتنىڭ « ئانا تىلىم-زەر تىلىم » ناملىق كىتابى ئىزاھلار : (1)    –قوناق-قونالغۇ ، ئۆتەڭ (2)    « غەربكە ساياھەت »  ناملىق تېلىۋېزىيە تىياتىرىدا ئامىتا بۇددانىڭ ئالتۇن جامغا نوم دەستۇرلىرىنى ئالماشتۇرغانلىقى كۆزدە تۇتۇلىدۇ . (3)    ئېيتىلىشىچە ، نۇشىرۋان شاھنىڭ ئالدىغا سوۋغاتسىز كىرگەن ئام (پۇقرا ) چىرايلىق كۆرۈنمەيدىكەنمىش (4)    ئام-پۇقرا (5)    قۇت ئاتمىدى –بەخت يەتكۈزمىدى ، ئەسقاتمىدى (6)    ھايتاق-كەپسىز ، باشباشتاق

izchilar

	پۇل دىگەن زادى ياخشى نەرسە ئەمەس،بولدى پۇلدىن زىرىككەنلەر ماڭىلا بىرىپ قۇتۇلىڭلار

waris

	گەپمۇ بار « پۇل تاپقۇچە يۈز تاپ » دېگەن ، « يۈز » دېمەك –ئابرۇي ، ئىناۋەت ، بىل ، ئۆگەن ، نەپسى شەيتان تۆكمىسۇن يۈز ، سال يۈگەن ، ھەق-ھالاللىق بىرلە توشسۇن زەر لېگەن ، باشقىنى قىل « ئۈچ تالاق ! » پۇل بولمىسا . ھەقىقەتەن ياخشى يېزىلغان شېىركەن، شائىرنىڭ قەلىمىگە دەرت كەلمىگەي. پۇلنىمۇ تېپىش كېرەك،(توغرا يول بىلەن) پۇل ئۈچۈن ئادىمىيلىكتىن چىقىپ كەتمەسلىك كېرەك.

abdurxit29

	ھازىرقى ئىشلارنى مۇ ئالدىن كۆرۇپ يىزۋاتقان ئىكەن بۇ شېئر نى

alakap

	خاخاخا

otyak

	بۇ جاھاندا پۇلمۇ بولمىسا بولمايدىكەن. پۇلنىڭ كەينىگە تولا كىرىپ كىتىشمۇ توغرا ئەمەس. پۇل ئادەمنى ئازدۇرىدۇ. ياخشى يېزىلغان شېئىر.

parqin126

	ياخشى شېئىر بۇ مەن بىرقېتىم كىتاپتا ئوقۇغان مەن رۇزى سايىت ئاكىنىڭ شېئىرلىرىنى ياقتۇرۇپ ئوقۇيمەن. داۋاملىق يوللاپ تۇرۇڭ! كۆپ رەھمەت.

zulmat520

	رەھمەت  ،ئەھمىيەتلىك  تىما  يوللاپسىز

uygurkizliri

	پۇلدا گۇناھ  يوق   گۇناھ  ئىنساندا    ئەگەر پۇللار ئۆز جايىغا  ئىشلىتىلگەن بولسا جەمئىيەتتە  يامان ئىشلار  ئەۋج  ئىلىپ كەتمەيتتى   نۇر غۇن  بالىلار كوچا-كويلاردا سەرگەردان  بولمىغان. يامان يوللاردا ماڭمىغان  بولاتتى  شۇڭا  مىنىڭ ئۇمىدىم ئەيىش-ئىشرەت .كەيپ-ساپاغا  خەجلەيدىغان  پۇللارنى ئاتا-ئانىلارغا   . يوقسۇزلارغا خەجلىسەك  ياخشى  بولارمىكىن دەيمەن

soldat

	پۇلنى ھالال تەر بىلەن كۆپلەپ تېپىش كىرەك، جايىغا ئىشلىتىش كىرەك. «دەسمايىسىز سودا» با!!!!!!!!!!!!!!!!!!!!!!!!!!!! http://www.jahan.biz/forum.php?m ... mp;amp;fromuid=6180 پۇلغا دۈم چۈشكەن، ئۆزىنى گۇمران قىلىدۇ.