قىزچاق خاتىرىسىدىكى كەچمىشلەر

yaprah0999

	قىزچاق خاتىرىسىدىكى كەچمىشلەر (گۈلۈم-ئاتئال) [align=justify]بۇ ئۇنىڭ ئالىي مەكتەپتە ئوقۇۋاتقان چاغلىرى ئىدى، كەچلىك تەكراردىن قايتىپ ياتاق بىناسىغا تۇتىشىدىغان ئالما دەرەخلىرى ئارىسىدىكى شۇ تار يولدا ماڭدى...مېنىچە ئالىي مەكتەپ ھاياتىنى باشتىن كەچۈرگەن ھەرقانداق بىر كىشى بۇنداق تار يوللارنىڭ تەكراردىن كىيىنكى شۇ ۋاقىتلاردا مۇھەببەتلەر مەيدانىغا ئايلىندىغانلىقىنى بىلسە كېرەك...گەرچە ئۇ يالغۇز بولسىمۇ يەنىلا شۇ يولدا ماڭدى، ياتاق بىناسىغا كېلەيلا دەپ قالغاندا تۇيۇقسىز دەرەخ ئارىسىغا ياسالغان دۈگىلەك ئورۇندۇقتا ئولتۇرغان يىگىت بىلەن قىزغا قاراپ سالدى، گەرچە بۇ يەر سەل قاراڭغۇ بولسىمۇ ئەمما ئاي شولىسىدا ئۇ كۆلەڭگە ئۇنىڭغا خۇددى تونۇشتەكلا تۇيۇلدى-دە يۈرىكى ئەنسىز سېلىپ كەتتى. ئەمما تازا ئىنىق بىلەلمىگەچكە يولىنى داۋام ئەتتى ۋە ئۆزىگە ياق، ياق ئۇ بولىشى مۇمكىن ئەمەس دەپ پىچىرلىدى كەينىگە قايتا بىر قاراشقىمۇ پىتىنالماي تېز-تېز مېڭىپ ياتاققا كىرىپ كەتتى بىراق ياتاققا كىرىپ پەقەتلا ئولتۇرالماي قالدى چۈنكى بىر مۇدھىش قول ئۇنىڭ يۈرىكىنى تاتىلاۋاتقاندك ئۇنى بىئارام قىلاتتى، ئۇ ئاخىرى يەنە ياتاق بىناسى ئالدىغا چىقىپ ئۇنىڭ زادى كىم ئىكەنلىكىنى ئىنىق بىلىپ بېقىش قارارىغا كېلىپ ياتاقتىن چىقتى ئەمما قېلىن ئالما يوپۇرماقلىرى ئۇلارنى توسىۋالغاچقا يەنىلا ئىنىق كۆرەلمىدى، ئۇنىڭ كۆڭلى ئۇ يەردە تۇرغان شۇ دەپ شەپە بەرسىمۇ بىراق ئىچىدە ئۇ بولۇپ قالمىسىدى دەپ ئاللاھقا نىدا قىلدى. دەل شۇنداق دەككە-دۈككە خىياللاردا تۇرغاندا ئۇنىڭ خىيال كەپتىرى ئۇنىڭغا ئىچ ئاغرىتتىمۇ بۇ ئىشلارنى ئۇنىڭغا ئىنىقلاپ بەرمەكچى بولۇپ ئالما دەرەخلىرى ئارىسىغا قاراپ ئۇچتى ھەم ئۇلارنىڭ بېشىدىكى بىر شاخقا بېرىپ قوندى. توۋۋا توۋۋا....سەن ئەينى ۋاقىتتا ئۇنىڭغاا قىلغان شۇ شېرىن-شېكەر سۆزلىرىڭ، قىزغىن مۇئامىلەڭ ئارقىلىق يىنىڭدىكى قىزنى توختىماي كۈلدۈرۋاتاتتىڭ ، بىلمەپتىكەنمەن سەن نىمىدىگەن دورامچى ھە؟ ھەتتا ئەينى ۋاقىتتا ئۇ ساڭا قىلغان سۆزلەرنىمۇ ئەينەن پېتى يىنىڭدىكى قىزغا دەۋاتىسىەنغۇ؟ سەن نىمىدىگەن دۆت، يوپۇرماق ئۈستىدىكى بىر تامچە سۈزۈك سۇنى قىزغا قاراڭ شەبنەم دەپ كۆرسەتتىڭ، بۇ كېچىدە يوپۇرماقتا نىمە قىلغان شەبنەم ئۇ؟ ؟؟ بىلسەڭ ئۇ خىيال كەپتىرى ئۇنىڭ ئۈچۈن تۆككەن كۆز يېشى... كەپتەر خېلى ئۇزۇن سىلەرنىڭ شېرىن سۆھبىتىڭلارنى تىڭشاپ يەنە ئۇنىڭ يىنىمغا قايتىپ كەلدى ،"ئۇ" ئەمدىلا كۆرگەن-ئاڭلىغانلىرىنى ماڭا بايان قىلماقچى بولۋىدى سىلەر ئورنۇڭلاردىن تۇرۇپ ياتاق بىناسى ئالدىغا قاراپ كەلدىڭلار-دە دەل ئۇنىڭ ئۇدۇلىدا توختدىڭلار ،ئۇنىڭ كۆزلىرى سېنىڭ شۇ ھېيلە-مېكىر بىلەن ، ئالدامچىلىق تولغان كۆزلىرىڭ بىلەن ئۇچراشقاندا كۆز ئالدى بارغانچە غۇۋالىشىپ ئىككى تامچە ياش مەڭزىنى بويلاپ سىرغىپ چۈشتى، سەن بۇ كۆزلەرگە داۋاملىق قاراشقا پېتىنالمىدىڭمۇ دەرھال كۆزۈڭنى ئەپ قاچتىڭ ۋە يىنىڭدىكى قىزغا ئالاق-جالاق قارىدىڭ-دە يەنە ئۇنىڭغا قىلچە خىجىل بولمىغان ھالدا بىخارامان تىكىلدىڭ،قانداقتۇر بىر كۈچ ئۇنى ياتاققا كىرىپ كېتىشكە سۆرىدى ،ئۇچقاندەك كرىپ كەتتى.قالغان ئىشلاردىن ئۇ خەۋەرسىز... توۋۋا ،ئەي قىزچاق نىمە ئۈچۈن ياش تۆكىسەن؟ئاشۇنداق بىر ھېيلىگەر تۈلكە سېنىڭ ياش تۆكۈشۈڭگە ئەرزىمدۇ؟ دەل شۇ چاغ ئۇنىڭ بايىقى خىيال كەپتىرى ئۇنىڭغا تەسەللىي بەردى: "ھەي ئەخمەق قىز نۆۋىتى كەلگەندە سەن ھەقىقىي ياش تۆكۈشكە تېگىشلىك ئالدىڭدا نۇرغۇن ئىشلار بار ،سەن ئەنە شۇلارغا ياش تۆككىن، بۇنداق ئەرزىمەس ئىشلار ئۈچۈن ئۆزۈڭنى ئارتۇقچە ئاۋارە قىلىپ كۆز يېشىڭنى ئىسراپ قىلما. سەن ئۇنىڭدىن مەمنۇن بولىشىڭ كېرەك ،چۈنكى سەن ئۇنىڭ بىلەن ئۇچرىشىش ئارقىلىق مۇھەببەت بىلەن نەپرەتنى، يالغانچىلىق بىلەن راستچىللىقنى،سەمىمىيەت بىلەن رەزىللىكنى تېخىمۇ ئىنىق ئايرىيالغۇدەك تەجىرىبە-ساۋاققا ئىگە بولدۇڭ" دىدى. ئۇ ئويلىنىپ قالدى، بىردىنلا كاللىسىغا ،مەن بۇ يەرگە نىمە قىلغىلى كەلدىم؟ ھازىرقى ۋەزىپەم نىمە؟ توغرا ھاياتنىڭ يوللىرى ھامان ئەگرى -توقاي بولىدىغۇ، ھاياتنىڭ قىززىقىمۇ دەل شۇ ئەگرى -توقايلىقتا ئەمەسمۇ؟ مەن يەنە ياشىشىم كېرەك، ئەتىكى قۇياشنى خۇش تەبەسسۇمىم بىلەن كۈتىۋىلىشىم كېرەك دىگەن خىياللار كەلدى. كۆڭلىدە : رەھمەت ساڭا، رەھمەت مېنىڭ خىيال كەپتىرىم، خەيرى بۇ كۈنلەرمۇ ئۆتۈپ كېتەر خوش ئەمسە مېنىڭ كونا دوستۇم ، بەخىتلىك بول دىگەنلەرنى پىچىرلىدى. قىزچاقنىڭ بۇ كەچمىشلرى ئالىي مەكتەپ باسقۇچىدا تۇرۋاتقان ھەر بىر قىز-يىگىتلەرنى قايتا بىر ئويلاندۇرسىكەن دىگەن ئۈمۈدتىمەن. توغرا بولغان مۇھەببەت قارىشىنى ھەرقانداق ئادەم قوللايدۇ ئەمما ھەرقانداق بىر كىشىنىڭ شۇنداق چىن مۇھەببەتكە ئېرىشىشى تەس ، ساختا كۆڭۈل خۇشى كىشىگە ئاقىۋەت ئازابتىن باشقا نەرسە ئېلىپ كېلەلمەيدۇ ...شۇڭا شۇنداق بىر كەچمىشنى باشتىن كەچۈرگەنلەرگە قايسى بىر روماندا ئوقۇغان مۇنۇ قۇرلارنى ھەدىيەقىلغۇم كېلۋاتىدۇ... __مەن مۇھەببەنتى قەدىرلەيمەن، چۈنكى ئۇنىڭغا نۇرغۇن نازۇك ھېسياتلىرىم ، پاك تۇيغۇلىرىم، نۇرغۇن ئەقىدىلىرىم ، ۋاقتىم، ئىرادەم سىڭگەن، مەن مۇھەببەتنى قەدىرلەيمەن بىراق ئۇنىڭغا قارغۇلارچە چوقۇنۇشنى ،ئاجىزلارچە چوقۇنۇشنى خالىمايمەن، ھەرگىز خالىمايمەن... مەن چىدايمەن، ھەممىگە چىدايمەن، جەزمەن ھەممىنى بۆسۈپ كېتىمەن. سەن مېنى زادى ياخشى كۆرمىگەن ، چىن قەلبىڭدىن سۆيمىگەن ئىكەنسەن، ياخشى كۆرگۈ چى ئەسەبىيلەرچە يەنىلا مەن ئىكەنمەن شۇنداقمۇ؟ شۇ تاپتا سېنى كەچۈرگىنىمنى ياكى ساڭا نەپرەتلەنگىنىمنى بىلمەيمەن . __ئاڭلا، بىزنىڭ ئوقۇغۇچىلىق ھاياتىمىزغىمۇ خاتىمە بېرىلىدۇ، ھايات مېنىڭ يېڭى قەدەم ئېلىشىمنى كۈتىۋاتىدۇ. ئەلۋىدا مېنىڭ سەبىي سۆيگۈم، ئەلۋىدا ئۇنتۇلماس ئايدىڭ كېچىلەر... مەنبە : گۈلۈم-ئاتئال يازمىلرى 2007-يىلى 6-ئاينىڭ 7-كۈنى پەيشەنبە.

ikbala

	بۇ تېمىدا بىر قىسىم ئالى مەكتەپ ئوقۇغۇچىلىرىنىڭ تۇرمۇشى ئەينەن ئىپادىلىنىپتۇ.........              ئۇلار ئوز مەجبۇرىيىتىنى ئۇنتۇپ قالمىسا بولاتتى.

gul-qiman

	*قاشقا سانىساڭ كۆزگە ،   كىشىگە سانىساڭ ئۆزگە. قىزلارنىڭ كۆڭلى بىلەن ئوينىشىدىغانلار ھامان بىر كۈنى ئۆزىنىڭمۇ باشقىلار تەرىپىدىن ئوينىلىپ قالىدىغانلىقىنى ئويلاپ باقمامدىغاندۇ ؟ بۇ بىر ئۆتنە جاھان ، باشقىلارنىڭ كۆڭلىگە ئازار بەرگەنلەر ھامان بىر كۈنى مۇناسىپ جازاسىنى تارتىدۇ .

pariay

	بۇنداق ئەرزىمەس ئىشلار ئۈچۈن ئۆزۈڭنى ئارتۇقچە ئاۋارە قىلىپ كۆز يېشىڭنى ئىسراپ قىلما. سەن ئۇنىڭدىن مەمنۇن بولىشىڭ كېرەك ،چۈنكى سەن ئۇنىڭ بىلەن ئۇچرىشىش ئارقىلىق مۇھەببەت بىلەن نەپرەتنى، يالغانچىلىق بىلەن راستچىللىقنى،سەمىمىيەت بىلەن رەزىللىكنى تېخىمۇ ئىنىق ئايرىيالغۇدەك تەجىرىبە-ساۋاققا ئىگە بولدۇڭ! مۇشۇنىڭغا ئوخشىشىپ كىتىدىغان سۆزلەرنى مەن بۇرۇن بىر دوستۇمغا دەپ تەسەللى بەرگەنىدىم ،بەزى ئادەملەرنىڭ ھىيلە مىكىرلىرى تويدىن بۇرۇن ئاشكارە بولغىنى قارشى تەرەپنىڭ تەلىيى .

marya

	قىزلار سىلەر بىر ھىكىمەتنى ئونتۇپ قالماڭلار<<ھىچكىم مىنىڭ كۆز يىشىمغا تۆكشكە ئەرزىمەيدۇ،مىنىڭ كۆز ياش تۆكشكە ئەرزىيدىغان كىشى مىنىڭ كۆزىمدىن ياش تۆكۈزمەيدۇ>>...

erkay

	قايسىبىر ۋاقىتتا مۇنداق بىر قىسقا پارچىنى ئوقۇغىنىم ئېسىمدە، سىزنى ياش تۆكتۈرگەن كىشى ئۈچۈن قايغۇرىشىڭىز بىھاجەت، چۈنكى سىزنى ياخشى كۆرگەن ئادەم سىزنى ياش تۆكتۈرمەيدۈ. دېمىسىمۇ مۇشۇ گەپ تولىمۇ توغرا ئېيتىلغان جۇمۇ......

kanhor

	بىرسىنى كەچۈرگىنىنىمۇ نەپرەتلەنگىنىنىمۇ بىلمەسلىك تەپەككۇرىنىڭ تۇرمۇزلانغانلىقى،قارشى تەرەپنىڭ "مەن"نىڭ قەلپ دىيارىنى لەرزىگە سالغانلىقنى چۈشەندۈرىدۇ.ئەمەلىيەتتە بىر ئادەمدە بىرسىگە يا مۇھەببەت پەيدا بولىدۇ ياكى نەپرەت پەيدا بولىدۇ. يا كەچۈرىدۇ ياكى نەپرەنلىنىدۇ.بۇ نوقتىدىن ئالغاندا "مەن:نىڭ يازمىلىرى قىپ قىزىل يالغان توكۇلما خىالاس.زىيان تارتقىنى يانىلا قىز چۈنكى قىز نىڭ ئەلۋىدا ئايدىڭ كىچىلەر  ئەلۋىدا سەبىي سۆيگۈم دېگەن نسۆزلىرىگە ھەسرەت، نادامەت پۇشايمان،ئازاپ يۇشۇرۇنغان.شۇڭا قىزلار بىرەرسى بىلەن ئارلاشماقچى بولغاندا،ھىسسسىياتىنى ئەقىل بىلەن كونتۇرۇل قىلىشى،تاتلىق سۆز-ۋەدىلەرگە ئالدىراپ ئىشىنىپ كەتمەسلىكى باشقىلارنىڭ سۆيگىنىگە ئېرىشكەندە ئەشۇ سۆيگۈنىڭ ئارقىسىغا قانداق مەقسەتلەرنىڭ يۇشۇرۇنغانلىقىنى ھىسسىيات كۆزى بىلەن قارىماستىن ئەقىل كۆزى بىلەن قارىشى لازىم .شۇ چاغدىلا كىيىنكى پۇشايماننىڭ ئالدىنى ئالغىنى بولىدۇ.