ئىككىلەنمەڭ ، مۇھەببىتىڭىزنى ئىزھار قىلىڭ!

noperfect

	بۇ يازمىنى تورداشلار بىلەن ھەمبەھىرلەنگۈسى بار ، لىكىن توردا مەشغۇلات قىلىشقا ئانچە پىشىق بولمىغان بىر دوستۇمنىڭ ھاۋالىسى بويىچە يوللىدىم . ھوزۇرلانغايسىزلەر ! --------------------------------------------------------------------------- بۇرۇن بىر يىگىت بولغان ئىكەن ،ئۇ ساقايماس راك كىسىلىگە گىرىپتار بولۇپ قاپتۇ .ئۇ ئەمدىلا 18 ياشقا كىرگەن بولۇپ ،ھەرقاچان ئۆلۈپ كىتىش خەۋىپى بار ئىكەن .ئۇ تاكى 18 گە كىرگىچە ئۆيدە ئانىسىنىڭ ھالىدىن خەۋەر ئىلىشى ئارقىلىق ھايات كەچۈرىدىكەن .ئۇ ئۆزىنىڭ كىسەللىك سەۋەبى بىلەن سىرىتلارغا چىقىپ باقماپتۇ ،لىكىن ئۆزىنىڭ بىر قىتىم چىقىپ ئايلىنىپ كىلىش ئارزۇسى بار ئىكەن .شۇنىڭ بىلەن ئۇ ئانىسىدىن رۇخسەت سوراپ سىرىتقا ئۆزى يالغۇز چىقىپتۇ . ئۇ ئاستا مىڭىپ دۇككانلار بار كوچىغا كىرىپتۇ .ئۇ مىڭىپ-مىڭىپ بىر پىلاستىنكا دۇككىنىنىڭ ئالدىدىن ئۆتۈپ كىتىۋىتىپ قىزىقىپ دۇككاننىڭ ئىچىگە كىرىپتۇ ،دۇككاندا ئۆزى دىمەتلىك بىر گۈزەل قىزنى كۆرۈپتۇ ،ھەمدە بىر كۆرۈپ ئاشىق بىقارار بوپتۇ ،ئۇ باشقا ھىچ نەرسىگە قارىماي ئۇ قىزغا تىكىلىپلا قاپتۇ ،ھەمدە ئىختىيارسىزلا ئۇ  قىزنىڭ ئالدىغا بىرىپ قاپتۇ .ئۇ قىز يىگىتنى كۆرۈپ ‹‹سىزگەياردىمىم كىرەكمۇ ؟›› دەپتۇ .ئۇ گۈزەل قىز شۇنداق بىر ئىللىق تەبەسسۇم قىپتۇكى ئۇ يىگىت ئەس-ھۇشىنى يوقۇتۇپ قويغىلى تاسلا قاپتۇ ،ھەم ئۇ قىزنى شۇ تۇرىقىدىلا سۆيىۋالغۇسى كەپكىتىپتۇ . ئۇ مەخسەتسىزلا بىر تال پىلاستىنكىنى قولىغا ئىلىپ -‹‹ئا....ئى......ھىم......مەن بۇ پىلاستىنكىنى سىتىۋالاي دىگەنتىم ››دەپتۇ يىگىت دۇدۇقلىغان ھالدا . -‹‹خالىسىڭىز مەن بۇنى سىزگە ئوراپ بىرەي ››دەپتۇ قىز بايىقىدەك ئىللىق تەبەسسۇم بىلەن . يىگىت تىڭىرقاپ تۇرۇپ قاپتۇ ،قىز پىلاستىنكىنى ئىلىپ ئوراپ يىگىتكە بىرىپتۇ ،يىگىت پىلاستىنكىنى ئىلىپ دۇككاندىن قايتىپ چىقىپتۇ . شۇنىڭدىن كىيىن يىگىت ئۇ قىزنى كۆرۈش ئۈچۈن ھەر كۈنى ئاشۇ دۇككانغا بىرىپ بىر تال پىلاستىنكا سىتىۋالىدىغان بوپتۇ،ئۇ قىزمۇ ھەرقىتىم پىلاستىنكىنى ئوراپ بىرىدىكەن ،يىگىت پىلاستىنكىىنى ئۆيىگە ئاپىرىپ ئىشكاۋىغا يىغىۋىرىپتۇ . يىگىتنىڭ ئۇ قىزغا كۆڭلىنى شۇنداق ئىزھار قىلغۇسى بار ئىكەنۇ لىكىن تارتىنچاقلىقى سەۋەبىدىن كۆڭۈل ئىزھار قىلىش پۇرسىتىنى تاپالماپتۇ .مۇشۇ مەزگىللەردە ئانىسى ئۇ يىگىتنىڭ بۇ ئىشىنى سىزىپ قاپتۇ ھەمدە يىگىتنى ئىلھاملاندۇرۇپتۇ ،شۇنىڭ بىلەن ئەتىسى يىگىت پۈتۈن ئىرادىسىنى يىغىپ قىزنىڭ ئالدىغا بىرىپتۇيۇ ئۇ قىزنى كۆرىشى بىلەنلا تەييارلىۋالغان گەپلىرىنى ئۇنتۇپ يەنە بىرتال پىلاستىنكا سىتىۋىلىپ دۇككاندىن قايتىپ چىقىپتۇ  . ھەي.....!بۇقىتىم يەنە مەغلۇپ بوپتۇ ،لىكىن ئۇ دۇككان ئالدىدا خىلىۋاققىچە تۇرۇپتۇ ،ئاخىرى ئۇ پۇرسەت كۈتۈپ قىز دىققەت قىلمىغان پەيتتە بىر باغاقچىگە ئۆزىنىڭ ئىسمى ،تىلىغۇن نۇمۇرى ۋە كۆڭۈل ئىزھارىنى يىزىپ قىزنىڭ ئالدىدىكى ئۈستەلگە تاشلاپ قويۇپ چىقىپ كىتىپتۇ ،لىكىن قىز بۇنى تۇيۇپ قاپتۇ . جىرررررررىڭ !بىر كۈنى يىگىتنىڭ ئۆيىنىڭ تىلىفۇنى سايراپتۇ . - ‹‹ياخشىمۇسىز ››دەپتۇ يىگىتنىڭ ئانىسى . تىلىفۇن ھىلىقى قىزدىن كەلگەن ئىكەن . -‹‹سىزنىڭ تىخى خەۋىرىڭىز يوقمۇ ؟ئۇ تۈنۈگۈن ئالەمدىن ئۆتتى ››دەپتۇ يىگىتنىڭ ئانىسى يىغلاپ تۇرۇپ .قىزچاق يىگىت ئۈچۈن يىغلاپ-قاخشاشنىڭ ئورنىغا گەپ-سۆزسىزلا تىلىفۇننى قويىۋىتىپتۇ . بىر مەزگىللەردىن كىيىن يىگىتنىڭ ئانىسى ئوغلىنى سىغىنىپ ئۇنىڭ ياتاق ئۆيىگە كىرىپتۇ .ئۇ ھەممە نەرسىگە بىرەر قۇر قاراپ چىقىپ ئىشكاپنىڭ ئالدىغا كەپتۇ ،ئىشكاپنىڭ ئىشكىنى ئىچىپ قاتار-قاتار ،رەت-رەت تىزىلغان ئوراقلىق پىلاستنىكىلارنى كۆرۈپ ھەيرانلىق بىلەن ئۈستىدىكى بىرسىنى ئىلىپ چۇۋۇپ كۆرۈپتۇ ،پىلاستىنكىنى ئىچىۋاتقاندا ئىچىدىن بىرتال كىچىك باغاقچە يەرگە چۈشۈپتۇ ،ئۇ باغاقچىنى ئىلىپ ئىچىدىكى مۇنۇ سەھىپىلەرنى ئوقۇشقا باشلاپتۇ : -‹‹ياخشىمۇ سىز ،مىنىڭچە سىز بەك كىلىشكەن ئىكەنسىز ،مەن بىلەن دوست بولۇشنى خالامسىز ؟ سىزنى ياخشى كۆرۈپ ؛ جوسىلىن ›› . يىگىتنىڭ ئانىسى ئىغىر خۇرسىنىپ يەنە بىر پىلاستىنىكىنى ئىچىپ كۆرۈپتۇ ،ئىچىدە يەنىلا ئوخشاش باغاقچە چىقىپتۇ .ئۈچىنجى ،تۆتىنجى ،بەشىنجى .........پىلاستىنكا ،ھەممىسىلا ئوخشاش . ئاھ ! پۇشايمان .نىمىشقىمۇ دادىلراق بولمىغانسەن يىگىت !؟ شۇنداق .مۇھەببەت بولسا دادىللىقنى ،تەشەببۇسكارلىقنى ۋە ئىرادىنى تەلەپ قىلىدۇ .ياخشى كۆرسىڭىز قورقماي كۆزىگە تىكىلىپ تۇرۇپ ‹‹مەن سىزنى ياخشى كۆرىمەن ››دىيەلىسىڭىز ئويلىمىغان نەتىجىلەرگە ئىرىشىپ قالىسىز ! قىنى ئەمسە سىناپ بىقىڭ !!!

iltabir

	ھەر قانداق ئىشقا جۈرئەتلىك بولۇش كېرەك ، نەتىجىسى مەيلى قانداق بولسۇن سىناپ بېقىش زۆرۈر. ( ئاللا تەۋەككۈلچى بەندىسىنى ياخشى كۆرىدۇ !)

gunes

	مەن تخى تۈنۈگۈن مۇشۇ قارارنى چىقارغان ئىدىم ،مەيلى رەت قىلىناي قىلىنماي ،ھەتتا بىرسىنى سېغىنغان بولسام ئۇ قانداق قاراشتا بولسۇن ،ھېسياتىمنى يوشۇرمايمەن بۇندىن كىيىن .مەلۇم كۈنلەردە دەۋالاي دىسىمۇ ھېسياتىنى دىگىلى بولمايدىكەن . [s:2]

playboy

	توغرا ئوغۇل بالادىگەن قېلىنراق بولغىنى ياخشى

izchilar

	مەن چوقۇم شۇنداق قىلىمەن خاتىرجەم بولۇڭ!

holababy520

	Asim  Yildirim    -- gec  kalmiyin

nazi412

	ھەي ئىسىت !! بەلكىم يىگىت ئۆلۇپ كىتىدىغىنىنى بىلگەنلىكى ئۇچۇن مۇھەببىتىنى ئىزھار قىلمىغان بولىشى مومكىن !!بولمىسا ئوغۇللار ئۇنداق ئىشلاردا بوش كەلمەيدۇ !!!

arslan

	مېنىڭچە، قىزلارنىڭ ھەممىسى ئۆچكە يېغى!       ئەمما قىزلارنىڭ كۆپىنچىسى بەك ئەدەپلىك، يۇسۇنلۇق، <<ئەرباب>>لارنى ياقتۇرۇپ كەتمەيدۇ.   مېنىڭچە، ئوغۇللار دادىل بولۇشى، ئاندىن كېيىن مەسئۇلىيەتچان بولۇشى كېرەك. ئىشلارنى دادىل، ئادىل بېجىرىشى، ئۆزىگە بېسىم قىلىۋالماي، قارشى تەرەپنىڭ ئالدىدا ئۆزىنىڭ ئىززىتىنى ساقلاشنى بىلىشى كېرەك.

sat喜欢

	بەك ئېزىپ تاشلىدىغۇ بۇ يۇرەكنى ~  دادىلراق بولايلى ~بولمىسا ئالدىمزدىكى بەخىتنى قاچۇرۇپ قۇيىمىز

孤独

	شۇنداق، ئۇغۇل بالادىگەن ھەرقانداق ئىشتا دادىل يۇرەكلىك بۇلۇشى كىرەك. بولمىسا ئاخىرادا زىيان ئۇزىگە. قانداق دىدىم     [s:2]