301- يول ئاپتوبۇسىنى ساقلاشنىڭ ئازابىنى سىزمۇ تارتىۋاتامسىز؟

bashkatip

301 - يول ئاپتوبۇسى، سېنى يەنە قانچىلىك  ساقلايمىز
(مۇخبىرىمىز ئىمىنجان داۋۇت)

[align=justify]
ئۈرۈمچى شەھىرىدە 135 كوچا ئاپتوبۇس لىنىيەسى بار، بۇ لىنىيەلەردە قاتناۋاتقان 3899 ئاپتوبۇس ئۈرۈمچى شەھەرلىك ئاممىۋى قاتناش گۇرۇھى، «جېنباۋ» ئاممىۋى قاتناش شىركىتى بىلەن ئۈرۈمچى «شىڭشېڭ» ئاممىۋى ئاپتوبۇس شىركىتىدىن ئىبارەت ئۈچ چوڭ شىركەتنىڭ باشقۇرۇشىدا بولۇپ، ئۈرۈمچىدىكى ھەر مىللەت خەلقى ئۈچۈن مۇلازىمەت قىلىدۇ. بۇنىڭ ئىچىدە، ئۈرۈمچى «شىڭشېڭ» ئاممىۋى ئاپتوبۇس شىركىتىنىڭ باشقۇرۇش دائىرىسىدە 301-، 914-، 902-، 911-، 21-، 10-يول قاتارلىق 14 ئاپتوبوس لىنىيەسى بار.

«شىنجاڭ تەڭرىتاغ تورى»نىڭ 2007-يىلى 31-ئىيۇلدىكى خەۋەر ئىستونىدا ئۈرۈمچى شەھىرىدە 301-يول ئاپتوبۇسىنىڭ قاتنىغانلىقى توغرىسىدا «ئۈرۈمچىدە تۇرۇشلۇق مەلۇم قىسىمدىكى ئوفىتسېر-ئەسكەرلەرنىڭ شەھەرگە كىرىپ-چىقىشىغا قۇلايلىق يارىتىش ئۈچۈن، 1-ئاۋغۇستتىن باشلاپ <خېشۈن گۈللۈكى> بىلەن <بالىلار كەنتى> ئارىلىقىدا 301-يول ئاپتوبۇسى قاتنايدۇ»، دەپ خەۋەر بېرىلگەن ھەم ئەتىسىدىن باشلاپ 301-يول ئاپتوبۇسى قاتناشقا باشلىغانىدى. 301-يول ئاپتوبۇسى ئاشۇ كۈندىن باشلاپ، «داۋان» دېگەن ئومۇملاشتۇرۇلغان نام بىلەن ئاتىلىدىغان بۇ رايوندىكى يېڭىدىن قۇرۇلغان ياكى قۇرۇلۇۋاتقان «خېشۇن»، «چىڭداۋ» قاتارلىق مەھەللىلەردىكى ھەر مىللەت ئاممىسىغا زور قۇلايلىق يارىتىپ بەرگەنىدى.
  ھازىر «داۋان» شىمالىي يولىدا 61-،10-،44-،29-، 901-،908-،يول ئاپتوبۇسلىرىنىڭ ئاخىرقى بېكەتلىرى تەسىس قىلىنغان، بۇ يولدىن يەنە 801-،919-يول ئاپتوبۇسلىرى ئۆتىدۇ. بۇ رايوندىكى «خېشۈن»،«چىڭداۋ»،«جىنكۇن»، «گېلىن چۈنتيەن»،«تۈمەن ئالتۇن كۆۋرۈك»،«خېڭچاڭ»، قاتارلىق مەھەللىلەردىكى ئاممىنىڭ 301- يول ئاپتوبۇسىغا ئېھتىياجى چۈشىدۇ. بۇ مەھەللىلەردىن يەنە 302-، 308- يول ئاپتوبۇسلىرى ئۆتسىمۇ، ئەمما لىنىيە پەرقى چوڭ، شۇنداقلا «داۋان» شىمالىي يولىدىكى ئاپتوبۇسلارغا ئولتۇرۇش ئۈچۈن ئۈچ بېكەتتىن ئارتۇق يول يۈرۈشكە توغرا كېلىدۇ. شۇڭا بۇ مەھەللىلەردىكى ئامما ئۈچۈن، يەنىلا 301-يول ئاپتوبۇسى مۇھىم ئورۇندا تۇرىدۇ.
　　
لېكىن، بۇ مەھەللىلەردىكى ئامما ئۈچۈن 301-يول ئاپتوبۇسىغا ئولتۇرۇش باش ئاغرىتىدىغان ئىشقا ئايلاندى. بولۇپمۇ، ئىشقا بېرىپ-كېلىشتە چوقۇم 301-يول ئاپتوبۇسىغا ئولتۇرىدىغانلار، تېخىمۇ مۇھىمى، مەكتەپكە بېرىپ-كېلىدىغان ئوقۇغۇچىلار ئەتىگەن-كەچلەردە، قار-يامغۇرلۇق، ئىسسىق- سوغۇق كۈنلەردە بولسۇن، يەنىلا 301-يول ئاپتوبۇسىنى تاقەتسىزلىك، ئامالسىزلىق بىلەن ساقلاشقا مەجبۇر بولماقتا. ئىشقا بېرىپ-كېلىشتە 301-يول ئاپتوبۇسىغا ھەركۈنى ئىككى قېتىم ئولتۇرىدىغان دائىملىق يولۇچى بولۇش سۈپىتىم بىلەن، مېنىڭمۇ 301-يول ئاپتوبۇسىنى ساقلاشنىڭ «تەمىنى تېتىمايدىغان» كۈنۈم ئاساسەن يوق. يەنى ھەر كۈنى مەيلى باش بېكەت «خېشۈن گۈللۈكى» بېكىتىدە بولسۇن ياكى باشقا بېكەتلەردە بولسۇن، 301-يول ئاپتوبۇسىنى ئاز دېگەندىمۇ يېرىم سائەت ساقلايمەن. ئۇنىڭ ئۈستىگە، 301-يول ئاپتوبۇسى ئاز بولغاچقا، «خېشۈن گۈللۈكى» بېكىتىدىن قوزغىلىپ، بىر نەچچە بېكەت ماڭا-ماڭمايلا ئاپتوبۇس ئىچى تىقما-تىقما بولۇپ كېتىدۇ. بۇنداق چاغدا ناھايىتى تەستە كەلگەن ئاپتوبۇسقا چىقىشمۇ مۇمكىن بولماي قالىدۇ. 301-يولدا قاتنايدىغان ئاپتوبۇسلار نېمىشقا شۇنچە ئاز بولىدۇ؟

بۇ ھەقتە مەن بىر نەچچە شوپۇردىن ئەھۋال ئىگىلىدىم. ئۈرۈمچى «شىڭشېڭ» ئاممىۋى ئاپتوبۇس شىركىتىدە ئۇزۇن يىل ئىشلەپ دەم ئېلىشقا چىققان ئەركىن ئەپەندى مۇنداق دېدى: بىر ھەپتە ئىلگىرى ئوغلۇمنى 301-يولنىڭ ئاپتوبۇسىنى ھەيدەشكە ئەكىلىپ بەرگەندىم. ئەمما، ئۇ ئۈچ كۈن ھەيدەپلا بولدى قىلدى، شىركەتكە تۆلىگەن زاكالەت پۇلىنىمۇ ئالمىدى. «نېمىشقا ھەيدىمەيسەن» دېسەم، «يولدا ماشىنا كۆپ، يول تار، خىزمەت ۋاقتىمۇ بەك ئۇزۇنكەن، بەك چارچاپ كېتىدىكەنمەن» دېدى. 　　تۇردى ئىسىملىك بىر شوپۇر مۇنداق دېدى: 301-يول لىنىيەسىگە 30 نەچچە ئاپتوبۇس ئاجرىتىلغان، ئەمما ھازىر قاتناۋاتقىنى 10 نەچچىلا. چۈنكى، بۇ ئاپتوبۇسلارنى ھەيدەيدىغان شوپۇر يوق. بۇ ئاپتوبۇس لىنىيەسىدە يول تار، قاتناش قىستاڭچىلىقى ئېغىر بولغاچقا، قاتناش ۋەقەسى كۆپ چىقىدۇ. ئۆزۈمنى مىسال قىلسام، ئۈرۈمچى ۋاقتى سەھەر سائەت 4:30 دىن كەچ سائەت 9:00 غىچە ئىشلەيمەن، چۈشتە دەم ئالمايمەن، باشقا ئالمىشىدىغان شوپۇرمۇ يوق، چۈشلۈك تاماقنى ماشىنىدا ئولتۇرۇپ يەيمەن. كۈنلۈك ئىش ھەققىم 120 يۈەن. ئەمما، شىركەتنىڭ ئىش ھەققىنى تارقىتىشىدا ئاشكارا ئۆلچەم يوق، ھەر ئايدا مائاشىمىزدىن نامەلۇم جەرىمانىلەر تۇتۇلۇپ، قولىمىزغا ئايلىق مائاشىمىزنىڭ يېرىمىمۇ تەگمەيدۇ. مەن بۇ ئاپتوبۇسنى ھەيدەۋاتقان 20 كۈندىن بۇيان 600 يۈەن جەرىمانە تۆلەپ بولدۇم. ئەھۋال شۇنداق تۇرسا، كىم ئاپتوبۇس ھەيدەشنى خالايدۇ، دەيسىز؟!

شوپۇرلارنىڭ دېيىشىچە، 301-يول ئاپتوبۇسىنىڭ «خېشۈن گۈللۈكى» بىلەن «بالىلار كەنتى» بېكىتى ئارىلىقىدىكى بېكىتىلگەن بېرىش ياكى كېلىش ۋاقتى 55 مىنۇت بولۇپ، بىر كۈن ئىچىدە ئىككى يۆنىلىشتە جەمئىي 12 رەت قاتناش بەلگىلەنگەن. ئەمما، بەزى شوپۇرلار قاتناش قىستاڭچىلىقى ياكى باشقا سەۋەبلەر تۈپەيلىدىن بەلگىلەنگەن مۆھلەتتە بېكەتلەر ئارا قاتناش ۋەزىپىسىنى ئورۇنداشتىن ئەنسىرەپ، لىنىيە بويىچە ماڭماي، «تاشقى ئايلانما يولى» ۋە «ساي يولى»دا ماڭىدىكەن. شۇنداقتىمۇ، ئاي ئاخىرىدا بەزى شوپۇرلار مائاشىنى تولۇق ئالالماي، خىزمەتنى تاشلاپ كېتىپ قالىدىكەن.

ئۇنداقتا، مۇناسىۋەتلىك ئاپتوبۇس شىركىتى بۇ مەسىلىگە قانداق قارايدۇ؟ ئاممىنىڭ ساداسى ئۇلارنىڭ قۇلىقىغا يەتتىمۇ-يوق؟
مەن ئۈرۈمچى شەھەرلىك «شىڭشېڭ» ئاممىۋىي قاتناش شىركىتىگە ئەھۋال ئىگىلەش ئۈچۈن بارغىنىمىدا، شىركەت پارتكومىنىڭ مۇئاۋىن شۇجىسى لى شېڭخۇا ئالدى بىلەن مېنى 2-قەۋەتتىكى ئىشخانىسىنىڭ دېرىزىسى تۈۋىگە باشلاپ كەلدى. شىركەت بىناسىنىڭ ئارقا تەرىپىدىكى كەڭرى مەيداندا 20 گە يېقىن 301-يول ئاپتوبۇسى توختىتىلىپ قويۇلغانىدى. ئۇ ماڭا «شوپۇر كەمچىل» دېگەندىن بېشارەت بېرىۋاتاتتى.

- كۆرۈپ تۇرۇپسىز، 301-يولنىڭ %50 ئاپتوبۇسى قورۇدا بىكار تۇرىدۇ،-دېدى ئۇ ماڭا،- 301-يول ئاپتوبۇسىنىڭ كەملىكىدىن ئاممىنىڭ قىينىلىۋاتقانلىقى راست. شىركىتىمىزدە ئىقتىسادىي قىيىنچىلىق ئېغىرراق، ھازىر شىركىتىمىزنىڭ 3 مىليون 800 مىڭ يۈەندىن ئارتۇق قەرزى بار. بىز ئاممىغا مۇلازىمەت قىلغۇچى بولۇش سۈپىتىمىز بىلەن، ئىقتىسادىي قىيىنچىلىق ۋە شوپۇر قىس بولۇشتەك ئەھۋاللارنى بار كۈچىمىز بىلەن ھەل قىلىپ، 301-يول ئاپتوبۇس لىنىيەسىنى ياخشىلاشقا پۈتۈن كۈچىمىز بىلەن تىرىشىۋاتىمىز ھەم ئاممىنىڭ ئەتىگەن ۋە كەچقۇرۇندىكى قاتناشقا بولغان كۈچلۈك ئېھتىياجىنى كۆزدە تۇتۇپ، كۆپىنچە ھاللاردا باشقا لىنىيەلەرنىڭ شوپۇرلىرىنى 301-يول ئاپتوبۇسىغا ۋاقىتلىق سەپلەۋاتىمىز. شوپۇرلارنىڭ تەمىناتىنى ياخشىلاشقا تىرىشچانلىق كۆرسىتىۋاتقان بولساقمۇ، ھەر خىل سەۋەبلەر تۈپەيلىدىن شوپۇرلارنىڭ تۇراقسىزلىق ئەھۋالى يەنىلا ئېغىر بولۇۋاتىدۇ. بىز بۇ ئەھۋالنى تېزدىن ياخشىلاپ، ئاممىنى رازى قىلىشقا تىرىشىمىز.

مۇئاۋىن شۇجى لى شېڭخۇا 301-يول لىنىيەسىنىڭ راۋانلىقىغا كاپالەتلىك قىلىپ، ئاممىنىڭ يول يۈرۈشىگە قۇلايلىق يارىتىپ بېرىشكە تىرىشچانلىق كۆرسىتىدىغانلىقى توغرىسىدا ئېنىق ئىپادە بىلدۈردى. ئەمما، بۇ ئىشنىڭ پات ئارىدىكى نەتىجىسىگە، تېخىمۇ مۇھىمى، ئاممىنىڭ تومۇز ئىسسىق، قەھرىتان سوغۇققا بەرداشلىق بېرىپ يەنە قانچىلىك ۋاقىت ئاپتوبۇس ساقلايدىغانلىقىغا بىر نەرسە دېيىش قىيىن. چۈنكى، ئۇلارنىڭ كۈچلۈك ئارزۇسىنى ئەكىس ئەتتۈرۈپ تۇرىدىغان بىر سوئال يەنىلا تەكرارلىنىپ تۇرماقتا:       301 -يول ئاپتوبۇسى، سېنى يەنە قانچىلىك ساقلايمىز؟!

bashkatip

بۇ ماقالە شىنجاڭ گېزىتىنىڭ 26- دېكابىر سانىغا چىقىپتىكەن، 301- يول ئاپتۇبۇسىنىڭ دەردىنى تارتىۋاتقان نۇرغۇن كىشىنىڭ دەردى ئىپادىلىنىپتۇ. شۇڭا يوللاپ قويدۇم.

مەنبەسى شىنجاڭ گېزىتى

dellyar571

مەنمۇ بۇرۇن قولايلىق دەپ بۇ ئاپتوبۇسقا ئولتۇرۇپ ئىشقا بېرىپ - كېلەتتىم. ئەمما بىر مەزگىلدىن كېيىن ئۇنى ئۇزۇن ساقلاپ تاقەتسىزلىنىپ، ئىشقا  كېچىكىپ، ئاھانەت ئاڭلاپ ، بەك بولمىغاندا تاكسىغا ئولتۇرۇپ... ئاخىرى بىر پەيلاسوپنىڭ  " خاتىرجەملىككە ئېرىشىشنىڭ بىر يولى ۋاز كېچىش" دىگەن گېپى بويىچە بىر ئاز پىيادە ماڭساممۇ باشقا ئاپتوبۇسقا چىقىدىغان بولغاندىن كېيىن بۇ ئازابتىن قۇتۇلدۇم.

erdewil

نېمېدىگەپ كۆپ باھانە سەۋەب؟ لېكىن بالدۇرراق ھەل قىلغان بولسا بولاتتى، قىشتا-20~-30سېلىتسىيە گېرادۇسدا پۇتىمىز توڭلاپ ئىشقا كېچىكىپ قالمىساق بولاتتىغۇ 301ئاپتوۋۇزىنى ساقلاپ...ھەي...
ئۆيى داۋان تەرەپتىكى تورداشلارغا ئىككى تېلېفون نومۇرىنى قالدۇراي،مۇمكىن بولسا كۆپرەك تېلېفون قىلىپ مەسىلىنى ئەينەن ئېيتسا بۇ قىيىنچىلىقمۇ ھەل بوپ قالار.
301-يول ئاپتۇۋۇز شىركىتى ئەرز ئىشخانىسى:0991-2568163
شەھەردە ساقلانغان مەسىلىلەرنى ئەرز قىلىش ئورنى:12319

پارتىيە، ھۆكۈمەت چوقۇم بۇ ئىشنى ھەل قىلىپ بېرەلەيدۇ،ئىشىنىمىز.

kaqkun16

بىر ئاغىنەمنىڭ ئۆيى جىنكۈن cرايونىدا بولىدىغان ئالدىنقى ھەپتە ئۈرۈمچىگە بارغاندا يۇقىرىدىكى ئىشلارنى ئۆز بېشىمدىن ئۆتكۈزگەنمەن،ئاغىنەمگە نېمىشقا مۇناسىۋەتلىك ئورۇنلارغا ئەرىز قىلمايسىلەر دېسەم ،ئاغىنەم شەھەر باشلىقى قىزىق لېنىيسىگىچە تېلىغون قىلدۇق ،پايدىسى بولمىدى دەيدۇ.

ketikchi

903 ئاپتوۋۇزىمۇ شۇنداق ئۇزۇندا كېلىدۇ ،شوپۇردىن سۇرساق ئىشلەيدىغان ئادەم يوق ......
بولغۇلۇق بىزدەك پۇقراغا بولدىكەن....تاق يول دەمدۇ مېڭىش يولنىشنى ئوزگەرتىپ تەسلشىپ كەتتى....قىشتا بەك تەس بولدىكەن

miyesar

911 چۇ

kuxqi

hay ketikqi pulkitidudap maxiniga uzingiz oltamay xopurdin kuramsiz   

sabir

بۇ 6قەۋەتتىكىmiyesar يوللىغان 2010-12-27 23:57 غا قارتىلغان  :
911 چۇ  

مەن سىزگە ياردەم قىلاي 911路站点数量：20 个 所在市县：乌鲁木齐
始 发 站：煤化厂 --- 终点站： 水泥厂
运营时间：08:00 --- 22:00
途经车站： 煤化厂 → 幸福路 → 百信幸福苑 → 市成教院 → 十五小学 → 东环路 → 体育馆 → 南门 → 山西巷 → 二道湾 → 团结路 → 新华南路 → 胜利路 → 三十中 → 塑料厂 → 珠江路口 → 面粉厂 → 变电站 → 十二中 → 水泥厂
备注提示：冬季首末班车发车时间 08：00-22：00（两边对发）
所属公司：兴盛巴士公司
举报电话：2572046
营运调度电话：8831633
单程：12.2公里，共有25辆车，共20个站距，高峰期4分钟发一趟，平时6分钟发一趟，上行和下行需44分钟
票价：全程一元，可以刷老年卡和电子钱包，不能刷成人卡بىلىۋالدىڭىزغۇ ،،،دەيمەن....ھاھاھاھاھاھ.

sugar

12-ئاينىڭ باشلىرى مېنى ئىدارىدىن ئۇرۇمچىگە ئوقۇشقا چىقاردى،15كۇن ئوقۇش جەريانىدا بازارلارغا چىقىپ چۆگلۇگۇممۇ كەلمىدى،چۇنكى ئۇرۇمچىدە قاتناش قىستاڭچىلىقى بەك ئېغىر ئىكەن،بىر كۇنى قىزلار بىلەن 小西门غا بىرىپ قاپتۇق ،بارغانغىمۇ پۇشايمان قىلىپ كەتتىم ،قايتىدىغاندا ماشىنا يوق ،بولىسىمۇ ئادەمنىڭ جىقلىقىدىن چىققىلى بولمايدۇ،ھەتتا تاكسىمۇ يوق ،شۇنىڭدىن كىيىن قايقىچە بىر يەرلەرگە چىقساممۇ 高峰期دىن بۇ رۇن قايتىغان بولدۇم.