ساختا ئېلان بىسىلسا ئېلان تىجارەتچىسى جاۋابكارلىقنى ئۈستىگە ئالىدۇ

sodiya

	ساختا ئېلان بىسىلسا ئېلان تىجارەتچىسى جاۋابكارلىقنى ئۈستىگە ئالىدۇ بىر نەچچە كۈن ئىلگىرى مەن مەلۇم ساختا ئېلان سەۋەبىدىن ھوقۇق - مەنپەئەتىم زىيانغا ئۇچرىدى . ئېلان تىجارەتچىسى تۆلەم جاۋابكارلىقىنى ئۈستىگە ئالامدۇ ؟ مەسلىھەت بىرىلسە . گېزىتىمىز قانۇن مەسلىھەتچىلەر گۇرۇپپىسىدىن : ئېلان تىجارەتچىسى ئېلان تەشۋىقاتىدىن بۇرۇن ، ئېلان خېرىدارلىرى تەمىنلىگەن ئېلانغا ئالاقىدار بارلىق ماتېرىياللارنى تەكشۈرۈپ چىقىپ ئېلان تەشۋىقات ئۆلچىمىنى ياخشى ئىگەللەپ ، ئېلان ئىسپاتىنى ياخشى ساقلاپ ، تەكشۈرۈشى ، ئېلان تەشۋىقاتىنىڭ ھەقىقى ، قانۇنلۇق بولۇشىغا كاپالەتلىك قىلىشى كېرەك . قانۇنلۇق ئىسپاتى بولمىغان ، ئىسپاتى تولۇق بولمىغان ياكى مەزمۇنى ھەقىقى بولمىغان ئېلانغا قارىتا ، ئېلان تىجارەتچىلىرى ۋەكالەتچىلىك قىلسا ، تارقاتسا بولمايدۇ . بۇنىڭغا قارىتا ساختا ئېلان مەتبۇئاتقا بىسىلىپ تارقالغاندىن كېيىن ، ئېلان تىجارەتچىسى مەقسەتلىك بولسۇن - بولمىسۇن جاۋابكارلىقنى چوقۇم ئۈستىگە ئالىدۇ . ئىستىمالچىلار ئېلان تىجارەتچىلىرىنى جاۋابكارلىقنى ئۈستىگە ئېلىشىنى تەلەپ قىلسا ، ئېلان تېجارەتچىلىرى ھەر قانداق باھانە بىلەن رەت قىلسا بولمايدۇ . شىنجاڭ قانۇنچىلىق گېزىتىنىڭ 2009 - يىللىق 5 - ماي سانىدىن ئېلىندى