بۇرۇت كاشىلىسى(ئابدۇقادىر جالالىدىن)

dihqan

	ئادىشاۋوي نېمە بولدۇڭلار؟ 　　- نېمە بوپتىمەن؟ 　　- چىرايىڭ باشقىچە تۇرىدىغۇ، ئۇتتۇرىۋەتكەن قىمارۋازدەك؟ ئايالىڭ خېتىڭنى بېرىۋەتمىگەندۇ؟ 　　- تولا چاقچاق قىلمىغىنە؟ «ئىشەك ئۆلۈۋاتسا، بىر نېمىسى غىجەك تارتىپتۇ» دېگەندەك؟ 　　- ئەمىسە نېمە بولدۇڭ؟ 　　- نېمە بولاتتىم؟ بۈگۈن ماۋۇ باشلىق دېگەن ئاداش «بۇرۇتۇڭنى ئالدۇرماپسەن، 100 كوي جەرىمانە تۆلەيسەن، ماۋۇ بۇرۇتۇڭنى دەرھال يوقاتمىساڭ جەرىمانە يەنە قاتلىنىدۇ» دەيدۇ! 　　- شۇ گەپمىتى؟ ئېلىۋەتسەڭ بولمامدۇ، ھەممەيلەن ئالدۇرىۋەتكەندىكىن؟ 　　- نېمە دەيدىغاندۇ ماۋۇ؟ يىگىرمە نەچچە يىللىق قەدىناس بۇرۇت ماۋۇ! ئەر كىشى دېگەننىڭ بۇرۇتى بولمىسا ئاجايىپلا بولۇپ قالىدىكەن. ئۇنىڭ ئۈستىگە ئۇيغۇر ئەركەكلىرىنىڭ بۇرۇت قويۇش ئادىتى بارلىقىنى پۈتۈن دۇنيا بىلىدىغان تۇرسا. ئىدىيە دەمدۇ، خىزمەت دەمدۇ ھەرقاندىقىدا بىزدە چاتاق يوق. يەنە نېمىگە ... بولدىلا ساڭىمۇ چۈشەندۈرۈپ بولالمىغۇدەكمەن. 　　- قانچە قاقشىساڭمۇ بىكار ئاداش، بۇ دېگەن يۇقۇرىنىڭ بۇيرىقى ئىكەن. ئىجرا قىلمىساق بولمايدۇ. 　　- ھوي، يۇقىرى دېگەن قەيەر؟ ئۇ يەردىمۇ بىزدەكلەر باردۇ؟ 　　- ھا ھا ھا ، يۇقۇرىنىمۇ بىلمەمسەن؟ يۇقۇرى دېگەن ئۈرۈمچى. 　　- ئۈرۈمچى؟ ئۈرۈمچىدىمۇ بىز بىلەن بىر يەرلىك ئادەملەر كۆپقۇ؟ مۇشۇنداق بۇيرۇقنى شۇلار چۈشۈرەمدۇ؟ ئۇ يەردىكى ئەرلەرنىڭ ھەممىسى ئەتىر سوپۇندەك يۈرمەيدىغاندۇ؟ 　　- دەل شۇنداق يۈرۈيدۇ. دەنشىدە (تېلېۋىزور) كۆرمىگەنمىتىڭ؟ زاماننىڭ كەينىدە قاپسەن جۇمۇ؟ 　　- بولدى، بولدى. سەن بىلەن ئۇرۇشۇپ قالماي يەنە. 　　ئاچچىقىمنى ئاران بېسىۋېلىپ ئۆيگە كەلدىم. ئۆيدىكىلەرنىڭ گەپلىرىمۇ قۇلىقىمغا كىرمەيتتى. ئۆزەمنى بېسىۋېلىش ئۈچۈن تېلېۋىزۇرنى ئاچسام بىر ئاداش «خوتۇن مانا ساڭا ئوسما ئالغاچ كەلدىم» دەۋېتىپتۇ. قارىسام يۈزى پاكىز يۇيۇلغان ياڭيۇدەكلا تۇرىدۇ، يەنە بىر قانالغا يۆتكىسەم بىرسى ھەدەپ خەۋەر سۆزلەۋېتىپتۇ، يەنە بىرسىگە يۆتكىسەم ئاپتونۇم رايۇنىمىزنىڭ ئۆرپ-ئادەت ۋە ئېسىل ئەنئەنىلىرىنى تۇنۇشتۇرىۋېتىپتۇ، يەنە بىرسىگە يۆتكىسەم ئىتوت ئويناۋېتىپتۇ... ھەممىسى ياڭيۇكەن ئەمەسمۇ! 　　تېلېۋىزورنى «پاسسىدە ئۆچۈردۈم-دە ئاچچىقىمدا ساتراشخانىغا ماڭدىم. ئىچىمدە « ئۈرۈمچىدە ئەر كشى يوقمۇ نېمە؟ » پىچىرلىدىم ئۆز-ئۆزۈمگە. مەنبەنى ئېنىق ئەسكەرتىپ قويىشىڭىزنى سورايمىز.تەستىقلىغۇچى باشقۇرغۇچىدىن

elif

	مەندە مۇشۇنىڭ ئاۋازلىقى باتتى ، شۇنداق ياخشى چىقىپتىكەن .

ajam

	ھېلىمۇ ياخشى مېنىڭ بۇرۇتۇنغا كۈيە چۇشمىدى.ئىدارىدىكى ھەممىسى بۇرۇت كۇيالماي يۈرۈيدۇ.

mostapa

	بۇ 1قەۋەتتىكىelif يوللىغان 2010-12-13 12:40 غا قارتىلغان  : مەندە مۇشۇنىڭ ئاۋازلىقى باتتى ، شۇنداق ياخشى چىقىپتىكەن .       مەندىمۇ باتتى، بىلسىڭىز ئاۋازلىقنى يوللاپ قۇيۇڭە؟

azgan

	بۇرۇت، بۇرۇت يەنە بۇرۇتنى كۈيە يەپ كەتتى. يەنە، نىمىمۇ دەرمىز- ھە؟

uyghurzade

	ئابدۇقادىركامغا ھۆرمىتىم چەكسىز. شۇڭا ئالدىنقى قېتىم نۇتىقىدىمۇ ئۆزۈمنىڭ باھاىسىنى بېرىپ بۇ كىشىنىڭ بىز ئۈچۈن قانچىلىك مۇھىم ئىكەنلىكىنى بىلدۈردۈم. ئەمما، بۇ يازمىغا ئازراق گەپ قىلاي. ئابدۇقادىركامغا پايدىسى تېگىدۇ.      بۇ يازمىنى كۆرۈپ دەرھاللا "ئىدىيە جۆيلۈمىسى" ئېسىمگە كەلدى. بۇ يازما 15 يىل بۇرۇن يېزىلغان.ئىديە جۆيلۈمىسى 2008-يىل يېزىلغان. بۇ ئىشتىن مەن ئەپسۇسلىنارلىق ئىچىدە بىر پاكىتنى بايقىدىم.يەنى پىكىر قىلىشى ئىككى ئەسەردە يەنە شۇ بىر خىل پەدىدە. كېينكى يازمىسىدىن ئاپتورنىڭ 15 يىلدا قانچىلىك ئىلگىرلەش بولغانلىقىغا ھۆكۈم قىلماق تەس. 15يىل ئاز ۋاقىت ئەمەس.   ئابدۇقادىركام كاننى قازسا بولاتتى. تېشىمىزغا پارتلىمىساق، ئالدىمىزغا سەكىرىمسەك، مانا مۇشۇنداق ئىش چىقىدۇ. ئابدۇقادىركا، سىزىدىن چوڭ-چوڭ، يىرىك ئەسەر چىقامدىكىن دەپ كۈتۈۋاتقانلار ساماندەك. تاقەتلەر تاق بولدى. بۇنداق كالتە-كۆسەي بىر نېمىلەرنى يېزىپ يۈرمەڭچۇ!       ھۆرمىتىمدىن مۇشۇ گەپنى قىلغۇچە بەك قينىلىپ كەتتىم. بۇ ھەرگىزمۇ ئاپتورنىڭ بارلىق ئەسەرلىرىنى ياكى ئورنىنى يوققا چىقىرۋەتكەنلىكىمدىن دېرەك بەرمەيدۇ.

zohran

	يىقىندا ئۈرۈمچى شەھەرلىك 46 ئوتتۇرا مەكتەپتە دىدىمۇ ئىشقىلىپ لىكسىيە سۆزلىگەن ئىكەن،بولسا شۇ لىكسىيىسىنى يوللىۋەتسەڭلار سىلەردە بولسا.

lukqak

	ئابدۇقادىر جالالىدىن ئەپەندىمنىڭ كوچا ناھىيەسىدە سۆزلىگەن نوتۇقىنى ئۈمىدۋار ئەپەندىم بىر قېتىم تورغا يوللاپلا ئۆچۈرۋەتتى،بىلمىدىم بۇ نوتۇقنى ئابدۇقادىر جالالىدىن توردا ئېلان قىلىشقا قوشۇلمامدۇ ياكى باشقا سەۋەب بارمىدۇ؟ شۇ نوتۇقنى چۈشۈرۈپ ئاڭلىۋالغۇم بار ئىدى،مۇشۇ ھەقتە ماڭا ياردەم بەرسەڭلار تورداشلار؟

elif

	بۇ 3قەۋەتتىكىmostapa يوللىغان 2010-12-13 13:40 غا قارتىلغان  :      مەندىمۇ باتتى، بىلسىڭىز ئاۋازلىقنى يوللاپ قۇيۇڭە؟ شۇ كومپىيوتىرىمدا بار ئاۋازلىقنى مۇنبەرگە قانداق يوللاشنى بىلمىدىم

compyuter

	بۇ 8قەۋەتتىكىelif يوللىغان 2010-12-14 13:06 غا قارتىلغان  : شۇ كومپىيوتىرىمدا بار ئاۋازلىقنى مۇنبەرگە قانداق يوللاشنى بىلمىدىم كىيۇ كىيۇدا ئەۋەتىپ بىرەمسىز ؟ مەن بىر نۇسخا ساقلىۋالغاچ يوللاپ قوياي باشقىلارمۇ چۈشۈرۋالسۇن . كىيۇ كىيۇ : 2883525 قوشىدىغان تەستىق سوئالنىڭ جاۋابى : 2828028