قىزلار ھاراق ئىچمىگەن كۈنى

alkun

	قىزلار ھاراق ئىچمىگەن كۈنى   قىزلار ھاراق ئىچمىگەن كۈنى كۈن غەرىپتىن چىقىشى ئىنىق. يوقاپ كىچىلەرنىڭ پىغانلىق ئۈنى، يوقايدۇ ئانىلار باغرىدىن يېرىق.   ئىچمەيتتى قىزلار ئەسلىدە ھاراق، ئىچكۈزدى ئىپپىتى سېسىغان ئەرلەر، دۇنيانى ئالداشنىڭ يىپىدا تورلاپ. ئەلەمدىن كۆك يىراق، چىقالمىغاچقا، ئۆلۈمدىن يەر قاتتىق، كىرەلمىگەچكە، ئىچتى قىزلار يۈرىكى خورلۇقتىن تۇرسىمۇ قاناپ. قىزلارنىڭ كەيپىدىن يېيىلدى مەسلىك، ۋىجدانى چاڭلاردا قالغان ئەرلەرنىڭ، تۇمۇرىدا شەھۋەتلەر قايناپ.   قىزلار ئىچمەيتتى رىۋايەتتىمۇ، ھېلىھەم ئىچىشنى بىلمەيتتى زىنھار. ئىچسە جاھان تەتۈر چۆرگىلەپ ئاسماندا مەغرۇر يۈرمەيتتى دارۋاز. روھ ئۆيىنى زەئىپلىك بېسىپ كەيىپلىك كوچىغا ئاققاندىن بىرى ھەممە نەرسە يالىڭاچلىنىپ شەرىم ھايا ئايلىنىپ يوققا قىزلار يېنىچە كۈلۈپ ھاياتقا ئىچىشنى باشلىدى ئەرلەردىن سوراپ، نەلەردە قاقىلداپ پەي تارىسا غاز...   بۇزۇلغان پەدىنى تۈزەلمەي ھەييات، قىلماقتا بوۋىلار ئىچىدە غازات...

kitabpurux

	كىم يازغان شېئىر بۇ ؟؟؟

0991sumruh

	ئەرلەردە ۋىجدان يوقالسا ،ئاياللاردا ھايا قالمايدۇ.

pariay

	توۋا بەكمۇ ياخشى يېزىلغان شېئىركەنغۇ بۇ ؟ مەسلىك - پەسلىك ! بۈگۈنكى قىزلار ئەتىنىڭ ئانىلىرىدۇر ،،،كۆڭلىگە ئىنساپ تىلەيلى !!

dihqan

	ئۇلۇغ ئاللا دىن ھەممىمىزگە ئىنساپ تىلەيمەن~!

Mehrinaz

	1- كۇپلىتى بەك مۇبالىغە بوپ كەتتىمۇ قانداق ؟ قىزلار ھاراق ئىچمىگەن كۈنى كۈن غەرىپتىن چىقىشى ئىنىق. بۇنى كۆرۈپلا غۇژژىدە ئاچچىقىم كەلدى . بەش قول تەڭ بولمىغاندەك ، ھەمە قىزلار ئوخشاش بولمايدۇ . شۇڭىمۇ شۇنداق ئىچەرمەن قىزلارنىڭ دەستىدىن ، بىر يەرگە بىرىپ خاتىرجەممۇ ئولتۇرغىلى بولمىغان . ئۆتكەندە بىر دوستۇم  ئۆيدىكىلەرنىڭ تۇنۇشتۇرشى بىلەن بىر يىگىت بىلەن توي قىلماقچى بولغان ئىدى . يىگىت بىلەن قىز ئانچە كۆپ ئۇچىرشىپ باقمىغانلىقتىن ، يىگىت بىر كۈنى قىزغا مۇنداق دەپتۇ : " سىز بىر قانچە يىقىن دوسلىرىڭىزنى چاقىرسىڭىز ، مەنمۇ بىر قانچە يىقىن دوسلىرىمنى چاقىرسام ، بىرگە تاماق يەپ كەلسەك ، مەنمۇ ئاغىنىلىرىمنى تونۇشتۇررۇپ قويسام سىزگە ، سىزنىڭ دوسلىرىڭىزنىمۇ تونىۋالسام " دەپتۇ . دوستۇم ماقۇل بولۇپ ، مىنى ۋە يەنە ئىككى يىقىن دوستىنى چاقىردى . بوپتۇ دەپ باردۇق . ئايرىمخانىغا باشلىدى . باشتا شۇنداق ھۆرمەتلەر بىلەن ئولتۇرغان ئىدۇق . تازا ئوتتۇرغا كەلگەندە ئۇ يىگىتنىڭ دوستى "كۆڭلۈم" دەپ قايسىدۇر بىر ھاراقنى ئەكىردى . ئارقىدىنلا  قىزلارنىڭ كۆڭلى قايسى ھاراقنى تارتىدىكىن دەپ بىزگە تىكىلدى . دوستۇم ۋىللىدە قىزىرىپ " دوسلۇرۇم ئەزەلدىن ئىچمەيدۇ ، ئۇلار ئۇنداقلاردىن ئەمەس " دىسە ، ھىلىقى ئاداش قوپۇپ " ھازىر ئىچمەيدۇ ، ئىچمەيمىز دەپ نازلانغىنى بىلەن ھىلى ئەكىرسەم ، بىزنى ياتقۇزۇپ قويۇپ ، ئىگىز پاشنىلىق ئايىغىڭلار بىلەن تاس تاس تاس مىڭىپ كىتىپ قالارسىلەر ، ئۇنداق نازلانماي ئازراق ئىچىپ قويۇڭلار ،بۈگۈن تۇنجى كۈنىدىلا جىق ئىچىۋالساڭلارمۇ سەت تۇرىدۇ ، شۇڭا ئازراقتىن تىتىپ باقمامسىلەر ؟" دەپ گەپدانلىق بىلەن بىزگە ئىچۈرمەكچى بولدى . ئاچچىقىم نەدىن كەلدىكىن " ئاپاڭنى باشلاپ كىلە ، سەندەك شۇملار بىلەن ئىچىپ ئاۋارە بولمايمەن " دەپلا پارتىلاپ قوپتۇم . شۇنىڭ بىلەن بىر چىرايلىق ئولتۇرۇش " ئولتۇرۇش " بولۇپ يىنىپ كەلدۇق . ئۆزىنىڭ قىزلىرىنى ئۆزى يولدىن چىقىرىپ يەنە قىزلارنى ئاق - كۆك دەيدىغان يىگىتلىرىمىزنىڭ ھالىغا ۋاي !

xaker

	ھاراق كىشىلەرنى  مەسلىكدىن__ پەستلىككە ، بايلىقدىن__گادايلىققا ئىلىپ بارىدۇ. ئاق ،قىزىل ھاراقلار  ئەرلەر-ئاياللارنىڭ  يۈزىنى يارا ،قەلبىنى قارا قىلماقتا! بىرىنجى قەدەھدە خۇش بولغان مەسىت، ئىكىنجى قەدەھدە تامام بولار پەس.........!

huxrui

	نىمە دىگەن مەزمۇنلۇق شىئېر بۇ ، دىمىسمۇ بەزى يولدىن چىققان ئىچەرمەن قىزلار سەۋەبىدىن ھەممە پاك ئەخلاقىلىق قىزالانىڭ شەنىگە داغ تەككۇزۇپ.                 قىزلىرمىز دېسكو- دىبا كېچە قاۋاق تانسىدا ،                 ئۆيلۇك ئەرنىڭ قۇچىقدا ئپپەت نۇمۇس زار بولدى.                 مودا قوغلاپ پول كويدا نى ئەرلەرگە يار بولدى،                 ئاتا - ئانلار ئېيتىڭلارچۇ قىزلىرمىزگە نىمە بولدى.                ئەرلىرمىز نەدە دىسە ئشرەتخاندا قاۋاقتا،                نوچىلىق قىپ ئىچىۋېلىپ كوچىلاردا پەس بولدى.                پوللىرنى كۆز- كۆز قىلىپ ياش قىزلارنى ئازدۇرۇپ،                ئويدە زۇلۇم ئانا- بالغا كۈن ئۆتكۈزمەك تەس بولدى.               نىمە مودا ئاشنا ئويناش رېستىران،يازو، ياتاقلار،               بۇ قاتارغا سەپ تۇزگەن كىم -كىملەرمۇ قالمىدى.              ئەجدادىمدىن سوراپ باقاي قېنى دۇرۇس ئويغۇرۇم،              ئىنسانلىرىم ئويلاپ بېقىڭ ساپ پەزىلەت نىمە بولدى.

rena617

	ھەممە  ئىشنى  ئۆزىمىزدىن  باشلىشىمىز  كېرەك ، خەنزۇ  يولداشلار  بىلەن  خىزمەت  تۈپەيلى  بەزىدە  بىللە  تاماق  يەپ  قالىمىز ،مۇشۇ  چاغدا    خەنزۇ  يولداشلار  ھاراق ،بەزىدە  تاماكا  تەڭلەيدۇ،مەن ئۇلارغا  ئۇيغۇر  ئاياللىرىنىڭ  قەتئىي ھاراق   ئىچمەيدىغانلىقىنى  دىسەم ،قىزىل  ھاراقنىڭ  تېرىنى گۈزەللەشتۈرىدىغانلقى  توغۇرلۇق  سۆزلىشىپ  كىتىدۇ،مەن قەتئىي رەت قىلىپ كەلگەچكە ،ھازىر  ئۇلار ماڭا  ھەرگىز  تەڭلىمەيدۇ. ھازىرمۇ  ئېسىمدە ،خىزمەتكە چىققان تۈنجى  كۈنى بىزنىڭ  باشلىقلار يېڭى  كەلگەن  ئىككەيلەننى  كۈتىۋالىمىز  دەپ بىللە  تاماق يىدۇق،ئۇ كۈنى بىزنىڭ  سىكىرتار  (ئىچكىردىن چىققان خەنزۇ) ماڭىمۇ ھاراق  قۇيۇپ  تەڭلىدى ،شۇ  ۋاقىتتا مەن  ئىچمەيمەن  ھەم  ئەزەلدىن  ئىچىپ  باقمىغان دىسەم قايناپ  سۆزلەپلا كەتتى ،ئەتىسى يىغىن  ئېچىپ  يىغىندىمۇ  شۇ  گەپنى  دەپ قاتتىق  خاپا  بولدى ،شۇنىڭ بىلەن  ماڭا  قاتتىق  ئەلەم بولۇپ  شۇنداق يىغلىغان ،ھەتتا  خىزمىتىمنى تاشلىۋىتىپ كەتمەكچى  بولغان  ئىدىم ،كىيىن  بىزنىڭ يۇقىرى  دەرجىلىك  كادىرلار خىزمەت  تەكشۈرگىلى  كىلىپ يەنە  تاماق  يەيدىغان  بولۇپ  قالدۇق ،بارماي  دىسەم  تېخى،ئامال  يوق باردىم ،ئۇ كۈنى  بىزنىڭ بىر ئۇيغۇر  باشلىقمۇ  كەپتۇ ،بىزنىڭ  ھېىلقى سىكىېتار  يەنە ماڭا  زورلىۋىدى ، مەن تاس  قالدىم يىغلىۋەتكىلى ،ئاندىن ئۇيغۇر  باشلىققا  قارىدىم، ئۇ ئۇيغۇر  باشلىقىمىز  چىرايىمدىكى تەڭقىسلىققا  قاراپ "بۇ قىز  ئىچمىسۇن ،ئۇيغۇر  قىزلار  ھاراق  ئىچمەيدۇ " دىسە ماقۇل  ماقۇل  دەپلا زورلىمىدى . شۇندىن  كىيىن  مىنى  ھاراققاقەتئىي  زورلىمايدۇ،شۇنىڭغا  قاراپ  ئويلاپ  قالدىم ،بىزلا چىڭ تۇرالىساق ،باشقىلار  ھەر  قانچە  زورلىسىمۇ  بىكاركەن،يەنە بىزنىڭ  ئەرلىرىمىزمۇ  بىزنى  قوغدىشى ،ئايىشى  كېرەك.

muslima402

	ئىي....ئۇلۇغ ئاللاھ مۇشۇنداق ئېزىپ يۈرەگەن قىزلىرىمىزغا ئىنساپ ،ئىمان ھىدايەت ئاتا قىلغايلا،ئىي ئاللاھ ؛ئۇلارنىڭ گۇنايلىرنى مەغپىرەت قىلغايلا ،ئامىن..........