سۆيگۈ ئۈچۈن جەڭ قىلاي دېگەن

جىن

	سۆيگۈ ئۈچۈن جەڭ قىلاي دېگەن بىلمىدىم سۆيگۈ ئۈچۈن جەڭ قىلاي دېگەن، ئوخشاپ كەتتى بۈگۈنمۇ، تۆنۈگۈنمۇ يەنە. شېئىرلارنىڭ بىر مىسراسىدا ئاغرىق بار، يەنە بىر مىسرا قىلىدۇ ئويناپ تەنتەنە. ئۇچۇپ كەتكەن كەپتەر كەبى ئۇچتى خىياللار، بېرىپ قوندى گۈللەر ئارىلاپ ياسىمەن گۈلگە. تىكەنلەرسىز راھىتى يوقكەن گۈل پۇراشنىڭمۇ، قان تامچىغان لەززەت بىلەن يېتەر مەنزىلگە. مۇساپىر بىز بۇ دۇنيادا ھەممىمىز بىلسەك، تۆنۈگۈنمۇ ماڭغاندەك، بۈگۈنمۇ ماڭدۇق. چوڭ بولدۇق بىلمىدۇق، قاچان چوڭ بولدۇق، كىرگەندە ساقالغا ئاق، ھاڭ-تاڭ قالدۇق. بىلىمەن شائىر بولۇش بەك ئازابلىق يول، خۇشاللىق كۆزلىرىمدىن مەڭگۈ قاچقاندەك. قەلەمدە بىر ئاغرىق بار قاتتىق بىر ئاغرىق، ئازابلايدۇ پىچاق سېلىپ يۈرەكنى ئاچقاندەك. يىراقتىن قارىدىم ساڭا ئەي ئوماق يار، يېققىن كىلىپ دېيەلمەيمەن <مەن ساڭا كۆيگەن>. سەن ئۈچۈن ئاغرىۋاتقان بىر يۈرەك بار، بىلمىدىم، سۆيگۈ ئۈچۈن جەڭ قىلاي دېگەن. 2010-12-4 ــ جىن

yalpuz0997

	جەڭ -باھادىرلارنى يىتىشتۈردىغان سىناق مەيدانى .ۋىسال تۇغىنى قولغا ئېلىش ئۈچۈن كىرىپ بېقىشقا ئەرزىيدۇ.

gaday

	ۋىسال ئوقىنى كۆكرىگىڭىزگە تەكسۇنكى، ھەرگىزمۇ دومبىڭىزگە تەكمسۇن .....

layli

	گۈل ئۈزەي دىگەنتىم سانجىلدى تىكەن ، تىكەنسىز ئەمەسكەن بىلدىم گۈل دىگەن . ئارقامغا يانغانتىم گۈل ئىيتتى كۈلۈپ : تىكەندىن قوققانغا گۈل نەدە ئىكەن .       شېئىرىڭىز ھەقىقەتەن ياخشى چىقىپتۇ ،

bardax

	گۈل ئۈزۈش ئاسان ئەمەس تىكىنى بار، كۆرۈنگەنگە كۆز تاشلىما كۈتكىنى بار. ئەجىرسىز تەييارغا كىم بولغان ئىگە؟! ھەر كىمنىڭ ئۆز ئالدىغا تىككىنى بار.

dihqan

	شائېرلار ئارىسىغا كىرىپ قاپتىغۇ  ساپاسىز دېھقان

aklaqin

	سۆيگۈ ئۇ بىر دەستە گۈلگە ئوخشايدۇ ، چىرايلىق ۋە لېكىن تىكىنى بۇلىدۇ . بەزىلەر پۇرايدۇ لېكىن تاشلايدۇ ، بەزىلەر ئەۋرىشكە قىلىپ ساقلايدۇ.