قارلىق كەچتە ئەسلىدىم سېنى

hawas

	قارلىق كەچتە ئەسلىدىم سېنى، تۇمان باسقان ئاسمانغا قاراپ. تىترەك بېسىپ مۇزلىدى تېنىم، بولۇپ ئاشىق يۈرىكىم خاراب.   قارلىق كەچتە ئەسلىدىم سېنى، چاقماق گۈللۈك شارپىنى پۇراپ. يىغلاپ تۇرۇپ خۇشلاشقان چاغدا، قويغان تۇنۇش بوينۇمغا ئوراپ.   قارلىق كەچتە ئەسلىدىم سېنى كېلىپ ئارچا تۈۋىگە جانسىز. كۈلۈپ كەتتىم ئۆزۈمچە ئاچچىق، يۈرۈپ غەمكىن... چىرايىم قانسىز.   قارلىق كەچتە ئەسلىدىم سېنى، تىلەپ شورلۇق سۆيگۈدىن ۋىسال. چىقتىم روھسىز ئايلىنىپ رەستە، سۇپرا تاپان دىۋانە مىسال.   قارلىق كەچتە ئەسلىدىم سېنى، شېرىن ئازاب باغرىمنى قۇچۇپ. بارغۇم كەلدى يېنىڭغا جېنىم، كۈيلەپ قالغان بۈركۈتتەك ئۇچۇپ.   قارلىق كەچتە ئەسلىدىم سېنى، تەكرار-تەكرار ئاسمانغا بېقىپ. قالدى مۇزلۇق يوللاردا ئىزىم، سوغۇق شامال باغرىمدا ئېقىپ. مەنبە: ئىجادىيىتىم

nafisa

	ئۆلچەملىك ئىملا يازغان بۇ شېئىرىڭىز تولىمۇ يارىدى، قولىڭىزغا دەرد كەلمىسۇن.     يېڭى ئەسەرلىرىڭىزگە داۋاملىق تەشنامىز.

pariay

	شېئىرلىرىڭىز بەكمۇ مەزمۇنلۇق چىقىپتۇ ؟ ھەۋەسلىرىڭىز توختاپ قالمىسۇن

rayhan0999

	شىئىرىڭىزنى ئوقۇپ شۇ قارلىق كەچنى ئويلاپ قالدىم، مەن قارلىق كىچىنى بەكمۇ ياقتۇرىمەن.

miskinay

	شېئىرنىڭ تىل شۇنداق يېنىك چىقىپتۇ، سۆيۈنۈش ئىلكىدە ئوقۇدۇم.

yalpuz0997

	قارلىق كەچتە ئەسلىدىم سېنى، سېغىنچىمنى يۇتۇپ  كەتتى تۈن. قارچۇقىمدا قېتىپ قالدى ياش، لەۋ چىشلىدىم چىقىرالماي ئۈن.

jula

	بەك بەلەن يېزىپسىز بۇ شېئىرنى، بىرسىڭلار قار ياغمىدى دەپ، بىرسىڭلار قارنى كۈيلەپ، يەنە بىرسىڭلار قارلىق كەچتە يارىڭلارنى ئەسلەپ شېئىر يېزىپ مۇنبەرنى قار چىچەكلىرىگە كۆمۈۋەتمەكچىمۇسىلەر شائىرلار؟ ئۇنداقتا  بەك بەلەن بولغۇدەك، چۈنكى مەن شېئىرغا ئوخشاشلا قارنىمۇ ئاجايىپ ياخشى كۆرىمەن. ئاللا قولۇڭلارغا دەرت بەرمىسۇن!

huxrui

	مەنمۇ سىزنىڭ ئوتكۈ قەلمىڭىزدىن بەك سۇيۇندۇم ،نىمە ئۇچۇنىكىن شىئېريىزىشقا، ئۇقۇشقا بەك ھەۋەس قىلمەن . شۇنچە قۇلۇمغا قەلەم ئالغاندا ئىلھامىلىرىم يوقاپلا كېتىدۇ. ئلھامىرڭىز تېخمۇ ئۆتكۇر شىئېرلارنى ئاتا قىلسۇن.

yaprah~0997

	ئىجادىيەتلىرىڭىزگە ئۇتۇق تىلەيمەن  ،

aklaqin

	قارلىق كەچتە ئەسلەيمەن سېنى ، ياشلىق ھاياتىڭغا بەخت تىلەيمەن. ھاياتلا بولسام ئەسلەيمەن دايىم ، دىلىڭغا ئاللادىن ئىنساپ تېلەيمەن .