قار ياغدى

bargiya

	قار ياغدى ئاسمان ئانا تەۋەللۇت قىلدى قەلبى كەبى "ئاپئاق بۇۋاق" زىمىن ئاپئاق نۇرلاندى ئاق بۇلۇتلار ئاق كۆك ئاسمانمۇ ئاق كائىنات ئاق ئاق...ئاق... ئاق رەڭ،قار باغرىدا نازلاندى. شۇ تاپ، بىر-بىرىگە قارلىق تاشلاشقان، قىز-يىگىتنىڭ باغرىدا باھار. ئۆمۈر قىيناقلىرى ئىز سالغان، قەدىناسلار چىھرىدە گۈلزار. ئاپئاق قار، سىھرى بىرلە كۆكتە شوخ ئۇچار. قار ياغدى ئەجەپكىم ئاپئاق قارنىڭ باغرىدا قاقىلدىدى قاپقارا قاغا. ئاپئاق قارغا ئوقۇلغان شېئىر، ئوخشاپ قالدى "يېقىملىق"زارغا. ئۈنۈم ئۆچتى.. بۇزۇلدى كۈلكەم.. يامانلىدى تېخى ھېلىلا "ئاپئاق"ھېستىن مەست بولغان ئەركەم. قار لەپىلدىمەكتە كۆكتە ئاپئاق پاختەكلەر ئۇچۇپ يۈرمەكتە. ئاپئاق ۋىجدان چۇقان سالماقتا. "يىرتىق كىيىم" كىيگەن ئار-نۇمۇس، ئاپئاق قاردا توڭلىماقتا. قاپقارا پۇتىدا دەسسەپ ئاق قارنى قارا قاغا قاقىلدىماقتا. "قارلىق ئويۇنى"باشلاندى نېكەم جۇلدۇر-كېپەن بولغان سەزگۈلەر كەيىپ ئىچرە تولغانماقتا. ئاپئاق قار بۇلغانماقتا. ئاق قار ياغدى ھە،ئەسلىدە زىمىن ئانا بوپتۇ ھازىدار "ئوغۇل-قىزلىرى بولغاچ قاپقارا" ئاق لىباستا يىغلاپتۇ ئۆكسۈپ. ئاق بۇلۇت ئۈستىدە بىر چوپان بەلكى چالىدۇ نېيىنى ئۆتە مۇڭلۇنۇپ. ئۇسۇلدىن توختايدۇ چوقۇم بۇ قارلار ۋا دەرىخ شەيتاننىڭ چالغان دېپىدا قاچانكى ئۇسۇلدىن توختار ئادەملەر. بولسا گەر يىرتىلغان يۈرەكنى ياماش، قار كەبى تۇراتتى نى-نى گۈزەللەر. قار ياغماقتا بىنەزەر ئارام بەرگى تېنىدا سۇكۇتتە ئۇيقۇغا كەتسىمۇ دۇنيا چۇۋۇلغان چاچلار كېلىپ قۇچاقلايدۇ ئالايغان كۆزلەر كېلىپ ئويناقلايدۇ مۇھەببەت-نەپرەت بىرلە گىرە سېلىپ بىر ئاچچىق ھەقىقەتنى باغاشلايدۇ. ئاپئاق قار،ئاپئاق دۇنيا،ئاپئاق نىيەت، قاپقارا زىخ بولۇپ يۈرەك غىدىقلايدۇ. قار ياققان ئاق دالىدا .. نىچۇن قارا قاغا خۇشال قاقىلدايدۇ؟؟ ئاپئاق قار باغرى تامان تەنھا بەرگى.. بارمىكىن بۇندا قالغان ئىزنىڭ نەرقى؟؟ 2010-يىلى 11-ئاينىڭ 4-كۈنى

ahu

	ئاق بىلەن قارا ئارىلىشىپ كەتتى،ئاقنى قارا دىگۈچىگە "ياق،بۇ ئاق!"دىگۈچى يوق،قارىنى ئاق دىگۈچىگە "ياق،بۇ قارا!"دىگۈچىمۇ يوق.ئاپئاق قارمۇ ۋاقىتنىڭ ئۆتۈشىگە ئەگىشىپ چاڭ-توزان،ئىس-تۈتەكتىن قارىدايدۇ،ئېرىپ تۈگەيدۇ...قار يېشى سەل بولۇپ ئېقىپ يەنە قارىلىقنى يۇيىدۇ... شۇنداق دەۋرلىنىدۇ.

tutem

	مەن قارنىڭ رەڭگىنى ئۇنتۇپلا كەتتىم.

tumar

	ئىلھامىڭغا بەكلا ھەۋىسىم كېلىدۇ دېسە،يا بىرەر ئۈلۈش بەرمەيسەن. بىز تەرەپتە قاردىن تېخىچە خەۋەر يوق.كىچىكىمىزدە غاچىلدىتىپ دەسسەپ يۈرگەن شۇ قارنىڭ ئاپپاق رەڭگىنى خىيالىمىزدىلا كۆرۈپ ئۆتۈپ كېتەرمىزمۇ...ئەتتەڭ!

مۇبارەك

	قار ياغقاندىكى ھېسلار قانداقراق بولىدىكىن، دەپ ئۆتىۋاتقىلى خېلى بولدى ماڭا. ئەڭ ئەخىرقى قېتىم قار ئوينىغان ئەسلىمەم تېخىچە بار كۆڭۈل خاتىرەمدە... قار ـــ ئاقلىق ھەم پاكلىققا سىموۋول قىلىنىپ قويىدۇ، كۆزۈمنى چىڭ يۇمۇپ شۇ خىل تەسىرات ئىچىدە مۇڭلىنىپ قالدىم، كىمدۇر بىرى تۇيۇقسىز شىۋېرلاپ قالدى : ‹ دۇنيادىكى قاغىلارنىڭ ھەممىسى قارا...› چۈشەندىم، ئەسلىدە ئاقلىق ئۆزىگە چاپلىشىش ئۈچۈن پۇرسەت ئىزدەپ يۈرگەن قارىلىق بولغانلىقى ئۈچۈنلا، ئۆز قىممىتىنى تېخمۇ بەكرەك نامايەن قىلىپ كىلىۋېتىپتىكەن. شۇ تاپلاردا قار بوۋاي ياساپ ئويناۋاتقان، قار ئېتىشىپ پومداقلىشىپ كۈلىشىۋاتقان، قار ئۈستىدە كىتىپ بېرىپ ئىلھام ئىزدەۋاتقان...ھەممە، ھەممە ئەزىزلەرگە قاردەك ئاقلىق ھەم پاكلىق تىلەيمەن.

0mar

	ھەي !!!!!!!!!!!!!!!

pariay

	شېئىرلىرىڭىز ئۆزگىچە تويغۇلارغا چۆمدۈردى ،

miskinay

	ئەتىگەن، تېخى باشقىلارنىڭ ئاياغ ئىزى چۈشۈشكە ئۈلگۈرمىگەن ئاپئاق قار ئۈستىدە سەن بىلەن ئۈن-تۈنسىز ياندىشىپ ماڭغان، سوغۇقتىن ئەمەس، ئازاپتىن تىترەپ كەتكەن ئاشۇ كۈنلەرنى ئەسلىدىم.

ziya

	شائىرلار شېئىر يازغاندا ۋەزنىگە قاراپ يازامدۇ ياكى ئۇلار يېزىۋەرسە ۋەزنىگە چۈشۈپ قالامدۇ دىمەكچى مەنكى ئىلھامى كەلگەندە يېزىۋەرسە ۋەزنىگە ئۆزلىكدىن چۈشۈپ قالامدۇ مەسىلەن ئارزۇ ۋەزنىگە دىگەندەك

huxrui

	تىلڭىز بەك ئۆتكۈر ئىكەن،بەك ياىشى يىزىپسىز،رەخمەت سىزگە.       ياغدى بۈگۈن لەپىلدەپ قارلار،       ئاپپاق بولدى دالىلار باغلار.       كىيدى يەر جاھان ئاپپاق تون لىباس،      خوشال بولدى بۇ ئوماق بالىلار.      قارلارنى ئېتىپ ،بىر يەرگە يىغىپ ،      خوشاللىق بىلەن ياسىدى بوۋاي .     قۇلاق بورنى كېلىشكەن ئۇنىڭ ،      خۇيمۇ چىرايلىق يارشىپتۇ ۋاي. كىچىك ۋاختىمىزدا ھەممىز قار ئېتىپ ،دوملاپ ئويناشنى ياخشى كۆ رەتتۇق،ئادەمنىڭ كىچىك سەبى ۋاختى نىمە دىگەن گۈزەل ھە!