قار ۋە قىزچاق
ھەربىر كوچا شۇنچىلىك تىمتاس.
قار لەپىلدەپ ياققان شۇ دەمدە،
قىز يېگانە سوغۇقتىن قورقماس.
كېتىپ بارار ئاستا قەدەمدە.
گويا بۇ يەر ئادەمسىز چۆلدەك.
يالغۇز قالدى قىزچاق بۇ يولدا .
قار چەيلىنەر قىزنىڭ قەلبىدەك،
نالە قىلىپ ئاياغ ئاستىدا .
كۆز ياشلىرى مەڭزىنى سۆيۈپ،
تارام-تارام ئاقار مارجاندەك .
ئاستا-ئاستا تۈگەيدۇ ئېرىپ،
قىزنىڭ كۆڭلى گويا شۇ قاردەك .
قىزنىڭ كۆڭلى سۈتتەك پاك ئىدى،
ھەم قاردەكلا شۇنچە ئاق ئىدى.
ئەمما نېچۈن خىيالچان قىزچاق،
بۇ كوچىدا بىر ئۆزى قالدى.
مەنبە :
ئاتئال يازمىلىرىدىن.
2010-يىلى12-ئاينىڭ3-كۈنى جۈمە.
يوللىغان ۋاقتى 2010-12-4 16:46:01
