جۇش ئۇرۇپ تۇرسا بۈگۈن

uqkun.

	جۇش ئۇرۇپ تۇرسا بۈگۈن مۇخەممەس ئۇچقۇن گۈزەل تاڭلار چىللىماقتا قولىدا گۈللەر بۈگۈن، پۇرىقى كەلدى يېراقتىن ھەر سەھەر كۈنلەر بۈگۈن، مەست بولۇپ كەتتىم نېگارىم ۋەسلىدە تۈنلەر بۈگۈن، يەتمەيىن قويماي دېدىممەن تىكىلىپ كۆزلەر  بۈگۈن، چەشمە كۆڭلۇم فونتان ئۇرۇپ جۇش ئۇرۇپ تۇرسا بۈگۈن. تاڭنى- تاڭلارغا ئۇلايمەن سەن نېگاردىن ئەنسىرەپ، ئەنسىرەپ ئوتمەكتە كۈنلەر يوللۇرۇڭدا تەمتىرەپ، زارىقىپ ۋەسلىڭگە بولدۇم ئىنتىزارىم شۇ سەۋەپ، كۆزلىرىم ئۇمىد بىلەن باقسا ئىزدەپ تاڭلار تەرەپ، چەشمە كۆڭلۈم فونتان ئۇرۇپ جۇش ئۇرۇپ تۇرسا بۈگۈن. ئەي نېگار كەلمەكچى بولساڭ خەۋىرىڭ كەلسۇن ئاۋال، تۈگىمەس ناخشام بىلەن ئۇچقۇر ئېتىم بولسۇن شامال، چىرمىشىپ تۇرماقتا يىلتىز بىر تۇتاش تورسۇن قامال، سۆيگۈمىزدىن نۇر چېچىپ ئوتلۇق ۋىسال تاپسۇن كامال، چەشمە كۆڭلۈم فونتان ئۇرۇپ جۇش ئۇرۇپ تۇرسا بۈگۈن. ئەيلىدىم كۈنلەر تامام ۋەسلىڭ ۋىسال يەتمەك بولۇپ، ئىنتىزار بولدۇم نېگار چۈشلۈرۈمدە كۈتمەك بولۇپ، تامچىدىم بايرام كەبى لەززىتى ئىچمەك بولۇپ، خوشلۇقۇم جۇشقۇن سادا تۇرسا نىگار سۆيمەك بولۇپ، چەشمە كۆڭلۈم فونتان ئۇرۇپ جۇش ئۇرۇپ تۇرسا بۈگۈن. بۇ قارا قىسمەتكە تولدى زەپ قاراڭغۇ تۈنلۈرۈم، زۇلمىتى ئەتراپنى باستى چاقنىغايسەن يۇلتۇزۇم، زارىقىپ بولدۇم بىتاپ ئىزدەپ داۋايى كۈنلۈرۈم، كەۋسىرى سەندۇر ئۆزەڭ ئابى ھاياتتۇر بۇلۇقۇم، چەشمە كۆڭلۈم فونتان ئۇرۇپ جۇش ئۇرۇپ تۇرسا بۈگۈن. بۇ ھايات قىسمەتكە باي كەلگىن نېگار خوشال كۈلۇپ، تارقىغاي مۇندا تۇمان چىقسۇن قۇياش ئىللىق بۇلۇپ، مەن باراي ئالدىڭغا يۈگرەپ دەستىلەر تىزدىم تۇتۇپ، كەڭ قۇچاق ئاچساڭ ماڭا باغرىڭدىمەن سېنى سۆيۈپ، چەشمە كۆڭلۈم فونتان ئۇرۇپ جۇش ئۇرۇپ تۇرسا بۈگۈن. ھېجران يازمىلىرىدىن

maxal20

	بۇ ھايات قىسمەتكە باي كەلگىن نېگار خوشال كۇلۇپ، تارقىغاي مۇندا تۇمان چىقسۇن قۇياش ئىللىق بۇلۇپ، مەن باراي ئالدىڭغا يۇگرەپ دەستىلەر تىزدىم تۇتۇپ، كەڭ قۇچاق ئاچساڭ ماڭا باغرىڭدىمەن مېھرىم سۆيۇپ، چەشمە كۆڭلۇم فۇنتان ئۇرۇپ جۇش ئۇرۇپ تۇرسا بۇگۇن. ما كۇبلىت ماڭا ھەجەب بىر ئىشلارنى ئەسلىتىپ كەتتا! .................

arxang

	ھەربىر مىسراسىدىن بىر مەزمۇن ،چوڭقۇر مەزمۇن بىلىنىپ تۇرۇپتۇ، شۇنداق جانلىق.

sugar

	ناھايىتى جانلىق ياخشى يىزىپسىز!

aixa0995

	بەك ياخشى چىقىپتۇ ، قەلەم تولپارىڭىزغا ئاپرىن ... قانداقتۇر بىرىنى شۇنداق سېغىنىپ  كۈتىۋاتامسىز يا ..

zakira

	ئەيلىدىم كۇنلەر تامام ۋەسلىڭ ۋىسال يەتمەك بولۇپ، ئىنتىزار كۇتتۇم نېگار چۇشلۇرۇمدە ئايان بولۇپ، تامچىدىم بايرام كەبى تەملىرىنى بىرگە بولۇپ، خوشلۇقۇم جۇشقۇن سادا تۇرسا نىگار يانداش بولۇپ، چەشمە كۆڭلۇم فۇنتان ئۇرۇپ جۇش ئۇرۇپ تۇرسا بۇگۇن.   بۇ مىسرالار بەكلا ياقتى ...............

uqkun.

	بۇ 4قەۋەتتىكىaixa0995 يوللىغان 2010-12-02 12:26 غا قارتىلغان  :   بەك ياخشى چىقىپتۇ ، قەلەم تولپارىڭىزغا ئاپرىن ... قانداقتۇر بىرىنى شۇنداق سېغىنىپ  كۈتىۋاتامسىز يا .. مەن ماكان ئەيلەپ زېمىننى يېپىنچا بولدى ئاسمان، تاغ داۋان چۆللەر ئارا جۇت شېۋىرغان باستى تۇمان، ئۆڭكۇرى زۇلمەتتە پۇۋلەپ قالىدىم چۆپ ۋە سامان، كۆيدۇرۇپ ئىشقى پىراقىڭ ئەيلىسە دېلدا ھامان، چەشمە كۆڭلۇم فۇنتان ئۇرۇپ جۇش ئۇرۇپ تۇرسا بۇگۇن.

axikjan

	ھىجران بولماي ۋىسال بۇلۇپ قالغان بولسا ئىش بارمىكىنە ، شۇنداق ياخشى يېزىلىپتۇ بۇ شېئىر، رەھمەت قېرىندىشىم. ھارمىغايسىز، تىمىلىرىڭىز، شېئىرلىرىڭىز ئۇزۇلۇپ قالمىغاي

otyak

	مۇخەممىسىڭىزنى ياقتۇرۇپ ئوقۇدۇم.  بۇ شەكىلدە شېئىر يېزىشقا ئامراق. ئىجادىيىتىڭىزگە ئۇتۇق تىلەيمەن .