ئۇ توي قىلىپ كەتتى

bargiya

	ئۇ توي قىلىپ كەتتى توي لىباسى ئىچرە قۇش بولۇپ ئۇچۇپ كەتتى. شامال سۆيگەن زىناقلىرىدا پەيدا بولدى چوڭقۇر بىر كۆلچەك. تۆكۈلۈپ كەتتى باھار پەسلىدە ئېچىلغان چېچەك. ئۇ توي قىلىپ كەتتى يوق بولسىمۇ قىلچە رىزاسى. كېرىلمەكتە "ئاجىز"بايۋەتچە ئالقىنىدا "جەسەت "گۈزىلى. قىز سۆيگۈنى نامرات يىگىتنىڭ كۈلبىسىدە پۇرقۇرۇماقتا. كۆيۈپ كەتكەن چىن سۆيگۈ  كۈلى. ئۇ توي قىلىپ كەتتى.. ھەشەمەتلىك قورا ئىچىدە، ئەمدى يوقتى ئۇنىڭ ئۆز ئەركى. سەھرايىدا قالغان كۈلكىسى، قالغان ئەركىن قۇشتەك نەغمىسى. قالغان نۇرغا چىلانغان چىھرى ئىھ ،قالغانتى يەنە پۇلغا گاداي بولسىمۇ مۇھەببەتكە بەك باي يىگىتى. ئۇ ئۇچۇپ كەتتى پۇل-بايلىققا قۇربانلىق قىلىپ ئۇچۇرۇۋەتتى ئاتا-ئانىسى. شۇنداق، باش باھارنىڭ ئىللىق بىر كۈنى، ئەگىز سۈيى ئېقىتىپ كەتتى. دۇنيا تامان يېڭى كۆز ئاچقان مۇھەببەتلىك يۇمران نوتىنى زىنىقىدا چوڭقۇر بىر كۆلچەك، تۆكۈلمەكتە يۇمران بىر چېچەك. كۆرەڭ پۇللار گېدەيگەنسىرى توزىماقتا "چىنلىق"مۇ كۈلدەك.

مۇبارەك

	مەن ساڭا بىر ئازاب بېرىمەن. ئۇ بەكلا قىزىقارلىق، ئۇ مۇھەببەتنىڭ ئازابى. خۇددى سەن قاتتىق ئاغرىغان چېغىڭدا تارتقان ئازابتەك...سەن پەقەت زېرىكمەيسەن...                                                           ـ شېكىسپىر  « رۇمىئو - جۇلىتتا » مۇھەببەت ئارمانىغا يېتەلمىگەن ئاشىق-مەشۇقلار-ھە...مۆمىنجاننىڭ «توي ناخشىسى» نى ئەسلەپ قالدىم. تېما ئىگىسىگە رەھمەت.

baburxah

	ۋىسالسىز سۆيگۈ ئەڭ قەدىرلىك!

batista

	ئەسسالاممۇ ئەلەيكۇم. مۇشۇ كۈنلەردە بەرگىيە سىزمۇ " جىن" غا ئوخشاش " چاچما " شېئىر يېزىشنى  ياقتۇرۇپ قالدىڭىزمۇ قانداق؟  بۇ خىلدىكى شېئىرنى دەسلەپ ئوقۇغان   ئادەم  شېئىرنى چۈشۈنەلمەي ئاپتۇرنىڭ شېئىردا نېمىنى تەسۋىرلىمەكچى بولغانلىقىنى بىلەلمەيلا قالىدۇ. ھەتتا  بەزىدە ئادەمگە خۇددى تاققۇ - تۇققۇ سۆزلەۋاتقان مەس ئادەملەرنى ئەسلىتىپمۇ قالىدۇ.  لېكىن  ئوقۇرمەن ئۆزنىڭ پىكىرلىرىنى ، ئىلھاملىرىنى  كەڭ قويۋەتكەندىلا  باشچىلاپ شېئىر ئىچىگە كىرىپ كېتىدۇ.ھەتتا بەزىدە ئۆزىنى تاغلاردا سەكرەپ كېتىۋاتقاندەك ،يەنە بەزىدە دېڭىز -ئوكيانلاردا  ئۈزۈپ كېتىۋاتقاندەك ، يەنە يەنە بەزىدە  دەستى چۆللەردە يۈرگەندەك ھىس قىلىدۇ.  مەن ئەڭ دەسلەپ بۇ مۇنبەردە " جىن" ئەپەندىمنىڭ شېئىرلىرىنى كۆرگەندە  بەقەتلا چۈشىنەلمىگەن ئىدىم .لېكىن ھازىر ئەرەپ تىلىنى ئۆگۈنۈشكە باشلىغاندىن بۇيان بۇ خىلدىكى  شېئىرنىڭ  مەزمۇنىنىڭ بەكلا كەڭ  مەنالارنى بېرىدىغانلىقىنى ھىس قىلدىم .ئەرەپ يازغۇچىلىرىنىڭ  شېئىر  ، قوشاقلرى ھەقىقەتەن  بەكلا  ئادەمنى ئويغا سالىدۇ جۇمۇ...

zakira

	شېئىردا بىر جۈپ ئاشىق مەشۈقنىڭ مۇراد مەقسەتلىرىگە يېتەلمەي ،قىزنىڭ ئاتا ئانىسى تەرىپىدىن مال دۇنيا قوغلىشىپ پۇلدارغا بەرگەنلىكى ، قىزنىڭ سەبىي يۇمران قەلبى كۈلدەك توزۇپ كېتىۋاتقانلىقىدەك بىر ھەقىقەت نامايان قىلىنىپتۇ . ھازىرقى جەمىيىتىمىزدىمۇ  بۇنداق ئىشلارنى يەنىلى تۈگىدى دېگىلى بولمايدۇ . مەسىلەن ؛ پۇل  مېلىنى كۆز - كۆز قىلىدىغان ۋە شۇ مەرتىۋىسىگە تايىنىپ ساددا كىشىلىرىمىزنى بوزەك قىلىپ زومۇ زو قىزلىرىنى نىكاھىغا ئالىدىغان ئىشلار مەۋجوت ، يەنە  خۇپىيانە ھالدا ھەق نىكاھلىق ئايالى بولسىمۇ ئۈستىگە كىچىك قىزلارنى ئالىدىغان ئىشلارمۇ باركەن ....ئاتا- ئانىلىرىمى مال دۇنيانى دەپ  رازى بولىدىكەن .....بەرگىيە ئەجرىڭىزگە رەھمەت .

roman

	مۇھەببەتنى ئويۇن ئورنىدا كۈرىدىغانلار ئوبدان ئۇقۇسا بولغۇدەك . ھەقىقەتەن ياخشى يېزىپسىز

kokbora0909

	شېئىر ئۆز يۈكسەكلىكىنى ئوقۇرمەنلەر قەلبىدە يۈكسەلدۈرۈش ئۈچۈن چوقۇم تۇيغۇدىن چىقىپ تۇيغۇغا كىرىشى لازىم . چۈنكى شېئىر دېمەك تۇيغۇنى خاتىرلەش جەريانىدۇر . قاچانكى ئۇ تېخنىكىلىق ۋاستىلەرنىڭ ياردىمىدە ئوبىكتىپ رېئاللىقنى يالىڭاچ ئىپادىلەش باسقۇچىغا كىرىپ قالىدىكەن ئۆزىنىڭ مەغلۇبىيىتىنى ئۆزى يورۇقلۇققا چىقارغان بولىدۇ . بەرگىيەنىڭ << ئۇ توي قىلىپ كەتتى >> نام ئاسىتىدىكى مەزكۇر شېئىردا بىز ئاپتورنىڭ تۇيغۇسىدىكى نازۇك زىل - زىلىنى ئەمەس بەلكى ئوبىكتىپ رېئاللىقنىڭ روشەن كارتىنىسىنى كۆرۈپ يېتىمىز . دېمەك مەزكۇر شېئىر بىزگە تۇيغۇدىكى چېقىلىشنى ئەمەس بەلكى رېئاللىقتىكى جەرياننى يەتكۈزۈپ بەرگەن . جەريان يەتكۈزۈش شەكلى بولسا شېئىرىيەتنىڭ ئەمەس بەلكى پىروزىنىڭ ئالاھىدىلىكى بولغانلىقى ئۈچۈن بۇ شېئىر تۇيغۇنى ئەمەس جەرياننى يەتكۈزۈپ بېرىش سەۋەنلىكى بىلەن شېئىرلىق خۇسۇسىيىتىدىن مەھرۇم بولۇپ قالغان . بەرگىيەنىڭ كېيىنكى ئىجادىيەتلىرىگە يەنىمۇ يۈكسىلىش تىلەيمەن .

جىن

	ئەكبەرنىڭ ، بەرگىيە  بۇ شئېرىدا< تۈيغۇغا بۈسۈپ كىرمىگەن> دېگەن كۆز قارشىغا مەنمۇ قېتلىمەن ، شېئردىكى بايان بىر ۋەقەلىك بۇلۇپ تىراگدىيەلىك ھالدا تېخمۇ سىرلىقلاشقان بولسا بۇ شئېر مەڭگۇلۇك تېما بۇلۇپ قالاتتى ،لېكىن بەرگىيەدىكى سالقىن شامال سىماپ ئوتكەن يۈزلەردە قالدۇرغان راھەتلىك. بالاغەتكە ھامىلە بولغان سۆزلۇكلەر بىزنى شېئر ئۇقۇشقا ،شېئر ئاپتۇرىغا مەدھىيەگە زورلايدۇ   بەرگىيە خانىم قەلىمىڭىزگە ئۇتۇق تىلەيمەن

rana-ay

begana

	تىما توي، پۇل ،مۇھەببەت ،چىنلىق نى مەركەز قىلىپ يىزىلىپ رىئاللىقىنى ھىكايە قىلىپتۇ. بەرگىيەنىڭ ئىلھاملىرىغا كۆز تەگمىسۇن. رەنا-ئايغىمۇ تەشەككۇر