خىياللىرىم چۈشمۇ ئۇ ياكى ؟!

جىن

	خىياللىرىم چۈشمۇ ئۇ ياكى خىياللىرىم چۈشمۇ ئۇ ياكى، چۈش كۆردۈممۇ خىيال ئىلكىدە؟! ئېيتىڭ قېنى ياخشى كىتابخان، نېمە ئىش بار بۇنىڭ تېگىدە؟! 1 يازماق بولۇپ بىرلا نەرسىنى، ئېلنىپ قالدى قولۇمغا قەلەم. مەن يازمىدىم ھېچنىمە تېخى، يېزىلماقچى ئەسلىدىنلا «سەن». كۆزۈڭگە يېققىن قاشنى يازايمۇ، يۈزۇڭدىكى داغنى يازايمۇ لەۋلىرىڭگە سىرغىپ كەلگەن، تۇزلۇق سۇدەك ياشنى يازايمۇ؟ يا قەلبىڭگە بۆسۈپلا كىرىپ، زەرداپ سۇدەك دەردنى يازايمۇ؟ يۈرۈكۈمدە شۇنداق بىر ئوت بار، كۈۋەجەكتەك يالقۇنلايدىغان، ۋارقىرسام ھە، ئاۋازىم يوققۇ!؟ مەن چۈش كۆرگەن ياكى كۆرمىگەن. كىپىنەكنىڭ ئىزلىرى كەبى، يوقاتقاندا  سېنىڭ سايەڭنى. قىيامەت ئۇ مەن ئۈچۈن ئەسلا، قىينىما - ھە! ئەمدى ئادەمنى. ئويۇپ قويغان ئىسمڭنى بىر چاغ، يۈرىكىمنىڭ ئىچكى قېتىغا. بوشلۇقلاردا تۇرامدۇ ئېتىڭ، يېزىپ قويدۇم ئىسمىم قېشىغا. سەن مەندەك، مەن سەندەك ئەسلى، روھ - تەن ئارا بىرىكمە تېنىق. ئىككىمىز ئۇ بىر گەۋدىغۇ - ھە! ساڭا سۆيگۈم ئەسلىدىن ئېنىق. بوينىڭدىكى خالغا ئاشىقمەن، سۆيۈپ قويدۇم لېۋىڭگە قېنىق. 2 پادا،پادا، ئېغىلدا پادا، كىرىپ قالار ئادەم رەڭگىگە، باغرىدىقى ئىسلگە قىزچاق، ئۇ نىمانچە- نىمانچە ئۇماق. سۇرۇغ سۈرۈپ قىزىل قىلىۋاپتۇ، قاراڭلاھە ئۇنىڭ لېۋىگە! قاش كىرپىكى جايىدا ئەمەس، خىياللىرى بولۇپ قالغان مەس. يىغلاپ ساپتۇ ئاسماندىكى ئاي، تۇزلۇق سۇلار كىرپىككە زىيان، ئىتىكىدە  بىر ئۇچۇملا لاي. كۇيۇپ قالدىم ئۇنىڭ تۇرقىغا، ئۇ يۈرىيدۇ ماڭا قارىماي. 3 ئۆگزەڭدىكى مەجنۇنتال تىرەك، ئاي، قۇياشسىز بىزگە نە كىرەك. كۆرۈنۈپ قالدى قىزنىڭ پۇتىدا، ئالتۇن كەشە-ساپما كېپىشلەر. قاي پادىشاھ ئاتىسى ئىدى؟ شاھزادىلەر نەگە كەتكەندۇ قىزغا ئەر يوق ئۆيدە ئولتۇرۇپ چىلتەك تۇقۇپ تۇرۇدۇ ئەنە! ھىكايىگە بەك ئاشىق ئۇ قىز ئۆز-ئۆزىگە قىلار تەنتەنە. شەھرىزادمۇ سۆزلەپ قانمىدى، مىڭ بىر كىچە ھىكايىسىدەك، قىزنىڭ قۇلىقى پاڭمۇ نېمە؟ سەرخۇش ھاۋا سەھرادا يەنە، لەيلەپ قاپتۇ خۇددى بالۇندەك تېقىمىغا چۈشكەن قىزنىڭكى ئىھ، چاچلىرى شاھزادىگە  يارارمۇ ئەمدى؟ قۇم باسقان شەھەر ئوخشاپ قالدى كاتتا بۇلۇتقا. 4 چۈش يەنە داۋام قىلماقتا، يەتتە قىزنىڭ تەقدىرى كەبى ئوردىدا يىغلىغان قىزنىڭ سۆيگۈ ئىزدەپ ساراڭ بۇلۇپتۇ ھۆپۈپلەردەك سايرىغان بۇلبۇل شاھزادىگە خەۋەر قىلالماي يا شاھزادە سۈكۈت قىلالماي ئاشۇ قىزغا كۆزى قىيالماي ئەزان توۋلاپ قويدى مەسچىتتە، قىز يىغلاپ تۇرغان بىر چەتتە تويى بولدى ئىھ، بۈگۈن كېچە، بالىلىرى چوپچوڭ بۇلۇپتۇ. بەزىلىرى ئايغا چىقىپتۇ بەزىسى تامغا قاراپ كۈلۈپتۇ بولدى بۇ ئىشلار تاڭ ئاتقۇچە چۈش دىگەن رىئاللىقتىن يىراق، رىئاللىق چۈش بولغۇچە، تارىخلارنى ئۇقۇپ بولغۇچە. مەن چۈش كۆرمىدىم، چۇش مىنى كوردى، ئەسىر ۋاقتىدىن شامغىچە... 2010-11-28 ــ جىن

barqukbag

	ئەلكۈيىدە  جىنلارمۇ شائىر بۇلۇپ  كىتىپتۇ . چاقچاق  جىن ئەپەندى  ياخشى  يىزىپسىز . قەلبىڭىز قەلىمىڭىز توختاپ  قالمىغاي .

dilhux2

	شېئىر لىرىڭىز نى قانچە قىتىم ئوقۇغانلىقىمنى بىلمەيمەن . گەرشېئىرلارنى باھالاشقا قۇربۇم يەتمىسىمۇ ئەمما قانداق چىققىنىنى بىلەلەيمەن . شېئىر لىرىڭىز نىڭ مەزمۇنى چوڭقۇر  بۇلۇپلا قالماي تارىخ ئارقا كۆرىنىشىمۇ يۇشۇرۇلۇپتۇ . تىمىڭىز غا رەھمەت.

gulsima

	بۇ شىئىرىڭىزمۇ ياخشى چىقىپتۇ قىرىندىشىم ..... ھەرۋاقىت ئىلھام كەپتۇرسۇن سىزگە.....

bargiya

	خىياللار چۈش بولسا مەيلىكى ئارمانلار چۈش بولۇپ قالماستىن رىئاللىقتىن دەرمان تاپسۇن!! جىن ئۆتكۈر قەلەملەردىن تامغان قەترىلەر كىشىنى بەك ھاياجانلاندۇرۇدۇيۇ بىراق مۇناسىپ سۆز  يوللاشقا تىل ئاجىزلىق قىلىدۇ...

gvzal3.8

	جىننىڭ شېئىرلىرىدىكى ئۆزگىچە مەزمۇن، ئېسىل مىسرالار كىشىنى قايىل قىلىش بىلەن بىرگە، شېئىر مىسرالىرىدا بىر ھازاغىچە تېڭىرقاشقا مەجبۇر قىلىدۇ. بەرگىيە ئېيتقاندەك مۇناسىپ سۆز يوللاشقا تىللار ئاجىزلىق قىلىدۇ. جىننىڭ شېئىرلىرىنى ئوقۇسام نېمىلەرنىدۇ چۈشەنگەندەك بولىمەنيۇ، ئىپادىلەپ بېرەلمەيمەن. مانا شۇ چاغدىلا ئۆزۈمدىكى سەۋىيە بىلەن جىندىكى سەۋىيەنىڭ ئېنىق ئايرىمىسىنى تولىمۇ ئوڭايسىزلىق ئىچىدە ھېس قىلىمەن    قەلەملىرىڭىزگە بەرىكەت بولسۇن جىن.    ئىملايىڭىزمۇ ئالاھىدە توغرىلىنىپ مېڭىۋاتىدۇ، مۇبارەك بولسۇن.

koklem

	شېئىردىكى تىل گۈزەللىكى ،مەنە گۈزەللىكىنى، چىن ھېسسىياتقا تويۇنغان لىرىك مىسرالار... شېئىرنى  قايتا-قايتا ئوقۇشقا ئۈندىدى. ئويغاق  چۈشلەر پات پات سىزنى كۆرۈپ تۇرسۇن... بەك ياخشى چىقىپتۇ...

miskinay

	شېئىرلىرىڭىزنى ئوقۇسام چۇڭقۇر ھېسسىياتلار قاينىمىغا چۆكىمەن. قەلىمىڭىزگە بەرىكەت تىلەيمەن.

جىن

	ياقتۇرغانلارغا رەھمەت ،<شېئىر چۇقۇم تىراگدىيەدىن پۇتۇشى كىرەك >دەيدۇ ئىدۋارد سەئىد  <ئايغا ،سايغا ، بايغا ،تايغا دەپ قاپىيە ئويناش شېئرىيەتتكى <شېئر>ئاتالغۇسىغا ھاقارەتلىك سۆزلەر دۇۋسى بۇلۇپ قالىدۇ >دەيدۇ سارتېر

otyak

	چۇشەپ قالدىم سېنى بىر كۇنى، تاغنىڭ باغرى قاپتىلىدا. نىمە قىلىسەن ئۇ يەردە يىغلاپ تىخى ھىجران ئوتىدا. يېنىپ كەلگىن  تاغدا بورە بار، ساڭا ئاشىق نەدە بار ؟ باغۇ-بوستان بۇ يەردە، باياشادلىق ما يەردە... سېنى ئىزدەپ تاپىدۇ قىران يىگىت ئەلۋەتتە... _ئوتياق