ئۇلار دادىسىنىڭ قاتىلىنى كەچۈرۋەتتى

er^tugh

	سالام ! چوقۇم پايدىلىق  دىگەن مەقسەتتە ، تەربىيۋى ئەھمىيتى زور دەپ ئويلىغان  ، تۆۋەندىكى قېسقا ھېكايىنى ھوزۇرۇڭلارغا سۇندۇم . بۇيرۇق ! ھەممىڭلار ئوقۇپ چېقىڭلار... ھەزرىتى ئۆمەر ھەمسۆھبەتداشلىرى بىلەن ئولتۇرسا ، ھوزورىغا ئۈچ ياش يېگىت كىرىپ كەپتۇ –ۋە ، ئەي خەلىپە بۇ كىشى بىزنىڭ دادىمىزنى ئۆلتۈردى . ئېنتىقامىمىزنى ئىلىپ بېرىشىڭىزنى سوراپ كەلدۇق ،ھۆكۈم قىلىپ بېرىڭ- دەپتۇ  . بۇ سۆزلەرنى ئاڭلىغان ھەزىرىتى ئۆمەر ، گۇناھكار ياشقا بۇرۇلۇپ  ، ئۇلارنىڭ دىگىنى توغرىمۇ دەپ سوراپتۇ . -    گۇناھكار ياش -  ھەئە ، توغرا . مەن ئۆلتۈردۈم دەپتۇ . ئۇنىڭ بۇ سۆزدىن تەئەججۈپلەنگەن ھەزىرىتى ئۆمەر ئىشنىڭ جەريانىنى سۆزلگىن دەپ ، زەن سېلىپ ئاڭلاشقا باشلاپتۇ . گۇناھكار ياش – مەن يۇرتۇمدا ھال -ئەھۋالىم ياخشى ، ئېسىل تۇرمۇش كەچۈرىدىغان يېگىت ئىدىم . نەچچە كۈننىڭ ئالدىدا ئوۋغا چېقىپ ، بۈگۈن تەقدىرى –قىسمەت بۇ ياشلارغا يولۇقۇپ قالدىم ... ھايۋانلىرىمنىڭ ئارىسدا شۇنداق چىرايلىق ئارغىماق ئېتىم باركى ، يېنىدىن ئۆتكەن كىشى ئارقىغا بۇرۇلۇپ يەنە بىر قاراپ قويۇپ ئۆتەتتى . ئېتىمنى قانچە قىلىپمۇ بۇ ياشلانىڭ بېغىدىن مىۋە يېيىشىتىن  توسالمىدىم . -     بىر ۋاقىتتا ، ياشلارنىڭ دادىسى باغدىن تۇيۇقسىز چىقتىيۇ ، قولىدىكى تاش بىلەن ئېتىمنى ئۇرۇپ ئۆلتۈرۈپ قويدى . بۇنى كۆرۈپ بەك ئېغىر ئىلىپ كەتتىم –دە ، چىداپ تۇرالماي  ، مەنمۇ قولۇمغا تاش ئىلىپ ئاچچىغىمدا ئۇ ئادەمنى ئۇرۇپ ئۆلتۈرۈپ قويۇپتىمەن . ئۇ يەردىن كىتەي دىگەندە ئۇ كىشىنىڭ بالىلىرى مېنى تۇتۇۋالدى . بولغان ئەھۋال مۇشۇ-دەپتۇ گۇناھكار يېگىت  . -     ھەزرىتى ئۆمەر – دەيدىغانغا باشقا بىر نەرسە يوق  ، بۇ جىنايەتنىڭ جازاسى ئۆلۈم ! ئۇنىڭ ئۈستىگە ئۆزۈڭمۇ ئېقرار قىلىدىڭ ...دەپتۇ . -     گۇناھكار ياش ھۆكۈمنى ئاڭلاپ ، ھەزىرەتلىرى مېنىڭ بىر تەلىپىم بار ئىدى – دەپ ،  سۆزىنى داۋام قىلىپتۇ . -    مەن يۇرتۇمدا ھال ئەھۋالىم ياخشى بىر باينىڭ بالىسى ، دادام ئۆلۈپ كېتىشنىڭ ئالدىدا ، خېلى جىق مېقداردا ئالتۇن قالدۇرغان ئىدى . بۇ يەرگە كىلىدىغاندا ، ئۇكام كىچىك ، ئالتۇنلارنى ساقلىيالمايدۇ –دەپ  ، بايلىقلارنى يوشۇرۇپ قويۇشقا مەجبۇر بولغان ئىدىم . ئەگەر سىز بۇ ئۆلۈم جازاسىنى ئىجرا قىلىسڭىز ، يېتىمنىڭ ھەققىنى زايا قىلغانلىقىڭىز ئۈچۈن ، ئاللاھنىڭ دەرگاھىدا جاۋاپكارلىققا تارتىلىسىز . ماڭا ئۈچ كۈن مۆھلەت بەرسىڭىز ، مەن ئامانەتنىڭ بار يىرىنى ئۇكامغا كۆرسۈتۈپ قويۇپلا قايتىپ كەلسەم ،  بۇ ئۈچ كۈن ئىچىدە ئورنۇمغا بىرىنى كېپىلىم قىلىپ قويسام -دەپتۇ . -    ھەزرىتى ئۆمەر - سەن بۇ يەردە ھېچكىمنى تونۇمايدىغان بىر غېرىپ مۇساپىر ، سېنىڭ ئورنۇڭغا كىم كېپىلىڭ بولار دەۋاتقاندا ، گۇناھكار ياش ئەتراپقا بىر قارىۋىتىپ ئۇدۇلىدىكى بىر كىشىنى ئىشارەت قىلىپتۇ ۋە مانا بۇ كىشى مېنىڭ كېپىلىم بولۇپ تۇرىدۇ - دەپتۇ .  ئۇ زات پەيغەمبەر ئەلەيھىسسالامنىڭ ھايات ۋاقتىدىكى ئەڭ ياخشى ساھابىرلىرىدىن بىرى بولغان ، ھايات تۇرۇپ جەننەتتىن خوشخەۋەر بىرىلگەن ئەمىر ئىبن ئاس ئىدى . -    ھەزرىتى ئۆمەر ئەمىرگە بۇرۇلۇپ ، ئەي ئەمىر ، يېگىتنىڭ دىگەنلىرىنى ئاڭلىدىڭمۇ دىيىشىگە ، ئەمىر ئىبن ئاس - شۇنداق ئاڭلىدىم ، مەن ئۇنىڭغا كىپىل بولاي دەپتۇ ۋە گۇناھكار ياش قويۇۋىتىلىپتۇ . -    ئۈچىنچى كۈنى كۈن پېتىشقا ئاز قاپتۇ ، ئەمما يېگىت كەلمەپتۇ . مەدىنە شەھرىدىكىلەردىن بىر تۇركۇم كىشىلەر ، گۇناھكار يېگىتنىڭ ئۆلۈم جازاسىنىڭ ئورنىغا  ، ئەمىر ئىبن ئاسنىڭ قىلىشىدىن تەشۋىشلىنىپ ، ئۆلگۈچىنىڭ ئائىلە –تاۋابىئاتلىرىغا دىيەت (ئۆلگۈچى تەرەپكە بېرىلىدىغان تۆلەم پۇل )بېرىشىنى تەلەپ قىلىپتۇ . بۇنى ئاڭلىغان ياش يېگىتلەر قەتئىي قوشۇلماپتۇ ، زادى بولمايدۇ ، دادىمىزنىڭ قېنى يەردە قالسا ھەرگىز بولمايدۇ دەپ چىڭ تۇرۇپتۇ . -    ھەزىرىتى ئۆمەر ئاخىرى ھۆكۈم ئىجرا قىلىشقا تۇتىنىپ مۇنداق دەپتۇ ... بۇ كىپىل مېنىڭ دادام بولسىمۇ ، بېرىلگەن جازانى ئىجرا قىلىمەن دەپتۇ . -    ھەزىرىتى ئەمىر ئىبن ئاسمۇ ، تەسلىمىيەتچىللىك بىلەن مۇلايىمغىنا – مېنىڭمۇ باشقا سۆزۈم يوق ، مەن رازى دەپتۇ . دەل شۇ ۋاقىتتا كىشىلەر توپىدا گۇدۇرلىغان ئاۋاز كۆتۈرلۈپتۇ ۋە ھېلىقى گۇناھكار ياش ، كىشىلەر توپىنى يېرىپ ، ھەزىرىتى ئۆمەرنىڭ ئالدىغا چېقىپ كەپتۇ . يېگىتتىن سۆيۈنگەن  ھەزىرىتى ئۆمەر ، ئۇنىڭدىن - ئوغلۇم كەلمەسلىكنى خالىساڭمۇ ،كەلمەيلا قويالايتتىڭ ، كىلىشىڭگە نېمە سەۋەپ بولدى ؟ دەپ قىزىقىپ سوراپتۇ  . ياش يىگىت چوڭقۇر بىر نەپەس ئېلىۋىتىپ ، ئەركەك تۇرۇپ ۋەدىگە ۋاپا قىلمىدى دېيلىپ قالماسلىقىم ئۈچۈن كەلدىم –دەپتۇ . ھەزىرىتى ئۆمەر ، ئەمىر ئىبن ئاسقا بۇرۇلۇپ - ئەي ئەمىر سەن بۇ ياشنى بۇرۇن كۆرمىگەن ، بىلمىگەن تۇرۇپمۇ قانداقسىگە ئۇنىڭ ئورنىغا ، جىنىڭنى سېلىپ بىرىش خەۋپىگە تەۋەككۈل قىلىپ  ، كېپىل بولۇشقا رازى بولدۇڭ . ئەمىر ئىبنى ئاس ئاجايىپ مەردانە بىر جاۋاپنى بىرىپتۇ – شۇنچىلىك كۆپ كىشىلەردىن مېنى تاللىدى . ئىنسانلارنىڭ ئارىسىدا مەرد – مەردانىلىك ، ئادىمىيلىك ئىشەنچ  ئۆلۈپتۇ دەپ قالمىسۇن دەپ قوبۇل قىلىدىم . بولۇۋاتقان گەپ – سۆزلەرنى ئاڭلىغان دادىسى ئۆلتۈرۈلگەن ياشلار -  بىز بۇ داۋادىن ۋاز كەچتۇق دەپتۇ . ھەزىرىتى ئۆمەر ئۇلارغا قاراپ ، بىردەمنىڭ ئالدىدا دادىمىزنىڭ قېنى يەردە قالمىسۇن دەپ جار سالغانتىڭلار ، نېمە سەۋەبتىن  ئەمدى ۋاز كەچمەكچى بولدۇڭلار ؟ ... ياشلارمۇ كىشىنى ھەيرانۇ – ھەس قالدۇرىدىغان جاۋاپتىن بىرنى بېرىپتۇ ... ئىنسانلار ئارىسىدا مېھرى – شەپقەت ، كۆيۈم ، مەرھەمەت ، ئەپۇچانلىق قالماپتۇ دېيىلىپ قالمىسۇن - دەپ ... بۇ دەۋادىن ۋاز كەچتۇق – دەپتۇ . مەيلى دۇنيا قانچىلىك تەرەققى قىلىپ كېتىشىدىن قەتئىي نەزەر ، ئەتراپتىكىلەر مال – دۇنياغا كۆمۈلۈپ كەتكەن تەقدىردىمۇ  ، ئىنسان ئەسلى تەبئىيتىدە بار بولغان مەنىۋى بايلىقلىرىدىن  - مېھرى – شەپقەت ، سەمىمىي – سادىقلىق ، مەردانىلىككە ئوخشىغان ئېسل خېسلەتلەرنى يوقاتمىغاندىلا ، ھاياتتىن ھوزۇر ئالالايدۇ ۋە ھوزۇر بىرەلەيدۇ . خۇدايىم ھەممىمىزنى كۆڭلى – كۆكسى كەڭ  ، مەرد ، سېخى كىشىلەردىن بولۇشقا نەسىپ قىلسۇن . مەنبە : ھېكايە ئاڭلىتىش تور بېكىتىدىن تەرجىمە قىلىندى .

oyqan.uyghur

	مەن ئوقۇدۇم،ياخشى ئەسەركەن،تەربىيە ئەھمىيىتى زوركەن.

kaqkun16

	ئېسىمدە قېلىشىچە مىڭ بىر كېچىنىڭ ئىچىدىمۇ مۇشۇ ھېكايە بارغۇ دەيمەن....

layli

	ئىنسانلار ئارىسىدا مېھرى – شەپقەت ، كۆيۈم ، مەرھەمەت ، ئەپۇچانلىق قالماپتۇ دېيىلىپ قالمىسۇن - دەپ ... ئىنسانلارنىڭ ئارىسىدا مەرد – مەردانىلىك ، ئادىمىيلىك ئىشەنچ  ئۆلۈپتۇ دەپ قالمىسۇن دەپ...... ئەركەك تۇرۇپ ۋەدىگە ۋاپا قىلمىدى دېيلىپ قالماسلىقىم ئۈچۈن    ماڭا ئەڭ تەسىر قىلغان يەرلىرى ، ياخشى ھېكايىدىن بەھرىمان قىلغىنىڭىزغا تەشەككۈر.

مۇبارەك

	ئالدىنقى يىلى قىشتا، مېنى نېپىز كىيىۋاپسىز دەپ، ئۆزىنىڭ چاپىنىنى سېلىپ بېرىپ قاتتىق زۇكام بولغىنىدىن ئاغرىپ يېتىپ قالغان نەۋرە ئاچام ئېسىمگە كىلىپ قالدى تۇيۇقسىز. بەزىدە قويۇققىنە مېھىر ئىچىدە تۇرۇپمۇ شۇ مېھىرنى ھېس قىلالماي قالىمىزكەن، ئاقىۋەتتە قەدىرلەش ئۇياقتا تۇرسۇن، قايتۇرۇپ بىر رەت سەمىمىيىتىمىزنى ئىپادىلەشكىمۇ قادىر بولالمايدىكەنمىز. مۇھەببەت نۇقتىسىدىن قارىساق، دۇنيا شۇنچىلىك گۈزەل. بۇنى چۈشىنىپ يىتەلىگەن كىشىلەر ئۈمىد، ئىشەنچ، كۆتۈرەڭگۈ روھ...بىلەن ياشىيالايدۇ، بەلكىم ھاياتلىقنىڭ ئەسلى تەبىئىيىتىدىن ئېيتقاندىمۇ مۇشۇنداقراق ياشىغان ئەڭ دانالىقمىكىن. مېھىر-مۇھەببەت، ئىنساپ-دىيانەت بىلەن ياشاشقا تىرىشايلى، ماڭغان ھەر ئىزلىرىمىزدىن گۈللەر ئېچىلىپ تۇرسۇن.

atikam1

	ئىنسانلار ئارىسىدىكى مىھرى-مۇھەببەت ېخى پۇتۇنلەي كۆتۇرلۇپ كەتكىنى يوق ،،،، ئاللاھ مەلۇم سەۋەپ ،مەلۇم ھەركەت ئارقىلىق بىر-بىرىمىزگە مىھرى-مۇھەببەت ئۇرىقىنى چېچىپ تۇرىۋاتسا كىرەك ،،، مەن ئىنىمنىڭ كىتاپلىرى قاتارىدا تۇرغان<< شەيتان بىلەن سۆھبەت >> دېگەن كىتاپنى ئوقىغاندىن كىيىن نۇرغۇن جۇملىلەر نى ئىسىمدە ساقلىۋالغان ئىدىم ،،،،شۇ قاتاردا  تۆۋەندىكى نەچچە جۇملە دىئالوگمۇ قاپتۇ ئېسىمدە . موللا : سەن قانداق ۋاقىتتا  ،شۇنداق خۇشال بولۇپ ،دۇنياغا بىر بولىسەن ( دۇنيانى بېشىڭغا كىيىسەن )؟ شەيتان : ئىنسانلاردىكى مىھرى-مۇھەببەت تۇگىگەن ۋاقىتتا ،مەن خۇشال بولۇپ كۇيىقاپتىن چىقىپ دۇنيانى بېشىمغا كىيىمەن موللا : ھازىرمۇ مىھرى- مۇھەبەت سۇسلىشىۋاتىدىغۇ ،سەن بۇنىڭدىن خۇشال ئەمەسما ؟ شەيتان : خۇشال، لېكىن يەنىلە مىھىرى -مۇھەببىتىڭلار بىر-بىرىڭلارغا چوڭقۇر ،مەن ئىنسانلارنى ھەرقانداق يامان ئىشقا شۇنداق تىزلا  ماڭغۇزالىغىنىم بىلەن ،بىر-بىرىگە بولغان مىھرى-مۇھەببىتىنى ئۈزىل-كىسىل ئۈزەلمىدىم ،،دەپتۇ

er^tugh

	ئەسلىدىنلا تېما يوللاش نېيتىم بولمىغاچقىمۇ ، ئاخشام ئاڭلىغانلىرىمدىن بەك تەسىرلىنىپ كېتىپ تېز - تېزلا تەرجىمە قىلىپ يوللىۋىتىپتىمەن . ۋەقەلىكنىڭ 70 پىرسەنتى ئۆزگىرەپ كېتىپتۇ -دەپ ئۇچۇر تاپشۇرۇپ ئالدىم . بەلكى بۇ مەزمۇندىكى ئۆزگۈرۈش ئەمەستۇر . شۇڭا سەمىڭلارغا سالاي دىيشىم . رەھمەت .

abida

	بىزنىڭ قانداق ئۆلۈشىمىز بىز تۆرەلمە بولۇپ 4ئاي ئىچىدە پىشانمىزگە پۈتۋىتىلگەن ئىكەن، ئۇلارنىڭ دادىسىنىڭ ئۆلىشىمۇ بىر تەقدىر، شۇڭا ئۇ يىگىتكە ئۆلۈم جازاسى بېرىش مۇۋاپىق ئەمەس.

0991sumruh

	مېنىڭ دېمەكچى بولغانلىرىمنى layli دەپ بوپتۇ

torimiz

	ئىلگىرى بىر تور بېكەتتىن ئۆزىگە قەست قىلغان تۈركىيەلىك قاتىلنى كەچۈرىۋەتكەن رىم پاپاسىنى كۆرۈپ شۇنداق تەسىرلەنگەن ئىدىم.