چېكەرمەن

akattrgvl

	چېكەرمەن بىكار كەتتى ئاناڭنىڭ بەرگەن سۈتى چېكەرمەن ، زايە كەتتى ئاتاڭنىڭ يۈرەك قېنى چېكەرمەن ، ئېلىپ كەتتى ئاق ئىبلىس ئاخىر سېنى چېكەرمەن قاقشاپ قالدى شۇلارنىڭ يەنە دىلى چېكەرمەن ، بىزار سەندىن شۇڭلاشقا خەلقىم دىلى چېكەرمەن. چەكمە دېسە چەكچەيدىڭ چېكىۋەتتىڭ ئۆزۈڭنى ، ئاقنى سېتىپ ئاستىرىتتىن سېتىۋەتتىڭ ئۆزۈڭنى ، بىلىپ تۇرۇپ بىر ئوتقا يېقىۋەتتىڭ ئۆزۈڭنى ، ئەلدىن كۆرمە ئۆلۈمنى ئېتىۋەتتىڭ ئۆزۈڭنى ، خوتۇن -بالاڭ تاپقان پۇل ، ئۆيۈڭ قېنى چېكەرمەن . خىروئىنمۇ بەخۇدۈك بىزنى تاپتى ئەڭ ئاۋۋال ، ئەخمەق كۆرۈپ دوززاخقا بىزنى تارتتى ئەڭ ئاۋۋال ، پۇل دېگەنگە لوققىنا بىزنى ساتتى ئەڭ ئاۋۋال، ھارۋىسىغا قىلمىشنىڭ بىزنى قاتتى ئەڭ ئاۋۋال ، سۆرەپ ماڭغان شۇلارنىڭ سەنمۇ بىرى چېكەرمەن . ئۆزۈڭ بىلەن قالمىدى قىزلارغىمۇ چەككۈزدۈڭ ، تۇتسا خۇمار پۇلى يوق تال بويىنى ئەگكۈزدۈڭ ، يېلىندۇرۇپ كىمگىدۇ نۇمۇسىغا تەگكۈزدۈڭ ، قىلغاندىمۇ ئەسكىلىك ھەق -داتىغا يەتكۈزدۈڭ ، قىلماقچى سەن جىسمىڭنى يولۋاس يېمى چېكەرمەن . بۇ ئىشلارنىڭ سەۋەبى نادانلىقمۇ بىلمەيمەن ، تېنىمىزدە قۇتىرغان قاراملىقمۇ بىلمەيمەن ، يا قالاقلىق ،شاللاقلىق ،ساراڭلىقمۇ بىلمەيمەن ، ئاقىۋەتنى ئويلىماس گالۋاڭلىقمۇ بىلمەيمەن، زادى نېمە ئېيىتقىنا بۇنىڭ سىرى چېكەرمەن . ئەگەر ھاياتىڭىزدا بىر قەدەمنى خاتا باسسىڭىز ،ئاقىۋەت چوڭقۇر ھاڭغا چۈشۈپ كېتىسىز ! مەنبە :خاتىرەمىدىن  .. ئاپتورنى شۇنچە ئىزدىنىپمۇ بىلەلمىدىم ،بۇ شئېرنى ئابدۇقەييۇم ئىمىن ئاكا دېكىلماتسىيە قىلپ ئاۋازلىق ئەسەرمۇ چىقىرىپتىكەن .

alone

	بەك ياخشى شئىركەن.

otyak

	نىشە، ئاقنى كەلتۇرۇپ، لەززەت كۆرۈپ چېكىمەن ، ھەي، خۇمارى بەك يامان دەتنى ئەلگە تۆكىمەن ، تۇتۇپ كەتسە بىردەمدە، چاپىنىمنى تىتىمەن ، چارە بولماي قالسا گەر،  بۇ دۇنيانى يۇتىمەن ، كۆنۈپ قالغان بۇنىڭغا، سىرلىق تۇمان چېكىمەن. __ ئوتياق