ئانا تىلىم،زەر تىلىم

yulgun1

	ئانا تىلىم، زەر تىلىم   ( روزى سايىت )          تىل ئالاقە قورالى، تىل قەلبنىڭ ئەينىكى، تىل ئادەمنى، ئالەمنى باغلاپ تۇرغان زەر رىشتە، تىل خەزىنە، تىل ھېكمەت، تىل مۇھەببەت كۆۋرۈكى، تىل ھايۋاننى ئىنسانغا ئايلاندۇردى پەرۋىشتە. تىل نادانغا پەم بېرىپ، تىل زۇۋانغا تەم بېرىپ، ھاياتلىقنىڭ ئابادى مېھىر تاپتى سۆيۈكتە، شۇڭا ھەر بىر قەۋمچۈن مەيلى كىچىك-چوڭ بولسۇن، ئانا تىلى-ئۆز تىلى شۇنچە ئۇلۇغ، بۈيۈكتە...! ئۇيغۇر تىلى ئۇۋاق تىل، ئۇيغۇر تىلى ئوماق تىل، سەككىز مىليون بۇلبۇلنىڭ ئاشۇ تىلدا ناۋاسى. ئۇيغۇر تىلى كىچىك تىل، ئەمما تاتلىق چۈچۈك تىل، مەن شۇ تىلنىڭ شەيداسى، مىراسخورى ھەغداسى. ئۇ ئانا تىل، ئانامغا ئانىسىدىن يادىكار، مەن بۇ تىلنى ئۆگەنگەن زاكامدىكى چاغلاردا. ئاشۇ ئانا تىل بىلەن ئوۋلاپ جانان مەيلىنى، پاراڭلاشقان، سىرداشقان ئالمىزارلىق باغلاردا. بوۋام مۇشۇ تىل بىلەن يۈرىكىمگە پىچىرلاپ، ۋاپادارلىق، مەردلىكنىڭ مىزانىنى بىلدۈرگەن. ئوغلۇم، قىزىم ھەر كۈنى تۇمۇچۇقتەك ۋىچىرلاپ، ھاياجانغا چۆمدۈرگەن، مۇرادىمنى كۈلدۈرگەن. مۇشۇ تىلدا نەۋائىي كىيگەن ناۋا تاجىنى، شا مەشرەپنى مۇشۇ تىل ئېرىشتۈرگەن شەرەپكە، يۈسۈپكە "خاس ھاجىپ"لىق ئاتا قىلغان مۇشۇ تىل، مەھمۇد بوۋام شۇ تىلدا دەرس ئۆگەتكەن ئەرەبكە. مەن شۇ ئانا تىل بىلەن پەرۋاز قىلىپ ئىجادتا، زىمىستاننى لەنەتلەپ، تاڭغا مەڭىز يۈز ياقتىم. كۈلسە يۇرتۇم تەڭ كۈلدۈم، ئەل يىغلىسا ياش تۆكتۈم، بىللە كۆيدۈم ئوتىدا، سۇلىرىدا تەڭ ئاقتىم. مەن شۇ ئانا تىل بىلەن باغاشلىدىم باھارنى، گۈل-چىچەككە پۈركەنگەن چىمەنلەرنى ئارىلاپ. مەن كۈلىمەن، قەۋمىمنى كۈلدۈرىمەن قەلەمدە، تىلغا ئۈنگەن ھارام شاخ، كۆتەكلەرنى پارىلاپ! شۇڭا دەيمەن: ئۆز تىلىم، گۆھەر تىلىم، زەر تىلىم، بوپقالغىنى ئۇششاق تىل ئەمەس ھەرگىز ئىللىتى. زەررە كىچىك، ئاتوم شۇ زەررىلەردىن تۈزۈلگەن، مېنىڭ تىلىم ئاشۇنداق-ئاتومچە بار قىممىتى !!! يېڭى ئەسىر غەربنى كەڭ كۆلەمدە ئاچماقچى، بۇ ئېچىشتىن دىيارىم كەلمىش چوقۇم جەۋلانغا. قاتناشمىسا ئانا تىل رىقابەتلىك "ئېچىش" تا، تەستە كەلگەن بۇ پۇرسەت يېتەلمەيدۇ ئارمانغا. ئەي تەڭرىتاغ پەرزەنتى، ئۇزۇن سەپەر كارۋانى، سىيپىماقتا مەڭزىڭنى تاڭنىڭ مەيىن ساباسى. مۇھەببەتلىك باغاشتا كۈلۈپ، يايرا، ياڭرىسۇن، سەككىز مىليون شاد دىلنىڭ ئانا تىلدا ناۋاسى!

akattrgvl

	توۋا دەيمەن                                    توۋا دەيمەن بۇ بىر ئەۋلات كىملىشىپ كەتتى ، ۋىجدانىنى زەي-شور بېسىپ چىملىشىپ كەتتى . قەشقەر خوتەن ئاش تۇزىدا ئەتلەنگەن تۈرۈم ، يۇرۇش-تۇرۇش ، ئوي-پىكىردە رىملىشىپ كەتتى . ********************************************* يىگىتلىرى ئەردەك ئەمەس روھى زەيپانە ، ئەقلى پۇلپەز ، غۇرۇرى دەز ، نىملىشىپ كەتتى . قىزچاقلىرى قىزدەك ئەمەس شەرمى - ۋاپا كەم ، بېشى چۇۋۇق ، كۆكسى ئۇچۇق ، شىملىشىپ كەتتى . ********************************************* تەڭلا ئەتە خۇسىسىغا لەۋزى پاراڭ يوق ، جىسمى كەيپ-ئىشرەت بىلەن يىملىشىپ كەتتى . بىشارەت بۇ گۇمراھلىقتىن يىتۇل غاپىللىق ، پۇرقىتىڭدە شائىر تىت - تىت جىملىشىپ كەتتى . رۇزى سايىت مەرھۇمنىڭ ئەسەرلىرنى بەكلا ياخشى كۆرىمەن ،

مۇبارەك

	تەكرار تېما.

otyak

	بۇ تىمىنى << بەرداش>> ئەپەندى 11- ئاينىڭ 6-كۇنى يوللىغانغۇ ؟ تەكرار تىما يوللىنىپ قاپتۇ.

alip28

	مەنچە ئانا تىلىمىز  بەزىلەرنىڭ ئالدىدا قەدىرسىز قېلىۋاتقان مۇشۇ كۈنلەردە مۇشۇنىڭدە تېمىلار تەكرار تەكرار يەنە تەكرار يوللىنىشقا تامامەن ئەرزىيدۇ ...    مۇشۇ كۈنلەردە تولا ئۇچراپ كېتىپ بارىدۇ دېسە ،  ئاشخانىدا ،  ئاپتوبۇستا .... يەنە ئاللىقانداق يەرلەردە ئىككى ئۇيغۇر ئانا تىلىدا پاراڭلاشمايدىغان ، ئاپىسى دادىسى ئۇيغۇرچە ، بالىسى يەنە باشقىچە بىر تىلدا ( مۇشۇنداق ئاتا ئانىلارنى كۆرسەم  شۇلارنىڭ  ئانا تىلىغا بولغان  مەسئۇلىيەتسىزلىكىگە ، بالىلىرىغا  ئانا تىلىڭدا سۆزلە دەپ ئىككى ئېغىز گەپ قىلامىغىنىغا قاراپ ، ئۇلارغا نەپرەت بىلەن تىكىلىمەن )  سۆزلىشىدىغانلارنى كۆرسەم شۇنداق ئارامسىزلىنىپ كېتىمەن ،  شۇلارغا ئىككى ئېغىز گەپ قىلغۇم كېلىپ كېتىدۇ يۇ يەنە ئۆزەمنى بېسىپ تۇرىۋالىمەن ... نېمىدىگەن بىچارىلەرچە ھېسيات بۇ .....

biltarim

	قەشقەر  شەھرى .كونىشەھەر ناھىسدىكى  تورداشلار ، ئانا تېلنى قوللاش روھىڭلارغا كوپتىن  كوپ رەخمەت . سىلەرنىڭ يېقىندىن قوللۇشۇڭلار بىلەن ئانا  تىل  ھەسىلىدىن 192قۇتا تۇگەتتۇق ، بۇنىڭلىق بىلەن  توختاپ قالمايدىغانلىغىڭلارغا  ئىشەنچىم كامىل . ئانا تىلغا بولغان  قوللىشىمىز ئىنتايىن ياخشى كەيپىياتتا داۋام قىلماقتا . ھەسەل  يەنە بار .مەن سىلەر ئۇچۇن ھەر ۋاقىت  خىزمەتكە تەييار ، يەنىلا ھەقسىز  يەتكۇزمەن . كونا شەھەر ناھىيەسى؛ كۆكنۇر دورا دۇكىنى؛ تىلفۇن؛   3253807    ،،،   13579053807