قىز تەبىرى

bardax

	قىز تەبىرى (قۇربان داۋۇت شاھىدى) سەن چوغلۇق روھىدا ئېچىلغان بىر گۈل، تۇرىدۇ بەرگىڭدە سوقۇپ يۈرەكلەر. قۇشلار ناۋاسىدەك كۈلىسەن ھەر خىل، باغرىڭدا بەخت بار، ھايات پورەكلەر. سەن_مەسۇم بىر ئالەم ئاسمىنى سۈزۈك، ئۆرلەيدۇ مىڭ قۇياش تىنىقلىرىڭدا. شىۋىرلار شېخىڭدا يۇلتۇزلار ئۈزۈك، جان يايراپ كېتىدۇ قىلىقلىرىڭدا. سەن _بەلكىم مەڭگۈگە قۇرىماس بۇلاق، ئۆتكۈنچى كارۋانغا سۇ بەرمەيدىغان. سەن چوقۇم قەدىمدىن ئوت كەتكەن ئوچاق، ھەسرىتى، سىرىنى بىز بىلمەيدىغان. سەن خۇش ھىد قاپلىغان مۇنبەت بىر ئېتىز، كۆكلەيدۇ بۇ يەردە غايىپ بىر ۋەتەن. پاكلىقنى قۇچاغلاپ چۆكىدۇ يىلتىز، سەن ئالماس، سەن ياقۇت ھەم مامۇق بەدەن. سەن _ئۇپۇق مەڭزىدە تاۋلانغان جۇلا، چوغلانغان كۆڭۈلنى ئەيلەيسەن بىھۇش. سەن گويا شېرىن چۈش بىردەملىك، غۇۋا، بىباھا گۆھەر ھەم ھەممىگە تونۇش. سەن ھېچكىم بارمىغان گۈزەل بىر شەھەر، سۆيگۈ نۇر تۆكىدۇ كوچاڭغا تال_تال. ياكى سەن ۋۇجۇدتىن يۈتكەن ئەڭگۈشتەر، ئېھتىمال بىر بولسا ئادەمسىز جاڭگال... مەنبە: مىللەتلەر نەشرىياتى "جەزبدار گۈلدەستىلەر"  3-قىسىم.

zakira

	شەرمى ھايالىق ، بەرنا قىزلىرىمىزغا مانا مۇشۇنداق لاتاپەتلىك مەۋج ئېتىدىغان مەدھىيىلەر بېرىلسە بەكلا ياخشى بولىدۇ ... بىز ھەم ئەركەكلىرىمىز  زىبا قىزلارغا تەشنا !!!

rayhan

	نېمدىگەن  ياخشى  يېزىلغان  شېئىر  بۇ ،  يوللىغۇچىغا  رەھمەت.

dilzat

	پىشقان قەلەمكەشنىڭ شېئىر دەكقىلامدۇ نىمە ？بەك ياخشى يىزىلغان ئىكەن

atikam1

	ھەقىقەتەن ئېسىل يېزىلغان شىېركەن ،،، بۇ شىېرنى ئوقۇۋېتىپ  توۋەندىكى شىېر يادىمدىن كەچتى سەن گويا تايچاقسەن قەلبىم بېغىدا، تىنمايسەن غېدىقلاپ ئىلھاملىرىمنى . بىلمىدىم ئۆزلۇكسىز تەۋرەيدۇ قەلەم، تىزىمەن قۇرلارغا ئارمانلىرىمنى. بەزىدە سەن گويا قىممەتلىك سۇرەت، ئەسىرلەر تۇزانى قونغان جىسمىڭغا. بەزىدە سەن باھار ،بەزىدە قىش،ياز، سالىسەن يېپيېڭى ئىلھام دىلىمغا. بەزىدە سەن لەيلى ،گويا مەن مەجنۇن، تىزىلار قۇرلارغا مۇڭلۇق لىرىكا. بولىسەن بەزىدە ۋاپاسىز مەشۇق ، ياغىدۇ قەلبىمدىن نەپرەتلەر ساڭا.                                        نۇرەىمەت  نۇرامبەگ

parixta799

	3-قەۋەتتىكى  دىلزاتنىڭ  "پىشقان قەلەمكەشنىڭ شېئىر دەكقىلامدۇ نىمە ？بەك ياخشى يىزىلغان ئىكەن"  دىگەن  ئىنكاسىغا  قارىتىلغان: شۇنداق ،بۇ  قەدىمى  كۈسەن  دىيارىدا  ئۆسۈپ  يېتىلگەن، ئوت  يۈرەك  تالانتلىق  شائىر   قۇربان  داۋۇت  (شاھىدى)نىڭ  شېئېرى. بۇ  كىشى  ھەقىقەتەن  ناھايىتى  ياخشى  يازىدۇ،ئادەتتە  قىلغان   سۆزلىرىمۇ  شۇنچىلىك  پاساھەتلىك.مەن  ئۇنىڭ  بىلەن  بىر  يۇرتتىن، بىر  قانچە  قېتىم  بۇ  ھۆرمەتلىك  شائىرىمىز  بىلەن  ھەمسۆھبەتتە  بولغانمەن.

parixta799

	"قىز  تەبىرى"  دىگەن  بۇ  شئېرنى  كۆرۈپ،ئانامنىڭ  ماڭا  بەرگەن  تەبىرىنى  سىلەرگە  ئېيتىپ  بەرگۈم  كېلىپ  قالدى،كۈرۈپ  باقارسىلەر ھە!                       ماھى  پەيكار  قىزىم  گۈلبەر__مەن  ئۈچۈن  بىر  پەرىشتەسىز،                    كۆڭۈل  تۆرۈمدە  بىر  دەنا،ئۆزىڭىز  كۆكتە  ئەرىشتەسىز.                    جۈپ  يۇلتۇزغا  ئانادۇرسىز،ئۆمەرجانچۈن  رەنادۇرسىز،                    چىۋەر  باغۋەن،ئانا ئۇستاز،مۇجەسسەم  بىر  ئادەمدۇرسىز.