لەيلى (ھېكايە) چوقۇم كۆرۈڭ

akida

	[align=justify]  ئەلكۈيى تورىدىن ئەسكەرتىش : ئەلكۈيى تور ئەدەبىياتى ۋە ئەلكۈيى تور ئەدەبىياتى جەۋھەرلىرى سەھىپىسىگە يوللانغان ئىجادىي ئەسەرلەرنىڭ توردىكى تارقىتىش ھوقۇقى ئەلكۈيى تورى ۋە شۇ ئاپتورغا تەۋە بولۇپ ، ئەلكۈيىدىن باشقا بېكەتلەرگە بىردەك يوللاشقا بولمايدۇ ياكى باشقا بېكەتلەر بىزدىن خالىغانچە كۆچۈرىۋالغان بولسا مەسئۇلىيەت قاتتىق سۈرۈشتە قىلىنىدۇ . بېكىتىمىزدىكى ئىجادىي ئەسەرلەرنى  ھەرقانداق شەخس ۋە ئورۇننىڭ خالىغانچە  ئەلكۈيى تورىدىن يۆتكەپ ئىشلىتىشىگە يول قويۇلمايدۇ.      [align=justify]خىزمەت مۇناسىۋىتى بىلەن يۈرىكىمگە ئازابلىق دەردلەرنى ئېلىپ كەلگەن بۇ شەھەردىن ۋاقىتلىق ئايرىلدىم ، بەلكىم بۇ ۋاقىتلىق ئايرىلىشلار ھەسرەت يۈكۈمنى يەڭگىللىتەر. چۈنكى مۇھەببەتسىز قاراڭغۇ تۇرمۇشۇمغا ئاتا-ئانام ۋە بىردىنبىر ئىنىمنىڭ تۇيۇقسىز يۈز بەرگەن قاتناش ۋەقەسىدىكى قايغۇلۇق خەۋىرى قوشۇلۇپ ئاجىزلاپ كەتكەن يۈرىكىمگە قاتتىق زەربە بولدى . [align=justify]ئەڭ يېقىن بولغان قان - قېرىنداشلىرىمدىن ئايرىلىش بەكلا ئېغىر كەلدى ، ئاللاھدىن باشقا يېقىنىم قالمىدى ، ھەسرەت نادامەت بىلەن يىغلاپ يۈرۈپ بىر يىلنى ئۆتكۈزدۈم ، ئادەمىنى ھەجەپمۇ چىڭ يارىتپتىكەن ، شۇنچىلىك ئېغىرچىلىقلار بىلەنمۇ ھىچنىمە بولمىدىم ، كۆڭلۈم سۇ ئىچمىگەن تۇرمۇشۇمدىن ئايرىلىپ يىراقلارغا كېتىشنى ئويلىدىم ، يولدىشىم بولسا ئەخلاقلىق ، ياخشى يىگىت ، لېكىن شۇنچە يىل ئۆي تۇتۇپمۇ ئوتتۇرلىغىمىزدا بىرەر پەرزەنىت بولمىغاچقا ئۆزۈمنى خۇددى ئۇنىڭغا قەرزداردەك ھىس قىلاتتىم ، ئۇنىڭ ياخشىلىقىدىن ۋە ئاتا-ئانامنىڭ زورى بىلەنلا ئۇنىڭ بىلەن ئۆي تۇتۇپ كەلگەن ئىدىم ، ئەگەردە بىرەر بالىمىز بولغان بولسا ئىدى ، چىداپ تۇتۇپ كېتەتتىم . بارغانسىرى ئوتتۇرىمىزدىكى ھېسسىيات سۇسلاشتى ،ئارىمىزدىكى گەپلەر ئازايدى ، جىمجىت ئۆي ... ئاخىرى پارتىلىدىم ، ئۇنىڭ بەختىگە ئولتۇرغۇم كەلمىدى ، ئۇمۇ ياش تۇرسا ، ياخشى قىزدىن بىرنى ئېلىپ باللىق بولۇپ ، باشقىلاردەك نورمال تۇرمۇش كەچۈرۈشكە ھەقلىققۇ ؟ [align=justify]شۇنچە يالۋۇرۇشلار ، نەسھەتلەرگە كۆنمەي ئاخىرى ئاجىراشتىم ، رەھمەتلىك ئاتا -ئانامنىڭ ئۆيىگە قايتىشقا كۆڭلۈم بارمىدى ، ھەرقېتىم بارغىنىمدا ئۆيىدىكى سوغۇقچىلىققا قاراپ يۈرىكىم ئاغرىپ كېتىدۇ . يالغۇزچىلىق شۇنچىلىك يامانكەن ، بوران ئۇچۇپ تۇرغان ئۆيۈمدە يالغۇز شۇمبۇيىدەك ئولتۇرىمەن ، ئۇرۇق -تۇغقانلارنىڭ يېنىغا بارغۇم كەلمەيدۇ ، كۆڭلۈم ھېچنىمىنى تارتمايدۇ ، << ئۇلۇغ ئاللاھ مېنى بۇنداق يالغۇز قويۇپ قويغۇچە ئۇلار بىلەن قوشۇپ ئەكەتسەڭ بولمامدۇ ؟ >> دەپ كۈندە يىغلايمەن . [align=justify]باشلىغىم كۆڭلۈمدىكىنى بىلگەندەك مېنى ئۈرۈمچىگە خىزمەتكە ئەۋەتتى ، ئازسانلىق غوللۇق كادىرلارنى تەربىيلەش بولغاچقا مەن تاللىنىپ قاپتىمەن ، 3يىل تۇرىدىكەنمەن ، بەك خوش بولدۇم ، بەلكىم مۇھىت ئالماشتۇرسام ياخشى بولۇپ قالارمەن ، ۋاقتىلىق بولسىمۇ ئۇنۇتارمەن ... ۋاقىتىلىق بولسىمۇ ... [align=justify]مانا بۇ شەھەرگە كەلدىم ، ئاسمىنى كەڭ بۇ زىمىندا نۇرغۇن -نۇرغۇن سىرتتىن كەلگەن ئادەملەر سىغىپ كېتەتتى . مەنمۇ بۇ شەھەرگە كېلىپ كۆڭلۈم ئېچىلىپ قالدى ، مەن كەلگەن ئىدارە ياتاقلارنى ئورۇنلاشتۇرۇپ قويغان بولۇپ ، شارائىتى شۇنداق ياخشى ئىدى ، كېلىپلا ئەتىسى مېنى ئۆگىنىشكە ، ئىشخانىلارغا بۆلدى ، بۇ يەردە نۇرغۇن بىلىملەرنى ئۆگىنىمەن ، ئۇلارنىڭ خىزمەتتىكى ئارتۇقچىلىقىنى ، تېخنىكىلىرىنى ياخشى ئۆگىنىپ يۇرتۇمغا كېتىمەن . [align=justify]يېرىم يىلدىن كېيىن ، مېنى سىرتقى خىزمەت تۈرى بۆلۈمىگە بۆلدى ، بۇ بۆلۈمدە دائىم سىرتقا كاماندورۇپكىغا چىقىدىغان ئىش بولغاچقا ئائىلسى بار بولۇپمۇ ئاياللار غا تەس كېلىدىكەن ، مەن بىر بويتاق بولغاچقا ئۇلارغىمۇ ئوڭاي بولدى ، مەنمۇ خوشاللىق بىلەن ماڭدىم ،بۇ بۆلۈمدە ئۇيغۇر ،خەنزۇ ،خۇيزۇ بولۇپ خېلى كۆپ ئادەم بار ، ئەر كىشى كۆپرەك ، ئاياللاردىن تۆتىمىز بار ، مەن بىلەن يەنە بىر چوكان ئىككىمىز ئۇيغۇر بولۇپ تەڭ دىمەتلىكتەك قىلاتتۇق ، مەنمۇ يېرىم يىلدىن بېرى بۇ چوكاننى كۆرۈپ باقماپتىكەنمەن ، بۇ بۆلۈمگە كىرىپ تونوشتۇم ، مىجەزى بەكلا ئوچوق ، گەپ قىلىپلا كۈلىدىغان ، چاقچاقچى ئايال ئىكەن ، ئىشخانىدىكى مەيىلى قايسى مىللەت بولسۇن ، ھەممسى بىلەن چىقىشىدىكەن ، ئۇلارمۇ ئۇنىڭ مىجەزىگە ئامراق ئىكەن ، ئۇلارمۇ بۇ ئايالنى ماڭا ماختاپ بەردى ، بىزمۇ خېلى چىقىشىپ قالدۇق ، شۇنسى مېنى << گېپىڭىز بەك ئازكەن ، گەپنى پۇلغا ساتامسىز ؟ >> دەپ چېقىشاتتى ، ئۇنىڭ ئىسىمى ئاينۇر بولۇپ بۇ شەھەرگە يەرلىك ئىكەن ، ئۆزىمۇ ياسىنىپ يۈرىدىغان قاملاشقان ئايال ئىكەن ، بىز كاماندورۇپكىغا چىقتۇق ، ماشىنىدا ئاينۇر ئىككىمىز بىللە ئىدۇق ، ئۇ يول بويىچە ئائىلىسىنى تونوشتۇردى ، ئۇ كېچىكىپ توي قىلغان ئىكەن ، بىر جۈپ قوشماق ئوغىلىغا قېيىن ئاپىسى قارايدىكەن ، يولدىشى بولسا نىفىت بۇرغىلاشتا ئىشلەيدىكەن ، ئۇمۇ خىزمتى يىراقتا بولغاچقا ئائىلسىگە ئۇزاقتا بىر كېلىدىكەن . [align=justify]- بىلەمسىز لەيلى ، بىزچۇ ھازىر توقومچى قىز بىلەن پادىچى يىگىتتەك بولۇپ كەتتۇق ، نەچچە ئايدا بىر كۆرۈشىمىز ، بۇ قېتىم مەن تالىشىپ يۈرۈپ كاماندوروپكىغا چىقىشىم نىمە ئۈچۈن بولاتتى ، بىز بارىدىغان يەرگە يېقىنلا يەردە يولدىشىمنىڭ ئەترىتى بار ، شۇ يەردە كۆرۈشۈۋالىمىز ، ئەر -ئايال ئۇزاق ئايرىلىپ تۇرسا بولمايدىكەن ، ئۇنىڭ بىلەن توي قىلىدىغان چاغدا ئۆيدىكىلەر قەتئى ئۇنىمىغان ، خىزمىتى بەك يىراقتا ئىكەن ، كېيىن قىينىلىپ قالىسەن ، ئۇنىڭ ئۈستىگە ئەر -خوتون ئايرىلىپ تۇرسا مىھرى كۆتۈرۈلۇپ كېتىدۇ ، دېگەن ، لېكىن ئۇلۇغ ئاللاھ ، پىشانىمىز بىركەن ، توي قىلىپ قالدۇق ، راست دېگەندەك ئۇزاقتا بىر كۆرۈشىمىز ، لېكىن مۇناسىۋىتىمىزگە تەسىرى بولمىدى ، ئۇماق بىرجۈپ بالىمىز بار ،ئۇلار مەكتەپكە كىرگۈچە بىر ئامال قىلىپ يۆتكىلىپ كېلىۋالىمەن ، دەيدۇ ، بالىلار ئوغول ئەمەسمۇ ، ئوغۇل بالا دېگەنگە دادا بولمىسا بولمايدۇ ، كېيىن مەن قانداق باشقۇرىمەن ، دەيسز ، ھە راست ، بىز قانداق تۇنۇشقان دېسىڭىز مەن بىر كۆرۈپ كۆيۈپ قالغان ، ئۇ چاغلاردا ئۇ بەكلا كېلىشكەن ئىدى ، چاپلىشىپ يۈرۈپ تېگىۋالدىم ، ھا ھاھا ... ھازىر قارىيىپ قالغىنى بىلەن شۇنداق پەيزى بار ، شۇنىسى گېپى ئاز ، مېنى قۇشقاچتەك سۆزلەيسەن ، دەيدۇ ، يۇ ، لېكىن ماڭىمۇ بەك ئامراق ، چىدىمايدۇ . [align=justify]ئۇ توختىماي سۆزلىگىلى نېكەم ، لېكىن گەپلىرى شۇنداق قىززىق ، ئۇنىڭ بىلەن بىللە بولسا راست زېرىكمەيدىكەن ، ئىسىق ھاۋادا ھەممىز ئېزىلىپ قالدۇق . ئاينۇرمۇ ھاردىمۇ ، ئەيتاۋۇر ،ئۇخلاپلا قالغان ئىدى ، يولنىڭ ئىككى قاسنىقىدىكى تېز - تېز كەينىمىزدە قېلىۋتقان دەل -  دەرەخلەرگە قاراپ خىيالغا كەتتىم ... [align=justify]بىز بىر ناھىيىگە كەلدۇق ، بۇ يەردە تاماق يەۋېلىپ بىر ئاز دەپ ئېلىۋالغاندىن كېيىن يەنە ماڭدۇق ، ئاينۇرنىڭ ھاردۇقى چىقىپ قالغاندەك قىلاتتى ، ئەمدى مەندىن گەپ سوراشقا باشلىدى : [align=justify]- ئۆزىڭىز توغرىلىق گەپ قىلىپ بېرىڭە ؟ مەنلا گەپ قىلىۋاتىمەن ... [align=justify]- دەيدىغان ئىشمۇ يوق ، ئۇنىڭ ئۈستىگە سىزنىڭ گەپلىرىڭىزنى ئاڭلاشقا ئامراق تۇرسام . [align=justify]- ۋاي -ۋۇي ، قاراڭە سىزنى ، نېمانچە يۇشۇرىسىز  ؟ ماڭا دېگۈڭىز بولمىسا بوپتۇ . كۈلۈپلا قويدۇم ، نىمىنى دەيمەن ؟ دېگۈدەك نىمە بارئىدى ؟ مەن بۇ يەرگە شۇ ئىشلارنى ئۇنتارمەن دەپ كەلگەنغۇ  ؟ [align=justify]- مەن بىر قېتىم توي قىلغان ، باللىق بولالمىغاچقا ئايرىلىپ كەتتۇق ، شۇ ... [align=justify]- ھە ؟ بالىنى دەپلا ئاجراشتىڭلارما ؟ توۋا ؟ مۇھەببتىڭلار مۇستەھكەم ئەمەسكەن جۇمۇ ؟ بالا بېقىۋالساڭلارمۇ بولدىغۇ ؟ ئېرىڭىز تازىمۇ بىر ئادەمكەن . [align=justify]- ئۇنداق ئەمەس ، - دېدىم مەن دەرھاللا ، - ئۇ ياخشى ، ھەممسى مەندىن ئۆتتى . راست ، ئۇ بەك ياخشى ، ئۇنىڭدەك ياخشى ، ئەخلاق پەزىلەتلىك يىگىت ئەمدى ئىككىنچىلەپ ماڭا ئۇچرىمايدۇ ، ئۇنى ئەسلەشكە باشلىدىم ، ئۇنىڭ غۇۋا چىرايى ئېسمگە كەلدى . [align=justify]چوڭلارنىڭ تونوشتۇرىشى بىلەن ياخشى كۆرمەيلا ھاپىلا -شاپىلا توي قىلغاچقىمىكىن تويىمىز سوغوقلا بولغاندى ، بۇنداق سوغۇق تويغان ئۇ پەقەت سۈكۈت بىلەن مۇئامىلە قىلدى ، نەچچە يىلنى مۇشۇنداق ئۆتكۈزدۇق ، لېكىن ئۇنى ئاتا -ئانام بەكلا ياخشى كۆرگەچكە ، ھەر قېتىم ئۇ توغرىلىق قاخشاپ كەلسەممۇ ئۇلار مېنى ئەيىپلەپ << بولدى قىل ، بۇنداق ئەرنى ئىككىنچىلەپ تاپالمايسەن ، ھازىرقى زاماندا جاھان بۇزۇلۇپ كەتتى ، ئەرلەردە ئىنساپ قالمىدى ، قارا بۇ بالىغا ، يا ساڭا تىكىلىپ قارىمىسا ، يا ساڭا بالا تۇغۇپ بەرمىدىڭ ، دېمىسە ، يا سېنى ئاقكەن ، كۆككەن دىمىسە . مۇئاشنىڭ ھەممىنى ئەكىلىپ بېرىدىكەن ساڭا ، زادى نەرى ياقمايدۇ ، تەققى تۇرقى قاملاشقان ، ئېرىڭ بارمۇ دېسە بار دىگۈچىلىگى تۇرسا ، ئەمدى قانداق قىلسا بولاتتى ، تاياقچى بولۇپ قالغان بولسا قانداق قىلاتتىڭ ، نەدە بۇنداق ئەر بار ھازىر ! بىرەر بالا بېقىۋىلىڭلار ،ئايىغى يارىشىپ قالسا سەنمۇ تۇغارسەن  >> . [align=justify]ماڭا شۇنداق ۋاي دېسىمۇ كۆڭلۈمنى بېرەلمىدىم ، ئاخېرى چىدىمىدىم ،بۇنداق ئۆتىۋەرسەك ئۇنىڭغا ئۇۋال بولىدۇ ، شۇنچە ئەسلىسەممۇ ئۇنىڭ چىرايى غىل - پاللا ئېسمگە كەلدى . توۋا چىرايىنى ئۇنتاي دەپ قاپتىمەن . ئاينۇر خىيالىمىنى بۇزدى . [align=justify]- لەيلى ، مەن سىزگە بىرەرسىنى تونوشتۇرۇپ قويايمۇ ؟ يولدىشىمنىڭ ئىدارىسدا ياخشى بالىلار بار ، يارىتىپ قالىسىز ، ئۇلارمۇ سزدەك چىرايلىق ئاياللارنى كۆرسە ئەس - ھۇشىنى يوقىتىدۇ . [align=justify]مەن كۈلۈپلا قويدۇم . بولدىلا ، نىمىشمۇ قىلارمەن ، بۇ ئۆمرۈمدە ئەمدى توي قىلماسمەن ، يالغۇز ئۆتۈپ كېتىۋاتقان مەنلا بولمىسام ... [align=justify]ئاخىرى دېگەن يەرگە كەلدۇق ، خىزمەت تەكشۇرۈشنى باشلىۋەتتۇق ، شەھەر سىرتىدىن يىراقراق يەر بولغاچقا ھاۋاسى ساپ ، جىمجىت يەر ئىكەن . كەچتە ھېرىپ ياتاققا كىرسەم [align=justify]ئاينۇر جابدۇنوپ ئولتۇرۇپتۇ  .مېنى كۆرۈپلا : [align=justify]- نەگە كەتتڭىز ؟ سىزنى نەكەم ساقلىغىلى ... [align=justify]- ئازراق ئىش بارئىدى ،ئەتىگە قويماي دەپ قىلىۋەتتىم ، بەرىبىر ياتاققا كىرسەممۇ بىكار ئولتورىدىكەنمەن . ئەتە تەكشۇرىدىغان ئىشلارنى رەتلەپ قويدۇم . [align=justify]- ئەتە بىللە قىلمامدۇق؟ ئەكبەر تېلېفۇن قىلىپ سۈيلەپ كېتىپ بارىدۇ ، بىزنى ساقلاپ قاپتۇ ، تازا بىر مىھمان قىلىۋالاي ، دەيدۇ . [align=justify]- ئۇ كىمۇ ؟ [align=justify]- مېنىڭ يولدىشىم ،بايام دەپ بەرگەنتىمغۇ ، ئۇلارنىڭ ئەترىتى مۇشۇ ئەتراپتا ئىكەن ، كېلەر يىلى توشىدۇ ، دەيدۇ ، بولىڭە تېز ، بىللە ئويناپ كېلىمىز . بولدى رەھمەت ، سىز بېرىۋېرىڭ ، ئەر - ئايال ئاران بىر كۆرۈشكەندە ،مەن بارمايمەن ، ھېرىپ كەتتىم ،  بالدۇرراق ئارام ئالاي . [align=justify]- نېمە دەيسز ؟ سىزنىمۇ بارىدۇ ، دەپ قويۇپتىكەنمەن ، يالغۇز ئولتۇرامسىز ؟ بىزمۇ بۇيەردە خېلى تۇرغاندىن كېيىن ، كۈن دېگەن ئۇزاق ، كۆرۈشىۋالىمىز ، ئۇلار بىزنى كېلىدۇ ، دەپ تەييارلىق قىلىپ قويۇپتۇ . كۆڭلىڭىز ئېچىلىپ قالىدۇ . [align=justify]- مەن ... مەن ھېچكىمىنى تونۇمىسام قورۇنۇپ قالىمەن ... [align=justify]- مېنى تونويسىزغۇ ؟ تازا مېنى زورلاۋاتقاندا بىرسى ئىشىكنى چەكتى - دە ، بىر قىز كۈلۈپلا كىرىپ كەلدى . [align=justify]- ۋاي جىنىم ئادىشىم ، قايسى شاماللار ئۇچۇرۇپ كەلدى ، دەپلا ئاينۇر بىلەن ئىككسى قۇچاغلىشىپ كۆرۈشۈپ كېتىشتى . [align=justify]- ساقلاپ تۇرغىلى نەۋاخ ؟ نېمە ئىش بولدىكىن دەپ ئۆزەملا كەلگەن ئىدىم . [align=justify]- بىزغۇ تەييارلىقنى قىلىپ بولغان ، مۇشۇ لەيلى ئۇنىمايۋاتىدۇ ، خىجىل بولىدىكەنمەن دەيدۇ  .شۇنچە زورلىدىم بولمىسا ... [align=justify]- نېمىدىن خىجىل بولسىز ؟ بىزچۇ قاراڭ ، ئەكبەركام بىلەن ئاينۇرھەدەمنىڭ كونا تونۇشلىرى ، بىر كۆرۈشكەن تونۇش دەپتىكەن ، بىللە بارىمىز ، ئالدىرماي تونۇشۇۋالىمىز ... مەن ئىلاجىسىزلا زورىغا كۈلۈپ تۇرۇپ ماقۇل ، دەپ << ئەمىسە خاپا بولماي ساقلاپ تۇرساڭلار ، كىيىمىنى ئالماشتۇرۋالاي>> دىدىم . [align=justify]چاماداندىن ئاددىيلا بىر كۆينەكنى ئېلىپ ئەينەك ئالدىغا كەلدىم ، ئۇزاق بوپتىكەن ،  بۇنداق سىنچىلاپ قارىمىغانغا ، ئورۇقلاپ كۆزلىرىم تېخىمۇ يوغىناپ كېتىپتۇ . ئاددىيلا ياسىنىپ چىقتىم [align=justify]مېنى كۆرۈپ ئۇ قىز << يائاللا ،ھەجەپمۇ ئورۇقكەنسز ؟ قانداق ئورۇقلىدىڭىز ؟ مەنچۇ بىر كۈن بىر كۈن تاماق يىمەيمەن ،يەنىلا مۇشۇنداق سىمىز دەپلا كەتتى  >> دېدى .ئاينۇر بۇ گەپنى ئاڭلاپ كۈلۈپ كېتىپ ماڭا قاراپ تۇرۇپ: [align=justify]- سىلەرنى تونۇشتۇرۇپ قوياي ، بۇ قىز بولسا رىزۋانگۈل بولىدۇ ، بۇ ياق بولسا لەيلى ، مېنىڭ خىزمەتدىشىم . لەيلى بىزنىڭ ئىدارىغا كەلگەندە ھەممىسى ھەيران قاپتىكەن ، ھازىر تېخى سەمىرىپ قالغان ۋاقتى . [align=justify]- توۋا ؟ ئىرسىيەت ئوخشىمامدۇ ؟ ئادەتتە ، نېمە يەيسز ؟  ماڭغاچ پاراڭلىشايلى ،- دېدى . [align=justify]بىز تەييار ماشىنا بىلەن ئاينۇرنىڭ يولدىشىنىڭ ئىشلەۋاتقان ئەترىتىگە كەلدۇق . بۇ بىر نىفىت قىدىرىپ تەكشۈرۈش گۇرۇپپسى بولۇپ ھەممىسلا بىر ئېغىزلىق ، بىر قەۋەتلىك ئۆيلەردە تۇرىدىكەن ، بىز كىرگەندە ئۆيدە لىپمۇ لىق ئادەمگە تولغان بولۇپ ، سورۇننى باشلىۋەتكەن ئىدى . بىزنى كۆرۈپ ھەممسى ، - دەپ چاقچاقمۇ قىلىپ قويدىبىرسى . [align=justify]- ما گۇيلارنى ،- دەپلا  بويلرى ئېگىز ، بوغداي ئۆي كېلىشكەن بىر يىگىت ئالدىمىزغا كۈلۈپ كەلدى . ئەسلى بۇ ئاينۇرنىڭ يولدىشى ئىكەن ، بىر - بىرىگە مۇھەببەتلىك قاراشلىرىغا قاراپ مەسلىگىم كەلدى . [align=justify]- جۈرۈڭلار ، يۇقىرىغا چىقىڭلار ،- دەپ بىزنى باشلىدى . ھەممسى بىز بىلەن سالاملاشتى . ئارىدىن بىر ياشقىنا يىگىت چىقىپ : - ئاينۇر ھەدە ، بارغانسىرى چىرايلىقلشىپ كېتىپسىز  ،جۇمۇ ؟ تامىقىڭىزنى بەكلا سىغىندۇق، -دېدى . [align=justify]ئاينۇرمۇ كۈلۈپ تۇرۈپ : [align=justify]-  دەم ئالغاندا بېرىڭلار ، تازا ئوخشىتىپ ئېتىپ بېرىمەن ، ھە راست ، سىلەرگە تونۇشتۇرۇپ قوياي ، بۇياق بولسا مېنىڭ خىزمەتدىشىم لەيلى بولىدۇ . ئاينۇرمۇ سورۇندىكىلەرنى ماڭا بىر بىرلەپ تونۇشتۇردى . ( داۋامى بار ) [align=justify] [align=justify]ھەمممىز قىزغىن كۆرۈشتۇق ، سىمىزرەك كەلگەن بىر چوكان ماڭا قاراپ : - ھەجەپمۇ سۈزۈك قىزكەنسىز ، خۇدايىم بەرگەنلەرگە قوشلاپ بېرىدىكەن ، قاراڭلار ئۇستىخىنىنىڭ چىرايلىقلىغىنى ، -دەپ تىلىنى چاكىلداتتى . شۇ ئارىدا ئىشكنى ئېچىپ يەنە بىر نەچچەيلەنمۇ كىردى ھەم بىز بىلەن يىنىك سالاملاشتى ، ئۆيىنڭ ئىچى ئادەمگە لىق توشتى ، بايامقى ئاياللار بولسا مېنى خىجالەت قىلىپ تېخىچە باھالاۋاتاتتى ، << ھىندىستاننىڭ قىزلىرىغا ئوخشايدىكەن >> دىسە << ياق ، ئۇلار قارا تۈرك قىزلىرىغا ئوخشايدىكەن ۋاھاكازالار ... >> مېنى ئاساسلىقى ھەممە دۆلەتنىڭ قىزلىرىغا ئوخشـتىپ چىقتى . - ئاينۇر ھەدە ، ئىدارىڭىزدا يەنە چىرايلىق قىزلار بولسا ئەكىلىۋىرىڭ ، مۇشۇنداق بويتاق ئۆتۈپ كەتمەيلى بىز ،-  دەپ گەپ سالدى بىر يىگىت . ئاينۇرمۇ بوش كەلمەي : << يالغۇزلۇقنىڭ دەردىنى مەنلا تارتىپ ئۆتۈپ كېتەي، جۇمۇ ! >> دەپ چاقچاق قىلدى . ھېلىقى سىمىز چوكان<< ئاينۇرخان ،ئەكبەرجانغا تەككىنىڭىزگە پۇشايمان قىلامسىز  ، قانداق ؟ >> دەپ كۆزىنى قىستى . - پۇشايمان قىلىدىغانغا ھەددىممۇ ؟ - دېدى ئاينۇر . [align=justify]سورۇندا ھەر خىل گەپلەر ،چاقچاق پاراڭلار بولدى ،كۈلكە -چاقچاقلار بىلەن غىزاغا داخىل بولدۇق ،تاماق يەۋىتىپ كۆزۈم يان ئۇدۇلۇمدا ئولتۇرغان كېلىشكەن بىر يىگىتكە كۆزۈم چۈشۈپ قالدى ،ئىككىمىز بىر ۋاقىتتا بىر بىرىمىزگە قارىشىپ قالدۇق ،ئۇ ماڭا شۇنداق بىر سەت ئالايدى ،مەن خىجىل بولۇپ كېتىپ دەرھال باشقا بىر يەرگە قارىۋالدىم ،توۋا ،ئەر كىشى ئالايسا ھەجەپ تۇرىدىكەن ،شۇنداق بىئارام بولدۇم ،ھەم قورۇنۇپ كەتتىم ،ئامال بار قارىماسلىققا تىرىشتىم . [align=justify]كۈلكە -چاقچاق بىلەن خېلى بىر ۋاقىت بولۇپ قاپتۇ،بىزمۇ ماڭىدىغانغا قوزغالدۇق .لېكىن ئاينۇرنىڭ يولدىشى : [align=justify]- بەك كەچ بولۇپ كېتىپتۇ ،شوپۇرمۇ مەس بولۇپ قاپتۇ ،بولمىسا قونوپ قېلىڭلار ،مەن ئەتە ئەتىگەن ئىشقا ئۈلگۈرۈپ سىلەرنى ئاپىرىپ قوياي، - دىدى . مەن ئاينۇرغا قارىدىم ،ئۇ بىشنى لىڭشىتتى ،يولدىشىمۇ بەك قائىدىلىك ئىكەن ،ئىككىمىزگە ئىككى كىشلىك ياتاق ئورۈنلاشتۇرۇپ بەردى . [align=justify]- ئاينۇر ،بۈگۈن دوستىڭىز بىلەن بىللە يېتىڭ دىدى .ھەم كەچ بولۇپ كەتتى ،بالدۇرراق ئارام ئېلىڭلار دەپ قويۇپ چىقىپ كەتتى . مەن بىر ئاز خىجىل بولۇپ قالدىم ،ئاران تەستە كۆرۈشكەن ئەر -ئاياللارنىڭ ئارىسغا قىستىرۋىلىپ بىكار كەپتىمەن دەپ پۇشايمانمۇ قىلىدىم . - ئاينۇر ،كەلمىسەم بوپتىكەن ،سەت بولدى ،ئاران بىر كۆرۈشكىنىڭلاردا مەن بولۇپ قېلىپ .... - ۋاي ۋۇي ئاداشلا ،نىمىگە سەت بولاتتى ،بىز يا بۈگۈنلا كەتمسەك ،بۇ يەردە ئاز دىگەندە بىرەر ئاي تۇرارمىز ،ۋاقىت دىگەن ئۇزاق ،تاز قېنىشۋالىمىز .دەپ چاقچاق قىلىدى .ھەي بۇ خوتۇنغا گەپ قىلساملا چاقچاققا ئۆرۈيدۇ . بىز ئەمدى ياتايلى دەپ تۇرساق ئاينۇرغا تېلىغۇن كەلدى ،ئاينۇر تېلىغۇننى ئېلىپلا << ماقۇل >> دەپلا چىقىپ كەتتى .بىر سائەتتىن كېيىن ئاينۇر قايتىپ كىردى ، - ۋىيەي جىنىم ،خاپا بولماڭ ،سەت بولدى ،شۇ سىزنى يالغۇز تاشلاپ قويدۇم - نىمە بولدى ؟بىرەر ئىش بولدىمۇ ؟ - ياقەي ، ئەكبەرنىڭ ياتىقىغا پىرقەت كىرىپتىكەن ،مېنى كىرسۇن دەپتۇ ،بايام سورۇندا ئادەم بەك جىق بولغاچقا گەپ قىلىشقا مۇۋاپىق بولمىدى دەيدۇ ، سىزمۇ كۆرگەن بىزنىڭ يان تەرىپىمىزدە ئولتۇرغان ھېلىقى شۆئەيگې (كېلىشكەن ) چۇ - ھە ،ھېلىقى قاپىقى يامان بالىمۇ ؟ - شۇ ،قاپىقى يامان بولغان بىلەن كۆڭلى ياخشى ،بۇرۇن بىر قىز بىلەن يۈرگەن ،ئۇ قىز ئامرىكىغا چىقىپ كېتىپ بۇ ياقنى ئىكىنچىلەپ ئىزدىمىدى ،بەك ھار كەلگەن ئوخشايدۇ ،شۇنىڭدىن تارتىپ بىرەر قىز بىلەن يۈرمىدى ،بايام مەنمۇ بىردەم چېقىشتىم ،ئۇ قىز نى ساقلاۋاتامسىز يا ؟قايتىپ كەلسە ئەپلىشپ قېلىڭلار بولمىسا دىسەم نىمە دەيدۇ بىلەمسىز ؟<< توۋا دەڭ ،قىز بالىنىڭ ئۇرۇقى قۇرۇپ كەتسىمۇ قارىماسمەن ،ئاپام مېنى ئوغۇل بالا دەپ تۇغقان ،خېلى غۇرۇرۇم بار جۇمۇ مېنىڭ >> دەيدۇ . ئەمىسە تېزراق بىرسىنى تېپىپ توي قىلىڭ ،مۇشۇنداق يۈرىۋىرىپ ئۆزگىرىپ كەتمەڭ يەنە ،بىزنىڭ بالىلارنىڭ سۈننەت توي بولاي دىدى دىدىم . [align=justify]كۆز ئالدىمغا ئۇنىڭ ماڭا قاراپ ئاليىشى كەلدى . - قارىسام ئۇ ھەممسىگە ئالىيىپ ئولتۇرۇپتىكەن ئاينۇر كۈلۈپ كەتتى : شۇ ئۇ ھەجەپلا ،قىزلارغۇ ئۇنىڭغا بىر قاراپلا كۆيۈپ قالىدۇ ،لېكىن ئۇ قىزلارغا نەزەر كۆزىنى سېلىپمۇ قويمايدۇ ،ئاپىسىمۇ مېنى كۆرسىلا قاقشاپ بېرىدۇ ،ھېلىقى چەتكە چىقىپ كەتكەن قىزنى تىللاپلا كېتىدۇ ،ئۇ چاغدا ئۇلار چاينىمۇ ئەكىرىپ بوپتىكەن ،قايتىپ كېلىمەن دەپ شۇ بويىچە يوقاپلا كېتىپتۇ ،بۇ ۋاققىچە تويمۇ قىلىپ بولغاندۇ . - بۇ بالىمۇ چىقىپ كەتسە بولمامدۇ ؟ - ۋاي شۇنى دىمەمسىز ، مەنمۇ ئاپىسىدىن ئاڭلىسام ئۇ قىز يېڭى چىقىپ كەتكەندە دائىم تېلىغۇن قىلىدىكەن ،مەن ۋىزا ئەۋەتىپ بېرەي بىللە مۇشۇ يەردە تۇرمۇش كەچۈرەيلى دەپتىكەن ،لېكىن بۇ ئۇنىماپتۇ ، شۇنىڭ بىلەن ئۇ قىزمۇ ئىزدەۋىرىپ ھارغان چېغى ئىككىنچى ئېيىدىن باشلاپ يوقاپ كېتىپتۇ ،شۇنىڭدىن تارتىپ ئۇنىڭ ئىز دىرىكىنىمۇ قىلماپتۇ ، ئۇنچىلىك ياخشى كۆرگەندىن كېيىن بىللە چىقىپ كەتمەمدۇ ھە - شۇنى دىمەمسىز ،بىزنىڭمۇ يۇرتتا بىللە چىقىپ كەتكەنلەر ھەم شۇ يەردىن كېلىپ يۇرتتا لايىق تېپىپ توي قىلىپ چىقىپ كەتكەنلەرمۇ جىق ،ھازىر خەقلەرنىڭ ھەممىسى چەتئەلگە چىقىپ كەتكەننى بەك چوڭ بىلىدۇغۇ ؟مەنغۇ قىزىقمايدىكەنمەن . - پىرقەتمۇ قىزىقمايدىكەن ،بولمىسا ئىنگىلىزچىنى ياخشى بىلىدۇ بولمىسا . بىز پاراڭلشىۋىتىپ ئۇخلاپ قاپتۇق ،ئەتىسى ئەكبەر بىزنى ئەتىگەندىلا ياتاققا ئاپىرىپ قويدى . [align=justify]شۇنداق قىلىپ ئارىدىن بىر ھەپتە ئۆتتى ،ئاينۇرمۇ كۈندە دىگۈدەك يولدشىنىڭ يېنىغا كېتەتتى ،بەزىدە مېنى بىللە بېرىشقا زورلىسا مەن بىرەر باھانە سەۋەپلەر بىلەن قالاتتىم .كېتىدىغىنىمىزغىمۇ ئىككى كۈن قالدى ،ياتاقتا ئولتۇرسام ئاينۇر كۈلۈپلا كىردى - نىمە بولدى ؟ - بىلەمسىز ؟ئەكبەرنىڭ نەچچە خىزمەتدىشنىڭ سىزگە كۆزى چۈشۈپ قاپتۇ ،مەن ھەممسىنى رەت قىلىۋەتتىم ،ئۇنىڭ ئىچىدە يىگىتلەرمۇ بار ،يەنە بىرسىنىڭ ئايالى ئۆتكەن يىلى تۈگەپ كەتكەن ،سىزنى مىجەزى بەك ياخشكەن ،شۇنداق ئۆزىنى تۇتۇۋالغان قىزكەن دىيىشۋاتىدۇ . [align=justify]مەن ئارتۇق گەپ قىلماي كۈلۈپلا قويدۇم . - ھەر راست لەيلى ،بۈگۈن كەچتە ئولتۇرىدىكەنمىز ،بىزنى ئۇزىتىمىز دەيدۇ ،تازا قانغىچە ئوينىۋالايلى ،بەرىبىر ئەتە دەم ئالغاندىن كېيىن ،ئىشخانىدىكى ئىشلارنىمۇ قىلىپ بولدۇققۇ ؟ - مەن بارمايمەن ،سىز بېرىڭ - نىمىشقا ؟ ياپياش تۇرۇپ قېرى مىجەز ئىكەنسز؟ بۇرۇن چوڭ ئاپامچۇ دائىم بىزگە << ئايال كىشى دىگەن بىر كۆۋرۈك ،خانمۇ ئۆتىدۇ ،بەگمۇ ئۆتىدۇ،گادايمۇ ئۆتىدۇ  >>  دەيتى ،خەقلەرنىڭ كۆزى چۈشمىگىنىدىن چۈشكىنى ياخشى ئەمەسمۇ ؟ ئايال كىشى نىمىگە شۇنچە ياسىنىدۇ ؟كۆزى چۈشسكەن ،چىرايلىق دىسكەن دەپ ياسىنىدۇ ،سىزمۇ تازىمۇ بىر ،مۇشۇنداق قىلىپ مېنىڭ كەيپىياتىمنى ئۇچۇرىسز ،مەنمۇ شۇ سىزنى كۆڭلى ئېچىلىپ قالسكەن ،بۇرۇنقى ئىشلىرىنى ئازراق بولسمۇ ئۇنتارمىكىن دەپتىمەن - مەن بىر ئېغىز گەپ قىلىپ قويسام سز جىقلا سۆزلەپ كەتتڭىزغۇ ؟ مېنڭ پەقەتلا بارغۇم يوق ،كۆڭلۈم تارتمايۋاتىدۇ . - بولمايدۇ،ئەكبەر ھازىرلا كېلىدۇ، بىللە ئەكىلىڭ دىگەن ، خاتىرجەم بولۇڭ سىزنى ھىچكىمگە چاپلىمايمىز شۇ ئارىدا ئەكبەر كىرىپ كەلدى - تەييارلىقىڭلار پۈتتىمۇ ؟ - لەيلى بارغىلى ئۇنىمايۋاتىدۇ ئۇلار مېنى زورلاپ ئېلىپ بېرىشتى ،كۆڭلۈم پەقەتلا تارتمايۋاتىدۇ ،يۈرىكىم ئۆيۈپلا تۇرىدۇ ،چوڭقۇر نەپەس ئالدىم . ئەكبەر :لەيلى ،بۇ يەردىكى خىزمىتىڭىز ئاخىرلاشسا يۇرتىڭىزغا كېتەمسىز ؟دەپ سورىدى . - ھەئە دەپ قىسقىلا جاۋاپ بەردىم - ئۈرۈمچىدە قالسڭىز بولمامدۇ ؟ مىڭ قىلمىسا چوڭ شەھەرگە يەتمەيدۇ ،ئۇنىڭ ئۈستىگە يۇرتىڭىزدا ئۆزىڭىز قاپسىز ،يىلىڭىز توشقىچە بۇ يەرگىمۇ كۆنۈپ قالىسز دىدى . مەن كۈلۈپلا قويدۇم. ئاينۇرنىڭ بەكلا تەلىيى باركەن ،ئۇنىڭغا مەسلىگىم كەلدى ،يولدىشى كېلىشكەن ،ئوڭلۇق ،ئۆزىنى تۇتۇۋالغان ياخشى كىشىكەن ،ئەر ئايال شۇنداق قاملاشقان بولۇپ ،پورتمىلىدىكى بىر ئائىلە چۈشكەن رەسىمىدىن ئۇلارنىڭ ئىنتايىن بەخىتلىك ئائىلە ئىكەنلىگىنى كۆرۈشكە بولاتتى . - بىلەمسىز لەيلى ،مەن ئاينۇر بىلەن بەك تەستە توي قىلغان ،ھازىر خىزمەت مۇناسىۋىتى بىلەنلا ئايرىلىپ ئۇزاقتا بىر كۆرۈشىمىز ،لېكىن بۇ ۋاقتىنچە ئايرىلىش ،مۇھەببىتىمىزگە ھەرگىزمۇ تەسىر يەتكۈزمەيدۇ ،خۇدايىم بۇيرىسا ئۈرۈمچىگە يۆتكىلىۋالساملا بۇ قىيىنچىلىقىمىزمۇ تۈگەيدۇ .ئەگەر يۆتكىلەلمسەم پنسيەگە چىققاندا ئاخىرقى ئۆمرىمىزنى ئايرىلماي ئۆتەرمىز دەيمەن . [align=justify]بۇ گەپنى ئاڭلاپ شۇنداق تەسرلەندىم ،ھەم ئۇلۇغ ئاللادىن ئۇلارغا ئاسانلىق تىلىدىم ،بۇنداق ياخشى ئادەملەرنىڭ ئىشلىرىغا ئاسانلىق بەرگەيسەن ئاللا . [align=justify]   شۇنداق قىلىپ بىز پاراڭ پاراڭ بىلەن ياتاققا كەلدۇق ،كەلسەك ھېلىقى پىرقەت دىگەن يىگىت تەييارلىق قىلىپ ئولتۇرۇپتۇ،ئاينۇرلارغا بېشىنى لىڭشتىپ قويدى ،ماڭا قاراپمۇ قويمىدى ،تازىمۇ بىر مەنمۇ ئالىيىپ قويۇپ يۇقىرىغا چىقىپ ئولتۇردۇم ،ئارىلىقتا ئەكبەرنىڭ ئىككى جۈپ ئاغىنىسى ئەر ئايال بولۇپ كىردى ،باشتىكى مىھمانلارنى چاقىرماپتۇ ،كىرگەن ئاياللارمۇ قارىسام خېلى شوختەك قىلىدۇ،ۋەت دىسە ۋەت دەپ ئولتۇردى ،تاماقتىن كېيىن ئاياللارغا مۇسەللەس ،قىزىل ھاراق ،ئامرىنو دىگەندەكلەر كەلتۈرۈلدى ،ئەرلەر بولسا ئاق ھاراق ئىچىشتى ،مەن ئىچمەيمەن دىسەممۇ زورلاپ كەتتى ،ئۇلارغا پەقەتلا تەڭ كېلەلمىدىم ،ئاخىرى تەسلىم بولۇپ ئىچتىم ،قىزىلدىن ،مۇسەللەستىن ،ئامرىنودىن بىرى تۈگىسە بىرىنى قۇيۇپ بەردى ،مەس بولۇپ قالسىڭىز ياتاق دىگەن جىق ،ئەنسىرمەڭ دىيىشتى ،شۇنداق قىلىپ بارابارا خۇدۇمنى بىلمەي قالدىم ،پەقەتلا ئىچىپ باقمىغاچقىمۇ بەكلا ئاسان تۇتۇپ كەتتى ،ئېسىمدە قالغىنى مېنى ئاينۇر يۆلەپ يەنە بىر ياتاققا ئەكىرىپ قويغىنى بولدى ،قالغىنىنى ھەرگىزمۇ ئەسلىيەلمەيمەن ،بىر چاغدا كۆڭلۈم شۇنداق ئېلىشپ كەتتى ،بېشىم ئاغرىپ ئويغىنىپ كەتتىم ،قارىسام تاڭمۇ ئېتىپ قاپتۇ ،يائاللا ،مۇشۇنداق قىينايدىغان بولسا ئاغزىمغا ھەرگىزمۇ ئالماسمەن دەپ ئويلىدىم ،ئوڭدا ياتسام ئۆي پىقىرغاندەك كۆرۈنۈپ كەتتى ،كۆڭلۈم ئېلىشىپ تۇرغاندا مەيدەمنى ئېغىر بىر نەرسە باسقاندەك تۇيۇلدى ،نىمىدۇ دەپ تۇتسام بىر يوغان قول تۇرمامدۇ توۋا نىمە ئىشتۇ ؟چۈشۈممۇدۇ ؟دەپ يەنە تۇتۇپ باقتىم ،يېنىمغا قارىسام بىرسى يېتىپتۇ ،ئاينۇرنىڭ قولى ئەمەستەك ،ئۇنىڭ قولى بۇنداق يوغان بولمىسا ،ئاستا يوتقاننى قايرىدىم ،ۋاي خۇدايىم نى نومۇس نى ئات ،ئانىدىن تۇغما تۇرمامدىم ،نىمە ئىش بولغاندۇ دەپ قورقوپ كەتتىم ،يېنىمدا ياتقان بولسا دۈم يېتىپ بېشى تام تەرەپكە قىلىۋالغان بولۇپ قولىنى مەيدەمگە قويۇۋالغان ئىدى ،ئەسلىدە مەن قولىنىڭ ئېغىرلىغىدا ئويغىنىپ كەتكەن ئىكەنمەن ،بۇ كىمدۇ ؟مەسچىلىكتە مۇشۇنداقمۇ سەتچىلىك بولامدۇ ؟ مەسلىك پەسلىك دىگەن شۇ دە ،شۇنچە يىل ئىچمەي پاك ياشاپ بۇ بىرقېتىم ئىچىپ قويسام مۇشۇنداقمۇ مەينەتچىلىك بولامدۇ ؟نىمە قىلىشىمنى بىلەلمەي ئۇنىڭ قولىنى ئاستا ئىشتەرتىم ،ھەجەپمۇ يوغان قولكەن ،نىمە دىگەن ئېغىر ،بىر چاغدا ئۇمۇ ئويغانغاندەك قىلىدى ،ئاستا ئۆرۈلدى ،تاڭمۇ ئاتقان ئىدى ،ياتاقمۇ خېلىلا يورۇپ قالغان بولۇپ ئۇنىڭ ئۆرۈلىشىگە كىملىگىنى كۆرەلىدىم ،قاراپ قېتىپ قالدىم ،كۆڭلۈمنىڭ ئاينىغىنىنىمۇ ئۇنتۇپ قاراپلا قالدىم ،ئۇمۇ ئويغىنىپ ماڭا قاراپ قېتىپلا قالدىم ،بىز بىردەم بىر بىرىمىزگە قارىشىپ ياتتۇق ،مەن ئاستا ئەسلىمگە كەلدىم ،قارىسام ئۇمۇ يوتقاننى قايرىپ قاراۋاتاتتى ،نىمە دىگەن سەتچىلىك ،نومۇس قىلىپ ئۆلەيلا دىدىم ،خەقلەر ئۇقۇپ قالسا قايسى يۈزۈمنى كۆتۈرۈپ يۈرەرمەن ؟شۇنداق كۆڭلۈم ئاينىپ ئورنۈمدىن تېزلا تۇرۇپ ھاجەتخانىغا يۈگۈردۈم ،ھۆ قىلىپ ئۈچەي باغرىم چىقىپ كېتەيلا دىدى ،كۆزلىرىمدىن ياشلار قۇيۇلدى،مەن نىمە بولدۇم ؟ مەن قانداق لەيلىتىم ؟مەن مۇشۇنداق پەسكەش ،غۇرۇرسىز ئايال بولۇپ قالدىممۇ ؟ھايۋاندىن نىمە پەرقىم قالدى؟ ئۆزەمدىن يىرگىنىشكە باشلىدىم ،قارىسام مۇنچا باركەن ،چالا بۇلا يۇيۇنۇپ كىيىملىرىمنى كىيىپلا ئۇنىڭغىمۇ قارىماي چىقىپ كەتتىم ،قايسى يۈزۈم بىلەن قارايمەن ؟بەلكىم مېنى كوچىدىكى مەينەت ئاياللارغا ئوخشاتقاندۇ ،ئۇمۇ يىرگىنىپ ئولتۇرغاندۇ ،قانداق كېتەرمەن ،ئاينۇر تېخى ئورنىدىن تۇرمىغاندەك تۇرىدۇ ،مېڭىپ كەتسەم ئادىشىپ قالارمەن ، قانداق قىلارمەن دەپ تۇرسام بىر مىنبوس ئەترەت ئىچىدىن چىقىپ قالدى ،تونۇشلا شوپۇر خەنزۇ ئادەمكەن ،ماڭا قاراپ ماڭامسەن دىدى ،مەن خوشال بولۇپ ماڭىمەن دىدىم ،مېنى ئېلىپ كەتتى ، ئىدارىغا كېلەي دىگەندە پىرقەت بىلەن ياخشى ئۆتىدىغان ئوخشمامسەن دەپ سىرلىق كۈلدى ،مەن نىمە بولدى ؟قانداقسىگە دەيسەن ؟دىسەم ،ئۇ پىرقەت مېنىڭ كىچىكىمدىن بىللە ئويناپ چوڭ بولغان ئاغىنەم ،ئىككىمىز ئىككى مىللەت بولغان بىلەن بەكلا ياخشى ئۆتىمىز ، بايام ياتاقتا تۇرسام تېلىغۇن قىپتىكەن ،بىرسى كېتەتتى ،ئاپىرىپ قويەمسەن دىگەنتى ،شۇڭا چىققان ،ساڭا دىسەم پىرقەت بولىدىغان بالاڭزا ،شۇنىسى ئاچچىغى يامانراق ،لېكىن نوچى بالا جۇمۇ ،ئەگەر ئۇنىڭغا تەگسەڭ تەلىيىڭنىڭ چىققىنى ، خېلى چىقىشىپ قالغان ئوخشىمامسىلەر ؟ ئۇنىڭ ئاخىرقى گەپلىرى قۇلىقىمغا كىرمىدى ، نىمە دىيىشىمنى بىلەلمەي رەھمەتمۇ دىمەي ماشىنىدىن چۈشۈپ ئىدارە ياتىقىغا قاراپ يۈگۈردۈم ،ياتاققا كىرىپلا يۆتكەيدىغان كىيىملىرىمنى ئېلىپلا مۇنچىغا يۈگۈردۈم ،شۈنداق ئۇزۇن يۇيۇندۇم ،شۇنداق يىغلاپ كەتتىم ،مەن نىمە بولدۇم ئەمدى ،بۇلارنىڭ ھەممسى چۈشۈم بولۇپ قالسىچۇ ؟ دىدىم ،مونچىدىن چىقىپ پاكىز كىيىملىرىمنى يۆتكەپ باشقىلىرىنى يۇيۇۋەتتىم ،چۈشتىن كېيىن ماڭىدىغان بولغاچقا يەنە ۋاقىتمۇ باركەن ،ئاينۇرمۇ تېخىچە كەلمىدى ،بىر دەم ئۇخلىۋالاي دىدىم ،لېكىن كۆڭلۈم ئېلىشپلا تۇرۇۋاتىدۇ، ھەسەل سۈيىدىن ئازراق ئىچتىم ،بىر ئاز ياخشى بولۇپ قالغاندەك تۇراتتىم ،قايتىدىن يوتقاننىڭ ئىچىگە كىرىپ ئۇخلاپلا كەتتىم ،بەلكىم چۈشۈم بولسچۇ كاشكى .... بىر چاغدا بىرسى مېنى چاقىرغاندەك ئاڭلاندى ،كۆزۈمنى ئاچسام ئاينۇركەن . :ۋاي قاچان كېلىۋالدىڭىز ؟سىزنى ئىزدەپلا بىر بولۇپ كەتتىم ،دەپمۇ قويماپسز ،قاچانلاردا كېلىۋالدىڭىز ؟ :خېلى بولدى :قانداق كەلدىڭىز ؟ :قارىسام تەييار ماشىنا چىقىپ قالغان ،شۇنىڭدا كەلدىم :سىز نى ياتقۇزۇپ قويغان ياتاققا كىرسەم سىز يوق ،نەگە كەتكەندۇ دەپ ئىزدەپ بىر بولۇپ كەتتىم ،تاپالماي قايتىپ كەلگەنمىدۇ دەپ :سىزنى ئويغاتقىم كەلمىدى ،ئۇنىڭ ئۈستىگەمىجەزىم يوق : سىزگە بەك زورلىۋەتتى ،قارىسام كۆتۈرەلمەيلا قالدىڭىز ،شۇڭا سىزنى ياتقۇزۇپ قويغان ئاينۇرنىڭ گېپىنىڭ ئورامىىدىن ھىچقانداق ئىشنى بىلمەيدىغاندەك تۇرىدۇ ،ئۇمۇ چىقىپ كېتىپتۇدە ،ھەي .... :ھەراست لەيلى ،پىرقەتمۇ يوق ،نەدىكىن ،سىزنى مەن ئىزدەپ ،ئۇنى ئەكبەر ئىزدەپ ،بىز تېخى ئىككىڭلارنى بىرەر يەرگە يۇشۇرنىۋالغان ئوخشايدۇ دەپتىمىز ھى ھى ھى :توۋا دەڭە :ماڭىدىغان تەييارلىقلارمۇ تۈگىدى ،قارىسام ھەممسى تەييار بولۇپ قاپتۇ ،بىزمۇ تۇرامدۇق يا :ماقۇل :جۈرۈڭ ،چىقىپ باقايلى ئىككىمىز بىللە باشقا خىزمەتداشلار نىڭ يېنىغا چىقتۇق ،ئۇلارمۇ تەييار بولۇپ بىزنى ساقلاپ تۇرۇپتىكەن ،چۈشلۈك تاماقنى يەپلا ماڭايلى دىدى ،شۇنداق قىلىپ بۇيەردىكى خىزمەتمۇ ئاخىرلاشتى ،بۇ ئىدارىدىكى خىزمەتداشلار بىلەن ئاخىرقى قېتىم خوشلىشپ چىقتۇق ،قارىسام ئەكبەرمۇ ئايالىنى ئۇزاتىقىلى كەلگەن ئوخشايدۇ ،دەرۋازا ئالدىدا تۇرۇپتۇ ،مېنى كۆرۈپلا :ياخشمۇسىز ؟ تېچلىقتۇ ؟ :ياخشىمۇسىز ؟ :نەگە كەتكەنتىڭىز ؟ئەنسىرتىپ مەن كۈلۈپلا قويدۇم . ئاينۇر بولسا يولدىشىدىن پىرقەتنى سورىدى ،ئەكبەر پىرقەتنى سالامنىڭ ياتىقىدا يېتىپتۇ ،بىز نەگە كەتتكىن دىسەك شۇ يەردە ئىكەن . مەن نومۇستىن خىجىل بولۇپ كەتتىم ،يۈزلىرىمدىن ئوتلار ياندى ،ئۇلارغا قارىيالمىدىم :لەيلىگۈل ،ئەمىسە خۇدا ئامانەت ،ئۈرۈمچىدە كۆرۈشەيلى :خوش ،سىلەرگىمۇ رەھمەت :نەدىكى دەيسىز ،قانچىلىك ئىشتى ئۇ ،ئۈرۈمچىگە بارغاندا ئۇنىڭدىنمۇ پەيزى ئولتۇرىمىز جۇمۇ مەن كۈلۈپلا قويدۇم ،ئالدىراپلا ماشىنىغا چىقىۋالدىم ،خۇددى بىرسى مېنى قوغلاپ كېلىدىغاندەك يۈرەكلىرىم دۈپۈلدەپلا كەتتى ،ماشىنا قوزغالغاندا ئاندىن ئۇھ دىدىم ،تاكى ئۈرۈمچىگە كەلگىچە بىر ئېغىز گەپ قىلماي ئۇخلاپلا كەلدىم ، شۇنداق قىلىپ بۇ ئىدارەمگىمۇ كېلىۋالدىم ،ئىشلىگەن خىزمەتلەرنى بىر بىرلەپ تاپشۇرۇپ بولۇپ ياتىقىمغا كەتتىم ،يائاللا ،يەنىلا ياتاق بولسىمۇ ئۆز ئۆيۈمنىڭ خوشلۇغى ،پۇت قولۇمنىڭ بوشلۈغى دەپتىكەن ،ھەجەپ راھەتكەن . قايتىپ كەلگىنىمىزگىمۇ بىرەر ئايلارچە بولۇپ قالدى ،بۇ ئارىلىقتا ئاينۇر بىلەن ئىككى ئۈچ قېتىملا كۆرۈشتۇم ، ئىككىمىز ئىككى تەرەپتە ئالدىراش بولۇپ قالدۇق ،بۇ ئايغۇ ئالدىراش بولماس ،ئاينۇر ئىككىمىز بىر ئىدارىدا بولغىنىمىز بىلەن كاماندورۇپكىدىن قايتىپ كەلگەندىن كېيىن ئۇنى يەنە بىر خىزمەت گۇرۇپپىسغا بۆلۈۋەتكەن ئىدى ،بۇ بۆلۈم بىزدىنمۇ ئالدىراش بولۇپ خىزمەت بېسىمى خېلىلا ئېغىر ئىدى ،شۇڭا ۋاقىت چىقىرىپ ئىككى ئۈچ قېتىم كۆرۈشكىنىمىز چوڭ ئىش بولۇپ قالدى ،بۇ ئايدا ئىشلارمۇ سېلىكىپ قالدى ،ئۇھ دەپ ئولتۇردۇق ،ئىشتىن چۈشەي دەپ تۇرسام ئاينۇردىن تېلىغۇن كەلدى ،كۆرۈشمىگەنگە خېلى بولغان بولغاچقا شۇنداق قىزغىن كۆرۈشتۇق . :بارمۇسىز ؟ :بار ،ئۆزىڭىزچۇ ؟ :شۇ ئالدىراش بولۇپلا كەتتۇققۇ ،يىل ئاخىردىكى تەكشۇرۈش ،كېلەركى يىللىق پىلان دەپ شۇنداق ئالدىراش قىلىۋەتتى ،ئەمدى ئۇھ دىدۇق ،نىمە قىلىۋاتىسىز ؟ :ئەمدى ئىشتىن چۈشەي دىگەن :ئەمىسە مېنىڭ ئۆيۈمگە كېلىڭە ،ئوخشىتىپ تاماق يەيمىز :ماقۇل ئۇنى يالغۇز دەپ ماقۇللا دەپ ماڭدىم ،باللىرى چوڭ ئۆيدە بولغاندىن كېيىن ئۆزى يالغۇز زېرىكىپمۇ قالغاندۇ ،مەنمۇ زېرىكتىم ،ئازراق مىۋە چىۋە ئېلىپ ئۇنىڭ ئۆيىگە كىردىم ،ئىشك قوڭغۇرقىنى باسسام ئىشكىنى ئەكبەر ئاچتى ،ئۇنى كۆرۈپ يا كىرىشىمنى يا كېتىىشىمنى بىلەلمەي قالدىم :قانداق ئەھۋالىڭىز ؟كىرەمسىز كېتەمسىز؟ :ياخشىمۇسىز ؟ :كىرىڭە،مېنى نەچچە ئاي كۆرمەيلا تونۇيالماي قالدىڭىزمۇ نىمە ؟ :مەن مەن دۇدۇقلاپ ئاران كىردىم ،ئۇنىڭ بارلىغىنى بىلسەم ھەرگىزمۇ كەلمەيتىم ،نىمىشقىدۇر شۇ ئىش يۈز بەرگەندىن بېرى ئەكبەرنىڭ چىرايىغا قارىيالمايدىغاندەكلا ئۇ ھەممە ئىشنى بىلىپ قالغاندەكلا كۆڭلۈمگە تۇيۇپ تۈراتتى ،نىمە سەتچىلىك،شۇنداق قورۇنوپ كەتتىم ،ئەكبەرنىڭ ئاشخانا ئۆيگە كىرىپ كەتكەن پۇرسەتتىن پايدىلىنىپ ئاينۇرغا : ئېرىم بار دىسىڭىز بولمامدۇ ؟كەلمەيدىكەنمەن توساتتىنلا ئەكبەر كىرىپ :ۋوي ،مەن بولسام نىمىشقا كەلمەيسز ؟ ئۇنىڭ تۇيۇقسىز كىرىپ گەپ قىلىشىدىن ھودۇقوپ كەتتىم قىزىرىپ دۇدۇقلاپلا كەتتىم ، :مېنىڭ دىگىنىم .....سىز ئاران كەلگەندە خاتىرجەم دەم ئالغىلى قويماي .... :ئۇنداق دىمەڭ ،مەن كەلگەنگە خېلى بولدى ،سىزنى مەن چاقىرىڭ دىگەن ،بىللە تاماق يەيلى دىدۇق بولماپتۇما ؟ ئۇنىڭ ئۈستىگە ئاينۇرمۇ لەيلىنى تاماق يەپ كېتىڭمۇ دىيەلمىدىم دىگەچكە پاراڭلىشىپ ئولتۇرايلى دىگەن :ھە ،رەھمەت ،ھېلىمۇ دائىم ئاۋارە قىلىمەن :نىمە دەۋەتىسز ؟ خۇددى يات ئادەمدەك گەپ قىلىسزغۇ ؟ مەنچۇ سىزنى دوستۇم دەپ بىلىمەن جۇمۇ دەپ يالغاندىن خاپا بولدى ئاينۇر :ھە ....ئەلۋەتتە ئەلۋەتتە مەن بەكلا جىددىيلىشىپ خۇددى تۈنجى قېتىم يىگىتىنىڭ ئاتا ئانىسنى كۆرگىلى بارغان قىزدەكلا بولۇپ قالغان ئىدىم     بۇ ئۆيدە خۇددى گۇناھكاردەك قورۇنۇپ ئولتۇردۇم ،ئۆز ئۆزەمگە خۇدۇكلۇنۇپ كەتتىم ،خۇددى بىرەر مەخپىيىتىمنى بىلىپ قالدىمىكىن دەپ تاماقنى مەن يىدىممۇ تاماق مېنى يىدىمۇ بىلمىدىم ،تەمىنىڭ قانداقلىغىنىمۇ سەزمىدىم ،ياتاققا كېتىشكە شۇنچە ئالدىرىدىم ،تاماقنى يەپ بولۇپلا تېلىغۇن كېلىپ قالدى دەپ يالغان سۆزلەپ كېتىپ قالدىم ،ئۆزەمگىمۇ ئاز ،قانداق قىلارمەن دەپ يولدا كوتۇلداپلا ماڭدىم ،شۇ ئارىدا ماڭا تېلىغۇن كېلىپ قالدى ،قارىسام ناتونۇشلا بىر نومۇر ،كىمكىن دەپ ئالسام يۇرتتىكى بىر نەۋرە ئاكام ئىكەن ، ئۇ بۇ شەھەرگە يىغىنغا كەپتىكەن ،مەن بىلەن كۆرۈشۈپ قويماقچى ئىكەن ،ئۇ دىگەن يەرگەكەلدىم ،ئۇنى كۆرۈپ شۇنداق كۆڭلۈم بۇزۇلۇپ كەتتى ،ئاتا ئانام قېرىندىشىم ئېسمگە كېلىپ يىغلاپ كەتتىم ،ئۇنىڭمۇ كۆڭلى بۇزۇلدى بولغاي مېنى بەزلەپ بولدى قىل سىڭلىم دىدى . ئىككىمىز ئۇ چۈشكەن مىھمانخانىغا باردۇق ،خېلى ياخشى مىھمانخانىغا چۈشۈپتۇ ، مەن ئۇنىڭدىن ئۆي ئىچى ،ئۇرۇق تۇققانلارنى سورىدىم . : يەڭگەڭمۇ كېلەي دىگەن ،بالىلارغا قارايدىغان ئادەم يوق كېلەلمىدى ،ئۇنىڭ ئۈستىگە سەنمۇ بۇ يەرگە كېلىۋىلىپ بىر قېتىم تېلىغۇن قىلىپ قويۇپلا يوقاپلا كەتتىڭ ،ئەنسىرەپمۇ قالدۇق : مەن ياخشى تۇرۇۋاتىمەن ئاكا ،شۇ بۇ ئىدارە بەكلا ئالدىراشكەن ، كاماندورۇپكىغا تولاراق چىقىمىز : قاچان يۇرتقا بارىسەن ؟ بۇ يەردىكى خىزمىتىڭ بىراقلا ئاخىرلاشقاندا بارامسەن يا ؟ : ئۇقمىدىم ،قانداق قىلسام بولىدىكىن :بۇ يەرگە كۆنۈپ قالغان ئوخشىمامسەن ؟ :ھەئە كۆنۈپ قالدىم نەۋرە ئاكامنىڭ خېلى يولىمۇ يۈزىمۇ بار بىزنىڭ يۇرتتا ،ئۇ ياخشىلا بىر ئىدارىنىڭ باشىلىقى ،مەن مەكتەپنى پۈتتۈرۈپ كەلگەندە مۇشۇ ئاكام مېنى ئىدارەمگە ئورۇنلاشتۇرغان ، ھەم كېيىن ئاڭلىغىنىمدا مېنىڭ بۇ قېتىملىق بۇ شەھەرگە كېلىشىمگىمۇ ئاكام كۈچ چىقارغان ئىكەن . : بولمىسا مۇشۇ شەھەردە قالامسەن يا ؟ يولىنى قىلىپ باقايمۇ ؟ :تەسمىكىن ،سېنى يەنە ئاۋارە قىلامدىم : ئاكا سىڭىل ئوتتۇرسىدا تەكەللۇپ بولسا يات ئادەمدەك بولۇپ قالىدىكەن ،ئاتا ئاناڭ بولمىسا مەن ساڭا ئىگە بولىمەن ، بىز دىگەن قېرىنداش تۇرساق ،ئويلىشىپ باققىن بولمىسا مەن يولىنى قىلىپ باقاي ،يىلىڭ توشقىچە ئۇ ئىشىڭمۇ ھەل بولۇپ قالار ،ۋاقىت خېلى بارغۇ ؟ : رەھمەت : بۇ يەردىچۇ ،دوست تۇتتۇڭمۇ ؟ :ھە ! : قىز دوست دەيمەن ،بولمىسا زېرىكىپ كەتمەمسەن :بىرسى بار ،ئىسمى ئاينۇر ،مىجەزىمىز خېلى كېلشىدۇ :مۇشۇنداق يالغۇز ئۆتىۋىرەمسەن ؟كېيىننىمۇ ئويلشىپ قويغىن :بولدىلا ئاكا ،ئويلاشقىم يوق ،ئۇنىڭ ئۈستىگە يالغۇزلىققا ئۆگىنىپمۇ قاپتىمەن ،بەك بولمىسا كېيىنچىرەك بىرەر بالا بېقىۋالارمەن :ھەي ، بۇرۇنقى يولدىشىڭ ئۆيلەندى ،ھازىر بالىسمۇ بار ،شۇڭا دەيمىنا :شۇنداقمۇ ،ياخشى بوپتۇ ،بولمىسا مەن ۋىجدان ئازابىغا قالماي يەنە :سەن قەستەنگە قىلمىساڭ ، بىرەر بالىسى بار لايىق چىقىپ قالسا ئويلىشىپ باققىن ،يالغۇز يۈرسەڭ بىز ئەنسىرەيدىكەنمىز ،ئۇنىڭ ئۈستىگە بۇ شەھەردە بېشىڭنى سىلىغىدەك بىرەر تۇققان بولمىسا ،شەھەرلىكلەر قانچىلىك بولماقچىدى . :ماقۇل مەن ماقۇل دەپلا گەپنى تۈگەتتىم ،بولمىسا ئۇنىڭ گېپى ئەزۋەيلەپ كېتىۋىرەتتى ،بىز كەچىلىك تاماقنى بىللە يەپ بولۇپ ئايرىلدۇق ،مەن ياتىقىمغا ماڭدىم ، شۇ ئارىلىقتا ئاينۇر تېلىغۇن قىپتۇ ،ئاكام كەلگەنلىگىنى ئاڭلاپ ماڭا قاقشىمىدى ،ھەم ئاكامنى ۋاقتى چىقسا ئۆيگە كېلىپ تاماق يەپ كېتىشنى ئېيتتى .مەن رەھمەت دىدىم ،ئاكام بىر ھەپتە تۇرۇپلا كەتتى ،مەنمۇ بىر مۇنچە سوۋغا سالاملارنى ئېلىپ بەردىم ،يۇرتقا پەقەتلا كەتكىم يوق ،ئالدىمغا چىققىدەك ئاتا ئانام بولمىسا ،كىمنى دەپ بارىمەن ،مۇشۇ بىچارە نەۋرە ئاكاملا بار ، لېكىن ئۇ يەرگە بارسام ئاتا ئانام تۇتقان ئۆيلەرنى كۆرسەم يۈرىكىم ئاغرىيدۇ ،ئۇلارنى بەكلا سېغىندىم . بىر ئايدىن كېيىن مەن زېرىكىپ كېتىىپ ئاينۇرنىڭ ئۆيىگە باردىم ،يولدىشى يەنە باركەن ،تېخى يېڭىدىن كېلىپ تۇرۇپتىكەن ،مېنى كۆرۈپلا چاقچاق قىلىدى ، :ۋوي خانقىز ،يۈرىكىڭىز تۇيغان ئوخشىمامدۇ ؟ :ئاللا ،يەنە ئەمەس چاغدا كېلىپ قاپتىمەن ،كېتەيمۇيا :كىرىڭ كىرىڭ بىز بىر ئاز چاقچاقلىشىپ قويدۇق ،بىللە تاماق ئېتىشىپ يەپ ئۇچىمىز گەپكە چۈشتۇق . :لەيلى ،مۇشۇنداق يالغۇز ئۆتىۋىرەمسىز ؟بىرەرسىنى تاپامدۇق يا ؟ :بولدىلا :بولدى دىمەڭ ،ياشلىق ۋاقىتلىق ،كېيىن پۇشايمان قىلىپ قالماڭ يەنە :مېنىڭ ئۇ ئىشلارغا باش قاتۇرغۇم يوق ،ئۇنىڭ ئۈستىگە كېتىدىغىنىمغا يېرىم يىل قالدى ،بەرىبىر بۇ يەردىن كېتىمەن ،شۇڭا دەيمىنا : قالىدىغانغا يول يوقمۇ ؟ مېڭىپ باقامدۇق ؟ :تەس جۇمۇ ، شۇنداق بولسىمۇ رەھمەت ،ھازىرمۇ ئۇرۇق تۇققاندەك بولۇپ قالدۇق ،كېيىمۇ يۇرتقا كەتسەممۇ سىلەرمۇ مېنى يوقلاپ بارارسىلەر ؟ :ئەلۋەتتە ،ھە راست ،پىرقەت سىزنى سورىغانتى ، باشتا مەنمۇ ھەيران قالدىم بۇنى ئاڭلاپ شۇنداق خىجىل بولۇپ كەتتىم بىرەر ئىشنى دەپ قويغانمىدۇ دەپ ئەنسىرەپلا كەتتىم ، بەزىدە ئويلاپ قالىمەن ،ئەگەر بىرەر جايدا ئۇچرىشىپ قالساق قانداق بولار ؟ كىرىدىغان جاي تاپالماي قالارمەنمۇ ؟ ئۇنى پەقەت كۆرگۈم يوق :ھە شۇنداقمۇ دىدىم : ياخشى بالىدە ئۇ ،شۇنىسى پەقەت بىرسىگە ئۇنىمايدۇ ،شۇنچە گەپ قىلدۇق بولمىسا تازا گەپ قىلشىۋاتقاندا ئىشىك قوڭغۇرىقى چېلنىپ قالدى ،ئاينۇر كىمكىن دەپ چىقىپ كەتتى . : توۋا ،قانداق ئەھۋالىڭىز ؟ قىيامەت بولدىمۇ نىمە ؟ھازىر گېپىڭىزنى قىلىپ تۇرغان :قانداق ئەھۋالىڭىز ؟ نىمە گېپىمنى قىلىۋاتقان ئۇلارنىڭ ئىشىك تۈۋىدىكى بۇ گەپلىرىنى ئاڭلاپ يۈرىكىم قارت قىلىپ قالدى ،ئەمدى قانداق قىلارمەن ،يۈزلىرىمگە ئوت كەتتى . ئۇ كىرىشگە ئەكبەرمۇ قىزغىن كۆرۈشۈپ كەتتى ،مەن بولسام نۇمۇس قىلىپ قارىيالمىدىم ،ئۇنى يۇقۇرىغا باشلىدى ،چىرايىغا پەقەتلا قارىمىدىم ،تېلىۋىزور كۆرگەن بولۇپ ئولتۇرۋالدىم . :ياخشىمۇسىز ؟ مەن ئۇنىڭ چىرايىغىمۇ قارىماي ئاستا :ياخشى دىدىم . بىرەر سائەتلەردىن كېيىن مەن بەكلا بىئارام بولۇپ كەتتىم ،پەقەتلا چىدىمىدىم ،ئاخىرى ئورنومدىن تۇرۇپ ئاشخانىدا ئىش قىلىۋاتقان ئاينۇرنىڭ يېنىغا كىرىپ :مەن ماڭاي ئاينۇر ، بىر ئاز ئىشىم چىقىپ قالغان ئىدى :ماڭامسىز ،ۋاي ۋۇي دائىم كېلىسىز ،ئىشىم بار دەپ كېتىسز ، ئولتۇرىدىغان بولۇپ كەلمەمسىز ؟ :ماقۇل شۇنداق قىلىپ ئۇلار بىلەن سۇسلا خوشلىشىپ ماڭدىم ،سىرتقا چىقىپ ئەركىن نەپەس ئالدىم ھەم ئۇھ دەۋەتتىم . تاكسى توساي دەپ يولنىڭ چېتىدە تۇرسام بىرەر قۇرۇق ماشىنا كېلەي دىمەيدۇ ،بوپتىلا ساقلاپ باقاي دەپ تۇردۇم ،بىر چاغدا بىر ئاق پىكاپ ئالدىمدا توختىدى ، كىمكىن دەپ قارىسام پىرقەت ئىكەن ،نىمانداق قىلدىغاندۇ دەپ ئالىيىپ قويدۇم .نىمىدىن قاچسا شۇ ئۇچرامدۇ نىمە تازىمۇ بىر :چىقىڭە :بولدى رەھمەت :چىقىڭە :رەھمەت :نىمانداق ئادەمدۇ بۇ ،چىقىڭ دەۋەتىمەن ،كۆتۈرۈپ چىقىرامدىم يا ساراڭمۇ تازا دەپ ئالىيىپ قويۇپ ئالدىمغا قاراپ ماڭدىم ،ھەرگىز چىقماسمىنا ،ئۇنىڭ ماشىنىسىغا چىقىسام چوقۇم مېنى ھېلىقىدەك ئايالكەن دەپ قالار ،ھەرگىز چىقمايمەن . : مېڭىپ كېتىدىغان ئادەم بۇ يەردە نىمىنى ساقلاپ تۇرغان ،چىقسىڭىز مەن ئاياللارنى يىمەيمەن ،خوشۇممۇ يوق :رەھمەت بولدى ،كېتىۋىرىڭ ،مەن ئالدىرمايمەن :چىقىڭ دەۋاتىمەن ،بولمىسا :قانداق قىلاتتىڭىز ؟ : سىزنى ئادەم ئېتىپ چىقىڭ دەۋاتىمەن ،مەن ئاپىرىپ قوياي ،نىمانداق قىلىدىغاندۇ ،قوقسىڭىز كەينىدە ئولتۇرۇڭ مەن ئۇنىڭ بىلەن خېلى يول گەپ تالشىپ ماڭدىم ،ئۇمۇ زېرىكمىدى ،مەن ئاخىرى ئۇنىڭدىن قۇتۇلالماي ماشىنىسىغا چىقتىم : قىزىقكەنسز ، بولمىدىمۇ مانا ،تەييار ئاپىرىپ قوياي دىسەم مەن تاكى ياتىقىمغا بارغۇچە ئۇنىڭغا گەپ قىلمىدىم ،ھە راست نەدە تۇرىدىغانلىغىمىنى كۆرىۋالمىسۇن يەنە دەپمۇ ئويلىدىم ،يەنە تۇرۇپ كۆرسە كۆرمەمدۇ ، ئۇ بولسا توي قىلمىغان ئېتى يىگىت ،مەن بولسام بىر ئايال ،مېنى نىمە قىلاتتى ،بوپتىلا دىدىم . : ئەتە دەم ئالامسىز ؟ :قانداق ؟ :ۋاقتىڭىز بولسا بىللە تاماق يەپ كەلگەچ كىنو كۆرۈپ كېلەيلىمىكىن دىگەن ،ئۇزاق زامانلاربوپتۇ كىنوخانىغا كىرمىگەنگە ،مەنمۇ زېرىكىپ كەتتىم قارىسام ياتىقىمغا كېلىپ قالغاندەك تۇراتتىم ،دەرھاللا ئۇنىڭ گېپىنى ئاڭلىمىغانغا سېلىپ :خاپا بولماي ئاۋۇ دوقمۇشتا توختاپ بېرىڭە ،شۇ يەردە چۈشەي :گېپىمگە تېخى جاۋاپ بەرمىدىڭىز :ۋاقتىم يوق :ئەتە مۇشۇ يەرگە كېلىپ سىزنى ساقلايمۇ ؟ :دىدىمغۇ ۋاقتىم يوق دەپ :خان ،ۋاقىت دىگەننى ئادەم سىقىپ چىقىرىدۇ ،تېلىغۇن نۇمۇرىڭىز قانچە ؟ ئۇنىڭ بۇنچىلىك تولا سۆزلەيدىغانلىغىنى ھەم گەپچىلىكىنى ھەجەپ بىلمەپتىمىنا : قىزىققكەنسىز غۇ ؟ مېنىڭ سىز بىلەن تاماق يەيدىغان كىنو كۆرىدىغان ۋاقتىم يوق ،ئۆزىڭىزگە لايىق قىزلارغا شۇنداق دەڭ ،ئۇنىڭ ئۈسـتىگە مەن ئۇنداق ئۇدۇل كەلگەن يەرگە بېرىۋەرمەيمەن ، ئەگەر مېنى خاتا چۈشىنىپ قالغان بولسىڭىز كەچۈرۈڭ ،سىزنى خاتا تۇيغۇغا ئەكىلىپ قويغان بولسام مەندىن ئۆتۈپتۇ ،لېكىن مېنىڭ سىز بىلەن ئارىلىشىپ قالغۇم يوق ،خوش مەن شۇنداق دەپلا ئىشكنى جاق يېپىپلا چۈشۈپ كەتتىم ،كەينىمگىمۇ قارىماپتىمەن ،نىمە بولغاندۇ بۇنىڭغا بۇرۇن كۆرگەندە تاڭگا چىشلىۋالغاندەك گەپمۇ قىلماي ئولتۇراتتى ،بۈگۈن سۆزلەپلا قاپتۇ،ئىچىۋالدىمۇ يا ،ئىچىۋالسا ماشىنىنى قانداق ھەيدەيدۇ دەپ ئويلاپ تېز تېز ماڭدىم . :ئەمىسە ئەتە مۇشۇ يەردە ساقلايمەن ،شىنجاڭ ۋاقتى 4دە جۇمۇ ئۇ ماشىنىسى بىلەن كەينىمدىن ئەگىشىپ كېلىپ بۇ گەپنى دەپ قويۇپ تېزلا ھەيدەپ كېتىپ قالدى.مەن بولسام داڭقىتېىپ تۇرۇپلا قالدىم سۇبارە نامىدىكى تورداش ناۋادا سىز بۇ ھېكايىڭىزنى كۆرگەن بولسىڭىز ھېكايىڭىزنىڭ داۋامىنى بۇ يەرگە يوللىشىڭىزنى سورايمىز.راستنى ئېيتسام ھېكايىڭىزنىڭ داۋامىنى ساقلاۋاتقىلى ئۈچ ئاي بۇلاي دېدى، بىزنى بۇنداق ساقلاتسىڭىز بولمايدۇ، شۇنداقلا مەن ئاپئاق ئاي ، تۇمار  ..قاتارلىق بىر قانچە قىزنىڭ ھېكايىلىرىنىڭ داۋامىنى يېزىۋېتىشىنى سورايمەن،ئىزچىل ياقتۇرۇپ ئوقۇپ كەلگەن ئەسەرلەرنىڭ داۋامىنى يازماسلىق ئوقۇرمەنلەرگە بولغان بىر خىل يۈزسىزلىك ھەم ئۆز ئەسەرلىرىڭلارغا بولغان ياخشى كۆرمەسلىك،ئەسلى بۇنداق قاتتىق سۆز ئىشلەتمەسلىكىم كېرەك ئىدى، ئەمما كۈندە ساقلاۋېرىپ بەك ئىچىم پۇشتى،ئاز - ئازدىن بولسىمۇ داۋامىنى يېزىشىڭلارنى سورايمەن.

arman1002

	راست بۇ ھىكايېلەرىڭ ئاخىرى يېزىلسا بولىتى ،نېمە دېگەن مەسئۇلىيەتسىز يازغۇچىلار بۇ

layli

	مەنغۇ بۇ ھىكايىنىڭ ئاخىرىنى ساقلىغىلى نەكەم سايىسىنى كۆرمىگىلىمۇ خېلى بوپتىكەن . akida  دىگەندەك  ئاپئاق ئاي ، تۇمار  ، بەرگىيەلەرنىڭ ئاخىرى چىقمىغان ئەسەرنى تۆت كۆزىمىز بىلەن ساقلاۋاتىمىز . مۇمكىن بولسا بالدۇراق يوللانغان بولسا

aski30

	ئەمدە بۇ ھېكاينىڭ ئايغنى قاچانغىچە ساقلايمىز

layli

	بۇ 4قەۋەتتىكى724323822 يوللىغان 2010-11-03 15:15 غا قارتىلغان  : ھا زىر ئاخىرى چىخمىغان بىرنېمىنىڭ ھەممىسى  تۇقۇلما شۇڭا ئاخىرىنى تۇقۇپ بولغىلى ۋاقىت كېتىدۇ  بۇندا يالغان ياۋداق بىرنېمىلەرنى ئوقۇغاننىڭ نېمىگە پايدىسى   بەزەن قاپاق باشلا ساقلاپ كېتىدىكەن زادى قاچان چىقاقىن دەپ ~!!![s:2] خەت يازغاندا قولىڭىزنى پاكىز يۇيۇپ يىزىڭ!! ساقلىغۇچىلىكى بولغاشقا ساقلايدۇ شۇ . بىرسى سىزنى باھالاپ بىرىڭ دەپ بۇ تىمىغا زورلاپ ئەكىرمىگەن . ھەممىسى يالغان ياۋداق بولسا قىنى سىزنىڭ ھەقىقەتنى يازغان بىر مىسرايىڭىز ؟؟؟؟؟؟؟؟؟؟؟

bendora

	ۋاي ۋۇي، ئاخىرىنى يېزىڭ دېگەن ئەسكەرتىشنى بېشىغا يېزىپ قويماي ئەسلى. بىكار ئوقۇپتىمەن... ئاچچىقىمنى كەلتۈرسە ئاخىرىنى ئۆزەم يېزىۋېتىمەن جۇما.

zakira

	بۇ ھېكايىنى ئوقۇپ شۇنداق ياخشى ئىنكاس يازاي دەپ كېلىۋاتسام ما يۇقىرىدىكى <چاي خالتىسى>نىڭ باش سۆرىتىدىكى ئاداش كەيپىمنى ئۇچۇردىغۇ .............ئىملانى تۈزۈتىپ يازالمىغان بىرنىمىلەر باشقىلارنىڭ ئەسەرلىرىگە باھا بېرىپ كېتىپتىغۇ .. بۇنچىلىك ئۇزۇن ئەسەرنى يازغىلى ھەم ئوقىغىلى خېلى چىدام غەيرەت بولمىسا بولمايدۇ .

zakira

	بۇ 5قەۋەتتىكىlayli يوللىغان 2010-11-03 15:31 غا قارتىلغان  : خەت يازغاندا قولىڭىزنى پاكىز يۇيۇپ يىزىڭ!! ساقلىغۇچىلىكى بولغاشقا ساقلايدۇ شۇ . بىرسى سىزنى باھالاپ بىرىڭ دەپ بۇ تىمىغا زورلاپ ئەكىرمىگەن . ھەممىسى يالغان ياۋداق بولسا قىنى سىزنىڭ ھەقىقەتنى يازغان بىر مىسرايىڭىز ؟؟؟؟؟؟؟؟؟؟؟ ھاي جانىم< چاي خالتىسى>نىڭ قولىدىن پەقەت باشقىلارنىڭ  ئەيىبىنى ئېچىشتىن باشقىسى كەلمەيدۇ ....

tikan

	ئاخىرىنى بىر ھەپتىگىچە يازمىغان ئەسەرنى ئوقۇمايتتىم، لېكىن بۇ ئەسەرنى ئوقۇپ ساپتىمەن. قارىسام <چوقۇم كۆرۈڭ> دەپ ئەسكەرتىش بېرىپ، ھەجىمىمۇ جىق تۇرۇپتىكەن، يېزىپ بولغان چېغى دەپ ئوقۇپتىكەنمەن، بۇ ئەسەرنىڭ ئاپتورىنى ھېچ مۇنبەردە ئۇچراتقاندەكمۇ قىلمىدىم. بۇ قاچان ئاخىرلىشىدۇ، خۇدانىڭ ئۆزىگە ئامانەت ئىشقىلىپ!    باشقۇرغۇچىلار ۋاقىت چىقىرىپ دىئالوگلارنىڭ ئالدىغا سىزىق قويۇپ قويسا بوپتىكەن، دىئالوگ باشلىنىشتىن بۇرۇن قوش چېكىت قويغاننى تۇنجى قېتىم كۆرۈپتىمەن.