تەپەككۇر مېۋىلىرىدىن 20تال سۇناي

dilhux2

	1.پۇلۇڭ ئاز بولسۇن ياكى كۆپ بولسۇن ئادەم بار يەردە سانىما. 2.بىر خاتالىقىڭ ھەممە ياخشىلىقنى، بىر ياخشىلىقىڭ بارچە خاتالىقىڭنى يۇيۇۋىتىشى مۇمكىن. 3.ئۆلۈم _ ئەڭ ئاخىرقى تارازا. 4.ئادەم ئۈچ ۋاقىتتا بەكرەك كۆرەڭلەيدۇ،بىرى،مەنسەپ تۇتقاندا،بىرى، باي بولغاندا،يەنە بىرى،ئىشلىرى ئوڭ كېلىپ ماختانغاندا. 5.كىشىنى سىناي دېسەڭ ھاجەتمەن بولۇپ ئالدىغا بار. 6. باي بولغاندا سېخىلىقىڭنى،ئاچ قالغاندا نەپسىڭنى،مەنسەپداربولغاندا خەلقچىللىقىڭنى سىنا. 7.ئېلىپلا قاچقان كىشىنىڭ ساڭا بېرىدىغىنى پۇشايمان. 8.مېھمان ئالدىدا بىرى يوقسۇزچىلىقتىن زارلىما، يەنەبىرى، بايلىقىڭدىن كۆرەڭلىمە. 9. ھايا بىلەن ناھەقچىلىقنى بىلمىگەندىن ھەزەر ئەيلە. 10. مەقسەتلىك ماختاش تەمەدىن ئىبارەت. 11. پۇل ئەمەس ، پۇل تىپىشنىڭ يولىنى سوراش ئەقىللىقنىڭ ئىشى. 12.ۋاپادارنىڭ يامان كۈنگە قىلىشى ئۆزگە كىشىدىن، ۋاپاسىزنىڭ يامان كۈنگە قىلىشى ئۆزى سەۋەبىدىن. 13.قورقۇنچاق ئەلدە سالاچى كۆپتۇر. 14.سالام بەرگەن _ ئادەم ، جاۋاب قايتۇرمىغان ھايۋان. 15.ھەرقانداق بىر تەرەققىيات يىمىرىشنىڭ ئۈستىگە قۇرۇلىدۇ. 16.ئايالى مودىدەك، ئېرى موردىدەك. 17.نەسىھەت قىل لېكىن بۇيرۇق قىلما. 18.مىللەت ئايرىمىغان بايرام ئايرىماس. 19.نەتىجە ياخشى بولسا مەن تۆھپىكار، يامان بولسا مەن جاۋابكار. 20.يېزىلاردا لاتاپەتلىك قىزلىرىمىز سۇ توشۇپ ھارمايدۇ،ئالىي مەكتەپكە كەلگەن بەزى قىزلىرىمىز دىباغا بېرىپ ھارمايدۇ.

nafisa

	تېمىڭىزنىڭ مەنبەسىنى ئەسكەرتكەيسىز.

compyuter

	رۇخسىتىڭىزسىزلا  تەرمىلەر خاتىرەمگە كۆچۈرۈۋالدىم ھە.  سەت بولدى . مۇشۇ خاتىرەمگە 10~~15 كۈندە بىر قىتىم  كۆڭلۈمگە ياققان نەرسىلەر بولسا رەتلىك كۆچۈرۈپ قويىمەن ، 2~~3 يىلدا بىر قىتىم پات پات كۆرۈپ تۇرىمەن ۋاقىت كونىرىغانسىرى مۇشۇنداق ئۇ يەر بۇ يەردىن كۆچۈرۈپ قويغان نەرسىلەرمۇ كىشىگە قەدىناس بوپ قالىدىكەن

مۇبارەك

	* ئۆز جىمجتلىقى ئارقىلىق ئۆزىنى بايقاش_ئويغىنىش، ئۆز تەپەككۇرى ئارقىلىق ئۆزىنى يارىتىش_ياشاش دېمەكتۇر. * بىر شاختىكى گۈللەرنىڭ بىر-بىرىنى ئاۋۇ ئانداق، ماۋۇ مانداق دەپ ئاداۋەت تېرىشى  گۈل قىسمىتىنىڭ باشلىنىشى، چۈنكى گۈللەرنىڭ شەكلى، پۇرىقى ھەرخىل بولسىمۇ، شېخى ۋە يىلتىزى ھامان بىر. * سەن مېنىڭ تۇرقۇمغا قاراپ بىچارە دېسەڭ، مەن سېنىڭ تۇيغۇڭغا قاراپ بىچارە دەيمەن. * بىراۋنى دوستۇم دېيىشتىن بۇرۇن، مەن ئۇنۇڭ ئۈچۈن قانچىلىك بەدەل تۆلىيەلەيمەن، دېگەننى ئويلا. * مۇھەببەت بىلەن نەپرەتنىڭ ھەرئىككىسى يۈرەكتە بولىدۇ. * بىر ئادەمنىڭ قەلبىدىكى ئورنۇڭنى رەنجىتكەن چاغدا بىل. * ئاچچىقنى بېسىۋالغىلى بولىدۇ، لېكىن يوشۇرغىلى بولمايدۇ. * ئاجىزلارغا ئىتتەك مۇئامىلە قىلىدىغانلار، كۈچلۈكلەرگە كۈچۈكتەك مۇئامىلە قىلىدۇ. * بەس-مۇنازىرىنىڭ ئوندىن توققۇزىنىڭ نەتىجىسى ئىككى تەرەپ ئۆزىنىڭ مۇتلەق توغرا ئىكەنلىكىگە ئىلگىركىدىنمۇ بەكرەك ئىشىنىش بىلەن خۇلاسىلىنىدۇ.                                           _ شىنجاڭ مەدەنىيىتىدىن.

umitjan

	باشقىلارغا قانداق مۇئامىلە قىلساڭ شۇ كىشىڭ چىرايىدىن شۇ قايتۇرغان ئىپادىسىنى كۆرىسەن! مۇبارەكنىڭ داۋامىنى قىتشى بىلەن  تىخىمۇ سەرخىل چىقىپتۇ ....

anwar425

	مەنمۇ ساقلىۋالدىم  تەپەككۈرىمنى ئۆستۈرۈش ئۆچۈن راسلا ياخشى ھىكمەتلەر ئىكەن .

uyghurbeg

	يالغانچىلىق تېئورىمىسى:  يۈز گىپىنىڭ توقسان توققۇزى يالغان بىرى گۇمانلىق!

arman1002

	پۇلۇڭ ئاز بولسۇن ياكى كۆپ بولسۇن ئادەم بار يەردە سانىما.بۇ ھەق گەپ

Mehrinaz

	* ئادەم نىمىگە ئىرىشىشنى ئويلىسا ، شۇ نەرسىنىڭ قۇلى بولۇپ ياشايدۇ ! *سەن ئاۋال ئۆزۈڭنى قەدىرلەشنى بىل ، باشقىلار سىنى قانداق قەدىرلەشنى سەندىن ئۈگەنسۇن ! *نادان ئادەمنىڭ ئۆزىگە - ئۆزى قىلغان ئىشىنى ، ئەقىللىق ئادەم دۈشمىنىگىمۇ قىلمايدۇ ! * ھەر بىر ئىنسان ئۆزىنىڭ ئۆتۈپ كەتكەن ھايات مۇساپىسىنى بىر قۇر ئەسلىسىلا ، ئۆزىنىڭ قايسى دەرىجىدىكى ئىنسان ئىكەنلىكىگە لىللا جاۋاپ تاپالايدۇ !

aski30

	20.يېزىلاردا لاتاپەتلىك قىزلىرىمىز سۇ توشۇپ ھارمايدۇ،ئالىي مەكتەپكە كەلگەن بەزى قىزلىرىمىز دىباغا بېرىپ ھارمايدۇ. مانا بۇتېما بەك ياخشى يېزلىپ تۇ؟