يېڭى ۋىجدان سورىقى

compyuter

	يېڭى ۋىجدان سورىقى چاقىردى ئىسمىمنى قارىدىم شۇئان ، ۋىجدانىم سورىدى ئۆزۈم ھەققىدە . قانچىلىك گۈل ئۈندى باسقان ئىزىڭدىن ، ھاياتقا باغلىدىڭ قانداق ئەقىدە؟ ھاياتلىق يولۇڭدا توغرا ماڭدىڭمۇ ، تەنتەكلىك قىلدىڭمۇ ياكى قاراملىق ؟ ئۆستۈردۈڭ ئۆمرۈڭدە قانچىلىك كۆچەت، يەپ - ئىچىپ ئۆتتىمۇ كۈنۈڭ داۋاملىق ؟ مەن تەكرار قارىدىم باسقان يولۇمغا ، ئۆزگىگە ياخشىلىق قىلدىم قانچىلىك . خىجىللىق ئىلكىدە ئويلاندىم ئۇزاق ، ئەسلىسەم پەقەت يوق بىر تال دانچىلىك ؟ پۇشايمان ئىلكىدە ئويلاندىم بىر رەت ، ھاياتتا ھەق يولنى تۇتۇپ ماڭدىممۇ ؟ گۇناھىم قانچىلىك  خاتالىقىمچۇ ، بىر كۈنمۇ ئۆلۈمنى ئويلاپ باقتىممۇ ؟ ئۇزۇنغا سوزۇلغان ھايات يولىدا ، قانماستىن يەنە بىر سەپەر قىلغۇم بار. ئازماستىن تىرىشىپ تۇتۇپ توغرا يول ، ئەركەكتەك  قايتا بىر ياشاپ باققۇم بار. مەنبە : قەلەم

مۇبارەك

	قەددىم ئوقتەك بولغاندا تۈپتۈز، دىلىم ئېگىلىپ بولدى يادەك. دىلىم ئوقتەك بولغاندا تۈپتۈز، قەددىم ئېگىلىپ بولدى يادەك. نۇرغۇن ئىشلاردا، قەلبىمىزنىڭ چوڭقۇر قاتلاملىرىدىن كەلگەن تېۋىشلارغا قۇلاق سېلىپ ياشاشنى شۇنچىلىك ئارزۇ قىلساقمۇ، لېكىن بۇنداق قىلىشنىڭ شۇنچىلىك تەس ئىكەنلىكىنى ئاستا-ئاستا ھېس قىلىپ قالىمىز. دىمەك، بىر ئادەمنىڭ ۋىجدان دەۋىتى بىلەن ياشىشى بەسىي مۈشكۈل ئىش، بىراق مۇشۇنداق قىلىش ئۈچۈن تىرىشىۋاتقان ھەربىر يۈرەك بىزنىڭ تەرىپلىشىمىز ھەم ئۆگۈنىشىمىزگە ئەرزىيدۇ. بىزمۇ ياشاپ باقايلى، ياشاۋاتقاندەك...

gvzal3.8

	كىشىلىك ھايات تولىمۇ مۇرەككەپ. بۇ مۇرەككەپ ھايات يولىدا بەزىدە ئۆز ئىختىيارىمىزغا بويسۇنمىغان ھالەتتە ياشاپمۇ قالىمىز، ئەمما ۋىجدانىمىز ھەر ۋاقىت بىزگە ھەمرا بولغىنىدا، چېكىدىن ئاشقان ۋىجدانسىزلىق، نامەرتلىك بىزگە ھەمرا بولۇۋالالمايدۇ.    كومپيوتېرنىڭ بۇ شېئىرىنى ياقتۇردۇم، يېڭى ئىجادىيەتلىرىڭىزنى سۇنۇپ تۇرغايسىز.

korax001

	ئادەمدە ۋىجدان ىمان بۇلمىسا.ھايۋاندىن پەرقى يۇق، رەخمەت قىرندىشم،

turditohti

	مەن قانچىلىك قىلالىدىم دەپ ئۆزىمىزگە سۇئال قۇيۇپ ياشىشىمىزنىڭ ئۈزى بىزدىكى بىر ئادىمىلىك پەزىلىتىدىن ئىبارەت ياخشى خىسلەتتۇر

atikam1

	گۇناھىم قانچىلىك  خاتالىقىمچۇ ، بىر كۈنمۇ ئۆلۈمنى ئويلاپ باقتىممۇ ؟ بۇ ئىككى مىسرانى بەك ياقتۇردۇم ،،، گۇناھىم قانچىلەك ،ساۋابىم قانچىلەك دەپ ئۆز -ئۆزىمىزدىن سوراپ تۇرماقمۇ ۋىجدان سورىقى بولسا كىرەك،،،،،،،

uygurii

	ساقلىۋالاي.