گۈل ئۈنگەن تۇپراققا باغرىمنى ياقتىم (ئەنۋەر ھىدايەت)

yidayat

	گۈل ئۈنگەن تۇپراققا باغرىمنى ياقتىم ئەنۋەر ھىدايەت قىزىل گۈل ئىشقىدا بۇلبۇل سايرىسا ، گۈل ئۈنگەن تۇپراققا باغرىمنى ياقتىم . بۇلۇتلار توپلىشىپ ئايدىن ئايرىسا ، ھۇدۇقماي مەن يەنە قۇياشقا باقتىم . پەرۋانە ئۇرۇلسا شامغا بىتاقەت ، گۈلخانغا مەن شۇئان ئۈزۈمنى ئاتتىم . قەلبىمدە ۋەتەنگە كۆكلەپ ساداقەت ، ئاۋامغا مەڭگۈلۈك رېشتىمنى چاتتىم . دوستلىرىم شان قۇچسا شاتلىقىم پەۋەس ، قۇتلۇقلاپ ئۇلارنى قۇشاققا قاتتىم . تاغلارغا ياماشسا بۇلۇپ ھەمنەپەس ، جۇۋامنى سەپ ېرىپ،داق يەردە ياتتىم . < سەدەپنى ئاق > دىدىم،قاغىنى < قارا > ، <يامان >غا جىلمىيىپ چاپان ياپمىدىم . ئۆتۇكۈم پۇتۇمنى قىلسىمۇ يارا ، ئۆزگىنىڭ كەشىنى زىنھار ساپمىدىم . بىراۋلار يېنىمغا تەلمۇرۇپ كىلىپ ، قۇلىنى تەڭلىسە باھارنى بەردىم . ناتۇنۇش بولسىمۇ < ئىنىم > دەپ بىلىپ ، يۇلىدىن ئۇلارنىڭ تىكەننى تەر دىم . چۆلنىمۇ گۈلزارلىق بېغىمدەك كۆرۇپ ، بارخانلار قوينىدا چىچەكلەپ يۈردۇم . ئىشلىگەچ بۇۋامدەك يىڭىمنى تۈرۇپ ، توغراقتەك ھاياتنىڭ پەيزىنى سۈردۇم . كىملەرنى خوش قىلدىم،كىملەر رەنجىدى ؟ قىرىققا كىرسەممۇ ئويلاپ باقمىدىم . < سورۇن > غا بارمىسام < دوستۇم > كەملىدى ، خۇدۇمنى بىلەلمەي شىشە چاقمىدىم . دېھقانغا يۇلۇقسام دېھقاندەك يۈرۇپ ، تەبەسسۇم قىلغانغا بۇلاقتەك ئاقتىم . ئۈزۈمنى ھەمىشە سادىردەك كۈرۇپ ، گۈل ئۈنگەن تۇپراققا مەيدەمنى ياقتىم . 2010-يىل ، ماي، قاراقاشتا يازدىم .

danixman

	ھەقىقەتەن ئىسىل يىزىپسىز جۇمۇ ، ھەقىقەتەن نادىر تىمىغا لايىقكەن ...........

bulbulgoya

	سىزدەك، ئەلنىڭ ئوتىدا كۈيۈپ،سۈيىدە ئاقالايدىغان ،ئوغلانلار ئازلاپ كىتىۋاتىدۇ جۇمۇ.

vitas

	ھەقىقەتەن ياخشى يىزىپسىز جۇمۇ ....

turditohti

	ياخشى يېزىپسىز،ھەق سوزلەش مىللىتىمىزنىڭ ئەجداتلىرىمىزدىن قالغان گۈزەل ئەنئەنىسى،ھازىر لەۋزىدە تۇرماسلىق بۇ يۈكسەك ئەخلاققا تاجاۋۇز قىلۋاتقان چاغلاردا سىزدەك ھەق گەپ قىلغانلارنىڭ ھۆرمىتى تېخىمۇ ئاشىدۇ.داۋاملىق ھەقنى سوزلىشىڭىزگە تىلەكداشمەن.

yalpuz0997

	شېئىرىڭىزدىن ھايات مۇساپىسىدىكى ھەر بىر قەدىمىنى ئەقلى ھۇشى بىلەن بېسىپ،كۈنلىرنى تۇلىمۇ ئەھمىيەتلىك .ئۆتكۈزۋاتقان بىر سىمانى كۆرگەندەك بۇلىۋاتىمەن.

atikam1

	ھەقىقى يازغۇچىلارنىڭ شىېرلىرى باشقىچە بولىدۇ ،،، ئۆتكۇر قەلەملىرىڭىزگە ،ئۇچۇق تۇيغۇللىرىڭىزغا ئپاىرىن ، شىېرىڭىزنى نەچچە رەت ئوقۇپ كېتىپتىمەن ،،،ھەقىقىتەن شىېردىكى سىزدەك ئوغلانلار كەم ئۇچرايدۇ ،،،

جىن

	شائىر ئەنۋەر ھىدايەت  بۇ شېئرىنى ئۆزىنىڭ  يېقىملىق ،سۇزۇك سۇدەك ھەممە چۈشىنەلەيدىغان،  تاتلىق ئىبارىلىرى، روشەن ،شېئىر   تېماتىك جەھەتتە بالاغىتىنى تاپقان (گۈل ئۈنگەن تۇپراققا باغرىمنى ياقتىم)  دېگەن ئالەمشۇمۇل ئىبارە بىلەن باشلايدۇ ، بىز شېئىر تېمىسىغا قاراپلا  شائىردىكى ئوتنى كۆرۈپ يېتەلەيمىز تېمىغا مۇجەسسەم بولغان < گۈل ئۈنگەن>، < تۇپراق>، < باغرىنى يېقىش>  دېگەن بۇ سۆزلۈكلەرنىڭ ئۇيغۇر تىلىدىكى ئورنىنى ئويلىغىنىمىزدا ،ئۇيغۇر تىلنىڭ ئىزاھلىق لۇغىتىنى  ۋاراقلاپ كۆرگىنىمىزدە بىزنى  بىر خىل تۇيغۇ ئاجايىپ خىياللار ئىلكىدە سىلكىشلىسە ، بۇ ئۇچ ( سۆزلۇكنىڭ) بىرگە جەم بۇلۇش ئىقتىدارى، شائىرنىڭ تىل ئۇستۇلىقىدىكى  ماھارەت بىزنى يەنە بىر قېتىم ئويغا سالىدۇ ، بىز شېئىرغا   گۈل ئۈنگەن  يەر قايسى ماكان؟ قايسى تۇپراق ؟ ئۈنگەن گۈل قانداق گۈل؟ باغرىنى ياققان كىشى كىم؟ قانداق باغرىنى ياقتى؟ نىمىشقا ياقتى؟ دېگەن مىليونلارچە سۇئال بىلەن كىرىپ كېتىمىز ،شېئىر سۇزۇك سۇدەك يارقىن رەۋىشتە يۈرەكلەرگە خۇش ناۋا بېرىپ ئىتىقاد جەھەتتىكى ئەڭ مول مېۋە كىملىك ھەققىدە ئىختىيارسىز پىكىر گە باشلايدۇ  ، راس گەپنى قىلسام مەن بۇ شېئىرغا كىرىپلا كەتتىم،    ياخشى يېزىپسىز ، قولىڭىزغا دەرت كەلمىسۇن ،دېگەندەك مەن ئەڭ ئوچ كۇرىدىغا غىتمەك ئىبارىلەرنى يازغۇم كەلمىدى   ،شېئىرنى تېما جەھەتتىن شۇنچىلىك چۇۋۇپ ئاپتورغا رەھمەت دېگۈم كەلدى  ،تېمىنىڭ ئۇزدىنلا نەچچە توم كىتاپ چىقىشى مۇمكىن ،ئەمما مەن  مۇنبەرنى كۆزلەپ شۇنچىلىكلا توختىلىشنى لايىق دەپ قارىدىم ، شېئىرنى ئوپېراتسىيە قىلىش داۋاملىشىدۇ ،،،

nurlukqirak

	ھەقىقەتەن پاساھەتلىك شىئىركەن. قوللىرىڭىز تالمىغاي.