چەتئەل ئەدەبىياتىدىن رۇبائىيلار

atikam1

رۇبائىيلار



مىرزا  ئابدۇلقادىر بېدىل ( ھىندىستان)



نادانلىق ئوۋىنىڭ ئولجىسى  ھەسرەت،
نادانلىق  يازىنىڭ يامغۇرى كۈپەت.
چاچ يۇلۇپ دادلىماق بىلىمسىزلىكتۇر،
ئويغاقلىق ئەينىكى ئەمەس نادامەت.

دۇنيادا  ھەر ۋاقىت يېڭىلىق، ھەۋەس،
كونىراپ  چىقىدۇ  ھەر يېڭى  نەپەس.
شۇ  گەپتىن قىزىقتۇر دۇنيا  بازىرى،
ئەقىل قۇلىقىنى تۇت ئالەم گەپتۇر،بەس.

ھاياتتىن ئەندىزە  ئالمىغان كۆز كور،
ھەسەلدەك شىرنىلىك بولمىسا  ئۇ شور.
ئالمىشىپ تۇرمىغان لىباس  كونىرار،
يېڭىلىق بولمىغان ئۆيمۇ قارا  گۆر .

پايانسىز  بىلىملەر  سەندە  مۇ جەسسەم ،
ئەنقادىن بۈيۈكرەك  بەزەن پاشا ھەم .
جاھان مەۋجۇداتى بىرلىككە ئىگە،
شۇ بىرلىق شۈبھىسىز تىنىقىڭدا جەم .

ھەر يىلتىز كەينىدە تاتلىق چىمەنزار،
ئېگىزگە ئۆرلىمەك ھەر قاناتقا يار.
ئەقىلدىن يېڭى ئاي مىسالى ئازما،
ھەر ئىشىڭ ئاچقۇچى يانچۇقىڭدا بار.


مەنبە: چەتئەل ئەدەبىياتى

gvlsiri

مەن يەنىلا ئابدۇرەھىم ئۆتكۈر ئەپەندىنىڭ روبائىيلىرىنى بەكرەك ياقتۇرىمەن،بۇرۇن نۇرغۇنلىرىنى يادلىۋالغان ئىدىم،دەماللىقا ئەسلىيەلمەي قالدىم دىسە.

nimjan

مەن يەنىلا ئۆمەر ھەييام، يۈسۈف خاس ھاجىپ، نەۋائىي ۋە ئا.م.ئەمىننىڭ رۇبائىيلىرىنى ياقتۇرىمەن، چۈنكى بىزنىڭ تۇرمۇشىمىزغا بەكلا يېقىن !
/viewthread ... mp;amp;page=2#51631

maxal20

مېنىڭمۇ ئۆزۈم توپلىغان رۇبائىيلاردىن يېزىپ قويغۇم كەلدى:

ياخشىغا يېقىنلاش پاكلىنىدۇ دىل،
لاتاپەت يۈز ئۆرۈپ پاكلىنىدۇ تىل.
ياماندىن يىراق قاچ، نىجاسىتىنى،
چاينىغان غىڭشىيدۇ، غىڭشار قىرىق يىل.

بىلىم ئۇ خۇددى چىن سۆيگۈ مىسالى،
پەرھاتقا مەنسۇپتۇر شېرىن ۋىسالى.
كىمكى ساختىلىق قىلسا خىسراۋدەك،
ۋىسالغا ئېرىشمەك ئۇنىڭ خىيالى.

ھاياتنىڭ شاتلىقى ئەمەس كۈلۈشتە،
ۋە ياكى ياخشى يەپ ياخشى ئىچىشتە.
ئۆزەڭنى باغدىكى بىر كۆچەت دېسەڭ،
ھەممىدىن زور بەخىت مېۋە بېرىشتە.

چىۋىننىڭ قانىتى ئاينى ياپالماس،
چۈمۈلە ھارۋىنى يولدىن توسالماس.
ئالقانچە يەردىكى قۇياش نۇرىنى،
مىڭ ھارۋا توپىمۇ ھەرگىز كۆمەلمەس.

ئالتۇن ھەل بەرسەڭمۇ كېسەكتۇر كېسەك،
گەر ھالۋا بەرسەڭمۇ تېزەكلەر ئېشەك.
كۆرۈمسىز شۇ پىلە قۇرىتىغا باق،
يەپ ئاددى يوپۇرماق، بېرىدۇ يىپەك....

atikam1

مەنمۇ كۆپ ھاللاردا ئابدۇقادىر جالالىدىننىڭ روبائىيلىرىنى ياقتۇرۇپ ئوقۇيتىم ،،،، كېچىچە ئىشلىگەچ ئىشخانىدىكى كىتاپ جازىسىدىن << دۇنيا ئەدىبىياتى >>  دېگەن ژورنالنى قولۇمغا چىقىپ قالدى  شۇنىڭ بىلەن بۇ روبائىيلارنى يېزىپ قويغان ئىدىم ،،،،،، كەچۇرگەيسىلەر

bayawan

رۇبائىيلارنىڭ يازىدىغان بەلگىلەنگەن كىشىسى يوق ، بۇنى يوللاپ ياخشى قىلىپسىز ، قانچىلىك بولسا شۇنچىلىك يوللاڭ ، ئىلىمنىڭ چېكى يوق .

ھەر يىلتىز كەينىدە تاتلىق چىمەنزار،
ئېگىزگە ئۆرلىمەك ھەر قاناتقا يار.
ئەقىلدىن يېڭى ئاي مىسالى ئازما،
ھەر ئىشىڭ ئاچقۇچى يانچۇقىڭدا بار.

ئېسىل رۇبائىيلاركەن .

tikan

باياۋان توغرا دەيدۇ، رۇبائىي يازىدىغانغا مەخسۇس بەلگىلەنگەن كىشى يوق، چەتئەل يازغۇچى،شائىرلىرىنىڭ ئەسەرلىرىدىن بىرەرنى ئارتۇق ئوقۇساق، پايدىسى باركى زىيىنى يوق!

bulbulgoya

شۇنىڭغىمۇ كەچۈرۈم سوراش كىتەمدۇ ؟ بولسا يەنە يوللاڭە !!

zakira

بەك ياخشى رۇبايىلاركەنغۇ  جانىم ، بىز ھەر خىل ئادەملەرنىڭ ئەسەرلىرىنى ھەم باشقا دۆلەتلەردىكى يازغۇچىلارنىڭ ئەسەرلىرىنىمۇ ئوقۇساق ئاندىن سېلىشتۇرۇپ ئەڭ ياخشىسىنى بىلەلەيمىز .

atikam1

باياۋان ،تىكەن ،بۈلبۈلگويا،زەكىرە  رەخمەت سىلەرگە ،مېنى قوللىغىنىڭلارغا كۆپ تەشەككۇر ،،،