ئەلكۈيىدىكىلەرنىڭ قىزىقارلىق ئىشلىرى

maxal20

سۇغا كىرسەڭ بېلىڭچە دەپتىكەن... نەچچە ۋاقىتتىن بېرى باشقىلارنىڭ قىززىق-قىززىق يۇمۇرلىرىنى كۆرۈپ، مېنىڭمۇ كۈلكە نېرىپلىرىم ئىشلەپ قالدىمۇ بۇ تېمىغا تۇتۇش قىلدىم ئەمىسە....

1. باھانە

ئەلكۈيى ئەزالىرىدىن گۈلدار، "مەلەك، "ئالىپ28 يەنە مۇبارەكلەر ئۇستازنىڭ دەرسىگە كېچىكىپ بىرلا ۋاقىتتا كېچىكىپ قاپتۇ، ئۇستاز ئاچچىقلىنىپ سوراپتۇ:
_نېمىشقا كېچىكتىڭلار؟
گۈلدار:
_ئەتىگەن بىر موماي ئاپتۇبۇس بېكىتىدە يول تاپالماي تۇرۇپتىكەن، ئۇنى ئۆيىگىچە ئاپىرىپ قويدۇم.
مەلەك:
_ئەتىگەن تاپشۇرۇق دەپتىرىمنى ئۇنتۇپ قاپتىمەن، كەينىمگە قايتىپ ئېلىپ كەلدىم.
ئالىپ28:
_زۇكام بولۇپ قاپتىمەن مۇئەللىم، ئەتىگەن قوشنىلارنىڭكىدىن ئاپام دورا تېپىپ چىققۇچە....
ئۇستاز ھەممىسىگە بوپتۇ ئەمىسە دەپ مۇبارەككە قاراپتۇ:
_ مۇئەللىم نېمىشقا مەندىن ئاۋۋال سورىمايسىز.... ئۇلار ھەممىنى دەپ بولدى!

2. بىلمىدىم....
ئىچىپ مەس بىلەن قىزلار كۆرۈنمەيدا ئىككەيلەن تۆت كوچىدا ئۇچرىشىپ قاپتۇ، ئۇلار غىرىق مەسكەن دەڭلا! ئىچىپ مەس:
_ ئاداش، ئاسماندىكى ئايمۇ قۇياشمۇ؟
_مەن نېمە بىلەي؟ مەن بۇ يەرلىك ئەمەس....

3. ئۇيغۇربەگنىڭ ساقچىخانىدا ئىشلەۋاتقان ۋاقىتلىرى ئىكەن، بىر كۈنى ئۇ بىدارنى ئوغرىلىق قىلىۋاتقان ۋاقتىدا تۇتىۋېلىپ سوراق قىلىپتۇ:
_ھەممىنى تولىقى بىلەن تاپشۇر، بولمىسا ئىككى پۇتۇڭنى بىر ئۆتۈككە تىقىۋېتىمەن....
بىدار ئازراق تەڭشىلىۋالدىمۇ قانداق، پۈتۈكچى تۇتىمغا قاراپ:
_ما ئاداشنى فورمىسىغا قاراپ ساقچىمىكىن دېسەم موزدوز چىقىپ قالدا~

4. بىر كۈنى كونا ئەزالاردىن زاكىرە، ئايتۇغ، سەھرا بىر يەرگە كېلىپ مۇڭدىشىپ قاپتۇ....
زاكىرە: بىزنىڭ ئۆي تازا يوغان، ئىچىگە 40 ئادەملىك زىياپەت بولسىمۇ بىمالال سىغىۋېرىدۇ...
سەھرا: بىزنىڭكىگە 100لەر سىغىپ قالامدىكىن...
ئايتۇغ: ۋاي ماۋۇ پوچىلارنى، بىزنىڭ "ئۆيدە" 6مىلياردتىن ئارتۇق ئادەم يۈرىۋاتمامدا~

قالغىنىنى تېمام تەستىقلانغاندىن كېيىن ئاستا تورداشلار بىلەن بىللە يازاي~

pariay

مەشئەل20 :ئايالىم ماڭا گەپ-سۆز قىلمىغىلى ئۈچ ئاي بولدى ، شۇڭا ئاجرىشىپ كىتەيمىكىن دەيمەن .
يالغۇز : ئەخمەق بولما ، سەن مەندىن تولىمۇ بەخىتلىك ئىكەنسەن ، بۇنداق كەم سۆز خوتۇننى ھېچقانداق يەردىن تاپالمايسەن !

rayhan

سىزمۇ  مېھرىنازدەك  مۇنبەردىكىلەرنى  يۇمۇردا  يۇمۇلىتىۋېتەي  دەپسىز دە ، يۇمۇرلىرىڭىز  بوپ قالىدىكەن ، مەنمۇ بىر نەچچىنى  يېزىپ  قوياي دىسەم   كاللامغا  ھېچنىمە  كەلمەيۋاتىدۇ  دىسە ...... [s:3]

atikam1

يۇمۇرلارنى ئوقۇپ تازا كۈلۈپتىمەن ،،،،،،

    بىر كۈنى مەشئەل20دوستى قىز خۇمارغا0998:  ئاداش مەن  ھازىر بىر قىزغا ئاشىق بوپ قالدىم ،ئۇ قىز ئەمدىلا   20 ياشقا   كىرىپتۇ، ئەگەر مەن يېشىمنى ئون ياش كىچىكلىتىپ  40 ياشقا كىردىم دېسەم  .ئۇ قىز توي قىلىشقا قوشۇلارمۇ ؟
   قىزخۇمار0998:  ئەخمەق ، ئەڭ ياخشىسى << 60ياشقا كىردىم  ناھايىتى ككپ پۇلۇم بار >> دېگىن

tumar

1.گۈزەل3.8 ،بەرگىيەۋە ئايتۇغ پايانسىز كەتكەن قۇملۇقتا كېتىۋاتقىنىدا ئۇلارغا بىر بوتۇلكا ئۇچراپتۇ.بوتۇلكىنىڭ ئاغزىنى ئېچىشىغا ئىس-تۈتەكلەر كۆتۈرۈلۈپ ئىچىدىن بىر ئادەم چىقىپ دەپتۇ:
-مەن ئەۋلىيا بولىمەن.نېمە تەلىپىڭلار بولسا ئېيتىڭلار،ھەر بىرىڭلاردىن ئۈچتىن تىلىكىنى ئەمەلگە ئاشۇرۇپ بېرىمەن.
بۇنى ئاڭلىغان گۈزەل3.8 ئالدىراپ تېنەپ ئەۋلىياغا تىلىكىنى ئېيتىپتۇ:
-ماڭا ئېسىل كىيىم-كېچەك بەرگىن!
ئەۋلىيا ئۇنىڭ تىلىكىنى ئەمەلگە ئاشۇرغاندىن كېيىن گۈزەل3.8 يەنە ئىككىنچى تىلىكىنى ئېيتىپتۇ:
-يەنە ئېسىل كىيىم-كېچەك بەرگىن!
ئەۋلىيا ئىككىنچى تىلىكىنىمۇ ئەمەلگە ئاشۇرغاندىن كېيىن گۈزەل3.8 ئۈچىنچى تىلىكىنى ئېيتىپتۇ:
-ئەمدى مېنى ئۆيۈمگە ئاپىرىپ قويغىن.
ئەۋلىيا"ئەلۋەتتە بولىدۇ."دەپتۇ.شۇنىڭ بىلەن گۈزەل3.8 ئېسىل كىيىملەرنى ئېلىپ ئۆيىگە كېتىپتۇ.
ئەۋلىيا ئەمدى بەرگىيەنىڭ تىلىكىنى سوراپتۇ.
-ماڭا ناھايىتى كۆپ پۇل بەرگىن!-دەپتۇ بەرگىيە بىرىنچى تىلىكىنى ئېيتىپ.ئەۋلىيا ئۇنىڭ تىلىكىنى ئەمەلگە ئاشۇرۇپ بەرگەندىن كېيىن بەرگىيە ئىككىنچى تىلىكىنى ئېيتىپتۇ:
-يەنە ناھايىتى كۆپ پۇل بەرگىن!
ئەۋلىيا ئىككىنچى تىلىكىنىمۇ ئورۇنداپ بەرگەندىن كېيىن ئۇ ئۈچىنچى تىلىكىنى ئېيتىپتۇ:
-ئەمدى مېنى ئۆيۈمگە ئاپىرىپ قويغىن.
ئەۋلىيا بەرگىيەنى ئۆيىگە ئاپىرىپ قويغاندىن كېيىن ئايتۇغنىڭ تىلىكىنى سوراپتۇ.ئايتۇغ بىرىنچى تىلىكىنى ئېيتىپتۇ:
-ماڭا قېنىىىىىىىق دەملەنگەن بىر چەينەك چاي بەرگىن!
ئەۋلىيا ئۇنىڭ تىلىكىنى ئەمەلگە ئاشۇرغاندىن كېيىن، ئايتۇغ ئىككىنچى تىلىكىنى ئېيتىپتۇ:
-يەنە بىر چەينەك چاي بەرگىن!
ئەۋلىيا ئۇنىڭ ئىككىنچى تىلىكىنىمۇ ئورۇنداپ بېرىپ ئۇنىڭغا دەپتۇ:
-ئەمدى ئۈچىنچى تىلىكىڭنى ئېيت.
ئايتۇغ:
-راستىمنى ئېيتسام گۈزەل3.8 بىلەن بەرگىيەنى تولىمۇ سېغىندىم.ماڭا ئۇلارنى قايتۇرۇپ ئەكىلىپ بەرگىن!


2.گۈزەل3.8 بىلەن بەرگىيە قايتىپ كەلگەندىن كېيىن ئايتۇغقا ئۆلگۈدەك غەزەپلەنسىمۇ ئاچچىقىنى ئىچىدە بىلىپ يۈرۈشكە مەجبۇر بوپتۇ.ئۈچى ماڭا-ماڭا ئالدىغا يەنە بىر بوتۇلكا ئۇچراپتۇ.بوتۇلكىنىڭ ئاغزىنى ئاچقانىكەن ئىچىدىن بىر ئادەم چىقىپ ئۇلارغا ئېيتىپتۇ:
-مەن ھېلىقى ئەۋلىيانىڭ شاگىرتى بولىمەن.مېنىڭ سېھرى كارامىتىم ئۇستازىمنىڭكىگە يەتمەيدۇ،شۇڭا ھەربىرىڭلارنىڭ ئىككىدىن تىلىكىنى ئەمەلگە ئاشۇرۇپ بېرىمەن.تىلىكىڭلارنى ئېيتىڭلار.
بۇ گەپنى ئاڭلاپ ،گۈزەل3.8 بىلەن بەرگىيە ئالدىن مەسلىھەتلىشىپ،ئايتۇغنىڭ ئالدىنقى قېتىمقىدەك ئۆزلىرىنى قايتۇرۇپ ئەكىلىۋېلىشىدىن ساقلىنىش ئۈچۈن ئايتۇغنى ئاۋال تىلىكىنى دېگۈزمەكچى بوپتۇ.شۇنىڭ بىلەن ئايتۇغ بىرىنچى تىلىكىنى ئېيتىپتۇ:
-ماڭا بىر چەينەك چاي بەرگىن.
ئۇ كىشى ئايتۇغنىڭ تىلىكىنى ئورۇنداپ بېرىپتۇ.گۈزەل3.8 بىلەن بەرگىيە ئۇنى تېزرەك ئىككىنچى تىلىكىنى ئېيتىشقا زورلىغىلى تۇرۇپتۇ.ئايتۇغ چېيىنى ئىچىپ بولغاندىن كېيىن ئالدىرىماي-تەمتىرىمەي ئىككىنچى تىلىكىنى ئېيتىپ ئەۋلىيانىڭ شاگىرتىغا دەپتۇ:
-ھە، بولدى ئەمدى باشقا ئىش يوق،بۇ يەردىن كەتكىن.

3.گۈزەل3.8 بىلەن بەرگىيە ئۆز گۆشىنى ئۆزى يېگۈدەك بولۇپ ئامالسىز يەنە ئايتۇغ بىلەن بىللە مېڭىپتۇ.ماڭا-ماڭا يەنە بىر بوتۇلكا ئۇچراپتۇ.ئاغزىنى ئاچقانىكەن ئىچىدىن يەنە بىر ئادەم چىقىپ دەپتۇ:
-مەن ھېلىقى ئەۋلىيانىڭ شاگىرتىنىڭ شاگىرتى بولىمەن.مەن ھەربىرىڭلارنىڭ پەقەت بىردىنلا تىلىكىنى ئورۇنداپ بېرەلەيمەن.تىلىكىڭلارنى ئېيتىڭلار.
گۈزەل3.8 ئالدىراپ-تېنەپ تىلىكىنى ئېيتىپتۇ:
-مېنىڭ بۇ ئايتۇغنى كۆرە كۆزۈم يوق!
"بولىدۇ."دەپتۇ ئۇ كىشى ۋە بەرگىيەدىن تىلىكىنى سوراپتۇ.
-مېنىڭمۇ بۇ ئايتۇغنى كۆرە كۆزۈم يوق!-دەپتۇ بەرگىيەمۇ.
ئۇ كىشى"بولىدۇ"دېگەندىن كېيىن،بۇرۇلۇپ ئايتۇغدىن تىلىكىنى سوراپتۇ.
ئايتۇغ:
-بۇ ئىككىسىنىڭ تىلىكىنى ئورۇنداپ بەرمىگىن.

4.گۈزەل3.8 بىلەن بەرگىيە يەنە چىشىنى چىشلەپ ئايتۇغ بىلەن بىللە مېڭىپتۇ.ماڭا-ماڭا يەنە بىر بوتۇلكا ئۇچراپتۇ.ئاغزىنى ئېچىپتىكەن ئىچىدىن يەنە بىر ئادەم چىقىپ ئۇلارغا دەپتۇ:
-مەن ھېلىقى ئەۋلىيانىڭ شاگىرتىنىڭ شاگىرتىنىڭ شاگىرتى بولىمەن.ئۈچىڭلارنىڭ پەقەت بىرلا تىلىكىنى ئورۇنداپ بېرەلەيمەن.
بۇ گەپنى ئاڭلاپ گۈزەل3.8 بىلەن بەرگىيە تەڭلا توۋلىشىپتۇ:
-ئايتۇغ نېمە دېسىمۇ ھەرگىز ئورۇنداپ بەرمىگىن!
ھېلىقى كىشى"بولىدۇ."دەپتۇ ۋە بۇرۇلۇپ ئايتۇغدىن سوراپتۇ:
-سېنىڭ نېمە گېپىڭ بار؟
ئايتۇغ:
-ئۇلارنى ئۆيىگە قايتۇرىۋەتكىن.

maxal20

ئاتىكەم: بالام، نېمە قىلىۋاتىسەن؟
بالىسى رەيھان دەپتۇ:
_ رەسىم سىزىۋاتىمەن...
_نېمىنى سىزىۋاتىسەن؟
_سىزنى
ئاتىكەم قاراپ قورقۇپ كېتىپتۇ،
_نېمە بۇ ئەمدى؟ رەسىمدە تالانتىڭ يوق جۇمۇ، مېنى مۇشۇنداقمۇ سەت سىزامسەن؟
رەيھان ئويلىنىپ كېتىپ جاۋاب بېرىپتۇ:
_ئانا، قولىڭدىكى سىنئەينەك....

maxal20

بىر كۈنى پەرىئاي يولدا كېتىۋېتىپ بىر مىخنى دەسسىۋاپتۇ، شۇئاچچىقىدا دوختۇرخانىغا بېرىپ مەسئول دوختۇر ئاقلاچىنغا پۇتىنى كۆرسىتىپ:
_دوختۇر، ياردەم قىلسىڭىز بوپتىكەن ، دەپتۇ ئالدىراش...
ئاقلاچىن تۇرۇپ كېتىپ دەپتۇ:
_مېنىڭ بۇرۇن موزدوز ئىكەنلىكىمنى كىمدىن ئاڭلىغان؟ ھازىر كەسىپ ئالماشتۇردۇم، كەچۈرۈڭ!

atikam1

بىر كۈنى مەشئەل 20 نىڭ ئايالى ،تېلۋېزور كۆرۇپ ئولتۇرۇپ ، مەشئەل20گە :  توي خاتىرە كۈنىمىزگە ئاز قالدى ، بىر قوي سويۇپ قوشنىلارنى چايغا تەكلىپ قىلايلى __  دەپتۇ.
مەشئەل20: نېمىشقا ؟ ئۇ يا قوينىڭ خاتالىقى بولمىسا  __ دەپتۇ.

nuxriwan

تۇمارنىڭ يۇمۇرى بەك قىزىقارلىق چىقىپتۇ     

tikan

ھەممە يۇمۇرلار قىزىقكەن، ھەممىدىن بەكرەك تۇمارنىڭ چاتما يۇمۇرىغا تازا كۈلۈپتىمەن