ئايتۇغقا چاقچاق(3)

wadariha

مۇنبەردىكى قىزلار سەركىسى ئايتۇغنىڭ " گەپ بولۇپتۇ ماڭىمۇ" ناملىق شىېئىرىنى ئوقۇغاندىن كېيىن...


دېمىسىمۇ كېچە-كۈندۈز ئەلكۈيىدە،
ئاشىق كەبى سەرسان بولۇپ يۈرەرسىزمۇ؟!
بولمىغاندەك بېلىق سۇدىن ئايرىلغانغا،
بۇ مۇنبەردىن ئايرىلسىڭىز ئۆلەرسىزمۇ؟!

"ئۆيۈم"،"ئېرىم"،"بالام"دېگەن ئاتالغۇنى،
ئارلاپ-ئارلاپ كاللىدا ياد ئېتەرسىزمۇ؟!
خوپ ئاياللىق بۇرچىڭىزنى ئادا قىلىپ،
ئانچە-مۇنچە ئاش-تاماقلار ئېتەرسىزمۇ؟!

ھەمدەم بولۇپ يولدىشىڭىز ئىشلىرىغا،
دەرمان بولۇپ "دەرت"لىرىگە يېتەرسىزمۇ؟!
گەپ تېشىلسە ئۈشبۇ ھەقتە،يامانلاپلا،
ئانىڭىزنىڭ ئۆيىگە يا كىتەرسىزمۇ؟!

تور باغلاپتۇ تام-تورۇسنى،بۇلۇڭلارنى،
سۈپۈرگىگە ۋاقتىڭىزنى بىرەرسىزمۇ؟!
يا بولمىسا ئىچ ئاغرىتىپ ئۆمۈچۈككە،
ئۆز مەيلىگە قويۇپ بېرىپ يۈرەرسىزمۇ؟!

دائىم سېتىپ يەيدىكەنسىز بازاردىن نان،
خېمىر راسلاپ ، نان يېقىشنى بىلەرسىزمۇ؟!
ياقسىڭىزمۇ بىرەر قېتىم ئېزىپ-تېزىپ،
نان ياقتىم دەپ كۆمەش يېقىپ قويارسىزمۇ؟!

كىرگە پېتىپ قاپتۇ ئەنە يوتقان-كۆرپە،
يىلدا سۆكۈپ بىرەر قېتىم يۇيارسىزمۇ؟!
سۇنمىغىچە كىيىم-كېچەك كىر دەستىدىن،
قىسىلچاققا ئېلىپ قويماي يۈرەرسىزمۇ؟!

يۇيماق بولۇپ قاسماق باسقان بالىڭىزنى،
ئۈچ كۈن بۇرۇن داسقا چىلاپ قويارسىزمۇ؟!
ئاران تەستە ئىۋىگەندە قات-قات كىرى،
راسا سۈركەپ سىم دەسمالنى ، يۇيارسىزمۇ؟!

مېھمان كەلسە ئۆيىڭىزگە گەر تۇيۇقسىز،
نان قايناقنى بېرىپ يولغا سالارسىزمۇ؟!
پولۇ، گۆش نان، تۈرمەل ئېتىش ئۇسۇلىنى،
غۇلجىغا كىپ سايماخۇندىن سورارسىزمۇ؟!

تورغا چىقىپ ئەتىگەندىن تا كەچكىچە،
يازما بىلەن ئىنكاس يېزىپ ئۆتەرسىزمۇ؟!
ناماز ۋاقتى بولۇپ قالسا ئالدىراشلىقتا،
قايناق سۇدا تاھارەت ئېلىپ يۈرەرسىزمۇ؟!

ئېلىۋىلىپ تاھارەتنى قايناق سۇدا،
توختىماستىن ئاللا-توۋا ئېتەرسىزمۇ؟!
دىدار قىزنىڭ تەنھەركەتچى دوستى كەبى،
جىدەل قىلىپ ئۆينى باشقا كىيەرسىزمۇ؟!

ئاساۋ ئاتتەك چىچاڭلىغان پېتى بېرىپ،
جاينامازغا ئۆزىڭىزنى ئاتارسىزمۇ؟!
كۈن چىقىشقا قاراپ سەجدە قىلىۋالغاننى،
ناماز تۈگسە ئاندىن ھىس قىپ يېتەرسىزمۇ؟!

چىش پاستىسى سۈركەپ كۆيگەن كاسسىڭىزغا،
ئىشتان كىيمەي بالىڭىزدەك يۈرەرسىزمۇ؟!
ھەراست تېخى يەلپۈمىدىڭ كەينىمدىن دەپ،
ئېرىڭىزنى نوغۇچ بىلەن سۈرەرسىزمۇ؟!

بېرىپ قالساق ياردەم قىلماق بولۇپ سىزگە،
بىزلەرگىمۇ قەھرىڭىزنى سىپەرسىزمۇ؟!
ئاغرىققا ھەم چىدىيالماي شاش بايتالدەك،
قارىماستىن كەينىچىلەپ تىپەرسىزمۇ؟!

چاقچاق قىلدى بۈگۈن يەنە ۋادەرىخا،
ئاڭا بىردەم "مەيلى"ڭىزنى بىرەرسىزمۇ؟!
ئەلنى يېزىپ، ئەلنى كۈيلەپ، ئەلگە سۆزلەپ،
ئۆمۈر بويى ئەل كۈيىدە ئۆتەرسىزمۇ؟!

maxal20

پاھ پاھ~ قېنى بۇ ئايتۇغ! ھەجەپ كۈلىۋەتتىم دېسە.... ئەمدى ئايتۇغنىڭ مۇشائىرىسىنى ساقلاي~

sahra

ئايتۇغنىڭ   ئېسىل ساتىرىسىدىن ۋادەرىخا  تازا بىر پۇرسەتلەرگە ئېرىشىپتۇلەر.. .  ئايتۇغ ،قازان قۇمۇشنى بېسىقتۇرۇپ ، ھايالشىمايلا يەڭنى تۈرۈپ چىقىدۇلەر...

0998bahar

ۋادەرىخا گەپنى يوغان قىلارسىزمۇ،
ئايتۇغ خانغا شۇنداق چاقچاق قىلارسىزمۇ.
بىلەمسىز يولۋاس ئالدىدا بۆجەن ھالىنى،
تىترەپ دىر-دىر  كۆزلىرىڭىزنى يۇمارسىزمۇ.
[s:2]

layli

ۋادىخانلار باشلاپتۇ چاقچاقىنى،
ئايتۇغ بىلەن ئىيتىشاسىزمۇ ؟
ئاخىرى چىدىيالماي چاقچاقىغا،
بولدى <دات> دەپ قاچاسىزمۇ ؟

begana

ئايتۇغ كەچتە مەنپەر ئەتمەي ،مۇنبەرگە سۈپۈرگە ئەكىرىپ سۈرمىسىلا بولاتتىغۇ؟

atikam1

ۋادەرىخا ئەجەپ  قاملاشتۇرۇپ يېزىپسىز  چاقچالىرىڭىزنى ،،،،،ھەي جانىم ،،،قەنى سىز ،،،

halida1466

ھاي ئيتۇغغغغغغغغغ   قېنى سەن تېز بولە ماۋۇ  wadariha قايناپتۇ .....

ustaz

ۋادىرىخا قىلغان چاقچاق ئېغىر كىلىپ،
ئايتۇغ ھەدە بىزگە قاپاق تۈرەرسىزمۇ؟
ياكى ھۇجۇم قىلماق بولۇپ ۋادرىخاغا،
شەمۇ - شەدە چاقچاق ئىزلەپ يۈرەرسىزمۇ؟

بېرىپ ياكى ئىلى، تارىم بويلىرىغا،
ھىسامكامدىن ئۇدۇم ئېلىپ كىلەرسىزمۇ؟
تۇداخۇننى باشلاپ كىلىپ، مۇنبەرگە يا،
ھەممىمىزنى سۈر كالتەك قىپ سۈرەرسىزمۇ؟

ئايتۇغ

جاۋاپ:
دىمىسىمۇ كېچە-كۈندۈز ئەلكۈيىدە،
تېمىلارنى پەرۋانىدەك ئەگىيمەنغۇ.
خۇددى سۇغا تەشنا بولغان بېلىق كەبى،
ئىنكاسلاردىن تەسكىن تېپىپ،سەگىيمەنغۇ.

‹‹ئۆيۈم››،‹‹ئېرىم››،‹‹بالام››،دىگەن ئاتالغۇنى،
ھەر دەقىقە ئېسىمدە چىڭ تۇتىمەنغۇ.
ئوخشىتىپ ھەم تاماقلارنى كۆڭۈل قويۇپ،
ئەر كۆڭلىنى مايىل قىلىپ ئۇتىمەنغۇ.

ھەمدەم بولۇپ ئىشلىرىغا ئەركىكىمنىڭ،
دەرمان بولۇپ دەرتلىرىگە يىتىمەنغۇ.
ئاچ قالمىدى ئەنسىرىمەڭ ئۆيدىكىلەر،
ھەركۈن شۇنداق ئۈچ ۋاق تاماق ئىتىمەنغۇ.

تور باغلىماس تام-توروسنى تا ئەزەلدىن،
چاققان،چېۋەر چوكانلارنىڭ بىرى مەنغۇ.
ئۆمۈچۈككە ئەسلا كۈن يوق ئۆي دىگەندىن،
ھەتتا پاشا-چىۋىننىمۇ سۈرىمەنغۇ.

ئېرىم يىمەس سېتىۋالغان نان دىگەننى،
سۈت-ماي قويۇپ توقاچ دىگەن ياقىمەنغۇ.
ئايال تۇرۇپ نان ئورنىغا كۆمەچ ياقسام،
تۇنۇرغىلا مەن ئۆزۈمنى ئاتىمەنغۇ.

ناۋات كىرى بولماس ھەرگىز ئورۇن-كۆرپە،
ھەپتىدە بىر سۈكۈپ-تارتىپ يۇيىمەنغۇ.
كىيىملەرنى كۈندە يۇيۇپ دەزمال سېلىپ،
ئەتىر چېچىپ رەتلىك ئېسىپ قويىمەنغۇ.

كۈن ئاتلىتىپ يۇيۇپ تۇرغاچ بالىلارنى،
قانماي-قانماي مەڭىزلىرىگە سۈيىمەنغۇ.
ئەتىر سوپۇن بىلەن يۇيۇپ بولدى قىلماي،
ئەتىرلەرنى چاچلىرىغا سىپىمەنغۇ.

مىھمان كەلسە ئۆيلىرىمگە گەر تۇيۇقسىز،
قىزىق چايغا ناۋاتلارنى  سالىمەنغۇ.
نەچچە تۈرلۈك ھۈنىلىرىمنى ھەم چىقىرىپ،
پولو،قورداق...بىلەن كۆڭۈل ئالىمەنغۇ.

تورغا چىقىپ سەللە ئارام تاپقىنىمدا،
سىلەر بىلەن تەڭ يىغلىشىپ-كۈلىمەنغۇ.
ئۇنتىمايمەن نامازنىمۇ ھەم ۋاقتىدا،
مىڭ قىلساممۇ ھامان بىر كۈن ئۆلىمەنغۇ.

قايناقسۇدا تاھارەتلەر ھەم ئالغۇدەك،
دەلدۇش ئەمەس،خېلى سەگەك تۇرىمەنغۇ.
كۈن چقىشنى،قىبلىلەرنى ئايرىپ ئوبدان،
ئىخلاس بىلەن سەجدىلەرنى قىلىمەنغۇ.

چاخچاق قىپسىز بۈگۈن ماڭا ۋادەرىخا،
جاۋابىمدىن قانائەتلەر تاپارسىزمۇ؟
ياكى بار دەم يەنە 4-ىنجىسى،
قوشاقلارنى ھوزۇرۇمغا ئاتارسىزمۇ؟

سوراپ قاپسىز ئەلكۈيىدە ئۆتەمسىز دەپ،
ئەلنىڭ كۈيى ئۈچۈن شەرتسىز ئۆلەمسىز دەپ.
جاۋابىم شۇ؛ئەلكۈيى بار ئۇنىڭدا ھەم باردۇر ئايتۇغ،
لەززەت بارمۇ؟ئەللەر كۈلگەن چاغدىن ئارتۇغ؟