كەل، يىراقلارغا كېتەيلى ( ياز چۈشى )

yaz~quxi

	كەل، يىراقلارغا كېتەيلى... كەل، تەلۋە پىغانلىرىمدا باغرىڭنى تىلاي، كېچىدەك چاچلىرىڭغا يۇلتۇز بوپ قوناي! ئاسمان قەلبىمىزگە پەسلەپ چۈشسۈن، ناخشا ئېيتسۇن ئونبەش كۈنلۈك ئاي... شاماللار كۆڭۈل ئېتىزلىقىمىزنى يەلپۈپ ئۆتسۇن، ئايدىڭدا چېكەتكىلەر چىرىلداشسۇن. جىمجىتلىقتىن ئاستا چىقىپ كېتەيلى، گۈللەر بىزنى قات - قات ئورىسۇن. سۈيى يوق ئورمانلىقلارغا بارايلى، چاچلىرىمىزنى ئايدا تارايلى. ئاسمان يەر بولسۇن، يەر ئاسمان، بىز  ئاسمانغا شېئىر يازايلى... ئىجادىيىتىم يازدىكى كۆيۈش سېنىڭ ئاۋازىڭغا كىرمەكتىمەن يۇمشاق خىياللىرىمنى سىيلاپ ئولتۇرۇپ. پەرىشانلىقىڭغا يېيىلماقتىمەن ئىسسىق چاچلىرىڭنى بىر-بىرلەپ يۇلۇپ. ئۇزىراۋاتقان تۈنلەرنى ياقىلاپ مېڭىپ ئېتىكىڭگە ئوت قويۇشنى ئىستىدىم. جېنىمنى قاپقارا جاڭگالدا قويۇپ كېچىلىرىڭگە يىقىلدىم... * * * * * * * * * * * * * * * سېنىڭ ئېگىز ھەم ئۇزۇن ئاسمىنىڭنى كۆڭلۈمنى يەلپۈپ ئۆتۈۋاتقان مەيىن شاماللىرىڭنى قاچىلىۋالدىم سېغىنىشىمغا. قاچانمۇ كارىز سۇلىرىدەك ئېقىپ - ئېقىپ كېلەرسەن-ھە يېنىمغا؟! سېغىنىشلىرىم كۈندۈزلەرنى كۆيدۈرمەكتە كېچىلەرنى يورۇتماقتا... سۆزلىرىم سۇ بولۇپ ساڭا ئاقماقتا ئىسمىڭ ئاي بولۇپ ئاسمىنىمدا ساڭگىلاپ تۇرماقتا... تېخىچىلا سېنى ساقلىماقتىمەن مەيىن شاماللارنى ساقلىغاندەك. ئاۋازىڭ ئىچىمدە شىلدىرلىماقتا يازنىڭ يېشىل ياپراقلىرىدەك. كەلگىنە، مېھرىمىز قوشۇلۇپ كەتسۇن سۇغا سۇ قوشۇلغاندەك... 2010-يىل 30-ئىيۇن. تۇرپان ئىجادىيىتىم

bargiya

	ياز چۈشى..يازغىلا كۆيۈدىكەن دىسە؟؟؟

yalpuz0997

	كەل يىراقلارغا كېتەيلى ئۇچۇپ، قالسۇن دىلنى چىرمىغان ھەسرەت. تاپالمىسۇن تۆھمەت يامغۇرى، تاپالمىسۇن ھەسەتخور شامال، تاپالمىسۇن مەڭگۈ بىزنى دەرت...

tikan

	سىغىنىشقا تولغان يۈرەكتىن چىققان ھىسسىيات تولىمۇ لىرىك ئىپادىلىنىپتۇ، شائىرنىڭ ئىجادىيىتىگە ئۇتۇق تىلەيمەن.

yaz~quxi

	ئاستىدىكى ئىمزايىمنى ئوقۇسىڭىز، بۇنى تېخىمۇ ياخشى چۈشىنىسىز، بەرگىيە!

xanish

	ئالدىنقى شېئىرىڭىزنىڭ بىرىنچى كۇبلىتى ياخشى چىقىپتۇ ، قالغان ئىككى كۇبلىتىغا  سەل ئىشلەپ باقسىڭىز بوپتىكەن ... <يازدىكى كۆيۈش >تىن  تۇرپاننىڭ قىززى-قىززىق تەپتىدە كۆيگەندەك  كۆيۈپ تۇرۇپ     ھوزۇرلاندىم ...

yaz~quxi

	خانىش، مۇشۇنداق تەكلىپ-پىكىرلەرنى داۋاملىق بېرىپ تۇرغايسىز!

aydil

	بۇ 2قەۋەتتىكىyalpuz0997 يوللىغان 2010-08-13 12:21 غا قارتىلغان : كەل يىراقلارغا كېتەيلى ئۇچۇپ، قالسۇن دىلنى چىرمىغان ھەسرەت. تاپالمىسۇن تۆھمەت يامغۇرى، تاپالمىسۇن ھەسەتخور شامال، تاپالمىسۇن مەڭگۈ بىزنى دەرت...  تاپالمىسۇن مەڭگۈ بىزنى دەرت، زىناقلاردا كۈلكە يايرىسۇن. خۇشپۇراقلىق كۆڭۈل بېغىدا،     خۇش ناۋادا بۇلبۇل سايرىسۇن.

kun^kiz

	سىزنىڭ شېئىرلىرىڭىزنى ئوقساملا كىلىمسەن باھار دېگەن ناخشا ئىسىمگە كىلىپ قالىدۇ .

zulyha

	يازدىكى چۇش بۇ شىئىرلار ئۇزىڭىزنىڭ ئىجادىيىتىڭىزكەن.قەلىمىڭىز خىلى كۇچلۇك ئىكەن. كۇپ ئەجىر قىپسىز.سىزگە كۇپ رەھمەت.داۋاملىق مۇشۇنداق ياخشى شىئىرلارنى يىزىپ تۇرۇشىڭىزنى ئۇمىد قىلىمەن.داۋاملىق تىرىشىڭ.   كەلگۇسىڭىزنى ئۇزىڭىز يارىتىڭ.پۇرسەت كۇتۇپ تۇرغانلارغا ئەمەس،تىرىشقانلارغا مەنسۇپ. ئىجادىيىتىڭىز،كەلگۇسىڭىز ئۇچۇن ،بەختىڭىز ئۇچۇن داۋاملىق ترىشىڭ.   ھازىرقى تىرىشچانلىقىڭىزنى،ئىجادىيىتىڭىزنى داۋاملاشتۇرۇڭ.بۇ ئىجادىيىتىڭىز پەقەت سىز ئۇچۇنلا ئەمەس ،ئۇز مىللىتىڭىز ئۇچۇنمۇ پايدا يەتكۇزىسىز،ھەم يەتكۇزىشىڭىزغا تىلەكتاشمەن. كەلگۇسىدە داڭلىق شائىر بۇلۇپ يىتىشىپ چىقىشىڭىزنى ئۇمىد قىلىمەن.داۋاملىق يىزىڭ. ئىجادىيىتىڭىزنى داۋاملىق تىرىشىڭ.كەلگۇسى ئۇچۇن ئالغا.................