ياتماقتىمەن تورۇسقا قاراپ

boraogli

ياتماقتىمەن تورۇسقا قاراپ

ئەخمەتجان توختى

ياتماقتىمەن تورۇسقا قاراپ،
خىياللىرىم تېگى يوق بىر ھاڭ.
ھەمرا بولۇپ تەنھالىقىمغا،
بىرەر جانان چۇشەمدىكىن تاڭ.

ياتماقتىمەن تورۇسقا قاراپ،
چۈشلىرىمدىن چىقارغاچ يەكۈن.
ۋېسال كۈلۈپ باقارمۇ ياكى،
يۈزلىرىگە چۈشەرمۇ سەپكۈن.

ياتماقتىمەن تورۇسقا قاراپ،
دېرىزەمدە ئاينىڭ شولىسى.
مەن خىيالدا ئەشۇ ئاي سەۋەب،
ئايسىزمىدۇ يارنىڭ ھويلىسى.

ياتماقتىمەن تورۇسقا قاراپ،
نەلەردىدۇ ئىتلار قاۋايدۇ.
تەنھالىقنىڭ قامچىسى،بەلكىم،
ھەر كېچىسى ئۇنى ساۋايدۇ.

ياتماقتىمەن تورۇسقا قاراپ،
ئاڭلىنىدۇ ئانام دۇئاسى.
ئۈمىد بىلەن يۇمدۇم كۆزۈمنى،
كۆزلىرىمدە يارنىڭ سىماسى.

2013-يىلى 11-سىنتەبىر شەھىرى بورتالا

korla.0996

پاھ .... بۇ شېرىنى  راستىنلا تورۇسقا  قاراپ تۇرۇپ يازمىغانسىز .... ھې ھې ھې  
ياخشى چىقىپتۇ ، تېرىشىڭ ، سىزگە ئامەت تىلەيمەن!

tawpikeslam

ئىلخام كەلگەن  بولسا كىرەك.يارايسىز.

ئايتۇغ

يېتىۋەرسەڭ تورۇسقا قاراپ،
سۆيگەن جانان ئۆزى كەلمەيدۇ.
ئىزھار قىلماي ،ئىزىلىپ ياتقان-
خىياللارغا ۋىسال كۈلمەيدۇ.

يېتىۋەرمە تورۇسقا قاراپ،
ياشلىق دېگەن كەتسە-كەلمەيدۇ.
‹‹ئاھ››لا چەككەن نادان يىگىتكە،
ھېچقايسى قىز كۆڭۈل بەرمەيدۇ.

boraogli

يائاللا ئاخىرى بىرەر باشقۇرغۇچى بار بوپتۇ-دە، نۇرغۇن تېما يوللىسام ھەپتە-ئون كۈن تەستىق كۈتىۋاتىدۇ دىگەن ئۇچۇر بىلەن، ئاخىرىدا ئەخلەتخانىغا مەھكۇم بولغان، بولمىسا ياخشى تېمىلار ئىدى.

تولۇقلىما مەزمۇن (2013-9-24 10:10):
راستىنلا شۇكۈنى كەچتە ئۇيقۇم كەلمەي يېتىپ يېزىپ ساپتىمەن،

boraogli

راستىنلا شۇكۈنى ئۇيقۇم كەلمەي يېتىپ،يېزىپ قويغان ئىدىم،

xapkat888 ھەقىي سالاھىيەتلىك ئەزا

يېتىۋەرسەڭ تۇرۇسقا قاراپ،
يارمۇ سىنى ئۇنتۇپ قالىدۇ.
پەقەت بارساڭ يارنىڭ قېشىغا،
ئاندىن سىنى ئەسكە ئالىدۇ.

يېتىۋەرسەڭ تۇرۇسقا قاراپ،
بەخىت ساڭا ئۈزى كەلمەيدۇ.
ئەزەلدىنلا شىرىن مۇھەببەت،
ئىشچان بىلەن بىللە بولىدۇ.

يېتىۋەرسەڭ تۇرۇسقا قاراپ،
بارىلىقڭمۇ كىتىپ قالىدۇ.
مۇھەببەتسىز ئۈتىدۇ كۈنۈڭ،
ياشلىقىڭمۇ كىتىپ قالىدۇ.

boraogli

ياتماقتىمەن تورۇسققا قاراپ،
جانان بولغاچ كۈلۈپ باقارغا.
تايىر كەبى دەريادا ئاقسام،
زۆھرە بولۇپ بىللە ئاقارغا.

ياتماقتىمەن تورۇسقا قاراپ،
كۆزۈم ئۈزمەي شۇدەم چىراقتىن.
خۇشھال شۇندا يۈرۈكۈم مېنىڭ،
يارنىڭ ھېدى كەلگەچ يىراقتىن.

ياتماقتىمەن تورۇسققا قاراپ،
ئازلا قاپتۇ تاڭمۇ ئاتارغا.
ئىلھام قۇشى قىلار تەبەسسۇم،
پېقىر خۇشتار شۇنداق ياتارغا.

KAQURGEN

ئايتۇغ يوللىغان ۋاقتى  2013-9-23 23:34
يېتىۋەرسەڭ تورۇسقا قاراپ،
سۆيگەن جانان ئۆزى كەلمەيدۇ.
...

ئالامەت   يىزىپسىز ...

mogguz

ياتماقتىمەن تورۇسقا قاراپ،
خىياللىرىم تېگى يوق بىر ھاڭ.
ھەمرا بولۇپ تەنھالىقىمغا،
بىرەر جانان چۇشەمدىكىن تاڭ           
                                    مۇشۇ كوبلىت  شېئىرىڭىزغا تەھلىت ..
يېتىۋېرىڭ تورۇسقا قاراپ ،  
خىيال پەرەس ئۆزۈڭ بىر  گالۋاڭ .
ھەمرا بولۇپ تەنھالىقىڭغا ،
ئۈجمە كۆڭۈل چۈشەمدىكىن تاڭ .