مەندىن سۆيگۈ سورىماڭ دەيسىز؟

hawas

	مەندىن سۆيگۈ سورىماڭ دەيسىز، ئاتەش يانغان كۆزۈمگە بېقىپ. نازلىق كۈلكە دەستىدىن بىھوش، كېتەر قاچان يۈرىكىم ئېقىپ؟ مەندىن سۆيگۈ سورىماڭ دەيسىز، قىلىپ تۇرۇپ ئايدىڭدا سەيلە. چىرماپ تۇتماس ئىدىڭىز قولنى، تەشنا دىلنىڭ بولمىسا مەيلى. مەندىن سۆيگۈ سورىماڭ دەيسىز، كەتمەي تۇرۇپ يېنىمدىن يىراق. ئويناپ تۇرار ھاياجان لەۋدە، ۋىل-ۋىل قىلىپ يانغاندەك چىراغ. مەندىن سۆيگۈ سورىماڭ دەيسىز، خىجىل بولۇپ قاراپلا يەرگە. كۆڭۈل دېگەن بولامدۇ ساراڭ، بىللە يۈرۈپ چۈشمىسە ئەرگە؟! مەندىن سۆيگۈ سورىماڭ دەيسىز، تۈمەن سەۋدا ياغدۇرۇپ باشقا. قانداق مېۋە بېرىدۇ سۆيگۈ؟ تاڭغان بىلەن ياغاچنى تاشقا. مەنبە:ئىجادىيىتىم

muhterbay

	ئىككىنچى كۇبلىتنىڭ ئىككىنچى مىسراسى '' سەيلى '' دەپ يېزىلاتتى ھە ؟ '' بىللە يۈرۈپ چۈشمىسە ئەرگە؟! ''  دىگەن بىر مىسرانى مەن چۈشىنەلمىدىممۇ ياكى ماڭا باشقىچە بىلىنىۋاتامدۇ ؟ ............................!

arslan

	بۇ 1قەۋەتتىكىmuhterbay يوللىغان 2010-08-12 17:21 غا قارتىلغان  : ئىككىنچى كۇبلىتنىڭ ئىككىنچى مىسراسى '' سەيلى '' دەپ يېزىلاتتى ھە ؟ '' بىللە يۈرۈپ چۈشمىسە ئەرگە؟! ''  دىگەن بىر مىسرانى مەن چۈشىنەلمىدىممۇ ياكى ماڭا باشقىچە بىلىنىۋاتامدۇ ؟ ............................! << سەيلى >> دەپ يېزىلىشى خاتا ، بۇ يەنە ئېغىز كۆنۈك تەلەپپۇز شەكلى ، ئەسلى سۆزنىڭ تومۇرى << سەيلە >> ، << تاغ سەيلىسى >> بولغاندا ، << سەيلە >> سۆزىگە << سى >> قوشۇمچىسى قوشۇلغاندىن كېيىن ، سۆز تومۇرىدىكى << ئە >> تاۋۇشى << ئى >> تاۋۇشىغا ئاجىزلىشىدۇ . ئەسلى سۆز << سەيلە >> دەپ ئېلىنسا توغرا بولىدۇ .

ehtiram

	پىشانەمگە پۈتۈلگەنمۇ ۋەسلىڭىز، قانداق چىداش مۈمكىن ئىشقى- پىراققا. يېلىنجىغان پېتى كۈلۈپ كەلسىڭىز، چاچقۇ بولۇپ تۆكۈلەيمۇ تۇپراققا. لىغىرلايدۇ بەرگىلەردە ياپراقتەك. لەختە-لەختە قانغا تولدى بۇ يۈرەك. سىز پارلايسىز دىل كۆكىدەبايراقتەك. سىزدىن باشقا نازىنىنلار نە كېرەك؟. نېچۈن سەۋەب سورىماققا مۇھەببەت، يۈرىكىمدە كۆكلىمەكتە ۋەسلىڭىز .    ئېرىشمەككە چىن بەختكە بار قۇدرەت، شۇنچە تاتلىق كۈلسە سۆيگۈ پەسلىمىز..... (ئېھتىرام)

yaz~quxi

	4-كوپلېتنىڭ ئاخىرقى ئىككى مىسراسىدا ئىپادىلەش جەھەتتىن ھەقىقەتەن مەسىلە باركەن. ئېھتىرامنىڭ يازغىنىنى ئوقۇپ، مېنىڭمۇ يازغۇم كېلىپ كېتىۋاتىدۇ دېسە! قانداق قىلاي، يازسام بولارمۇ؟

bargiya

	بۇ 4قەۋەتتىكىyaz~quxi يوللىغان 2010-08-12 18:18 غا قارتىلغان  : 4-كوپلېتنىڭ ئاخىرقى ئىككى مىسراسىدا ئىپادىلەش جەھەتتىن ھەقىقەتەن مەسىلە باركەن. ئېھتىرامنىڭ يازغىنىنى ئوقۇپ، مېنىڭمۇ يازغۇم كېلىپ كېتىۋاتىدۇ دېسە! قانداق قىلاي، يازسام بولارمۇ؟ دادىل بولۇڭ يىگىت!! ئۇنىمۇ سوراپ يازىدىغان ئىشما؟؟

bargiya

	كۆڭۈل دېگەن بولامدۇ ساراڭ، بىللە يۈرۈپ چۈشمىسە ئەرگە؟ شېئىرىڭىزنىڭ جەلىپكارلىقىنى مۇنۇ ئىككى مىسرايىڭىز يوقىتىۋىتىپتۇ. شېئىر گۈزەل ،يېنىك تىل تەلەپ قىلىدۇ.قاپىيە ئۈچۈن يالىڭاچلانغان شېئىرلار  باشقىچە تەسىر بېرىپ قويۇدۇ.

gamsiz

	يېزىڭ يېزىڭ، نىمىگە تارتىنىش ئەمدى مەنغۇ يازاي دىسەممۇ يازالمايمەن، قەلىمىم بەك ئاجىز...

muhterbay

	شۇنى دەيمە ، سوراپ يازماي ئىچىڭىزدىكىنى كولاپ يېزىڭە . ھە مانا ، ئالامەت چىقىدۇ .

zakira

	تىرىشقان ئۈزەر دەيدۇ ، يېزىپلا تۇرسا چوقۇم ياخشى چىقىدۇ ..