سۆزلىمەكتە تۈن بىر ھېكايە ( ياز چۈشى)

yaz~quxi

	سۆزلىمەكتە تۈن بىر ھېكايە يېشىل چۈشلەر سۇندى قاراسلاپ ، جىمجىت ھەسرەت سىڭدى كۆزلەرگە. مۇڭغا تولدى قاشاسىز باغلار ، ئۆز قەلبىدىن قاچماقتا كېچە. قاراسلىغان تىنىقلار ئارا ھالسىرايدۇ ئاخىرقى ئىمكان. توڭلاتماقتا تۇيغۇلىرىمنى يۈرىكىمدە قاتقان زىمىستان. ئاستا - ئاستا ئۆچمەكتە مانا، ئەڭ ئاخىرقى ئاجىز يورۇقلۇق. مەن كۆرگەن بۇ دۇنيانىڭ ئىچى ھاياتىمدەك تۇرار قۇپقۇرۇق. تۇيۇقسىزلا كەچتى ئېسىمدىن ۋە يوقالدى بىردىنلا ھەممە. ئىككى غېرىب ئادەم ھەققىدە سۆزلىمەكتە تۈن بىر ھېكايە... مەنبە: << تۇرپان >> ژورنىلىنىڭ 2010 - يىللىق 1 - سانى.

aypatam

	شىئرنىڭ   ماۋزۇسى   ھەم   ياز  چۈشى   ھەم  <<سۆزلىمەكتە  تۈن  بىر  ھىكايە >>  بولۇپ  قاپتۇ  .   تېما   يوللىغاندا   ئەزا  نامىڭىزنى   ماۋزۇغا   قوشۇپ  يوللىماڭ.

yaz~quxi

	ئەسكەرتكىنىڭىزگە رەھمەت! سىز دېگەن يەرنى ئازراق ئوڭشاپ قويدۇم.

gamsiz

	راس گەپ قىلسام مەن بۇ شېئىرنىڭ مەزمۇنىنى پەقەتلا چۈشەنمىدىم.

mahtumsula

	ياخشى يېزىلغان بىر پارچە شىئېر، ئادەمگە ئاجايىپ ئىستىتىك زوق ئاتا قىلىدۇ دېسە ؟!! --- ئەجرىڭىزگە تەشەككۈر قېرىندىشىم .

ehtiram

	سۆزلىمەكتە تۈن بىر ھىكايە ، قومۇشلۇقلار شىلدىرلاپ تېخى. نازۇك بەدەن قىلماقتا جىلۋە، ئېھ ،ياستۇقتا سامان پۇرىقى. قازناقلاردا ئۇخلايدۇ تىمتاس، بويلىرىمغا ياماشقان خىيال. يۇلتۇزلارمۇ  سالمايدۇ قىقاس، نەگە مۆكتى كېچىدە ھىلال . نازۇك قولۇم سۇنۇلدى  ئاستا ، تىترىمەكتە قەلبىم تۇيۇقسىز . يېلىنجايدۇ ئۆستەڭ بويىدا ، شۇنچە پاكىز بىر يۈرەك ئۈنسىز ..... ئېھتىرام

zulyha

	جاھانغا جىمجىتلىق ھۇكۇم سۇرگەندە، قەلبىمنى باستى غەم قايغۇلۇق سۇكۇت. ئۇلتۇردۇم مۇڭلۇنۇپ كۇزلىرىمدە ياش، ئەسلىدىم ئۇتكەننى ئۇكسۇپ ئۇكۇنۇپ.

fana

	تۆۋەندىكى مىسرالارنى ئوقىغۇم كىلۋاتىدۇ : جىمجىت  كىچە  ئاي  خىرە  نۇر چاچماقتا ، تەشۋىش  ئىچرە كەلگۈسىگە كەتتى  دىل . يىتىم  بالا بۇلۇپ قېلىش ئەجەپ تەس ، زەئىپ بىر   تەن ، ئەزىز  ئارمان يىمىرىل !

yaz~quxi

	قېرىنداشلىرىمنىڭ قەلب ھېسلىرىدىن سۆيۈندۈم...

bargiya

	ئىككى غېرىپ ئادەم ھەققىدە، سۆزلىمەكتە تۈن بىر ھىكايە. يۇلتۇزلارغا ئايلانغان ئارمان، ھەر چاقناشتا تىكلەر ئابىدە. مەيىن شامال ئىڭراشلىرىنى، يۇشۇرماقتا  مۇڭلانغان دالا. چىن سۆيگۈنىڭ ھەقىقىتىنى، بىلەلەرمۇ ،ئىھ ،سەبى بالا. سۇبھى يىرتقان تۈن پەردىسىدە، ئەلەڭلەيىتتى ئاخىرقى ئۈمىد. بىر تىنىقتا سۈمۈرەر ئىدىم، ياردىن كەلسە ئاشۇ تۇنۇش ھىد.