پالىۋەت

kolchi

	پالىۋەت مېنى   ئەخمەتجان ئوسمان ‹ كۆلچى›   كۈلكىلىرىڭ نەشتەر مەن ئۈچۈن، زەھەر تامار ھەر بىر سۆزۈڭدىن. يالغانچىلىق ئەۋجىدە ئالقىش، ئايرىۋەتتى مېنى سېنىڭدىن. ئەي ئادەم بىلەمسەن چالغىنىڭ، ئېيتقىنىڭ نىمە؟ كىملىكىڭنى بىلەمسەن ئەي يار؟ بولدۇڭمۇ يا قېرىننىڭ قۇلى؟ كۈيلىرىڭگە بەردى قانچە پۇل؟؟ قانچىلىك تاپتىڭ دۇتتارىڭغا سەپلەپ ساختا تار؟. سەنئەت نىمە مۇزىكا نىمە؟ چۈشىنەمسەن چىنلىق دىگەننى چۈشىنەمسەن ئۇيغۇر مۇڭىنى؟ كۆزلىرىگە قاراپ باق ئۇيغۇر نىمىلەرگە ئوخشاتتى سېنى؟. ئەي ئادەم ئەي سازەندە، ناخشىچى دوستۇم، بىلەمسەن كۈيۈڭدىن تۆكۈلدى نىمە؟ ھېسسيات نىمە بىلمەمسەن ئەي... نىمىشقا ئالدايسەن قۇرۇق ئەمچەك سېلىپ ئاۋام قەلبىنى؟ كىمگە ئاتاپ ئۇرىسەن زەخمەك كىمگە ئاتاپ ئېيتتىڭ ناخشىنى؟. چاۋاك..... ئالقىش..... تەشۋىش ئارا ئولتۇرغان ئەرۋاھ مەن ۋە سەن چالىمىز چاۋاك تېلېۋۇزور ئېكرانىدا ئۇرۇۋاتسا ئۇيغۇر-ئۇيغۇرنى. بىز ئەنە شۇنداق سەنئەتخۇمار خەق ماتەم تۇتۇۋاتقانلارنى كۆرسەكمۇ  غىڭشىپ ياريارغا، چالىمىز چاۋاك.... ئەي ئادەم ئەي سازەندە دوستۇم مەن نەدە سەن تۆككەن كۈيلىرىڭ نەدە؟ بوشلۇق ھاڭ چوڭقۇرلۇق چەكسىزلىكنىڭ ئىككى بېشىدا تۇرۇپ سەن چالدىڭ، ئېيتتىڭ ناخشىسىنى كىملەرنىڭ يىتىم بالىدەك بوينۇمنى قىسىپ يىغلىدىم كۈيۈڭنى ئاڭلاپ ئولتۇرۇپ. سەسكەندىم يىرگەندىم سەندىن سەن تۇرماق ھەتتا ئۆزۈمدىن ئەپسۇسلىنىپ سېنىڭدەك خامىليۇننى بۈيۈك ئاتاپ چوقۇنغىنىمدىن. ... ئەي سازەندە، ناخشىچى ئاداش، كۈيلىرىڭدىن چىقىرۋەت مېنى پالىۋەت مېنى كۈي دۇنيارىڭدىن پالىۋەت مېنى سازەندە دوستۇم مەۋجۇتلۇقۇڭ ئۈچۈن پالىۋەت مېنى.....

zakira

	چاچما شېئىر دەمدۇق بۇنى ، مەزمونىغۇ ياخشىكەن .

kolchi

	شېئىرىمنى تەستىقلىغان باشقۇرغۇچىغا رەھمەت. مۇمكىن بولسا ئازراق پاراڭلاشساق بوپتىكەن.

mahtumsula

	سەسكىنىش...... چوڭقۇرلۇق......بوشلۇق.....جەلىق ......پالىنىش ...... ھەقىقىي سەنئەتكارنى خەلىق ئۆزى تاللايدۇ دېگەن راست گەپتە . ئىچكى ھېسسىيات تولۇق ئىپادىلەنگەن بۇنداق شىېرلارنى ئوقۇغىنىمدا ئاجايىپ خۇشال بولىمەن جۇمۇ ؟ ئۇيغۇر مۇڭلىرىمىز< ئامان> بولغاي !!! ھارماڭ ئەپەندىم .

gheribi

	لەنەت ئۆزىنى كۆرمەي،ئۆزگىگە چوقۇنۇپ، ئۇنىڭدىن سۈيۈنگەن دىللارغا لەنەت. ئۆزىنىڭ تۇرسا مەرغۇل،ئابى چەشمىسى، ئۇنىڭدىن ۋاز كەچكەن تىللارغا لەنەت. تۇزكورلۇق جىسمىغا سىڭىشىپ كەتكەن، ۋىجدانسىز، بىۋاپا  ئىتلارغا لەنەت..... غېرىبى

ozqan

	بۇ شېئىردا بەدىئىيلىكتىن ئەسەر يوق ئىكەن ، بۇ پەقەت قاقشاشقا تولغان سۆز ئويۇنى بوپتۇ ، راستىنى دېسەم بۇ مەن كۆرگەن ئەڭ ناچار شېئىر بولدى .

kolchi

	<<بۇ شېئىردا بەدىئىيلىكتىن ئەسەر يوق ئىكەن ، بۇ پەقەت قاقشاشقا تولغان سۆز ئويۇنى بوپتۇ ، راستىنى دېسەم بۇ مەن كۆرگەن ئەڭ ناچار شېئىر بولدى . >> پىكرىڭىز ئورۇنلۇقتەك قىلىدۇ، بەدىئىيلىك دىگەن نىمە چۈشەندۈرۈپ قويامسىز؟

nafisa

	ئۇيغۇر جەمئىيىتىمىزدىكى ناخشا-ئۇسسۇل بىزگە نېمە خوۋلۇقلارنى كۆرسەتتى، يەنە نېمە خوۋلۇق كۆرسىتىدۇ؟ ئاللانىڭ ئۆزىگە ئامانەت.   يېقىندا بىر توردىشىمىزنىڭ ئىمزايىدىكى «كەشىمنىڭ چۈشۈپ قالغىنىغا قارىماي، ئۇسسۇل ئوينايمەن»دېگەن جۈملىلەرنى ئوقۇپ، كۆڭلۈم بىر قىسمىلا بوپقالغان، كۆلچىنىڭ بۇ چاچما شېئىرىنى ئوقۇپ، يەنە بىر قېتىم ئويغانغاندەك بوپقالدىم، قەلەملىرىڭىزگە دەرد يەتمىسۇن، ئېسىل ئەسەرلىرىڭىزنى ئايىماي يوللاپ تۇرغايسىز.