بۇزەك قىلما ئەي باشلىق، شۇ بىچارە مالىمنى(ئۇستاز)

ustaz

	مۇئەللىمنى قاقشاتما   ئەل – ۋەتەنگە ، مىللەتكە بېغىشلىغىن بارىڭنى، مۇئەللىمدىن پۇل تۇتۇپ، تولدۇرمىغىن كارىڭنى. چاقچاق قىلما خانىمغا، ساقلا نۇمۇس ئارىڭنى، بۇزەك قىلما ئەي باشلىق بىز بىچارە مالىمنى.   ھاراق ئىچىپ مەسىت بولۇپ، رىستۇراندا ئوينايسەن، ئىشەك كەبى ھاڭىراپ، بەللىرىڭنى تولغايسەن. ئويناپ كىلىپ، ھۆرپىيىپ تېخى بىزگە توۋلايسەن، بۇزەك قىلما ئەي باشلىق بىز بىچارە مالىمنى.   دەرس ئۆتۈپ كۈندۈزى، كەچتە خاتىر ياز دەيسەن، پىكىر قىلساق گاھىدا گەپنى قىلغىن ئاز دەيسەن. چاچ يوق تۇرۇپ بېشىڭدا تېخى بىزنى تاز دەيسەن . بۇزەك قىلما ئەي باشلىق بىز بىچارە مالىمنى.   ئۈچ كۈندە بىر مەكتەپتە جىبەرلىكتە يات دەيسەن، كىلىپ قالسا تەكشۈرۈش راستقا، يالغان قات دەيسەن. چىۋىننىمۇ بەزىدە زەمبىرەكتە ئات دەيسەن، بۇزەك قىلما ئەي باشلىق بىز بىچارە مالىمنى.   ئەتتىگەندە ئالدىراپ ئىچەلمەيمىز چاينىمۇ، يىغالمايمىز بەزىدە ياتقان ئۇرۇن – جاينىمۇ. بىلىپ تۇرۇپ ئامالسىز ‹‹شۇڭقار›› دىدۇق ‹‹سارنىمۇ››، بۇزەك قىلما ئەي باشلىق بىز بىچارە مالىمنى.   ئەتتىگەندە تىللايسەن كەلمەپتىغۇ بالاڭ دەپ، چۈشمىسىمۇ كاۋىسى كۆركەم بولسۇن باراڭ دەپ. ھەق گەپ قىلساق تىللايسەن ئۆز – ئۆزۈڭچە ساراڭ دەپ، بۇزەك قىلما ئەي باشلىق بىز بىچارە مالىمنى.   بىر يىل ئىشلەپ چارچىدۇق، تەتىلدىمۇ ئارام يوق، ئاھانەت بار ، كۆڭۈلگە ياققۇدەك بىر پاراڭ يوق. ساراڭ دىمە بىزلەرنى ، ئارىمىزدا ساراڭ يوق، بۇزەك قىلما ئەي باشلىق بىز بىچارە مالىمنى.   بولدى ھەممە مۇز چىراي، يا ئېچىلىپ كۈلەلمەي، تولدى قۇرساق كۈپۈككە گەپنى ئىنىق دىيەلمەي. قالدۇق ھەتتا رۇخسەتسىز خالاغىمۇ سىيەلمەي، بۇزەك قىلما ئەي باشلىق بىز بىچارە مالىمنى.   زار قاقشىدۇق ئاچلىقتىن، قاچىمىزدا ئاش تۇرۇپ، قالدۇق ئەجەپ قەدىرسىز،شۇنچە ئىسىل‹‹تاش›› تۇرۇپ. ئىززەتلەندى بەزىسى كالۋا، قاپاقباش تۇرۇپ، بۇزەك قىلما ئەي باشلىق بىز بىچارە مالىمنى.   يادەك بولدى، پۈكلەندى رارۋرۇس ئىدى قەددىمىز، ئۈتۈپ كەتتى بىھۇدە، گۈلدەك باھار پەسلىمىز. تۈگىمەيدۇ سۆزلىسەك كۆپتۇر بىزنىڭ دەردىمىز، بۇزەك قىلما ئەي باشلىق بىز بىچارە مالىمنى.   ياخشىلاندى شارائىت، مەكتىۋىمىز تۆتلەشتى، پۇل كەلگەچكە يۇقۇردىن تاقىرباشلار بۆكلەشتى. كۆڭۈل بۈلۈپ پۇلغىلا، باللىرىمىز دۆتلەشتى، بۇزەك قىلما ئەي باشلىق بىز بىچارە مالىمنى.   تۇشۇغىنىڭ يالغانمۇ مال – مۈلۈكنى غارىڭغا، مۇئاشىڭمۇ چاغلىقتى پۇل تۇلۇپتۇ كارىڭغا. پۇلنى سۇدەك خەجلەيسەن، يۇشۇرۇن تۇتقان يارىڭغا، بۇزەك قىلما ئەي باشلىق بىز بىچارە مالىمنى. ئۇستاز شېئىرلىرىدىن: شەھرى خوتەن

ayguzal

	كۆلۈمدىكى سۆزلەرنىڭ ھەممىسىنى دەپسىز شېئىرىڭزدا.....كۆپ رەھمەت سىزگە....شېئىر يازغان قوللىرىڭىز تالمىسۇن....ئوقۇتقۇچىنىڭ جاپاسىنى بىر ئوقۇتقۇچى بولغانلارلا چۈشىنىدۇ......بەزىبىر گەپلەرنى دېيىشكە يەنىلا ئامالسىزمەن....

bargiya

	ئوقۇتقۇچىلىق قەدىرلىنىشكە،ئۇلۇغلاشقا تېگىشلىك بولغان شەرەپلىك خىزمەت.بىراق ئەمىلىي ئەھۋاللاردا ئوقۇتقۇچىلارنىڭ جاپاسىغا قارىتا ئوقۇلغان مەدھىيەلەر يەنىلا كىتاب ۋە ئېغىزدىلا  بولۇپ قېلىۋاتىدۇ.مەيلى يۇقىرىدىن،تۆۋەندىن بولسۇن ئوقۇتقۇچىلارنىڭ ھەقىقى مەنپەئەتى ئۈچۈن تارتقان جاپاسىغا يارىشا ھالاۋىتى ئۈچۈن لىللا گەپ قىلىدىغانلار چىقماسلىقى بەك ئەپسۇسلۇق ئىش...

layli

	ئوقۇتقۇچىلارنى ھەقىقەتەن ھۆرمەتلەشكە ئەرزىيدۇ ئەمما ھازىقى كۆپلگەن ئوقۇتقۇچى شۇنىڭغا ماس كېلەرمۇ ؟؟؟؟؟؟؟ مۇئەللىم سىنىپقا مەس كىرسە، ئوقوغۇچىلار بىلەن بىللە ئولتۇرۇپ ھاراق ئىچسە، مەكتەپ مۇدىرى بولغان ئادەم بۇ ئەھۋالنى بۈلۈپ تۇرۇپ گەپ قىلمىسا ، بەزى ئوقۇتقۇچىلار ئوقۇغۇچىلاردىن پۇل تەلەپ قىلسا ........... بۇلارنى مەن قارىغۇلارچە سۆزلىگىنىم يوق ئۆز كۆزۈم بىلەن كۆرگەن ئىشلار

ustaz

	بۇ 3قەۋەتتىكىlayli يوللىغان 2010-08-12 11:14 غا قارتىلغان : ئوقۇتقۇچىلارنى ھەقىقەتەن ھۆرمەتلەشكە ئەرزىيدۇ ئەمما ھازىقى كۆپلگەن ئوقۇتقۇچى شۇنىڭغا ماس كېلەرمۇ ؟؟؟؟؟؟؟ مۇئەللىم سىنىپقا مەس كىرسە، ئوقوغۇچىلار بىلەن بىللە ئولتۇرۇپ ھاراق ئىچسە، مەكتەپ مۇدىرى بولغان ئادەم بۇ ئەھۋالنى بۈلۈپ تۇرۇپ گەپ قىلمىسا ، بەزى ئوقۇتقۇچىلار ئوقۇغۇچىلاردىن پۇل تەلەپ قىلسا ........... بۇلارنى مەن قارىغۇلارچە سۆزلىگىنىم يوق ئۆز كۆزۈم بىلەن كۆرگەن ئىشلار سىزنىڭ كۆرگىنىڭىز بەلكى ئالى مەكتەپتىكى ئىشلاردۇ. مەن يەنىلا ئەڭ تۈۋەندە جاپالىق خىزمەت قىلىۋاتقان باشلانغۇچ، ئوتتۇرا مەكتەپلەردىكى ئوقۇتقۇچىلارنى نەزەردە تۇتىمەن. مىنىڭ نەزىرىمدىكى ھەقىقى ئوقۇتقۇچىلارمۇ دەل شۇلار. ئەمما، سىز ئېيىتقان ئەھۋاللار ھەقىقەتەن مەۋجۇد بىراق شۇنچە كۆپ جان كۈيەرلەرنىڭ ئەجرىنى كۆرمەي، بىر ئىككى مەرەزنىڭ يامان ئىللەتلىرنىلا كۈرۈش تازا ئاقىلانىلىق ئەمەس.  رەھمەت

layli

	بۇ 4قەۋەتتىكىustaz يوللىغان 2010-08-12 11:21 غا قارتىلغان  : سىزنىڭ كۆرگىنىڭىز بەلكى ئالى مەكتەپتىكى ئىشلاردۇ. مەن يەنىلا ئەڭ تۈۋەندە جاپالىق خىزمەت قىلىۋاتقان باشلانغۇچ، ئوتتۇرا مەكتەپلەردىكى ئوقۇتقۇچىلارنى نەزەردە تۇتىمەن. مىنىڭ نەزىرىمدىكى ھەقىقى ئوقۇتقۇچىلارمۇ دەل شۇلار. ئەمما، سىز ئېيىتقان ئەھۋاللار ھەقىقەتەن مەۋجۇد بىراق شۇنچە كۆپ جان كۈيەرلەرنىڭ ئەجرىنى كۆرمەي، بىر ئىككى مەرەزنىڭ يامان ئىللەتلىرنىلا كۈرۈش تازا ئاقىلانىلىق ئەمەس.  رەھمەت بۇ تولۇق ئوتتىردىكى ئىشلار، ئەلۋەتتە سەبىي غۇنچىلەر ئۈچۈن ئىزدىنىۋتقان ئوقۇتقۇچىلارمۇ بار، مېھنەتسىز پەقەت نومۇر ئۈچۈنلا ئەمەس ئوقۇغۇچىلار ئازراق بولسىمۇ بىلىم ئىلۋالسۇن دىگەن ئۇستازلالا ھەقىقي ھۆرمەتلەشكە مۇناسىپ ، قانداقتۇ ۋاقىتنى تولدۇرۇش ياكى سىنىپ نومۇرنى مەكتەپ بىكىتىپ بەرگەن چەككە يەتكۈزۈش ئەمەس ،

ustaz

	لەيلى، راسىت گەپنى قىلسام مەنمۇ بەزىدە ئۆكۈنۈپ قالىمەن. كۆپ قىسىم ئوقۇتقۇچىلىرىمىز تارىخ زىممىسىگە يۈكلىگەن بۇ شەرەپلىك ئەمما، جاپالىق كەسىپىنى چىن دىلىدىن سۆيىدۇ. ئۆزىنى ئادەم تەربىيەلەشتىن ئىبارەت بۇ ئۇلۇغ ئىشقا ئاتىۋەتكەن بولىدۇ. ئەمما، بىر قىسىم ئوقۇتقۇچىلىرىمىز پەقەت بىر ئايلىق مۇئاش ئۈچۈنلا خىزمەت قىلغاندەك قىلىشىپ كىتىدۇ. ۋەزىپە ئۈچۈنلا سىنىپقا كىرىپ چىقىدىغانلارمۇ يوق ئەمەس. تېخى بەزى مۇئەللىمەلىرىمىزنىڭ سىنىپتا كەشتە تىكىپ ئولتۇرۇشلىرىچۇ؟ ھەي! دەپ كەلسەم گەپ جېق . ھە راسىت مەن ئاشۇنداق كەشتىچى خوتۇنلارغا بىر ئوچۇق خەت يېزىپ مەكتەپتە تارقاتقان ئىدىم ، كۈرۈپ بېقىڭلار ... ‹‹يىپچى خوتۇنلارغا ›› ئوچۇق خەت ئىلىم – ئىرپان يولىدا تۇلپار ئىدىڭ ھارمىغان، بۇلاق ئىدىڭ غۇنچىلار ئىچىپ – ئىچىپ قانمىغان. ئاداشقانغا ماياك بۇپ، كىچە يولنى يۇرۇتقان، شام چىراقتىڭ نۇرانە ، چىھرىدە ئاي پارلىغان. تۈنۈگۈنلا قولۇڭدا كىتاب، دەپتەر بار ئىدى، ساڭا ئۇزۇن سەپەردە بۈيۈك ئارمان يار ئىدى. بېغىشلىغان بارىڭنى ئەل – ۋەتەنگە، ئەۋلادقا، سەن بولغاچقا دۈشمەننىڭ يۇلى ھەردەم تار ئىدى. ئەپسۇس بۈگۈن قارىسام بۇرۇنقىدەك ھالىڭ يوق، تۇلۇق ئەمەس قۇرالىڭ، دۇتتارىڭ بار تارىڭ يوق. ئىشخانىدا ، مەكتەپتە، ھەتتا تېخى سىنىپتا، كەشتە تىكىپ يۈرىيسەن، قىلچە نۇمۇس – ئارىڭ يوق. ئالمىشىپتۇ يىپ – يىڭنە قوللانمىنىڭ ئورنىغا، مۇھتاج ئەمەس مائارىپ سەندەك ‹‹يىپچى خوتۇنغا››. ئوقۇتۇشنىڭ سۈپىتى چۈشۈپ كەتسە كىم ئىگە؟ تېيىلدۇرۇپ يۈرمىگىن باشقىلارنى پۇقىڭغا. قېنى يوققۇ؟ قولۇڭدا كىتاب،دەپتەر، تەييارلىق، لايىق ئەمەس ئۇستازغا ئالدامچىلىق، ھەييارلىق. داپتەك قىلىپ يۈزۈڭنى ، ئالدىساڭمۇ بىزلەرنى، ۋىجدان سوتى ئالدىدا ئاقماس ھەرگىز مەككارلىق. سەن مۇئەللىم ، سەن باغۋەن دىلغا نەقىش ئۇيىسەن، ئەجىر قىلساڭ، بىر كۈنى راھىتىنى كۆرىسەن. دەرس ئۆتمەي سىنىپتا، كەشتە تىكىپ ئولتۇرساڭ، يېغىپ ساڭا مىڭ لەنەت، تىرىك تۇرۇپ ئۈلىسەن. ئۇبدان ئويلاپ بېقىڭلار سۈزۈم ئېغىر كەتمىسۇن، غۇنچىلارنىڭ ئۆمۈرى بىكار ئۈتۈپ كەتمىسۇن. يامانلاردىن ياخشىلار ھامان كۆپتۈر مەكتەپتە، ياخشىلارنىڭ قەلبىگە قىلچە ئازار يەتمىسۇن. ئۇستاز شېئىرلىدىن . شەھرى خوتەن

yalpuz0997

	يادەك بولدى، پۈكلەندى رارۋرۇس ئىدى قەددىمىز، ئۈتۈپ كەتتى بىھۇدە، گۈلدەك باھار پەسلىمىز. تۈگىمەيدۇ سۆزلىسەك كۆپتۇر بىزنىڭ دەردىمىز، بۇزەك قىلما ئەي باشلىق بىز بىچارە مالىمنى..........ئۇقۇتقۇچىنىڭ  دەردىنى يەنىلا سىزدەك ئۇقۇتقۇچى چۈشۈندۇدە!!!!

attilla

	ھازىرقى ئوقۇغۇچى دىگەن  گۇيلار ئۆزىنىڭ مۇئەللىملىرىدىن باشقا ئايال مۇئەللىملەرنى ئۇرىدۇ ، زەھەر چىكىدۇ دەيمەن تۇللۇقسىزدا تۇرۇپ

zakira

	بىر يىل ئىشلەپ چارچىدۇق، تەتىلدىمۇ ئارام يوق، ئاھانەت بار ، كۆڭۈلگە ياققۇدەك بىر پاراڭ يوق. ساراڭ دىمە بىزلەرنى ، ئارىمىزدا ساراڭ يوق، بۇزەك قىلما ئەي باشلىق بىز بىچارە مۇئەللىمنى.