ئالدىراپ ئىشىك ئېچىشتىن ھەزەر ئەيلەڭ ‹دوسلار سەمىگە›

arwah-kiz ھەقىي سالاھىيەتلىك ئەزا

2013-يىلى 9-ئاينىڭ 5-كۈنى پەيشەنبە ئەتتىگەن سائەت 8:30 مىنۇت ئۆتكەن چاغ.
ئۈرۈمچى شەھرىنىڭ 5-كۆرۈك، ‹يەنى بەيلېيۈەن›ئولتۇراق رايۇنىدا ئولتۇرۇشلۇق 81 ياشلىق xxx ئۇيغۇر موماينىڭ، 1-قەۋەتتىكى ئۆيىنىڭ ئىشىكى جىددى چىكىلدى.
موماي ئىككىلەنمەيلا بېرىپ ئىشىكنى ئاچتى. مۇماي ئىشىكنى ئېچىشىغا 40 ياشلاردىن سەل ھالقىغان بىر ئەركىشى، ئۆيگە تەكەللپسىزلا كىرىپ ئىشىكنى يېپىۋەتكەندىن كېيىن سالام -سائەتمۇ قىلماستىن:
-مىنى تۇنىلىمۇ موما-: دەپ  سورىدى
موماينىڭ ئادەتتە ئەستە تۇتۇش ئىقتىدارى، كۆرۈش، ئاڭلاش قۇۋۋىتىمۇ ناھايىتى ياخشى، تىنى ساغلام ئىدى.
ئۇنىڭ ئىككىلا ئوغلى بولۇپ ئۇلار ئۆي ئۇچاقلىپ بولغاچ ئايرىم تۇراتتى. چوڭ ئوغلى خىزمىتىگە قولاي دەپ كازىۋەندە  ئولتۇراتتى. كىچىك ئوغلى ئانىسى بىلەن بىرقورۇدا،  كىچىك كىلىنى شەمسىيە ھەركۈنى ئەتتىگەن ئىشقا مېڭىشتىن بۇرۇن، قېينىئانىسىدىن ئەھۋال سوراشنى ئۇنۇتمايتتى،
ئىشتىن چۇشكەندىن كىيىن موماي بىلەن ھال مۇڭ بولۇپ بىر-بىرىنى ھۆرمەتلەپ، ناھايىتى ئىجىل ئۆتۈپ كىتىۋاتاتتى،
ئەمما بۈگۈن قىرىشقاندەك شەمسىيە بالىلارنى مەكتەپكە يولغا سىلىپ ،ئېرىنى ئىشقا ماڭدۇرۇپ، ئۆزىمۇ خىزمەتكە يېرىم سائەت كىچىككەچكە، مۇماينىڭ يىنىغا كىرمەيلا ئۇدۇل كىتىۋەردى .
موماي بايا ئىشىك چەككۈچىنى كىچىك كىلىنى شەمسىيە دەپ خاتا ئويلاپ، ئىشىكنى ئاچقىنىغا سەل پۇشايمانمۇ قىلدى.
-چوڭ ئانا سىلىدىن گەپ سوراۋاتىمەن مىنى تونىلىمۇ؟-:قايتا تەكرارلانغان سۇئالدىن موماي چۆچۈپ:
-ياق بالام، تونىيالمىدىمغۇ سىز كىم بولىسىز؟
-مەن سىلىنىڭ قەشقەردىكى تۇققانلىرى بولىمەن،
-مىنىڭ قەشقەردە تۇققۇنۇم يوق، مىنى خاتا تۇنۇپ قاپسىز بالام!
-قارىغاندا كۆزلىرى راسىتلا ئاجىز ئىكەن، سىلى يۇرتقا بارغاندا مەن سىلىنى كۆرگەن،
-مەن قەشقەرگە بىرىپ باقمىدىم، ئۇتەرەپتە تۇققۇنۇم يوق،راسىت دەۋاتىمەن، قېرىغاندا سىزنى ئالداپ نېمە قىلارمەن بالام؟
-سىلى ئۇنتۇپ قاپلا ئەستە تۇتۇش ئىقتىدارلىرىمۇ بەك تۆۋەن ئىكەن مانا!
-بالام مىنىڭ تىگىم ئاقسۇ بايدىن ،بۇيەرگە كىچىككىنە قىز ۋاقتىمدا توي قىلىپ چىققان، يولدۇشۇم غۇلجۇلۇق،
-ھە بولدى شۇنداقمۇ دەپ تۇرايلى. مەنمۇ گەپنى سوزىۋەتمەي نەق گەپكە كىلەي، ماڭا جىددى پۇل لازىم بولۇپ قالغان، ھازىرنىڭ ئۆزىدە 5 مىڭ كوي پۇل بەرسىلە،
موماي بۇگەپنى ئاڭلاپ كەينىگە ئۇچۇپ كىتىشتىن ئۆزىنى ئاران تەستە تۇتىۋالدى.
-ۋاي جېنىم بالام، بولغان بولسا سىزدەك كۆرۈشمىگەن تۇققىنىمدىن ئايايتىممۇ ،مەن بىر تۇل خوتۇن،ئۇنچىلىك كۆپ پۇل مەندە نىمىش قىلىدۇ؟
مۇماي سۆزىنى تۈگىتىشىگە ھىلىقى ناتۇنۇش ‹تۇققان›ئادەم ،قاپىقىنى تۈرۈپ مۇشتۇملىرىنى چىڭ تۇككىنىچە مۇماينىڭ ئالدىغا ئىككى قەدەم ئالدى.
ئەھۋالنىڭ ئۆزىگە پايدىسىز، خەتەرلىك ئىكەنلىگىنى بىلگەن سەزگۈر مۇماي دەرھال چىرايىغا كۈلكە يۇگۇرتۇپ، يانچۇقلىرىنى كولاپ 180 كوي پۇلنى ئېلىپ ھېلىقى ئادەمنىڭ قولىغا تۇتقۇزدى،
-بالام ھازىرچە يىنىمدا بارى مۇشۇ ئىكەن ،ئاز بولسىمۇ رەنجىمەي ئىشلەتكەچ تۇرۇڭ، ئىككى ئوغلۇمنىڭ كىچىلىك ئىسمىنىدىن ئالمىشىپ كىلىدىغان ۋاقتىمۇ بولۇپ قالدى،
مۇماي گەپنىڭ ئاخىرىنى تۈگەتمەيلا، ھىلىقى يۇچۇن ئادەم پۇلنى موماينىڭ قۇلىدىن چاققانلىق بىلەن ئىلىپ، ئىشىكتىن ئىتتىك چىقىپ كەتتى.
قورقۇپ يۈرىگى ئاغزىغا تىقىلىپ قالغان موماي ئىشىكنى يىپپ ئىچىدىن قولۇپلىغاندىن كىيىن چوڭ ئوغلىغا تېلىفۇن قىلدى.
ھايال ئۆتمەي موماينىڭ چوڭ ئوغلى ماشىنا بىلەن كىلىپ موماينىى ئۆز ئۈيىگە ئېلىپ كەتتى .
ئۇلار بارغاندىن كىيىن ئىنىسى ۋە شەمسىيەنى بۇ ئىشتىن خەۋەرلاندۇرۇپ قويدى.
ئەپسۇسلىنارلىغى ئۇلار بۇ توغۇرلۇق ج خ ئىدارىسىغا ھىچقانداق دىلو مەلۇم قىلمىدى.
                                   شەمسىيە بىلەن قىلىنغان سۆھبەت
مەن شەمسىيە بىلەن خىزمەتداش بولمىساممۇ، لىكىن شۇلاربىلەن ھەر ئايدا يىغىلىشىمىز بار ئىدى.
مەن شەمسىيەدىن سورۇدۇم:
-سىلەرنىڭ ئولتۇراق رايۇندا كۈزتۈش ئاپاراتى يوقمۇ؟
-ۋاي جېنىم سىڭلىم بولمامدىغان ،دوشمۇش-دوقمۇشتا بار دەڭە،
-ئەمىسە دىلو مەلوم قىلىپ كامىرا ئارقىلىق ئۇ كىشىنى تاپساڭلار، كىشلەرنىڭ مۇشۇنداق ساختا تۇققانلارغا ئالدىنىپ كەتمەسلىكى. ھەم ج خ ئۇرۇنلىرىنىڭمۇ ھۇشيارلىقنى ئۆستۇرىشى ئۇچۇن ياردەم تەلەپ قىلساڭلار بولمامدۇ؟
-دىمەككە ئاسان بىنانىڭ ئىچىگە كىرىپ كەتسە قايسى ئۆيگە كىرگىنىنى بىلگىلى بولمايدۇ،
-شۇ ئەمەسمۇ -: باشقىلارمۇ شەمسىيەنىڭ سۆزىنى تەستىقلىدى.
-ھەر قەۋەتكە ئەمەس ئۆيگىمۇ كۈزتۇش ئاپاراتى ئورناتقىدەك ھالەتكە يەتتى ئادەم.
-سىزمۇ نېمىشقا قېينى ئاپىڭىزغا تېلىفۇن قىلىۋەتمىگەنسىز؟
-ئالدىراشچىلىقتا ئۇنتۇپ قاپتىمەن،
-شۇنداق قىلىپ بولدى قىلىۋەتتىڭلار؟
-ھەئە ئامال قانچە؟
-سىز ئۇنداق دىسىڭىز بولمايدۇ ،بۇ ئۇلارغا قايتا پۇرسەت يارتىپ بىرىدۇ، ھۇشيارلىقنى ئۆستۈرۈش ئىڭىمىز چۇقۇم كۈچلۈك بولىشى،بۇنى ئاۋۋال ئۆزىمىزدىن باشلىشىمىز، خەتەرلىك ئەھۋالغا يۇلۇققاندا ھىچ بولمىسا خوشنىلاردىن بولسىمۇ ياردەم تەلەپ قىلساق بولىدۇ ،ئۆي يەنە كىلىپ بىرىنجى قەۋەتتە ئىكەن، ئۇنداقتا كىرىپ-چىقىۋاتقانلار بولسىمۇ ئۇ ئادەمنى كۆرىدۇ،
شەمسىيە ئارتوق گەپ قىلمىدى.
ھەي ... مەنمۇ راستىنى دىسەم بىنا ئۆيدىن  تويدۇم، چىڭراق گەپ قىلسا ئۈستىدىكىلەر قاخشىغان بەكەرەك دەسسىسە ئاستىدىكىلەر، ئۆيگە بىر كىرىپ كەتسە نىمىش بولغىنىنى بىلگىلى بولمىغان ،نەچچە ئادەمنىڭ ئۆيگە كىرىپ نەچچە كۈن چىقمىغاندىن كىيىن ئىشىكنى بۇزۇپ كىرسە ئۆلىگى سېسىپ كەتكىنىنىمۇ كۆرگەن مەن ،يا مىيىتنى يۇغىلى بولمىغان ،بەزىدە ئۈستىدىكىلەرگە سۇ يوق ، يەنە شۇ كەپە ئۆيىمىز ياخشىكەنتۇق .ئىگىزدە بولسا دەرىزە ئىيتىمەن دەپ نەچچىسى چۈشۈپ كىتىپ بەزىرى پالەچ بولغان بەزىسى ئۆلۈپ كەتكەن يا بىرەسىگە ئەرىز قىلغىلى بولمىغان ،بىرنىمە دىسە ‹بىرسى سىنى ئىتتىرۋەتتىمۇ ئۇزۇڭ چۇشۇپ كىتىپسەن بۇنى ئۆزۇڭنىڭ ھاڭۋاقتىلىغىدىن كۆر› دەيدىكەن،ئەمدى بۇنىڭغا كىم ئەيىپلىك،
شۇنىڭ ئۈچۈن دوسىتلارغا سەمىمى تەۋسىيەم شۇ بولسۇنكى: تۇنىمىغان كىشىلەرگە ئالدىراپ ئىشىك ئاچماڭ، ئۇزىڭىزنىڭ مال -مۇلكىڭىزنىڭ بىخەتەرلىكىنى كۆزدە تۇتۇڭ،
قانۇن ئىڭىمىزنى ئۈستۈرۈپ، ئۆزىمىزنى قوغداشنى بىلىشىمىز كىرەك، بولمىسا باشقىلارنىڭ ئاسانلا دامىغا چۈشۈپ كىتىمىز،
شۇنداق يۇزى قىلىن ئادەمدىنمۇ خۇدايىم پانا بەرسۇن ئادەم تېپىلمىغاندەك قىرى مۇماينى ئانىي تاپقىنى قىزىق
مەنبە ئۆز قەلەم:2013-يىلى 9-ئاينىڭ 6-كۈنى ئۈرۈمچى

gulnazi ھەقىي سالاھىيەتلىك ئەزا

             ئەسسالامۇ ئەلەيكۇم ئەرۋاھ قىز سىزگە ئاللانىڭ چەكسىز سالىمى بولسۇن  !

بۇ بىر ئەھمىيەتلىك تىما بوپتۇ راس دەيسىز بىنا ئۆيلەردە بۇنداق ئىشلاردىن ساقلانغىلى بولمايدىكەن دىققەت قىلىشىمىز بۇلۇپمۇ چوڭلارنىڭ بەكرەك دىققەت قىلىشى كىرەككەن  كۆپىنچە كۈندۈزلىرى ئۆيدە يالغۇز قالىدىغان ياشانغانلىرىمىزنىڭ مېھرىبان ساددىلىقىدىن پايدىلىنىۋاتقان شۇ ئىنسانلىرىمىزنىڭ كۆڭلىگە ئىنساپ بەرگەي ئاللاھىم .  
ھازىر جەميىتىمىزدە ساۋاپلىق ئىشلارنى ئىزدەپ تېپىپ قىلىۋاتقان كىشىلىرىمىز بار بولغانغا ئوخشاش ئەتراپىمىزدا شۇنداق رەببىمىزدىنمۇ  ھېيىقمايدىغان ئىنسانلىرىمىزمۇ ئاز ئەمەس . بۇ تېمىڭىز مىنىڭ بېشىمغا كەلگەن مۇنداق بىر ئىشنى ئەسلىتىپ قويدى . يولدۇشۇم قاتناش ھادىسىسىگە ئۇچراپ دوختۇرخانىدا بىر قانچە ئاي يېتىپ قالدى .
بىر كۈنى ئۈستى بېشغا رەتلىك كىيىنگەن ئىككى ئادەم ئەسسالامۇ ئەلەيكۇم دىگىنىچە ياتاققا كىرىپ كەلدى دە مېنى تۇنۇدىلىمۇ بالام  دەپ سۆز باشلاپ كەتتى دە بىر قانچە ئايەتلەرنى ئۇقۇپ يولدۇشۇمنىڭ ئۈستى باشلىرىغا يۈرۈپ قويدى . ئاندىن سىلىگە بىر قان كەپ قالدى خان بالام يانلىرىدىكى پۇلنى ئالسىلا ھازىرلا سىلىگە قايتۇرۇپ بىرىمەن دىدى ، مەن سەل ئىككىلىنىپ تۇرۇپ قالدىم دە يىنىمدىكى پارچى 70 يۈئەن ئەتراپىدىكى پۇلنى بەردىم ئۇ كىشى دەرھال ياق بۇنى ئەمەس سومكىلىرىدىكى پۈتۈن پۇللارنى ئالسىلا دىدى تۇرۇپلا قالدىم يولدۇشۇم بولسا تىز بۇلۇڭ پۇلنى ئەپ بىرىڭ دىدى . سومكامدىن 700 يۈئەن ئەتراپىدىكى بارچە پۇللارنى ئەپ بەردىم ئۇ كىشى پۇلنى قاتلاپ قاتلاپ ئايەتلەرنى ئۇقۇپ ، باللىرىم مەن مۇشۇ پۇلغا بىر پاقلان ئېلىپ سىلەرنىڭ ئورنۇڭلاردا بىر قان قىلىپ قۇياي دەپ يانچۇقىغا سالدى ، يولدۇشۇم بولسا ئۇ كىشىنىڭ ھەركەتلىرىدىن بەك تەسىرلىنىپ ماقۇل ماقۇل ئاكا دەپ كەتتى .
تۇرۇپلا ئاچچىقىم كەلدى كۈپ - كۈندۈزدىكى بۇلاڭچىلىققۇ بۇ دەپ ئويلۇدۇم دە ، ئاكا ياخشى كۈڭۈللىرىگە رەخمەت قان قىلىش بىزگە كەلگەن بولسا بۇنى ئۈزىمىز قىلايلى ئاۋۇ پۇلنى ماڭا قايتۇرۇپ بەرسىلە ، ئۇكىشى ئاڭلاشنى خالىمايدىغان بۇ سۆزنى ئاڭلاپ مىدىر سىدىر قىلماي تۇرىۋەردى دە ئۇنداق دىمىسىلە بالام مۇشۇ پۇل بىلەن سىلىگە بىر ياخشى ئىش قىلاي دىگەن يولداشلىرىنىڭ ساقىيىشىنى خالىمامدىلا  بۇ سۆزنى ئاڭلاپ، ئاكا يولدۇشۇمنىڭ ساقىيىش ساقايماسلىقىنى سىلە ئەمەس ئاللاھ بەلگىلەيدۇ بۇنى مەندىن سىلى ئوبدان بىلىشلىرى كىرەك ئىدىغۇ دىگىنىمچە قۇلۇمغا تىلفۇننى ئالدىم دە نۇمۇر بېسىشقا باشلىدىم .بوپتۇ بوپتۇ بەرسەملا بۇلىدىغۇ دەپ بەكمۇ تەستە پۇلنى ئالدى دە ، ئەمىسە بۇ پۇلغا بولسىمۇ تۇخىدىن بىرنى ئالاي ھە دىگىنىچە باشتا بەرگەن پارچا پۇلنى ئەپ قالدى مەيلى شۇنداق قىلسىلا دىدىم ئاچچىقىمدا پۇلنى ئېلىۋىتىپ شۇنداق قىلىپ ئۇلار قانداق تىز كىرگەن بولسا شۇنداق تىز چىقىپ كىتىشتى .
ئارىدىن ھەپتە ئۆتكەندە دوختۇرخانىدىن ئىشقا كىتىۋاتاتتىم كارىدۇردا تۇيۇقسىز ئىشىكى ئۇچۇق ياتاقتىن  بىر تۇنۇش ئاۋاز كەلدى ئاللا خالىسا مۇشۇ پۇل بىلەن كىسەللىرى ساقىيىپ كىتىدۇ بۇنى دەۋاتقان كىشى دەل بىزنىڭ ياتاققا كىرگەن ھىلىقى كىشى ئىدى دەرھال دوختۇرخانا مەسئۇلىغا خەۋەر قىلىش بىلەن بىللە ساقچىغا مەلۇم قىلدىم دوختۇرخانا مەسئۇللىرى ئۇ كىشىلەرنى گەپكە سېلىپ تۇرىشىغا ساقچىلارمۇ يىتىپ كەلدى مەنمۇ ئىشقا ئالدىراپ كىتىپ قالدىم . كىيىن بىلسەك دىنى تونىغا ئورىنىپ شۇ ئاجىز كىسەللەرنى ئالداپ پۇل تاپىدىغان ئالدامچى ئوغرىلار ئىكەن . شۇ پۇلنى ئېلىۋىلىپ خاتا قىلدىڭىز جۇمۇ ناۋادا  ...........دەپ مىنى ئەيىپلەپ كەتكەن  يولدۇشۇمنىڭ تۇققانلىرى تاس قاپتۇق ئالدامچىلارغا قۇيۇلغىلى دەپ كىتىشتى .
ياراتقان ئۇلۇغ رەببىم يامان يولدا مېڭىۋاتقان شۇ  بەندىلىرىڭگە ھىدايەتلىرىڭنى ئايىمىغايسەن ، بىلىپ بىلمەي قىلىپ سالغان گۇناھلىرى ئۈچۈن ئۇلارغا توۋا قىلىش پۇرسەتلىرىنى بەرگەيسەن  ئامىن... !!!  

ablikim1239

توغرا.ھەممە ئىشتا ئىھتىيات قىلماق زۈرۈر.بولۇپمۇ ھازىرقىدەك نائىنساپ كىشىلەر كۆپىيىپ قالغان دەۋىردە.

altuntarim09 ھەقىي سالاھىيەتلىك ئەزا

مەن دەرۋازامنى ئىچىدىن مەھكەم تاقىۋالىمەن، بۇ بىنادا ئولتۇرغاندا ئۆگىنىپ قالغان ئادەت.

sawri

ئۇششاق ئىشلاردىمۇ دىققەت قىلىش كىرەك . ياخشى ئەسكەرتىپسىز .

nimjan

نىمشەھىد، موللا مۇسا سايرامىنىڭ مەھەللەداشلىرىنى شۇنداقمۇ ئانىي تاپقان بارمۇ ئاۋۇ نامەرد ناكەسنىڭ؟

گۈلبەرگى

بىنا ئۆيگە ئوغرى كىرىپتۇ دىگەننى ئاڭلاپ  باقمىغانتىم ،قايسى كۈنى  بىر خىزمەتدىشىمنىڭ ئۆيىگە ئوغرى كىرىپ ئايالنىڭ ئالتۇن بۇيۇملىرىنى ئوغۇرلاپ كىتىپتۇ.  بىنا ئۆيلەرنىڭ ئىشىكىنى تاقىغاندا بىرنى تارتىپ يېپىپلا قويماي چۇقۇم  ئاچقۇچ بىلەن تاقىشىمىز كېرەككەن .بۇندىن كېيىن بۇ ئىشقىمۇ دىققەت قىلايلى دوستلار.

abm165

   يېقىندا كوپ -كۇندۇزدە بىر قوشنىمىزنىڭ ئويىگە بىرەيلەن ناماز ئوقۇۋالاي دىپ كىرىپ ھوۇلىدىكى موتونى ھەيدەپ چىقىپ كەتتى . يەنە بىر تونۇشۇمنىڭ قېنى ئانىسنىڭ ئويىگە بىرەيلەن كىرىپ ،ئەلى ئاخۇن ئۇستام سۇ ماي ئالىدىغان باكنى ھەم 1600يۇەن پۇل ئېلىپ كىلىڭ دىگەنتى دەپ  بۇ موماينى قويىۋەتتى . ئولۇشكۇن شەھرىمىزدىكى مەلۇم دوختۇرخانىنىڭ دوختۇر ئىشىخانىسىغا بىر ئايال كىرىپ دوختۇرنىڭ بايلىقى سېلىنغان قول سومكىسىنى ئىېلىپ چىقىپ كەتتى . يولۇچى تۇشۇش بىكىتىدە بىرەيلەن بىر يولۇچىغا بىلەت ئەپچىقىپ بېرىمەن دەپ 370يۇەن پۇلىنى ئېلىپ كىتىپ قالدى ، يەنە بىرەيلەن بازاردا مىنىڭ چوڭ ئاكامنىڭ  100يۇەن پۇلىنى پارچە پۇلغا تىگشىپ بىرەي دەپ پۇلنى ئېلىپ كەينىگە قارىماي كىتىپ قالدى . يەنە بىرەيلەن يۇز ماي سېتىش نامى بىلەن بىرسىنىڭ ئىشىكىنى قېقىپ ئويدە ئايال كىشى يوقلىقىنى كورۇپ  ،ئەرنى ماڭا پوخۇرلۇق قىلدى دەپ ساقچىغا دىلو مەلۇم قىلىپ بۇ ئەرنى بىرمۇنچە زىيان تارتقۇزدى . ھازىر دىيارىمىزدىكى  ئالى مەكتەبلەردە ئالى مەكتەب ئىمتاھانىدا 500نۇمۇر ئالغان  ئوقۇغۇچىلار بىلەن 300نۇمۇر ئالغان ئۇقۇغۇچىلار بىر سىنىپتا ئوقۇۋاتقىلى 5كۇن بولدى . بۇنداق ئىشلارغا بىزنىڭ كۇچىمىز يەتمىگەچكە خۇدانى ئىزدەشكە مەجبۇر بۇلىۋاتىمىز . چۇنكى ئىنگىلىس ‹‹ئىنسانلار تۇرمۇشتا قاتتىق قىېنىلىپ  پەقەت چىقىش يولى تاپالمىغاندا ئىستىخىيەلىك ھالدا خۇدانى ئىزدەيدۇ ››دگەن .  

مۇھەببەت

سالام ئەرۋاھ قىز!سىز ھېلىقى قۇربانلىق ئايال دىگەن روماننى يازغان ئەرۋاھ قىز شۇمۇ؟ ئەسىرىڭىز نى نەشىرىياتقا بېرەلىدىڭىزمۇ؟  توردا داۋامىنى يازدىڭىزمىكىن؟ تۇگەي دىگەندە يوقۇتۇپ قويدۇم ...بەكمۇ تىت تىت بولدۇم..

koygandengiz

altuntarim09 يوللىغان ۋاقتى  2013-9-13 00:08
مەن دەرۋازامنى ئىچىدىن مەھكەم تاقىۋالىمەن، بۇ بىنادا  ...

   ھەي ...ھەممە يەر تاقاق ، پەقەت جەننەتكىلا بارىدىغان ئىشىك ئوچۇق ھە  « ئالتۇن تارىم » ...