|
سابا ئالىي مەكتەپ ئىمتىھانى تەييارلىق سىنىپى ھەققىدە ئەلكۈيى تورى مەخسۇس خەۋىرى 
ئەسسالامۇئەلەيكوم ئەلكۈيى تورىنىڭ ئەزىز كۆرۈرمەنلىرى ئالدى بىلەن بۈگۈنكى ئىنسان روھىنىڭ ئېنژېنىرى بولغان ئۇستازلارنىڭ قۇتلۇق بايرىمى مۇناسىۋىتى بىلەن ھەرقايسىڭلار بىلەن يەنە يۈز كۆرۈشكۈنىمىزدىن ئىنتايىن خۇرسەنمىز ۋە بارلىق ئوقۇتقۇچى-ئۇستازلارنىڭ بايرىمىنى چىن دىلىمىزدىن مۇبارەكلەيمىز.ئەل ئۈچۈن باسقان ھەر بىر قەدىمىڭلاردىن گۈل ئۈنسۇن!
ئەلنىڭ قەلبىنى مەرىپەت مەشئىلى بىلەن يورۇتۇش ئارقىلىق تەۋپىق مارشىنى ياڭرىتىش،تىل ۋە مەدەنىيەت ئۈچۈن پەرۋانە بولغانلارغا مەھمۇدىيە روھى بىلەن كۆۋرۈك بولۇش،ئىلىم تەھسىل قىلغۇچىلار ئۈچۈن سورۇن ھازىرلاپ مۇسابايوفلار خىسلىتىنى جۇلالاندۇرۇشتىنمۇ پەخىرلىك ۋە شەرەپلىك خىزمەت بولمىسا كېرەك.
خەلقنىڭ قەلبىگە مۇڭلۇق ناۋاسى بىلەن دىلئارامى بېغىشلىغان،ئۇيغۇر سەنئىتىنى ئەل ئىچىگە جۈملىدىن ئوتتۇرا ئاسىياغا راۋاجلاندۇرۇشقا زور ھەسسە قوشقان سۆيۈملۈك ئوغلانىمىز،مەرىپەتپەرۋەر ياش،تالانتلىق ناخشىچى مۆمىنجان ئابلىكىم چەتئەللەردىكى ئىلىم تەھسىل قىلىش جەريانىدا كۆڭلىگە پۈككەن ئارزۇ ئارمانلىرىنى غايىۋى نىشان سۈپىتىدىلا ئەمەس بەلكى ئەل ئۈچۈن ئۆزىگە يۈكلەنگەن يۈكسەك بۇرچ ۋە مەسئۇلىيەت دەپ تونۇپ بارلىق ئۈمىدىنى ۋە زېھنىي قۇۋۋىتىنى سابا مەرىپەت مائارىپ تەربىيلەش مەركىزىگە تەقدىم قىلغان،مانا شۇنداق تىرىشچانلىقلار نەتىجىسىدە ۋۇجۇتقا كەلگەن «سابا مەرىپەت مائارىپ تىل تەربىيىلەش مەركىزى» قىسقىغىنە ئۈچ يىل ئىچىدە دىيارىمىزدا كۆزگە كۆرۈنگەن بىر نۇرلۇق مەرىپەت بېغىغا ئايلاندى ھەمدە ئۆزىنى تاكامۇللاشتۇرۇش ئۈچۈن تېخىمۇ كۆپ نىشانلار بىلەن ئالغا ئىلگىرلىدى.
ئەلكۈيى تورى بۈگۈنكى ئوقۇتقۇچىلار بايرىمى مۇناسىۋىتى بىلەن خەلقنىڭ سۆيىشى ۋە ياقتۇرىشىغا نائىل بولغان ناخشىچى مۆمىنجان ئابلىكىم ۋە ئۇنىڭ ئەمگەك تەرىنىڭ مېۋىلىرىدىن بولغان«سابا مەرىپەت مائارىپ تەربىيىلەش مەركىزى»نىڭ يېڭى نەتىجىلىرىنى خەلقنىڭ دىققىتىگە سۇنۇش مەقسىتىدە تومۇز ئېيىنىڭ 26-كۈنى سابا مەرىپەت مائارىپ تەربىيلەش مەركىزى يېڭىدىن يولغان قويغان سابادا ئالىي مەكتەپ ئىمتىھانىغا قايتا تەييارلىق قىلىش سىنىپى ھەققىدە مەزكۇر تەربىيىلەش مەركىزىدە زىيارەتتە بولدى.
زىيارەت جەريانىدا سابا مەرىپەت مائارىپ تەربىيلەش مەركىزىنىڭ قۇرغۇچىسى مۆمىنجان ئابلىكىم ۋە «سابا مەرىپەت مائارىپ تىل تەربىيىلەش مەركىزى»نىڭ رەھبەرلىرى،مەكتەپتىكى ئوقۇتقۇچىلار بىلەن سۆھبەت ئۆتكۈزدۇق. زىيارەت ئەھلى سابانىڭ يېڭى ئۇتۇقلىرى ۋە نەتىجىلىرى توغرىسىدا بىزگە تەپسىلىي چۈشەنچە بەردى.ئەل سۆيگەن ۋە ئەلنى سۆيگەن ناخشىچىمىز مۆمىنجان ئابلىكىم مەكتەپ قۇرۇلۇش جەريانى،مەكتەپ قۇرۇلغاندىن كېيىنكى دەسلەپكى قىيىنچىلىق،ۋە كېيىنكى خىزمەت ئۇتۇقلىرىنى قىسقىچە خۇلاسىلەپ بەردى ھەمدە تەربىيىلەش مەركىزىنىڭ ئۈزلۈكسىز دەرىجىدە مۇكەممەللىشىپ تىل ساھەسىدىلا ئەمەس بالىلار مائارىپى،ئۆسمۈرلەر تەربىيىلەش كۇرسى شۇنداقلا يېڭىدىن ئېچىلغان ئالىي مەكتەپ ئىمتىھانى تەكرار سىنىپ توغرىسىدا تەپسىلىي توختالدى.
«سابا مەرىپەت مائارىپ تەربىيىلەش مەركىزى»نىڭ مۇدىرى،40يىللىق پىشقەدەم ئۇستاز،تۆھپىكار مائارىپچى،20يىللىق مول مەكتەپ باشقۇرۇش تەجرىبىسىگە ئىگە بىلىملىك زات مەكتەپ مۇدىرى غەيرەت مۇئەللىم يېڭىدىن ئېچىلغان ئالىي مەكتەپ ئىمتىھانى تەكرار سىنىپى توغرىسىدا توختالدى ھەمدە ئالىي مەكتەپ ئىمتىھانى تەكرار سىنىپىغا ئۈرۈمچى ۋە باشقا ۋىلايەت ئوبلاستلاردىن ئىلغار ۋە تەجرىبىلىك ئوقۇتقۇچىلارنىڭ تەكلىپ قىلىنىپ كېلىنگەنلىكىنى،ئوقۇغۇچىلارغا پەقەت نۇقتىلىق تەكرار ئېلىپ بېرىلىپلا قالماي بەلكى يەنە ھەرقايسى جەھەتلەردىن ئۇنۋىرسال تەربىيىلەش ئېلىپ بېرىلىدىغانلىقىنى ئېيتتى.
تەجرىبىلىك ئوقۇتقۇچى، سابا مەرىپەت مائارىپ تەربىيلەش مەركىزىنىڭ مۇئاۋىن مەكتەپ مۇدىرى جۈرئەت مۇئەللىم مۇئەللىم ئۆزىنىڭ ئۇزۇن يىللىق ئوقۇتۇش تەجرىبىلىرى ۋە ئەمەلىي نەتىجىلەرنى مىسال قىلىپ بىرلەشتۈرۈش ئارقىلىق مەزكۇر تەربىيىلەش سىنىپىنىڭ ئوقۇغۇچىلارغا بولغان پايدىسىنى كۆرسىتىپ ئۆتتى ۋە ماتېماتىكىغا ئوخشاش ئالىي مەكتەپ ئىمتىھان نەتىجىسىگە ئالاھىدە تەسىر كۆرسىتىدىغان پەنلەرنىڭ ئوقۇتۇش پىلانلىرى ۋە مەشقلەندۈرۈش قۇرۇلمىسىنى قىسقىچە تونۇشتۇرۇپ ئۆتتى.ئۇستاز ئوسمانجان مۇئەللىم يەنە تەكرار ئېلىپ بېرىش قەدەم باسقۇچلىرىنى قىسقىچە تونۇشتۇردى ۋە ئوقۇغۇچىلارغا قاراتمىلىق تەربىيە ئېلىپ بېرىش بىلەن بىرگە ئالىي مەكتەپ ئىمتىھانىغا قاتنىشىش ئۈچۈن كېرەكلىك بولغان ساپا ۋە پىسخىكىلىق روھىي ھالەتنى قانداق يېتىلدۈرۈپ چىقىش توغرىسىدىمۇ ئالاھىدە كۈچەيدىغانلىقىنى تىلغا ئالدى.
داڭلىق ماتېماتىكا ئوقۇتقۇچىسى،بىرقانچە ئون يىللىق تەربىيىلەش تەجرىبىسى ۋە پىداگوكىكا ساپاسى ھازىرلىغان ئابدۇرېھىم مۇئەللىم تەربىيىلەش سىنىپىنىڭ ئوقۇغۇچى تەركىب قۇرۇلمىسىنى تونۇشتۇرۇپ ئۆتتى.ئابدۇرېھىم مۇئەللىم تەكرار سىنىپلىرىنىڭ ئۆز ئارزۇسىغا يېتەلمەي قالغان ھەمدە قايتا ئوقۇش ئارزۇسى بار ئوقۇغۇچىلار شۇنداقلا تۈرلۈك تېخنىكۇم مەكتەپلىرىدە ئوقۇپ داۋاملىق ئۆرلەپ ئوقۇش ئىستىكىدە بولغانلار ھەمدە تولۇق 2-يىللىقنى پۈتتۈرۈپ تولۇق 3-يىللىققا ئۆرلەپ ئوقۇماقچى بولغانلار ئۈچۈن ئالاھىدە شەرت شارائىت ھازىرلىغانلىقىنى ھەمدە بۇ ئوقۇغۇچىلارنىڭ ئۆز ئارزۇسىنى ئەمەلگە ئاشۇرۇشقا پۈتۈن كۈچى بىلەن ياردەمدە بولىدىغانلىقىنى تەكىتلىدى ۋە ئوقۇغۇچى قوبۇل قىلىش دائىرىسىنى تونۇشتۇردى.
يېڭىدىن ئېچىلغان «سابا مەرىپەت مائارىپ تىل تەربىيىلەش مەركىزى»نىڭ ئالىي مەكتەپ ئىمتىھانى تەييارلىق سىنىپىغا تېزىملاتماقچى بولغان ئوقۇغۇچىلار ناۋادا ئۈرۈمچىگە كىلىي مەكتەپنى تاپالمىسا مەكتەپتە تېلىفۇن قىلسا ئالدىغا كۈتىۋېلىشقا ئادەم ئورۇنلاشتۇرىلىدۇ. ئوقۇغۇچى قوبۇل قىلىش پىلانى تۆۋەندىكىچە:
ئەلكۈيى تورى «سابا مەرىپەت تىل تەربىيىلەش مەركىزى»نىڭ مەرىپەت مائارىپ يولىدىكى تىنىمسىز ئىزدىنىشلىرىنىڭ ئۇتۇقلۇق بولىشىغا ۋە ئۇيغۇر مىللىي مائارىپى ئۈچۈن تېخىمۇ كۆپ ئۇتۇقلارنى قازىنىشىغا شۇنداقلا دىيارىمىزدا مائارىپ ئىشلىرىمىز ئۈچۈن تىرىشىۋاتقان بارلىق ئوقۇتقۇچى -ئۇستازلار ھاردىم -تالدىم دىمەستىن تېخىمۇ ئۆچمەس ئىزنالارنى قالدۇرىشغا چىن دىلىدىن تىلەكداشلىق بىلدۈرىدۇ.
كامالىي ئېھتىرام بىلەن :
ئەلكۈيى تور بېكىتى
ئەلكۈيى تور تېخنىكا چەكلىك مەسئۇلىيەت شىركىتى
| 
يوللىغان ۋاقتى 2013-9-10 23:08:18
يوللىغان ۋاقتى 2013-9-11 22:41:18
ھازىر مىلىتىمىز ئۈچۈن قىلغان ئىشىلرىمۇ ھەقىقەتەن ئاز ئەمەس
بۇنىڭغا بىز قايىل 
بۇنىڭدىن كىين خەلقىمىز ئۈچۈن قۇلىدىن كىلىشچە تېخىمۇ كۆپ ياخشى ئىشلارنى قىپ بىرشىنى ئۈمۈد قىلىمەن