ئائىلەم - جەننىتىم

batur72

گۈزەلكەن شىئىرلار ،تىلى خۇددى بال ،
يۈرەكنى ئاينىتار مەزمۇنلىرىمۇ .
شائىر_بۇلبۇل ،ۋەتەننىڭ ئىشقىدا سايراپ،
بىلىنمەس ۋەتەننىڭ جۇدۇنلىرىمۇ .

ئائىلە__ ۋەتەندۇر ،بۇكى بىر مىسال،
مىسالغا يوشۇرنار تۈمەن خىل مەنە ،
ۋەتەننى ئوخشىتىش بەزىدە ئۆيگە ،
تۇيۇلار كىشىگە بىر خىل بىمەنە .

ۋەتەندە چىقىدۇ نۇرغۇن يامانلار ،
قىلىدۇ بوزەكتىن بەزى كىشىنى ،
شۇڭىمۇ ۋەتىنىڭ دىسە بەزىلەر ،
قاقىدۇ دەرھاللا ئىككى پېشىنى .

ۋەتەندۇر ئىنساندىن تۈزۈلگەن ماكان ،
ئىنسانمۇ قىلىدۇ گۇناھ ،ياخشىلىق ،
كۆرسىڭىز پەقەتلا گۇناھنى ئىنسان ،
ئالەمنى باسىدۇ رەزىل ،ساختىلىق .

كۆرسىڭىز ياخشىنىمۇ ئۇشبۇ ئەشئاردەك.
ۋەتەن ھەم بىلىنەر گۈزەل بىر جەننەت ،
شۇندىلا ياخشىلىق ئۆرتەپ دىللارنى،
ياغقۇسى ئالەمگە بەخىت ۋە ئامەت .

قولىڭىزغا دەرت بەرمىسۇن !

ئەرتېكىن

batur72 يوللىغان ۋاقتى  2013-9-5 14:38
گۈزەلكەن شىئىرلار ،تىلى خۇددى بال ،
يۈرەكنى ئاينىتار م ...

شېئىرىمنىڭ ئىلھامىڭىزنى دولقۇنلىتالىغىنىدىن ناھايتى خۇش بولدۇم.

ئەرتېكىن

    قىز
      (شېئىر)
ئەنۋەرجان خوجا ئەرتېكىن


قىز
پىشانەڭگە بېسىلغان مۆھۈر.
سەن تۇغۇلغان ئاشۇ چاغدىلا،
(بەلكىم، تۇغۇلۇشتىن خېلى بۇرۇنلا)
سەن تەڭرىنىڭ بىر تال زىنىقى،
ئەرىشتىن پەرىشكە ئېۋەتىۋەتكەن
ئۇنتۇمىسۇن كۈلۈشنىمۇ دەپ،
ھايا بىلەن ئۆلۈشنىمۇ دەپ.

قىز
قىسمىتىڭگە پۈتۈلگىنى كۆپ.
سەن تەڭرىنىڭ تاجىدىكى گۈل،
ئېھتىياتسىزلىقتىن يەرگە چۈشۈپ كەتكەن
شۇڭا
سەندىن گۇناھ ئۆتۈلگىنى كۆپ،
سۆيگۈ، ۋاپا كۈتۈلگىنى كۆپ.

قىز
ھەر بىر قەدىمىڭ تارىخقا گۇۋاھ.
سالغنىڭ قەسىر - كۆڭۈلگە ئۇۋا.
سەن تەڭرىنىڭ پۈتۈك دەپتىرى،
ھەر قەلىبتىكى بىر ئاق كەپتىرى.
ئوڭ مۆرەمدىكى
سول مۆرەمدىكى...

(«ئاسىيا كىندىكى» گېزىتىنىڭ 2013-يىل 27-فېۋىرالدىكى «ئەدەبىيات» بېتىدە ئېلان قىلىنغان)

ئەرتېكىن

ئىشىكىڭنى بۆسۈپ كىرىمەن
(شېئىر)
ئەنۋەرجان خوجا ئەرتېكىن

چاچلىرىڭنى تارىغان كۈنى،
ئېلىپ قاچتى بىر تالنى ئېقىن.
تىلەكلىرىم تەڭرىگە يىتىپ،
سۈكۈناتتا چېقىلدى چېقىن.

ئىزلەپ يۈرۈپ تاپتىم ئاخىرى،
سەن ئىكەنسەن قەلبىمنى چالغان.
يۇپۇرماقتەك سارغايدىم گويا،
كەچكۈزدىكى ئۈششۈكتە قالغان.

تەلمۈرۈپ ئۆتتۈم بىچارە قۇشتەك،
تۈڭلۈكۈڭ يېپىق، دېرىزەڭ ئېتىك.
ئېچىپ بەرمىدىڭ ياكى بىر قېتىم،
چۈشلىرىڭدىمۇ ۋىسالغا ئىشك.

ھېجىران سەپىرىم قارلاردا قالدى،
تۈگىدى ئاخىر تاقەتنىڭ تۈنى.
ئىشىكىڭنى بۆسۈپ كىرىمەن،
سەن چېچىڭنى ئوينىغان كۈنى.

(«ئاقسۇ گېزىتى» نىڭ 2013-يىل 14-ئاۋغۇسىتتىكى «جەنۇب شامىلى» بېتىدە ئېلان قىلىنغان)

ئەرتېكىن

شېئىر سۆرەپ كېلىدۇ ئۇپۇق
(شېئىر)
ئەنۋەرجان خوجا ئەرتېكىن

ھارغىن گۇگۇم توختاپ ئۆتىدۇ،
ھەر بېكەتتە ئېلىپ بىر نەپەس.
كېچە ئاڭا بۇلار قۇنالغۇ،
قوندۇرغىلى راسا بىر قەپەس.

ئۇزۇن-ئۇزۇن ئاشۇ كېچىلەر،
تۇغۇپ قۇيار يېڭى چۈشلەرنى.
ئېڭىرايدۇ بۇندا بىر شائىر،
مارىلاپ شۇ كۆرۈنۈشلەرنى.

شېئىر سۆرەپ كېلىدۇ ئۇپۇق،
بىر ۋاگۇنغا لىققىدە بېسىپ.
ھەر ئۇپۇقتا بىر نۇر زىيا بار،
شېئىر ھىدى كەتكەن چېچىلىپ.

(«ئاقسۇ گېزىتى» نىڭ 2013-يىل 22-ئاپىرىلدىكى «جەنۇب شامىلى» بېتىدە ئېلان قىلىنغان)

ئەرتېكىن

تۇرمۇشتا...
ئەنۋەرجان خوجا ئەرتېكىن

تۇرمۇشتا بەكمۇ كۆپ كۈلكىلىك ئىشلار،
كېملەردۇر ئۆتىدۇ كېملەرنى تىللاپ.
بىراۋلار يىغلىسا ئاچچىق ياش تۆكۈپ،
بىراۋلار كۈتىدۇ كېمنىدۇر چىللاپ.

كېملەردۇر ياراتماي باشقىلارنى ھېچ،
يېلىنار كېمگىدۇر يۈزىنى سىيلاپ.
توقلۇقتىن كېكىرىپ تۇرسا بۇ جاھان،
ئاچلىقتىن ياتىدۇ بىر بايقۇش يىغلاپ.

بەدىنى كۈن كۆرمەي ئۆتكەن كېملەركىن،
دېھقانچۇ؟! يۈرۈيدۇ ئېتىزنى قىغلاپ.
بەزىلەر ھاياتقا قانماي كېتىدۇ،
بەزىلەر يۈرمەكتە كوچىنى چىڭداپ.

بىر ئەركەك ئۆيىدە بالا باقىدۇ،
مەھبۇبى سورۇندا يۈرەر شىپىلداپ.
مەستلىكتە قەي قىلىپ ياتماقتا بىرسى،
تولغىنار بىر ئايال تەرلەپ چىپلداپ.

كېمدۇر ئۇ پايپىتەك قازان بېشىدا،
كېمدۇر ئۇ جۆيلۈگەن تاتلىق پىچىرلاپ.
كېمدۇر ئۇ قار ياغقان قاپاق ئالدىدا،
گۇناھكار سانىلىپ تۇرغان مىشىلداپ.

يۈگۈرۈپ-يۈگۈرۈپ يۈرسە ھەر ئادەم،
ماڭماقتا دەلتىدەك بىرسى مىسلداپ.
تەر تۆكۈپ بىراۋلار تاپسا بەش يارماق،
بىر يېگىت كەلمەكتە يانچۇق تىمسىقلاپ.

سىر ئەمەس ھەر كىمگە ئىپارخان، نۇزگۇم،
يىل، دىللار ئۆتىمىز سۆيۈپ ئىششىقلاپ.
ۋەلېكىن خېلۋەتتە تالاي جانانلار،
ھەر قېلىن لەۋلەرنى شۈمەر غىلجىڭلاپ.

تاتلىققا ئۆچمىكىن؟ تۇرار بىر مەزلۇم -
زەھەرنى كاللەكلەپ نەگىدۇر چىڭداپ.
بىر ئاتا ئوغلىنى ئۇزاتتى بالدۇر،
ئۆلمىگەچ بەزىلەر كەتتى يىرىڭداپ.

تەبىئەت نېمىشقا مەينەت يۈردىكىن؟
ياغدۇردى ھېلىلا تۇپا چىپلداپ.
كېملەردۇر كاكىراپ قىلماقتا نەغمە،
بوۋامنىڭ ئۈنلىرى چىقار كىسىلداپ...

(«ئاقسۇ گېزىتى» نىڭ 2013-يىل 20-مايدىكى «جەنۇب شامىلى» ئەدەبىي بېتىدە ئېلان قىلىنغان)

ئەرتېكىن

ھۇزۇرلىنىشىڭلار ئۈچۈن بىر نەچچە پارچە شېئىرىمنى جەملەپ يوللاپ قويدۇم.

hedayet

شېئىر سېتىش ئېلانى!

( ساتېرا )

خېرىدارلار، مەن بىر يىڭى سودىگەر،  
يەتكۈزىمەن سىلەرگە بىر خۇشخەۋەر:

شىركىتىمدە مۇتەخەسس شائىرلار،
شېئىر يازار ئۆز كەسپىگە ماھىرلار.

بۇ شېئىرلار ئوخشايدۇ بال-ھەسەلگە،
شىپا بولار قىرىق بىر خىل كېسەلگە.
  
مىسرالىرى تومۇرلارغا تارايدۇ،
غەلدە-غەشنى تازىلايدۇ، چايقايدۇ.

كوپلېتلارنى ھەزىم قىلىش بەك ئاسان،
ئەكىس تەسىر كۆرسەتمەيدۇ ھىچقاچان.

تەركىبىدە كالتىسىي، يوتنىڭ سەرخىلى،
باردۇر يەنە ۋىتامىننىڭ ھەرخىلى.

يوق ئۇنىڭدا كىسلاتالىق كوللاگېن،
ئىشەنمىسىڭىز سوراپ بىقىڭ چوڭلاردىن!

بۇ شېئىرنى تېرىڭىزگە سۈرتسىڭىز،
گۈزەللىشىپ پارقىرايدۇ ھۆسنىڭىز.

ئوقىسىڭىز تۆۋەنلەيدۇ قان بېسىم،
مىجەزىڭىز بولىدۇ ساز، ئەۋرىشىم.

ئورۇقلىتار بىمارنىمۇ ، ساقنىمۇ،
ساقايتىدۇ يامان ئۆسمە راكنىمۇ.

بۇ شېئىرلار ئەپلىك ئېلىپ يۈرۈشكە،
پۇتلاشمايدۇ تېلېۋىزور كۆرۈشكە.

ھەزەر ئەيلەڭ ساختا ،ناچار شېئردىن،
گۇمانلانماڭ مەندەك راسچىل خىزىردىن.

ئادىرسىمىز: يىڭى يولدىن بىر چەتتە،
چاقىرغۇمىز:  ئىككى،سەككىز ،ئون يەتتە!...


مەنبە: گۈلدىيار مۇنبىرى

gulamay

                                                             ۋەتەن - ئۇ بىر جۈمىلە، بىر قەتىرە ئىمان،
                                                              ھەر بىر دىل ئىچىدە شاخ دەپ سانىغان.
                                                              شەرەپ ۋە نۇمۇسمۇ ۋەتەنگە تالىق،
                                                              ۋەتەنسىز كىم، قاچان؟ كۈلۈپ قارىغان.
دىگەن مىسرالار نىمە دىگەن پاساھەتلىك چىققانھە!.قولىڭىزغا دەرت بەرمىسۇن.

salham

ۋەتەن ئۇ ئائىلە ،ئائىلە ۋەتەن .ۋەتەنسىز ياشالماس ،ھىچقانداق بىر تەن.   
شىئىرلىرىڭىز ھەقىقەتەن كىشىنى ئىلھاملاندۇرىدۇ.  قەلەم تۇلپارىڭىز تىخىمۇ قاناتلانغاي.