ئۇخلاۋېتىپ يوتقىنىنى ئېچىۋىتىدىغانلار دىققەت

uyghuriye ھەقىي سالاھىيەتلىك ئەزا

ئامېرىكىدىكى مېيئو دوختۇرخانىسىنىڭ دوختۇرى دوكتۇر بوۋار دوختۇرخانا قۇرۇلغاندىن بۇيان بۇ يەردە داۋالانغان ئاغرىقلارنىڭ كېسەللىك ئارخىپىنى تەكشۈرگەندىن كېيىن ، مۇنداق دېدى : ‹‹ ئۇخلاۋاتقاندا قول -پۇتلىرىنى قالايمىقان ھەرىكەتلەندۈرىدىغان ياكى باشقىلارغا ئارتىلىۋالىدىغان كىشلەرنىڭ كەلگۈسىدە ياشانغانلاردىكى گومۇشلۇق ياكى پاركانسون كېسىلىگە گىرىپتار بولۇش ئېھتىماللىقى كۈچلۈك بولىدۇ›› .

ئۇ تېخىمۇ ئىلگىرلەپ تەتقىق قىلغاندىن كېيىن ، مۇنداق دېدى : ‹‹ ئۇخلاۋېتىپ پەشۋا ئېتىش ، يوتقاننى پۈركەپ ئاستىغا بېسىۋېلىش ياكى پۇت-قوللىرىنى قالايمىقان ھەرىكەتلەندۈرۈش قاتارلىق ئۇيقۇغا توسالغۇ بولىدىغان ھەرىكەتلەر چوڭ مېڭە كېسەللىك ئالامىتىدىن بەرگەن سىگنال بولسا كېرەك . بۇنداق كىشلەر چۈشىدە كۆرگەنلەرنى قوپ-پۇتىنى ھەرىكەتلەندۈرۈپ ئىپادىلەيدۇ ، بىراق بۇ چاغدا قول ياكى پۇتىنى يارىلاندۇرۇپمۇ ئالىدۇ . بۇنداق قالايمىقان ئۇيقۇ ھالىتى كۆرۈلگەن ھامان ، ياشانغاندا كۆرۈلىدىغان گومۇشلۇق كېسىلى قوزغىلىش باسقۇچىغا كىرىدۇ ، كېسەلنىڭ تېشىغا تېپىشىگە ئاز دېگەندە 25 يىل ، كۆپ بولغاندا 50 يىل كېتىدۇ›› .

ئامېرىكا ياشانغاندىكى گومۇشلۇق كېسىلى تەتقىقات ئورنىنىڭ مۇتەخەسسىسى روسى مۇنداق دېدى : ‹‹ ئۇخلاش ھالىتىدىكى قالايمىقانچىلىق بىلەن كەلگۈسىدە كۆرۈلۈش مۇمكىن بولغان ياشانغاندىكى گومۇشلۇق كېسىلى ئارىسىدا مەۋجۇت مۇناسىۋەتنىڭ كونكېرت مېخانىزمى تا ھازىرغىچە ئېنىقلانمىدى . بىراق ، بۇ مەسلىنى ئېنىقلاش ئۈچۈن ، تېخىمۇ كەڭ كۆلەملىك تەتقىقات ئېلىپ بېرىشقا ئەرزىيدۇ . بىز ئۇخلاۋاتقاندا قول-پۇتنى باشقۇرالمايدىغان ، ھەتتا يوتقىنىنى تېپىپ ئېچىۋېتىدىغان كىشلەرگە مۇنداق تەكلىپ بېرىمىز : ھوشيارلىقنى ئۆستۈرۈپ ، چوڭ مېڭە ساغلاملىقىنى كۈچەيتىدىغان چېنىقىشنى كۈچەيتىش ئارقىلىق ، كېلىپ چىقىش مۇمكىن بولغان كېسەللىكنىڭ ئالدىنى ئېلىش تولىمۇ زۆرۈر ›› .

مەنبە: ئۈرۈمچى كەچلىك گېزىتى

nimjan

رونالد رېگان شۇنداق قىلىكەندۈك-دە چۈنكى شۇ كىشىمۇ پاركېنسون كېسەللىكى بىلەن ئاغرىغان ئىكەن!

omak13140 ھەقىي سالاھىيەتلىك ئەزا

ئۇخلاش ھالىتىدىنمۇ كىسەللىك پەيدا بولىدىكەندە ، بىلۋالدىم تىمىڭىزغا رەخمەت .

nayil0999

بىر ئۆمۈر بۆشۈكتە مىدىر قىلماي ئۇخلىسا قېرىمايدۇ دەيدۇغۇ ؟؟ بۇراسىتما ؟؟
تېمىڭىزغا رەھمەت !! ھارمىغايسىز ...

TANGSAHARUYGUR

ياخشى مەندە بۇ ئىللەتلەر يوقكەن. ھەر قانداق ناچار ئادەت كىشگە ياخشىلىق ئەكەلمەيدۇ.
رەببىم قېرلىقتىكى مەينەتچىلىك،كىسىەللكتىن پاناھ تىلەيمەن.

مۇبارەك

ئۇخلاۋېتىپ پەشۋا ئېتىش دېگەن گەپ ئوماقكەن.
مەن يوتقاننى يېپىنغان پېتىم جىم ياتىمەن، بوپمۇ قىش كۈنلىرى، خۇددى ئازراقلا قىمىرلىسام ھەممە سوغۇق كىرىۋالىدىغاندەك، جەنۇبىي جۇڭگو تەرەپلەردە ئوقۇغان ياكى ياشاۋاتقانلار بۇنى ئوبدان بىلىدۇ.

خىيالچان

ئونداقتا بۇشۇكتىلا ئوخلىساق ،پوت قولىمىز مىدىرلىماي ئوىلاپ،كىسەللىكنىڭ الدىنى الغىلى بۇلىدىكدندە؟.

royharry

بەك ئاشۇرۋىتىپتۇ،ئادەم ئۇخلىغاندا ئۇيان بۇيان ئۆرىلىش نۇرمال ئىش ئۇ!

مالىك

مەن بۇنداق ھەركەتلەرنى نورمال دەپ قارايمەن ،پەن تىخنىكنى ھۆرمەتلەيمەن بىراق بەزى گەپلەرگە قار قوياق ئىشەنگىم كەلمەيدۇ !!!

zulpehar ھەقىي سالاھىيەتلىك ئەزا

مەن داۋاملىق ئۇخلىسام ياستۇقنى قۇچاقلاپ يىتىشقا كۈنۈپ قاپتىمەن ،بۇمۇ كەلگۈسىدىكى بىرەر كىسەللىكنىڭ ئالامىتىمۇ ،