دوستلۇرۇم
ئەگەرنامرات بوپ قالسام تونارسەنمۇ دوستلۇرۇم،؟
بالدۇرقىدەك ئۆيۈمدە قونارسەنمۇ دوستلۇرۇم،؟
خەتەريەتسە سەن تۈگۈل ھەتتا قوزا -كالاڭغا ،
ھەسرەت چەككەن مەن كەبى سۇنارسەنمۇ دوستلۇرۇم.
بىر نان تاپسام تېڭىنى دوستقا بېرىپ يەپتىمەن ،
دوستقا بېرىپ ئېتىمنى مەن پىيادە كەپتىمەن ،
مەن بىلگەندەك مېنىمۇ چوڭ بىلىدۇ دەپتىمەن ،
تۆگە سويسام بىر چۆجە سويارسەنمۇ دوستلۇرۇم.
بالام دېدىم بالاڭنى قارچۇغۇمغا دەسسەتتىم ،
چارە بىلىپ بالامدىن مەرھەمەتلەر كۆرسەتتىم ،
باللىرىڭغا ئۆيۈمدە ئۆز ئۆيۈڭنى ئەسلەتتىم ،
سالام دېسەم دەردىمنى سورارسەنمۇ دوستلۇرۇم .
يامان دىسە كىم دوستنى يەڭلىرىمنى تۈرگەنمەن
ھازىسىغا ھازىدار كۈلكىسىگە كۈلگەنمەن .
لازىم بولسا تەۋرەنمەي دوستلار ئۈچۈن ئۆلگەنمەن،
مەن مىڭ ئۆلسەم ئۆلگەندەك بولارسەنمۇ دوستلۇرۇم .
ئىچ-باغرىمنى تۆككەندە ھاماقەت دەپ قالماڭلار،
مىننەت قىپتۇ تېخى دەپ كۆڭلۈڭلارغا ئالماڭلار ،
كەتكىنىمدە ئارقامدىن ماختاپ ياكى تىللاڭلار ،
غەيۋەت بىلەن يەرلىكتە قويارسەنمۇ دوستلۇرۇم!
مەنبە : ئىجادىيەت
يوللىغان ۋاقتى 2010-8-11 11:34:58
