ئالمىلىق باغدا(تۇمار)

tumar

	ئۇچراشقاندا ئالمىزار باغدا، كۆزلىرىمگە قىيا باقتىڭ سەن. نە سەۋەپكى ئۆزۈم ھەيرانە، تۇرۇپ قالدىم ئورنۇمدا ھەم مەن. نىگاھىڭدىن بالقىغان شۇ نۇر، ئوقيا كەبى يۈرەككە تەگدى. ھاياجاندا يۈزلەر ئوت ئېلىپ، شەرم-ھايا بېشىمنى ئەگدى. ھېچ ساداسىز سۆزلەيدۇ كۆزلەر، ئاشكارىلاپ كۆڭۈل سىرىنى. تەڭ سوقمىسا ئەگەر جۈپ يۈرەك، قانداق تونىسۇن بىرى-بىرىنى. ئاھ!قانداقمۇ بېرەلەي بەرداش، بۇ دەقىق دىل كۆيۈشلىرىمگە. ئېيت كەلدىمۇ خاتىمە پەيتى، شۇ جۇدالىق كۈتۈشلىرىمگە. ئۇيالدۇرۇپ باقما كۆزۈمگە، بىر سېنىلا سۆيىمەن قەۋەت. ۋاپادار بوپ قوللار تۇتۇشۇپ، كۆيۈشەيلى ئەبەدىل-ئەبەت. 2010-يىلى30-ئاپرىل.تۇمار.

urukjan

	ھىجراننى باغاشلاپ يالقۇنلۇق سۆيگۈ، چېكىدۇ يۈرەككە تۈمەنلىگەن ئىز. چىللىسا يىگىتنى ئىلى دەرياسى، ئالمىلىق باغ ئارا مۇڭلايدۇ بىر قىز..

atikam1

	نىگاھىڭدىن بالقىغان شۇ نۇر، ئوقيا كەبى يۈرەككە تەگدى. ھاياجاندا يۈزلەر ئوت ئېلىپ، شەرم-ھايا بېشىمنى ئەگدى. شىېرىڭىز بەك ئېسىل يېزىلىپتۇ

جىن

	ماۋۇ  شئىردىن سۇيۇندۇم بەك تاتلىق چىقىپتۇ ،

tutem

	باغدا پىشقان ئالمىلارنىڭ ياپراقى بولسا، ............... دىگەن ناخشىنىڭ تېكىستىنى قالدۇرۇپ قۇيۇڭلارچۇ،دۇتار بىلەن ئېيتىپ ئۇگىنۋالاي.

narjis

	مىنىڭ داداممۇ تار چىلىشقا بەك ئۇستا ئىدى. ئۈگىنىۋالمىغىنىمغا بەك پۇشايمان قىلىمەن.

zakira

	شېئىرنى ئوقىغاچ ئاۋۇ كىنونىمۇ ئەسلەپ چىقتىم ..