يىللار ئىزى (مۇھەممەدجان راشىدىن)

saharguli

	يىللار ئىزى مۇھەممەدجان راشىدىن ئىز قىلىپ قەدىمدىن ئۆتەر يىللار ، ئىزى باغ، ئىزى شەھەر ،ئىزى ناخشا . ھاياتلىق بوي تارتىپتۇ شۇ ئىزلاردىن ، گويا تۈن يورۇغاندەك چىراغ ياقسا . قۇببىلار ،خارابىلار ئالەمدىكى ، ئويلىساڭ ،ئەشۇ ئۆتكەن يىللار ئىزى . يىللاردىن ئۇلۇغ ئىزلار تاشلاپ كەلدى ، دۇنياغا ئەجدادلارنىڭ ئوغۇل –قىزى . كۆكەرگەن دالا تۈزلەر يىللار ئىزى، بىپايان ئۇپۇق سۆيگەن ئورمانلار ھەم . شاھىتتۇر شۇ ئىزلارغا تىرىكلەرمۇ ، يىللاردىن بىزگە ئىزدۇر قۇربانلار ھەم . ئىزدىسەڭ شۇ ئىزلارنى ئەينەككە باق ، قېنى ئۇ تۆنۆگۈنكى بالىلىقىڭ . ھۆسنۈڭدە كۆرىنىدۇ شۇ ئىزلاردىن ، ئۆلۈمگە يېقىن قالغان ئارىلىقىڭ . ھاسىلار ھەمرا شۇڭا قامىتىڭگە ، ھەددىڭ يوق يىللار ئۆتۈپ ئېڭىشمەسكە . ھەددىڭ يوق قەدىرلىگەن ياشلىقىڭنى ، يىرگەنگەن قېرىلىققا تېگىشمەسكە . ياز پەسلىڭ قالدى ئارتتا ،مەھبۇبىلەر ، ياراشماس ئوسما قويساڭ ئەمدى ساڭا . چۈشەنسەڭ ،‹ئانا› دېگەن ئۇلۇغ نامنى ، قوبۇل قىل ،يىللار ئۆزى بەردى ساڭا . كۈن پېتىپ تاڭ ئاتقاندەك بىر ئىش ئىكەن ، ئەجداتلار كېتىپ بىزنىڭ كەلمىكىمىز . ئىنسانغۇ ئۇلۇغ مەخلۇق ،بىراق دوستلار ، جىق ئىكەن بىزنىڭ نۇقسان –كەملىكىمىز . يىللارنىڭ ئىزى يەنە ئىجاد،مېھنەت ، دۇنياغا تىللا تاقاپ ،تۇردۇن ياپقان . يىللارنىڭ ئىزى دەڭلەر مىراسلارنى ، تۈمەنلەپ كىتابلارغا تولۇپ ياتقان . يىللارنىڭ ئىزلىرىنى ئۆمۈردىكى ، سانىماق بىزگە ئادەت‹مۇنچە ياش› دەپ . يىللارنىڭ ئىزلىرىدا ئۇلۇغ ئىشلار ، سۆكمەڭلەر ئۇنى ھەرگىز ‹باغرى تاش› دەپ . 1985-يىل 12-ئاي ، غۇلجا مەنبە :‹ھايات دېگەن مانا شۇ › شېىرلار توپلىمىدىن

boss0997

	مەن بۇ شئېرلار توپلىمىنى بەك ياقتۇرۇپ ئۇقىيمەن.

atikam1

	بۇ شىېرنى ئۇقۇۋېتىپ ،لوتپۇللا مۇتەللىپنىڭ ،،،،يىللارغا جاۋاپ ،،،درگەن شىېرى يادىمدىن كەچتى،،،، يىللار مەيدەڭنى تۇتۇپ قاقاقلاپ كۈلمە، ئالدىڭدا قىزىرىشتىن ئارتۇق كۆرىمەن ئۆلۇمنى. قېرىتىمەن دەپ ئارتۇقچە كۆڭۇل بولمە، ئاخىرقى جەڭگە ئاتاپ قويدۇم ئوغلۇمنى.

narjis

	ياخشى يېزىلغان شىئىرلاركەن. داۋاملىق بىزنى تەمىنلەپ  تۇرۇڭ.

zakira

	مەن مۇھەممەتجان راشىدىننىڭ ئەسەرلىرىنى بەكلا ياقتۇرىمەن ...