مەنمۇ لاۋدا بولغان شۇ چاغلار

kvyqi

	مەنمۇ لاۋدا بولغان شۇ چاغلاردا ( پوۋىست ) « كۈيچى » قاچانكىن كىنولاردىن گۇرۇھ -گۇرۇھ بولوپ ئۇرۇشقان كۆرۈنىشلەرنى كۆرسەم  ياش ۋاقىتلىرىمىنى ئەسلەپ كۈلۈپ قۇيىمەن ، يىنىمدا ئولتۇرغان ئايالىممۇ ماڭا  مەنىلىك كۈلۈپ قۇيىدۇ ، شۇنىڭ بىلەن مەن ئۇنىڭغا قاراپ قاقاقلاپ كۈلۈپ كىتىمەن ، چۈنكى بۇ خۇتۇن ...، ھا ھا  ھا ....دەل مەن جىدەلگە ئالغان خۇتۇن ئىدى ! ئۇ ئىشلارنى ئويلىسام ئۆزۆمنى  كۈلكىدىن زادىلا تۇتالمەيمەن  !       مەن باشلانغۇچتا ئۇقۇيدىغان ۋاقتىمدا  كارامەت يۇۋاش بالىتىم ،باشقىلار يولدا ماڭغاچ سومكىسىنى كۆتىرىش ئىغىر كەلسە ماڭا ئارتىپ قۇيۇپ خىيالى ماڭاتتى ،مەنمۇ كالىدەكلا يۇۋاش ئىدىم ،باشقىلار نىمە دىسە شۇنى قىلىدىغان ، چۈنكى بۇلار «لاۋدا»لاردە، ئۇلارنىڭ گىپىنى ئاڭلىمىسڭز تاياق يەيسىز دىگەن گەپ! ئانىڭىزغا ، يا دادادىڭىزغا دىسىڭىز ، ئەتسى مەكتەپتە يەنە تاياق يەيدىغان گەپ !بۇنداق گۇرۇھتىكى بالىلار تولا ئۇرۇشاتتى ،ئەمما گاھىدا باشقىلارنى دەپ  ئۆزىنىڭ نىمە ئۈچۈن ئۇرۇشقىننىمۇ بىلمەي قالدىغان ئىشلار بار ئىدى !ئۇرۇش دىگەن دائىم بولوپ تۇرۇدىغان ، ئۈزۈلمەيدىغان ، خۇددى ئۈچىنىجى دۇنيا ئۇرۇشى بىزنىڭ مۇشۇ يەردىلا  بولىۋاتقاندەك ، نىمگە ئۇرۇشتىڭلا دەپ سورىڭسز «ئۆتكەندە ئۇرۇشۇپ قالغاندا ماڭا مۇش ئاتمىغان بولسىمۇ ، سەت ئالايغان ، ماڭا ئاتا-ئاناممۇ مۇشۇ يىشمغچە ئالايمىغان تۇرسا ، ئۇ نىمە دەپ سەت قارايدۇ ؟تايقى كام زادى بۇ گۇيلانىڭ »دەپ توپلىشىپ بىر يەرلەرنى نىشانلاپ سومكلىرىنى ماڭا تاشلاپ  كىتىپ قېلشىلرى .........    ياش چوڭايغانسىرى بۇنداق ئشلار جىقلاپ  قالىدىكەن ، سىزمۇ دائىم مۇشۇنداق بالاڭزىلار بىلەن  يۈرسىڭىز ئارلىشىپ قالماي دىسڭىزمۇ مۇمكىن ئەمەس، بولمىسا سىز ئەركەك ئەمەس ، سىزنىڭ خەتنە تويىڭىز بولمىغان ، يا بولمىسا سىزدە بىر چاتاق بار ، مانا بۇ سىزنىڭ ئۇلارنىڭ سىپدىن چۇشۇپ قېلىشقا ئىزىدىگەن سەۋەپلىرىڭىزگە بىرىلگەن «ئۇرۇنلۇق  باھالاش».ئامال يوق ، ئانام ئوغول دەپ تۇققاندىن كىين...... مانا مۇشۇنداق بارا-بارا ئۇلارنىڭ تۇپغا قىتلدىغان گەپ  ،يۇغانغانچە چوڭلاپ بارغان ۋىجدانىڭىز سىزنى ئۇرۇش قۇينىڭغا سۆرەپ كىرىدۇ ، گەرچە گىتلىردەك باشقا قىتئەلەر ئارا ئۇرۇش قىلمىسىڭىزمۇ مۇشۇ ئوتتۇز نەچچە دۈيى بار  سىز مۇشۇ ئۆركەشلەپ ئىقىپ تۇرۇدىغان  ئۆستەڭ بۇيىدا بۈيۈك ئۆسكەن ھاڭگا ترەكلەر  ئارسىدىكى ماي يولىنى بۇيلاپ ئۇ باشتىن بۇ باشقىچ 25كىلومىتىر كىلدىغان  بۇ چوڭ   يىزىدا سىزگە جەڭ مەيدانى ھەر ۋاقىت تەييار قاچانكى باشقىلارنىڭ ئاچچقى ياكى خۇيى تۇتۇپ قالسا جەڭ ..جەڭ ..... ، گەرچە ئامىركىنىڭكىدەك بۇ ئۇرۇشلاردا   سىزنىڭ  ئۇچار -توپچى ئايروپىلانلىڭىز بولمىسۇ ئىچكىردە ياسالغان ، ۋېلىسپىتتىن دائىم ئاجرىمايدىغان  قولوپ سىزنىڭ قۇلىڭىزدىكى ئاپتومات ،دىيەنجى،AK-47 قۇرالىڭىز ،  گەرچە دۇنيا ئۇرۇشى مەزگلىدىكىدەك  كۈندە جەڭ بولوپ  تۇرمىسىمۇ ، كورىيە، تۈركىيەنىڭ تۈگىمەس كىينوسىدەك  ، كچىككنە ئوسۇرۇق ئىشلادىن باشلانغان بۇ جەڭگە -جىدەللەر ھامان داۋام قىلدۇ !خۇددى سوۋېىتنىڭ قىزىل پىدائىلىردەك  سىز ھامان جەڭگە تەييار ، مانا بۇ  ئوتلۇق ،قانلىق ياشلىقىم ! !جىدەل ئۆكسىمەيدىغان.... مىنىڭ جىدەلخور بولوپ لاۋدا ئاتلىپ يۈرگەن كۈنلىرىم .........      .......ئۇ كۈنى دەرەستىن چۈشۈپلا بىزگە توپلىشىپ مېڭىش بۇيرۇقى چۈشتى، بۇنداق ئىشلارغا كۆنۈپ قالغان مەن نىمش بولغىننىمۇ سوراپ يۈرمەي باشقىلار بىلەن بىللە مۇسابىقىگە چۈشكەندەك 12مىتىر كەڭلىكتىلكى يولىنى بىر ئىلىپ ۋارقىرىشىپ خۇددى سابىق قىزل ئارمىينىڭ چاڭجياڭدىن ئۆتكىنىدەك ھەيۋەت بىلەن ئالغا ئىلگىرلەپ  پاۋان تەۋەلىكىگە (بىز مەكتەپتىن يانغۇچە ئۆتىدىغان  يول بۇيىدىكى دۈينىڭ نامى)  كەلگەندە يولدا باشقا كەنىتتىكى بالىلار بىزنىڭ ئالدىمىزنى  تۇساپ ھۇجۇمغا ئۆتۆشكە تەييار بولوپتىكەن ، بىزمۇ ۋېلىسپىتنڭ قۇلپىسى ،ۋە بەزىلەر تىقىۋالغان زاڭدۇ،كالتەكلەر بىلەن شۇنداق مۇشىلشىپ كەتكەن ئىدۇق ، ماشىنالار   يىمىنىزدىنلا غۇيۇلداپ ئۆتۆپ تۇراتتى، مەن ئۇچاغدا سەل كىچىك ئىدىم ، ( تولوقسىز  بىرىنجى يىللقىتا)، مىنى بىرسى بەك قاتتىق ئۇرۇۋتكەن ، قانداق يىدىم بىلمەيمەن ، كاللامغا بىر كالتەك سەت تەككەن ئىشقىلىپ ، ھازىرغچىە تارتۇقى بار ، نىمە دىگەن قىززىق ،.مەن نىمە بولغانلىقنى بىلمەي تاياق يەپتىمەن ، ئەتىسى مەكتەپتىكىلەرنىڭ دىيشچە بىز توپاقلارنڭ (بىزنىڭ مەھەللىنىڭ ئىسىمى)لاۋداسىنىڭ قىز دوستىغا بىرسى مەيداندا توپ ئويناۋېتىپ« ئىھتىياتسىزلىق»تىن «قەستەن» توپ ئاتقانمىش ،  توپ ئۇچۇپ كىلپ بۇ قىزنىڭ بۇرنىغا تىگپ قاناپ كەتكەن ئىكەن ،شۇنىڭ بلەن لاۋدارىمىز ئۇ ئاداشنى ئازراق ئۇچۇغداپتىكەن ،بۇ ئىش چىقپتۇ ! كىيىن بىلسەم ئەڭ قاتتىق تاياق يىگنى مەن ئىكەنمەن ،شۇنىڭ بىلەن بىزنىڭ ئاغىنىلەر بۇ ئۆچۆمنى توپ ئاتقان ھارام تاماقىتىن چىقىرىپ بىرىدىغان بولدى ، ئەتسى مەكتەپتىن بۇرۇنراق مىڭىپ سەل ئادەم ئاز جايدا ساقلاپ تۇرىدۇق ،ئۇ ئاداش بىر قىز بىلەن كىلىۋاتاتتى، بىزنى كۆرۆپ(قۇلىمىزدىكى كالتەكلەرنى ئۇينىپتىپ تۇرغان ئىدۇق) قىز كەينىگە يۈگۈرەپ قېچىپ كەتتى .بىز ئۇ ھارام تاماقنى تۇتۋېلىپ تازا سالۋاتمىز ، كىين باللا ئۇنى چۆرىدەپ تۇرۇپ بەردى ،، مەن چىقىپ بىر ئىككىنى تىپىپ قۇرسىغا مۇشت بىلەن كۈچەپ نەچچىنى سېلىۋەتتىم .ئۇ يەردە دومىلايتى، دەل شۇ چاغدا بىر توپ چوڭ باللار ۋارقىراپ ۋېلىسپىتلىك كىلشتى،  تۇرقدىن  ئۇلار تولوقسىز 3.نىڭ باللىرى ئىكەنلىكىنى بىلدۇق ،ئۇلارنى  يىراقتىن كۆرۇپ بىز قۇرقۇپ قاچتۇق ، چۈنكى بىز ئاز ھەم كچىك ئىدۇق . ئۇلار بىزنى قوغلاپ كەلدى ، بىز بۆلۈنۈپ قېچىپ ئۈچ يولغا ماڭدۇق .ئۇلار بىزنى قۇغلاپ  كەينىمىزدىن ماڭدى ،بىزنىڭ ئۆي مەكتەپتىن 10كىلومىتىر يىراق ئىدى، قاچساق تۇتۇلۇپ قىلىش خۇدايمىنىڭ قىيامتىدەكلا بار ئىش ئدى، شۇنداق ھالقىلىق پەيتىتە مەن بىلەن بىرگۇرپا بولوپ قاچقان ئادىشىمزنىڭ ئاكىسنىڭ ئۆيى ئالدىغا كىلىپ قاپتىمىز ، شۇنىڭ بىلەن ئۇ يەرگە كىرىۋېلىپ پاناھلاندۇق ،.ئاكىسى ئۇلارنى كىرگۈزمىدى،بىز سىرتقا چىقىشتىن  قۇرقۇپ ئۆيگە قايتنماي ئەتىسى بىراقلا مەكتەپكە باردۇق ، ئاڭلىساق باشقا يولدا قاچقانلانى «دۈشمەنلەر »تازا سالغانمىش،مىنى ئىزلەپ يۈرەمىش ، شۇنىڭ بىلەن مەن بىزنىڭ «لاۋدانى » ئىزلەپ ئۇنىڭغا ھال ئېيتتىم ،ئۇ مىنىڭ  تۈنۈگۈنكى جىددى ھەركەتنى ئۇنىڭغا ئۇقتۇرماي ئىلىپ بارغىنمىغا بىر ھازا خاپا بولدى، ھەم بۈگۈن كەچتكى قانلىق جەڭدە مىنى قۇتقۇزۇپ قالدىغننى دىدى .كۆڭلۈم تۇيۇپ تۇراتتى ! كەچتە بىر مەيدان جەڭ !       كەچتە بىز توپاقلىقلا ھەمممز جۇغلىشىپ  ماڭدۇق ، پاۋان مەھەللسىنىڭ چىگرىسگە كىرشىمىزگە ئۇلار يول يېنىدىكى ئۇرمانلىتىق  توپ-توپ  بولوپ چقتى ،  ئۇلار بىزدىن ئىگىز ھەم قاۋۇل،ئادەملرىمۇ جىق ھەم خىلدەك قىلاتتى ، مەن سەل قۇرقۇپ قالدىم ، شۇنداق بولسىمۇ «لاۋدا» مىنى ئۆزى بىلەن ئەڭ ئالدىدا تۇرۇشۇمنى دەپ ينىدا تۇرغۇزدى !بىز يىراقتىن كىلىۋاتقاندا دۈشمەن سېپىنىڭ ئالدىقى قىسمىدا ئىككى بالاڭزا خۇددى قۇرسىقىنى يەرمەنكىگە قۇياۋاتقاندەك ئالدىغا بولوشىغا توماپيتىپ ، بىرىدىن تاماككىنى قىڭىغىر چىشلەپ  قۇلدىكى كالتىكىنى ئۇينىتىپ تۇراتتى ،يىنىدا تۈنۈگۈن بىز يۇغۇرۋەتكەن ھارام تاماق سالپىيىپ تۇراتتى،  بىز ئۇلاردىن ئالا-ھەزەل بىر مىتر يىراق تۇرۇپ ئۇرۇنلاشتۇق ،ھىلىقى ئىككىسى تاماكىنى ئىلىپ بىزنىڭ ئالدىمىزغا كۈچەپ ئىتىپ «قىغ...»قىلىپ كۈچەپ بىرنى تۈكۈردى . جەڭ باشلنىش ئالدىدا تۇراتتى . -ھە !؟ كۆرسىتە ، تۈنۇگۈن سىنى ئۇرغان قايسى ماڭقا  !؟ -ئىشۇ ئالدىدىكى ! -ئاۋۇ ئىگىز ما؟ -ياق .ئا سېرىق مايكا !! قارىغاندا بۇ مۇھاجىر ئافرقىلىق بۇلارنىڭ  لاۋداسىدەكلا قىلاتتى . ئۇ كەلگەنچە مىنى ئۇتۇرىغا تارتماقچى بولدى ، بۇ چاغدا بىزنىڭ لاۋدا مىنىڭ ئالدىمدا ئۆتۆپ مىنى قوغدىدى. -ھەي ! نىم قىۋاتسە ؟ تارتە قۇلاڭنى ! -؛بىزنىڭ لاۋدا شۇنداق دىگنچە ئۇنىڭ قۇلىنى ئۇرۋەتتى ! -ئىشىڭنى قىل يالاقچى ! مەدىكا . مۇھاجىر شۇنداق دىگەنچە لاۋدانىڭ مەيدىسدىن قاتىتىق ئىتترۋەتتى ، ئۇ كەينىگە بىر نەچچە قەدەم سەنتۈرۈلۈپ كەتتى !ئۇنىڭغە مەن مەيداننىڭ ئۇتتۇرىغا چۈشۈپ قالدىم ،باتورلىق بىلەن ئەمەس ،بەلكى مۇھاجىرنىڭ كۈچى بىلەن بىر تارتىشى بىلەن شۇنداق بولدى ! 50مىڭ يىزا ئاھالىسى ماڭىدىغان بۇ چوڭ يولدا ئىشەك ھارۋىلىرىدىن تارتىپ ماشىنىغچە توختاپ ،گاھىلار جىدەل كۆرسە گاھىلار ئىشەك ھارۋىلرىنى ماشىنلانىڭ ئالدىغا تارتىپ ئۆتۆپ كىتىشكە تەمشىلەتتتى !يول ئىتىلىپ قالغان ئىدى ! -ھەي ! ھارىمى،ئانىكاڭنى......      شۇنداق دىگەنچە بىزنىڭ لاۋداسەكرەپ چىقپ مۇھاجىرغا تاشلاندى .ئىككى تەرەپ مۇشتلىشقا ئۆتتى. ئىككى تەرەپتكى گۇرھ ئەزالىرىمۇ  جەڭگە ئات سالدى ، ئايھاي ....،ئۆمرۈمدە بۇنداق ئۇرۇشقاننى كۆرگەن ئەمەس، ھەم كۆرمىدىم ، ئەمما بۇنىڭدىن كىيىن كۆرەىمدىم كۆرمەمدىم بىلمەيمەن ،جەڭ شۇنداق قىززىق بولوپ  كەتتى ، كىشلەرنىڭ ھاي -ھايلىرى ، باشقىلارنىڭ سەت ۋارقىرىراشلىرى، تاياق يىگەنلەرنىڭ  ۋايجانىلرى . ئىشقىلىپ قايناق مەنزىرە ، بۇ ۋاقىتتا مەنچۇ ؟كچىك بولساممۇ جەڭگە ئاتلانغانمەن !بىر شىرىكىمىزنىڭ  باشقىلار بىلەن ئۇرۇشۇپ يەردە يىتىپ قىلىپ تازا تاياق يەۋاتقانلىقىنى كۈرۈپ . ئۈستىگە مىنىۋالغىنى چەنلەپ   ئۇنڭغا بىر تىپىك ھەدىيە قىلدىم .ھىلىقى ئاداش تاياقىتىن قۇتۇلدى ! -ھاي ئەسقەر..............، كەينىمدىن بىرى ئىسمىنى توۋلىدى ، شۇنداق دەپ بايام تاياق يىگەن ئاداشنىڭ ۋارقىرىغنى ئاڭلاپ ئۆرۆلۆپ قاراپ بولغىچە ئالدىنقى كۈنى كاللامغا كالتەك يىگەن جايغا يەنە بىرقىتىم  تازا غول كۈچ بىلەن ئۇرۇلغان بىر كالتەك تەگدى ! ئاسمان چۆرگىلەپ يەرگە يىقلدىم .ۋارقىراپ يىغلاشقا باشلىدىم .ئەپسۇس ، مىنىڭ بىلەن ھىچكىمنىڭ كارى يۇق . جىدەل بارغانسىرى ئەۋىج ئىلىپ كەتكەن ، بالىلار يولدا، دەرەخلەرنىڭ ئارىسدا، ئۆستەڭنىڭ قىشىدا ، بەلكىم ئىچىدىمۇ بولسا كىرەك... ..شۇنداق بولوپ كەتتى! قاياقتىن ئاڭلانىدى ، ساقچى ماشىنىڭنىڭ چىرقىرىغان ئاۋازى ،ھەممەيلەن دەرھال ئەس ھۇشنى يىغىپ ھەممىسى ئۆزنىڭ ئاتلىرنى مىنىپ قچىشتى، ئەمما ھىچكىممۇ بايامققدەك تىز ھەيدىيەلمەيتى ،مەن باشقىلارنىڭ ياردىمىدە ئىشكىمنى تېتىپ كۈچەپ تىپىپ ئالغا سىلجىدىم ، بۇ پاۋانننىڭ چىگىرى بولغاچ مۇھاجىرلانىڭ ئۆيى يقىن ئەتراپتا ئىكەن ،ئۇلارمۇ بەدەر قاچتي، بىر نەچچەيلەن باشقىلارنىڭ كەينىگە مىنىۋالغان ، چۇۋۇلغان ۋېلىسپىتلەر باشقىلار تەرىپىدىن سۆرەپ مىڭىلماقتا ....... قاچە -قاچ ، مىڭىۋاتىمىز ، ئەمما ئىشەك بىلەن تولپارنىڭ تەڭ بولغىنى نەدە بار ، ساقچىلارنىڭ باۋما ماركىلىق ھەقىقى تولپارلىرى بىز تېخى ئىككىنىچى خوتقا سالماي تۇرغان  ئەبگاھ نىيوتۇنلىرىمىزنىڭ   كەينىدىن بىردەمدىلا يەتتى ! تولپار سەپنىڭ ئالدىغا چىقىپ يىنىچە بولوپ توختىدى !يولنىڭ يىرىمى تۇسۇلدى ، قۇلىدا توك كالتەك تۇتقان بىر رۇسىيەلىك ساقچى ۋە بىرنەچچە ساقچى ماشنىدىن چۈشۈپ يولنىڭ قالغان يېرىمىنى تۇساتتى ، ئاھا ....،ئۇلارنىڭ ھالىتى بايام بىزنىڭ ئالدىمىزنى تۇسىغان پاۋانلاغا ئوخشايتتى ، بىز ئۆزىمىزنى تۇتالماي قاقاقلاپ كۈلۈپ كەتتۇق !ئۇلار بىزگە خۇددى ساراڭلارغا قارىغاندەك بىر قاراپ قۇيۇپ ئاندىن ئۆز-ئارا ھاڭۋاقتىدەك قاراپ تۇرۇشتى ،بىردىنلا بىرنىمە ئىسگە كەلگەن كىشىلەردەك قۇلدىكى كالتىكىنى قايتىدىن كۆتۈرۈپ بىزگە شىلتىپ تۇرۇپ دېدى:   -چۈشە گۇيلا ،قالاپ توغىننى ! باياتىندىن بىرى قېچىۋاتقان ھەممەيلەن ئەمدىلىكتە  ئىزىمزدىلا توختاپ قالدۇق ، قېچىپ بىريەرلەرگە بىېرىپ بولغان بىرنەچچەيلەن ئارقىسىغا يېنىپمۇ كەلدى،بۇ دىگەن ھەر بىر گۇرۇھنىڭ قائىدىسى ، جاپانى تەڭ كۈرۈش !ساقچى بىزگە شۇنداق دەپ بۇيرۇق چۈشۈرگەندىلا ئاندىن  تېخىچە ئاتتىن چۈشمەي تۇرغىنىمىز ئىسىمزگە كىلىپ ئاستا چۈشتۇق! -ھېي! ھە قاسىڭنىڭ ئۆيەڭدە ئىشىڭ يۇقما ؟ نىمى قىسە مىيەدە سۇقۇشاپ ، كاللا قاپاقنى يېرىپ ،توۋۋا خۇدايىم ، كچىك بالىدەي تەلىنى خۇدايىم ! -ھاي ، بىكادىن بىكاغا ئەدەم تىللماڭ ئۇندا،سىزنى بىر نىمە قىلمىدۇق بىز !؟ ؛--بىزنىڭ لاۋدا گەپ ئاتتى ! -ئاجان ، مانى تۇتۇڭلار ، مۇشۇندا گۇيلا ھامان ياخشى ئەدەم بومايتۇ زادى . روسىيەلىك لاۋدانى تۇتۇشقا بۇيرىدى ،ئەگەر  مەن بولغان بولسام ۋېلىسپىتنىڭ ئالدى چاقىنى بىر كۆتۆرۆپلا كەينىگە بۇرۇلۇپ قاچاتتىم .ئەمما ئۇ ئۇنداق قىلمىدى،ئىككى ساقچى ئۇنى تارتىپ ماڭدى .بىز چۇرقىرىشىپلا قالدۇق ،ئەمما ئارتۇق بىر نىمە دىيەلمىدۇق !دۈشمەن سېپىدىكىلەرمۇ  بىرنىمىلەرنى دەپ ساقچىلارغا بولغان نارازىلىقنى بىلدۈرۋاتاتتى ،نىمە دىگەن بىلەن  ئارىمىزدىن بىرسى تۇتۇلسا ھەممىگە ياخشى بولمايتتى  !روسىيەلىك لاۋدانى ماشىنغا سېلپ بولوپ بىزگە قاراپ يەنە بىرنىملەرنى كاركىراپ،  ھەممىزنى تارقىلىپ كىتىشكە ، بولمىسا تۇتۇدىغانلىقىنى دەپ پوپوزا قىلدى، ئۇ كۈنى جۈمە كۈنى ئىدى .    ئەتىسى چۈشتە بىرنەچچىمىز يىزىلىق پەيچۇسوغا چىقىپ لاۋدانى يۇقلاپ كىردۇق، ئۇنىڭ دىيىشچە ئاخشام تۇتۇلۇپ قالغاندىن كىيىن ساقچىلار بىلەن يەنە بىر مەيدا ئاغزاكى جەڭ قىلغانمش، شۇنىڭ بىلە ئۇنى 15كۈن سولاپ قۇيىدىغان بوپتۇدەك !كىيىكىنى 15 كۈندە بىز بىر نەچچىمىز ھەركۈنى دىگۈدەك يۇقلاپ تۇردۇق !ئەمما مەكتەپتە بۇ ئىشلار پۇر كەتكەن بولوپ مۇدىر چوڭ يىغىن ، مالىم  سىنىپ يىغىنى دىگەندەكلەر بىلەن بىزنى بىر مەزگىل پىپەن قىلدى . لاۋدا «تۈرمىگە »كىرىپ كىتىپ 10. كۈنى يەنە بىر قېتىمىلىق جەڭ بولدى ، بۇ قىتىم بىز زور چىقىمدار بولدۇق .بۇ يەنە شۇ ئالدىنىقى قېتىمقى ئىشنىڭ چالىسى بولوپ ،بىزنىڭ گۇرۇھتكى بىرسى ئۆتكەندە يىگەن تايىقىنى 10كۈندىمۇ ئۇنتالماي ، سۇ ئالغىلى بارغاندا ئۇنى ئۇرغان بىرسى بىلەن ئىتترىپ .تىللىشىپ ،كەينىدىن مۇشتلىشىپ كىتىپتۇ ، بىز بۇرادىرىمىزنىڭ جەڭگاھتا يالغۇز قالغانلىق خەۋىرىنى ئاڭلاپ ئۇچۇپ دىگۈدەك  ئۇيەرگە بارساق ، ئاللىقاچان قان بولوپ كەتكەن بۇ ئىككى ئەسكەرنى باشقىلار ئاجرىتىپ بوپتىكەن ،مۇئەللىم ئەكىرىپ كىتىپ- تا كەچلىك تاماققىچە نەسىھەت قىلەپ ئاندىن يولغا ساپتۇ ،بىلسەك ئۇ بۇ قتىم ئۆچىنى ئالغانمىش،ئۆزىمۇ «پۇخادىن چىقتىم» دەپ يۈرىدۇ مەكتەپتە ! ئەتىسى تاياق يىگەن ئەسكەر قايتىدىن ئادم باشلاپ چىقىپتۇ ، بىزمۇ بۇنداق ئىشلاردا تاكتىكا ۋە تەجىربىگە ئۇستا بولوپ كەتكەن ئىدۇق ، بىراق بىزنىڭ بېشىمىز يۇق ، ھەم كىچىك بولغاچقا  جەڭدە ئۆلگۈدەك تاياق يىدۇق ، بىز بىرقانچىمىز  قايتۇرما ھۇجۇمغا ئۆتەيلى دىسەك ،كۆپسانلىقلار «لاۋدا» چىقاندىن كىيىن بولسۇن دەپ يالتايدى ، ئەلۋەتتە ئۇرۇشقا ئامراق بولغان بىلەن ھارام تاياقتىن ھەممە قۇرقاتتى .مانا مۇشۇنداق ئۈزۈلمەس جىدەللەر قاينىمى بىزنىڭ ئەتراپمىزدىلا ،يېزىدىكى بۇ تۇلۇق ئوتتۇرىدا بەزى  ئۆيى يېقىن بالاڭزىلار باشلانغۇچتىن باشلاپ تاكى تولوق ئۇتتۇرىنى پۈتتۈرگىچە مۇشۇنداق مۇھىتتا ئۆتىدۇ !ھەقىسز كىنو ، ھەقىسىز لەپەر بولار ئۈچۈن لەڭپۇڭ ! بولدى بۇگەپلارنى قۇيۇپ نەخ گەپكە كىلەيلى !    شۇ قىېتىم جدەل چىقىپ لاۋدا تۈرمىدىن ئازات بولوپ قايتىپ چىققان كۈنى ،مەكتەپ رەھبەرلىكى ئۇنى ئىشتىن بۇشاتتى ،مۇئەللىمنىڭ دىيىشچە بۇنداق كۈچلۈك بەچچىغەر ئادەملەر مەكتەپتە ئۇقۇشقا ئەمەس، يېرىم چارەك كىلدىغان كەتمەندە بوز يەر ئىچىشقا مۇۋاپىقمىش!شۇنداق گەپلەر بىلەن لاۋادا مەكتەپتىن كىتىپ  ، ئىككى كۈن ئۆتمەي  مۇئەللىم ھۇجۇمغا ئۇچراپ  بالنىسقا كىرىپ قالدى .شۇ ئىشتىن كىيىن بىزمۇ ئۇنى قايتا كۆرمىدۇق !ئاڭلىساق ئچىكىرگە كىرىپ ھۈنىرىنى داۋام ئىتەمىش!كۆنگەي خۇي ئەمەسمۇ؟!! مەكتەپ ئۇ كىتىپ خېلى جىمىپ قالدى ، خۇددى ئۇ بىرەر مو يەرگە ئورۇق سېلىپ ، غەللىنى قۇيۇق قىلىپ تېرىيدىغاندەك ، بالىلارنىڭ زىرىكى تۇتۇپ قالسا تاماكا چىكىدىغان بولدى.......، مۇھەببەتلىشىدىغان بولدى ،كىيىن بىلسەم مۇھەببەتلەشكەنلەر كۈندە ئۇرۇشۇپ يۈرسە ئىناۋىتى يۈندا بولامىش ،شۇڭا بىزدەك  جىدەلخولادىن يىراق تۇرامىش ،شۇنداق قىلىپ بىر چاغلار نىمىش بولغنىنىمۇ بىلمەي، سەپداشلىرى ئۈچۈن  پىلىموت كۆتۆرۆپ چىقدىغان بۇرادەرلەر قىز بالىنى دەپ لاۋدا بىلەن تەڭ يۇقالدى ! پەقەت كچىك كىچىك گۇرۇھلارلا قالغان بولوپ ،ئادەم سانى تۆتتىن ئاشمايتتى .بۇنداق ئاز ئەسكەرلەر ئۇرۇشقا ئەمەس، بەلكى ئۇيۇنغا بەكرەك ئۇستا كىلەتتى، بۇرۇنقىدەك كۈندە توپلىشىپ جىدەل چىقىرىدىغان بالاڭزىلار ھازىر يۇق ، يىڭى ئېچلىغان ئۇيۇنچۇقخانا بىلەن تورخانا بولارنىڭ يىڭى جەڭ مەيدانى ، بۇيەردە ئىككى تەرەپ بولوپ  ئۇرۇش ئۇينى ئوينايدىغانلا سامان ، زامانغا لايىق ھالدا بومبا ،ھەقىقى قۇراللار .....،ئەمما بۇ يەرمۇ بەك تىنجى ئەمەس، پات-پات ئورون يىتىشمەي مۇشلىىپ قۇيۇشلار ، ئەمما بۇنداق مۇشتلىشىشلار ئاللىبۇرۇن ئەمەلدىن ياكى مودىدىن قالغان بولوپ ، ھچكىم قىزىقمايتتى ، ھىچكىم ئۇلارنى ئايرىپ قويمايتتى ، ئۆزۆڭ ئۇرۇشۇپ ،ئۆزۆڭ توختاپ قالدىغان گەپ! گۇرۇھىڭىدىكىلەرمۇ شۇ ئاران ئاجرىتىپ قۇيۇشقا يارايدۇ ،ھەرگىز سىنى تاياق يىدى دەپ ،مەتلەرچە مەيدانغا چىقىپ ئۆزىنى خۇۋاڭ جىگۇۋاڭدەك  ئۆلۆمگە تۇتۇپ بەرمەيدۇ ! كىينىكى كۈنلەردە مەن   تورخانا ، ئۇنىڭدىن ئىشىپ دېسكوخانا ، ...ئىشقىلىپ ئادەمنىڭ پۇتى ساق بولسا مىڭىپ كىرگۈدەك يەر بولسا ھىچكىمدىن قالماي ئەڭ ئالدىدا مىڭىپ كىرىپ باشقىلارنىڭ ئاغزىدىن ئاستا-ئاستا «قۇرقماس »، «جىگەرلىك» دىگەندەك چىرايلىق ناملارغا ئىرىشتىم .بۇرۇنقى ئاجىز ، سومكىچى ، تاياق خالتىسى ئەسقەرنى ھازىر لوپا ئەينەك بىلەن مەشئەل يېقىپ ئىزلىسىڭىزمۇ تاپالمايسىز ،چۈنكى بۇ كۈنلەردە  مەن زامانغا ماسلىشىىنى ئۆگەنگەن ! شۇنداق قىلىپ ئۇاين تاماشا بىلەن خېلى ۋاقىتلار ئۆتۆپ كەتتى .تولوق ئوتتۇرىنىڭ ئىككىنجى يىللىقىغا چىققاندا «ھلىقى يىزىدىكى تولوق ئۇتتۇرا شۇ » ،مەن نەچچە يۈز قىتىملىق باشقا قىزلارنىڭ رەت قىلىشدىن مەيۈسلەنمىگەن ھالدا يەنە بىرقىزغا تەلەپ- قۇيدۇم ، ئۇ قىز دەل مىنىڭ ھازىرقى خوتۇنۇم ئىدى . تۇلۇقسىزنىڭ ئۈچىنچى يىللقىدا ئۇقۇيدىغان بۇ قىز بۇرۇن مەن قوغلاشقان ھىچقايسى قىزغا ئۇخشىمايتتى... خۇدايىم توۋا دەيتىم ئىچىمدە ئۇنى تۇنجى قىتىم كۆرۆپ، ھاپاش قىلىپ ماڭغان ۋاختىمدا ، ئۇكۈنى «ئىسىمدە قېلىشىچە بىر شەنبە كۈنىغۇ دەيمەن ».بىزنىڭ گۇرۇھتىكى بىرقانچەيلەن ناھىيە بازىرىغا كىرىپ« ئەپەندىم»ئويناپ تازا ئامىتىمىز كەلگەن كۈنى ئىدى ، خۇشاللىق ئىچىدە ۋارقىراپ -جارقىراپ يولنى بېشىمىزغا كىيىپ ، بىر-بىرىمىزنى قوغلشىپ ۋېلىسپىت بىلەن 10كىلومىتىرلىق بۇمۇساپنى قانداق بېسىپ بولغىنىمىزنى تۇيمايلا قالغان ئىدىم ، پىلانىمىزچە بولغاندا كەچتە يىزا بازىرىدا تازا كېكىرىپ غىزالىنىپ ، كچېنى تورخاندا ئۆتكۈزمەكچى ئىدۇق ، ئەمما يولدا ئويلىمىغان ئىش يۈز بەردى  ! يىزا بىلەن ناھىيە تۇتىشاي دىگەن يەردە ئازراق ئۆي يۇق يول بۇيى بولوپ شۇيەرگە كەلگەندە ، يول بۇيىدا بىر توپ قىزلارنىڭ چاچ-پاچنى يولوشۇپ ، بولىشىغا چىرقىرىشىپ ، مەكتەپتە مۇئەللىم ئۆگەتكەن جىمى سەت گەپلەرنى بەس-بەس بىلەن نۆۋەتلىشىپ دىيىشپ جەڭ قىلماقتا!بۇ ۋاقىىتا مەن ئۆزۆمىنى خۇددى «قزىل ئاياللار قۇشۇنى »دىگەن كىينونى ئەمىلىيەتتە كۆرۆۋاتقادەك ھىس قىلىپ قالدىم .ئۇزۇق بوپتىكەن بۇنداق توپلىشىپ جەڭ قىلغان مەنزىرىنى كۆرمىگىلى ، تازا پەيزى قىلىپ كۆرەۋاتسام ، يىنىمدىكى بۇرادىرىمىز پەيزىمنى قاچۇردى ؛ -ئىدەش !قالاپ تۇماي ئاجىتىپ قامتىمىز يا -،يولىمىزغا ماڭامتمىزا؟ ھوي ماگەپنى كۆرۆڭ !ھەجەپ تۇنۇش ئاڭلاندى دىسە !؟توغرا ، ھازىرقى زاماندا مۇشۇ گەپ مۇدا تۇرسا شۇنداق بولمامتى ئەمسە !بۇرۇنقىدەك «ئاداش ، كىرىپ بىزمۇ  بۇرادىرىمىزنىڭ ئەتنىنى ئېلىشپ بىرەيلىمۇ؟»دەيدىغانلا يۇق ئەمدى !گەرچە بۇلار قىزلار بولسىمۇ ! مەن ھۇشۇمنى تاپتىم !-ھوي راست، يۈرۈڭلار ئاجىرتىپ قۇيايلى ، بولمىسا دەۋزىخى بولوپ كىتىتمىز ! شۇنداق دەپ تولپارلىمىزنى يولنىڭ يىنىدىكى جىرىمغا باغلاپ قۇيۇپ  بۇ جىدەلگە  ئارلاشتۇق ! -ھوي !خانلىرىم !نىمە بولوشلا بۇ كەچـتە !؟ھەقانچىبوسىما  مۇندا قىلشىپ كەتمىيلى  ھوي مۇسۇمانلا! ئەتىمالىم ،ئەتتىگەندىن بۇيان بۇيان بۇلار بىزنى كۆرمىگەنمۇ يا كۆرسىمۇ كۆرمەسكە سالدىمۇ،بۇگەپ بىلەن تەڭ چاراسلاپ ئىتلىۋاتقان پىلوموتنىڭ ئۇقى تۈگەپ كەتكەندەك تۇيۇقسقز جىمىقىپ قالدى، ئەمما ئاران دەقىقە داۋاملاشتى ! -ئىشىڭنى قىلە !پىس-پاسلار!نىمە كارىڭ ! بۇ گەپ بىزنى ئىزىمىزدا توختاتتى!ياخشى كۆڭلۈڭگە ئىشەك تەپسۇن دىگەن مۇشۇ بولا ھەرقانچە بولسىمۇ ؟! -نىم دېدىڭوي ! كاللىسى يامغۇردا قاغان بىي نىمىلىكەن بۇ ؟ دېدى  مىىنىڭ كۆڭلۈمىنى چۈشىنىدىغان دوستۇم ئەركىن. قىزلارنىڭ تۇرقىدىن قارسىڭىز ئەمدىلەتتىن ئۇت كۈچىنى بىزگە قاراتقاندەك قىلاتتى .ئۇرۇشنى بىراقلا توختىتىپ بىزگە بومبا تاشلىدى: -ئاچىڭىزنىڭ كاللسىغا يامغۇ جىق ياققان چېغۋا ،ئىزا قېپى بىر نىمىلەر ، باغاق سۇنمىغاندىكىن يولىڭىزغا مىڭىشىڭ! -ئاداش ، بۇلىما ما پاسماقىنڭ كۈچىكلىرى چۇقۇم !يالاقچى بىر نىملەر ! بىزگە قاراپ دىگەن بۇ گەپ ياندا تۇرغان  يەنە بىر گۇرۇھ قىزلارنىڭ ۋىجدانىغا ئوت قالىۋەتكەن بولسا كىرەك ، چىچاڭشىپ قارشى تەرەپكە ھۇجۇمغا ئۆتتى !ئۈچ تەرەپلىك بۇ جەڭ قىززىيدىغاندەل قىلاتتى ! -زوۋانىڭنى يىغە ھوي !سەن ئەمەس بىشكىم ، كىم يۇلاقسا شۇنىڭغا تەخسىسنى يالىتىدىغان ! -نىمە دېدىڭە ھوي بۇزۇق ! شۇنداق دەپ ئىككى تەرەپ قايتدىن ھۇجۇمغا ئۆتتى ، بىزگە  ئالدى بىلەن ھۇجۇم قلغان  ئالدى ھۇجۇمچى بايام ئۇنى تىللىغان پاسچىنىڭ قۇرسىغا كىلشتۈرۈپ بىرنى تەپتى !ئىككى تەرەپتىكىلەر چىرقرىشىپ ، چاچ يۇلۇشۇپ كەتتى !كەپ بولغۇچە زەمبىرەك ھۇجۇمىغا يۇلۇققان بىزلەر  ئۆزىمىنى ئوڭشاپ بولالماي «باھانە بۇ، » قېتىپ قىلىشتۇق!قاراپ تۇرساق بۇلار ھىچ توختايدىغاندەك ئەمەس،قىزىل تىزىملىكتكى باتۇرلار دىگەن كىنو قۇيۇلىۋاتىدۇ دىگەن ئۇچۇرنى  نىمە قىلىۋاتىسە دەپ يوللانغان ئۇچۇرغا جاۋاپ  قىلىپ قايتۇرۇپ ئۈلگۈردۈم ،بولىۋاتقان تېتىقسىز گەپلەر بىزنى گاس قىلىپ قۇيىدىغاندەك !بىر ئىككى قىز يەردە دومىلىلايتتى !ئامالسىز يەنە بىر قىتىم تەۋەككۇل بىلەن بۇلارنى ئاجراتماقچى بولدۇق !ئەمما كىنو تۈگىگەن ئىدى !پاسچى قىزنىڭ قۇلقىدىن كەلگەن قاننى كۆرۆپ ھۇجۇمچىلار ئاستا كەينىگە ياندى !ئۇلار كەينىگە قاراپ -قاراپ كىتپ قالدى . -خەپ ،پاسكىنا ، داداڭدىن تۈرەلگىنىڭگە پۇشايمان قىلدۇرۋەتمەيدىغان بولسام  ئىسمىنى يۆتكىۋىتىمەن ! ئارىدىن ھۇشۇدىن كەتكەن بۇ قىزنى يۆلەۋاتقان سەپداشلىردىن بىرسى تۇرۇپ ھۇجۇمچىلارغا ۋارقىرىدى .ھۇجۇمچى كەينىگە يىنىپ بىر نىمە دەي دەپ تۇرۇشىغا سەپدىشى«لاۋدا»دەپ توۋلاپ كىلىپلا ئۇنى تۇتۇۋېلىپ  كەينىگە ياندۇردى ، ئاندىن ئىككى قۇلنىڭ ئۇتتۇرا بارمىقىنى چىقىرىپ :مانا ساڭا ! چۈپراندىلەر!؛-دەپ كىتىپ قېلىشىتى .بىز بىردەمچىلىك ۋاقىتنىڭ ئىچىدە بولوپ ئۆتكەن بۇ ئىشلاردىن ھەيرانە بولوشماقتا ئىدۇق . يەردە ياتقان قىزنىڭ چىرايى بارغانسىرى ئاقىرىپ ،قۇرقۇنىچلىق بولوپ كىتىپ باراتتى ، قىزلار ۋارقىراشقانچە ئۇنى سىلىكىپ ئۇيغاتماقچى بولىشاتتى ! -زۆھرە ، كۆزۆڭنى ئاچە ئاداش! -ئاداش ، بىزنى قۇرقۇتمىغىنا !كۆزۆڭنى ئاچە ! -............................... باياتىندىن بىرى بىر ياندا قىتىپ تۇرغان مەن قانداق كۈچنىڭ تەسىرىدىكىن بىلمەيمەن ، كىلىپلا يەردە ياتقان قىزنى ھاپاشلىدىم ،باشقا قىزلار باشتا سەل ھەيران بولوپ ،كىين ئۇنى ھاپاش قىلىشىمغا ياردەم قىلدى ! يىزىلىق دوختۇرخانىغا يەنە بىر كىلومىتىردەك بار ئىدى ، ۋېلىسپىتتە ئۇنى تۇتۇپ ئولتۇرۇش مومكىن ئەمەس ئىدى ، شۇڭا ،مەن قەتئىيلىك بىلەن دوختۇرخانا تەرەپكە قاراپ قەدەم باستىم ! +++++++++++++++++++++++++++++++++++++++ -توۋۋا دەيتىم ئىچىمدە ئۇنى ھاپاش قىلىپ كىتىپ بارغاچ «بايامقى قىز نىمە دەيدۇ ، ھەجەپ قۇلقىم زىڭىلداپ كەتتىيا؟ 'لاۋدا' دېدى توغرا ،خۇدايم يەنە بىر قىتىم تۆۋۋە ، يەنە بىر قىتىم قاتتىق تۆۋۋە ، ھېي ، مەن جىنىمدا بەش يىل خەقنىڭ سومكىسىنى كۆتۆرۆپ ، بىر يىل خەقىنى لاۋدا دەپ ، ئىككى يىل خەقتىن تولا تاياق يەپ ، ئەمدىلەتتىن ئۆزۆمنى ئۆزۆم لاۋدا ساناپ كىلىۋاتقان ، ئەمما مۇنۇ قىزلار جەمەتنىڭ مۇنداق ئىشلارنى بىلمەي يۈرۈپتىمەن ، بىز ئوغوللار بۇ خىل ئىشلارنىڭ خېتىنى بەرگىلى نەۋاخ ، ئەمما مۇنۇ قىزلار بىزنىڭ ئەنئەنىمىزنى ساقلاپ كىلىۋېتىپتۇ ،خۇدايىم .ئۈچىنىجى قىتىم توۋۋا، ھېلى ھەم بىراۋلار ئۈچۈن جان پىدا قىلىدىغان دوستلار بار ئىكەن ، توۋۋا .........» -ئەسقەر ، ھارغان بولساڭ ، مەن بىردەم يۈدىۋالاي ! دوستۇمنىڭ شۇنداق دېگىنىدىن كىيىن ئاندىن منىڭ باياتىدىن بۇيان ، بىر قىزنى يۈدۈپ كىلىۋاتقىنىم ئىسىمگە كەلدى ،قىز جىمجىتلا خۇددى مىنى ئۆز مەيلى بىلەن قۇچاقلىۋالغاندەك ئىككى قۇلى بۇينۇمدىن گىرە سېلىپ تۇرغان ئدى، -بولدى ، ئەنە دوختۇرخانىغا كىلىپ قالدۇق ،ھارمىدىم . قىزلارنىڭ بۇنداق يىنىك بولىدىغىنى ئويلاپ باقماپتىكەنمەن ، ياكى ماڭا ھازىرچە شۇنداق تۇيۇلۇپ كىتىپ بارامدۇ ؟ھىچ بىلمىدىم ! شۇنداق خىياللارنى قىلىپ دوختۇرخانىنىڭ ئالدىغىمۇ كىلىپ قاپتۇق ، دوختۇر ئۇنىڭ خەتەرلىك ئەھۋالدا ئىكەنلىكىنى ، تىز قۇتقۇزۇۋالمىساق ھاياتىنىڭ خەتەرلىك ئىكەنلىكىنى ۋە دەرسال پۇل تاپشۇرۇشىمىىزنى تاپىلدى. ئۈچ قىز يىنىدىن پارچە پوللىرىدىن باشلاپ يىغىپ  ساناپ چىقىۋېدى ، ئاران بەش يۈرنىڭ ئەتېراپىدا بولوپتۇ ،ئاتا -ئانىسىغا دېيىشتىن قۇرقىدىكەن ، شۇنىڭ بىلەن مەن بالىلاردىن سوراپمۇ يۈرمەي بۈگۈنكى بىر كۈنلۈك قان تەر بەدىلىمىزگە كەلگەن  پۇلىمىزنى قۇشۇ] دوختۇرغا تاپشۇردۇق ، قىزنى جىددى قۇتقۇزۇشقا ئىلىپ كىرىپ كەتتى !ساقلايمىز ، ساقلايمىز .....يا قىز چىقمىدى، يا دوختۇر! ئالاھەزەل ئىككى سائەتلەت ئۈتۈپ كەتتى ، ھىچ خەۋەر يوق ،شۇنىڭ بىلەن ئارىدىن بىر قىز _سىلەرگە كۆپ رەھمەت ، جىق ئاۋارە قىلدۇق ، كۈنما بەك كەچ بولوپ كەتتى، بولمىسا سىلەر ئاۋال قايتىپ كىيتىڭلار ،پۇلۇڭلارنى ئەتىگىچە تەخ قىلىپ قۇيايلى،يا سىلەر كىلىپ ئەكىتەسىلەر ، يا.بىز........ -ھوي..ھوي ....، ما گىپىڭىز قاملاشمىدى،پول مۇھىم مەسىلە ئەمەس ، ئۇ قىز خەتەردىن ئۆتۆپ كەتسىلا شۇ بولغىنى ! ئۇ قىز كۆزۆمىنىڭ ئىچگە قاراپ بىر دەقىقە تۇرغاندىن كىيىن ،يەرگە قاراپ تۇرۇۋالدى ، كاردوردا تۆت يىگىت ،ئۈچ قىز ساقلاپ ....ساقلاپ.... يەنە يىرىم سائەتلەر ئۆتۆپ كەتتى ، ئەمما راس گەپنى قىلسام پۇتۇم ئېىچىشپ ئاغرىپ كەتتى ،بىزنىڭ ما بالاڭزىلار ئۆرە تۇرۇپ  قۇرئان يادلاۋاتقان قارىمدەك قىلىق قىلغىلى تۇردى ، بۇنى كۆرگەن قىزلار يەن بىر خىجىل بولغان بولسا كىرەك ، مەنمۇ سەل نۇمۇس قىلىپ قالدىم . -بولمىسا سىلەر ئاۋال قايتىپ تۇرۇڭلار ،قارىغاندا ئۇ پات چىقمايتقان چاغۋا، بالنىسقا ئېلشى با گەپ،شۇڭا بىز دوختۇرخاندا بار ، ئەتىگىچە يەنە كۆرۈشەمىز ! ئىككىنجى قېتىلىق بۇ گەپتىن مەنمۇ سەل خىجىل بولدۇم ، دىمىسىمۇ بۇيەردە تۇرىۋەسەك خۇددى«پۇلىمىز نى بەرمەي قېچىپ كىتەمدىكىن »دەپ ئۇيلاپ قالغان ئوخشايدۇ دەپ ئويلاپ قېلىشى ئىنىق ئىدى . -ھە ..، ھە ئۇنداقتا بوپتۇ .بىز قايتايلى، ئادىشىڭلارنى خۇدايىم ساقلا ، بىكا ۋوساق ئەتىگىچە  يوقلاپ كىتىمىز !    -رەھمەت سىزگە ،    -ۋەي ئەرزىمەيدۇ ، ئەمىسە بىزماڭدۇق ! مەن شۇنداق دەپ بولغىچە يىنىمدىكى بۇرادەرلىرىمنىڭ كەشىنىڭ ئۇچچى دوختۇرخانىنىڭ ئىشكىگە قاراپ توغرىلىنىپ بوپتۇ !خوشلىشىپ مىڭىپ دوختۇرخانىنىڭ ئىكىدىن چىقىشىمىزغا بايامقى قىزلاردىن بىرى يۈگۈرەپ كەينىمىزدىن چىقپتۇ ؛    -ھەي ،ئىسىمىڭىز نىمە ؟ ھاڭ -تاڭ قالدۇق !ئۇ قىزمۇ سۇراپ بولوپ خىجىل بوولغان بولسا كىرەك ، قزىرىپ كەتتى ! -ئىسىم ئەلى. ئىشۇ سايات مەھەللىسدىن !    بىز قاتتىق كۈلۈشۈپ كەتتۇق !يىنىمىدىكى باللر ئەلىنى نۇقۇپ ئاستا دىدى : -ھەي سەخو !سىنى دېمىدى ، ما بىزنىڭ ئاتاماننى دەۋاتدۇ! كوللو نىمىكەن بۇ !؟ قىزچاقمۇ ئېغىزنى تۇتۇپ يانغا قاراپ كۈلۈپ كەتتى -ئىسىم ئەسقەر ، ئاياغ تەرەپتىكى توپاق مەھەللىسدىن ،    - ھە؟! ماقۇل ئەمسە يەنە كۈرۈشەمىز ! قىز قايرىلىپ كىرىپ كەتتى .بىزمۇ تولپارلىرىمىزنى تەستە تېپىپ دوختۇرخاندىن چىقىتۇق .مىڭىپ تورخانىنىڭ ئالدىغا كەلگەندە ئەلى _بۈگەن مەيەدە قۇنمايتمىز ئەمدى ھە ؟ئىست ، توردا پەچەت بىر قىز مىنى ساقلاپ تۇماقچى بوغان ئەسلى! -ئىدىشوي ، يامان قىززىپ قاپسىلە بۈگەن ، ئاۋال ما قۇساقىنى بىر ئەستەلەيلى ! -شۇ .-دەپ ئاۋاز قۇشتى ېلىدىن بۇيان گىپى ئۆچۆپ قالغان  ئىلھام :    -چۈشتە دىباغا كىرىپ سەكلەپ ، كىيىن ئەپەندىمنى چۆگىلەپ ، تاماق يەيلى دىسەم ئۇناشمىدىڭ گۇيلار ، ئەمدى بوسىمۇ بىر تاماق يىيلى ، ۋېلىسپىتكە بىنزىن قۇيمىسا ماڭغان بىلەن ، بىز تەپمىسەك يەنە جىم تۇرتۇ ! -ھەراسىت ، بىز تاماق يەۋاللى ! ھەممىسى ماڭا قاراشتى ، مەن يەگە قارىۋالدىم .دېمىسىمۇ بۈگەن بارلىق ھىساپ مەندە ئىدى ، بار -يوقنى دوختۇرخانغا تاپشۇرۋەتكەن ئىدىم . -ئاداشلار، بەك كەچ بولاپ كەتتى ،ئەمدى تايىنلىق ئۆيگە بىرىپ تاماق يىيلى ! -قۇيساڭا ، ئۆيگە يەنە بەش كىلومىتىر بار ، مەن ئۆلاپ قاتمە ئاڭغۇچە! -توختاڭلا ، مەن بىز نىمە ئەكىلىي ! ئەلى شۇنداق دىگنىچە ۋېلىسپىتنى قايرىپلا دوقمۇشتا گىردە سېتىۋاتقان بىر بوۋاينىڭ ئالدىدىن تۆت گىردىنى ئىلىپ كەلدى ، ئامالسىز قۇرۇق گىردە غاجىلاشقا باشلىدۇق ! -ھە...ي، مۇشۇ ئەسقەر ئاكىمىزنىڭ دەيتتى ئەلى ماڭا تەنە قىلىپ :-قىزبالىنى كۆرسە ئىچى ئاغرىتيقان كىسىلى پەقەت ساقايمىدى، بىكادىن -بىكا پولنى تۇنۇمايتقان بىرسىگە بەدۇق ، ئەتە بىزنى تۇنامتۇ-يا تۇنىمامتۇ كىم بىلىتۇ ! -شۇ ، ما كۈندە كىم كىمنى تۇنۇيتۇ ، قۇرساق ئاچ گىردە غاجاپ يۈرتمىز مۇنا ! -ئا قىزۋالا ئاشۇندا ياتقاندىكىن ، ئىچىم ئاغرىپ سىلىگە مەسلەھەت ساماي بىرىپتىمە .ھىچنىمە بولماس ،خۇدايىم بار !-ھاھاھاھاھاھاھا ، ھىېي !سىنىڭ كاللاڭ دىبادا قامىغانتۇ ؟ 5.ماي ۋەقەسىنى ئۇنتۇپ قامىغانسە؟ بۇگەپ بىلەن ھەممىمىز پاراققىدە كۈلۈشۈپ كەتتۇق ! 5.ماي ۋەقەسى چاچلىرىغا قۇشقاچ ئۇۋا سالغۇدەك بولوپ ، قۇللىرىغا قىش -كىسەكلەر يالاپ يىرتىۋەتكەن پەلەينى كىيىپ ، سوغاقتا توڭلاپ ، تىتىرەپ تۇرۇپ ، ئۈچ مىتىر ئىگىزلىككە قىش ىتىۋاتقان بۇ ئىككى يىگىتنىڭ بىرى مەن ، بىر ئەلى !ئاۋۇ تەرەپتە جۆبەنجىدىن ئاققان لاي پۈتۈن كىيمىنى بولغاپ ،   ھەيكەلگە ئوخشاپ قالغان بۇرادىمىزنىڭ ئىسمى ئىلھام ، مۇشۇنداق سوغۇقتا تەرلەپ -پىشىپ لاي ھارۋىسدا يۈگۈرەپ تۇرۇپ لاي تۇشىۋاتقان بۇرادىرىمز ئەركىن ! بۇيلىق ماي ھەپتىلگى ۋاقتىدا بىز تۆتىمىز ئاۋال ئىشلەپ  پول تېتىپ ئاندىن ئويناش تاكتىكىسىنى ئىشقا سالماقچى بولوپ تۆتىمىز بىر كۈنلكى 25سومدىن قۇرلۇش ئورنىدا ئىشلەۋاتقان چاغلار ئىدى .شۇنداق ئىشلەپ تۆت كۈندىن  كىيىن ،5ئاينىڭ 5.كۈنى «تۆۋەندە بەشىجى ماي دىيلىدۇ » ناھىيە  بازىرىغا كىرىپ قاتتق ئويناپ چقماقچى بولوپ ئاتتەك ياسىنىپ كىردۇق.ئاۋال ھەر نىمە بولسا بىر قۇرساق توقلىۋاپتىكەنمىز ئەتتىگەندە ، تاماقتىن كىين ،تورخانا ،ئاندىن دېسكوخانىغا كىردۇق ، دىسكوخانىغا كىرگەن ۋاقتىمىزدا ئاللىقاچان چۈشتىن كىين سائەت ئىككىدىن ئاشقان ئىدى. دېسكوخا-بىزدائىم كىرىپ تۇرىدىغان  جاي بولغاچقا ئۇدۇللۇق كىرىپ چەترەك بولوڭدىكى بىر ئۈستەلدە ئولتۇردۇق، ئىككى كىىشى يىقىن تۇرۇپ گەپ قىلسا ئاڭلىغىلى بولمايدىغان ھالاتتە قۇيۇلغان مۇزىكا ھەرقانچە لامزەللە بولسىڭىزمۇ ،توك تەپكەن ئادەمدەك سەكرىتىۋىتىدىغان رەۋىشتە چىقماقتا ! كىرىپ بىرەر قۇر تەڭشىلىپ ،ئۇنى -بۇنى بۇيرۇتۇپ بولغىچە سەھنىدىكى قىزلاغا قاراپمۇ ئۈلگۈرگەن ئىدۇق . -ھەي ئاغىنىلەر ، ئا ئوتتۇرىدىكى قىز كارامەت چىرايلىقكەن جۇمۇ !كاساپەت . -ياق ھەي ،ئا چەتكە قارا ، ئا قارا كىيىم كىيۋالغان قىزغا ، ئەمما دەششەت شاشتەك قىلىپ تۇرۇدۇ! ئۇنىڭغىچە بىزنىڭ ئۇسسۇزلىقىمىز كەلدى ، بىر رومكىدىن ھەممىگە تولدۇروپ قۇيۇپ بەردىم.بىر كۆتۆرۈپ تازا چاڭقىغان دىھقان سۇ ئچكەندەك گۈپۈلدىتىپ ئىچىپ بولدۇق ! ئەمما دەل شۇ چاغدا سەھنىدە.....كاساپەت، دەشەت ئۇماق قىز بالىدىن بىرسى چىقىپ قالدى ، ھەممىزنىڭ كۆزىدىن ئوت چىكەتتى ، شالۋېلىرىمىز ئىقىپ بايام قۇرۇقدالغان ئىستاكانلار يىرىم بولدى !ھەممىزنىڭ بۇينى شۇ تەرەپكە قاراپ قېتىپ قالغان ئىدى ! -ئاداشلار ، مەن چىدىمىدىم ،ئاقىز بالا دەششەت چىرايلىقكەن ، چىقىپ ھەمدە بولايمۇ؟؛-ئىلھام ئەڭ ئاۋال ئۆز كۆڭلىنى «بىزگە بايان قىلىپ» -قۇيساڭا ، دىسەم دىمىسەم ئۇنىڭ ئىگىسى بار ، ساڭا ئاشمايدۇ !؛-دېدى ئەركىن. -ۋاي نىمە كارىم ، بولدى ئاغىنىلەر ، مەن چىقىپ باقاي ھە! ئۇ شۇنداق دەپ قىستاڭ ئۈستەل-ئۇرۇندۇقلاردىن چاققانلىق بىلەن ئۆتۆپ سەھىنىگە چىقتى ، ئاندىن ساراڭدەك بەللىرىنى تولغىشىپ يۈرۋاتقان كىشلەر توپنى تەستە يىرىپ ئۇ قىزغا يىقنىلاشتى ، مەن بىردە قانداق بولا ، ئەركىن پايدا ئالىدىغان بولدى .ئۆزۆملا چقسامچۇ دەپ خىيال قىلسام ، بىردە ئۇنىڭ ئىگىسى بىلەن دوقىرىشىپ قالمىساق بۇلاتتى دەپ ئەنسىرەيتم . ئىلھام بارا -بارا ئۇ قىزغا يىقنىلاشتى ، بىزدىن باشقا يەنە باشىقا ئۇغۇللاردىمۇ كۆز دىگەن نەرسە بولسا كىرەك ، ھەممىسى شۇ قىزنى چۆرىدەپ كىلىۋالغان ئىدى،ئلھام بىز نىمىلەرنى قىلىپ ئاخىرى ئۇقىزنىڭ يىنىغا كەلدى ۋە بەدىنىبى ئەركىن ھالەتتە قىزغا ماسلاشتۇرۇپ ،دىسكوغا چۈشۈپ كەتتى، نىمە دىگەن بىلەن بۇرۇن شەھەردە چوڭ بولغان-دە ،ئۇ بۇ يەرىكى بۇ ئۈچمىزدىنلا ئەمەس ، مۇشۇ يەردىكى قاراڭغۇ بازارچىلاردىن  ئېشىپ چىرايلىق ئوينايتتى !قىز ئۇنىڭ ھەركەتلىرىگە قاراپ .ئلھامنى ياقتۇرۇپ قالغان بولسا كىرەك .ئۆزىمۇ ئۇنىڭغا ماسلىشىپ كەتتى ! بىر مەيدان دىجى تۈگەپ ، ئىككىنجى قىتىمدا تاڭسا باشلاندى،ياڭراتقۇدىن  ۋىتاسنىڭ ناخشى چىقىى بىلەن ئۇ ئىككىسى خۇددى بۇرۇندىن تۇنۇشىدىغاندەكلا لەرزان تانسغا چۈشۈپ كەتتى ! پەستە ئولتۇرغان بىز  ئۇنىڭغا  ھەۋەس بىلەن قارايتتۇق ، شۆلگەيلىرىمىز ئىقىپ  بىرنىمە بولوپ كەتتى ، ئارلقىتا ئەلى چىقىپ ياندىكى ئۈستەلدىن بىر قىزنى تانسىغا تارتتى ، ئىككىسى ئۈستىدە تانسا بىلەن ، پەستە ئەركىن بىلەن مەن پاراڭدا ئىدىم . -ئىشقىلىپ مۇشۇ تانسا دىگەن بوپ قۇيىدىكەن جۇمۇ !بىزدەك بويتاقلارغا ......... شۇنداق دەپ تۇرۇشىغا سەھنە ئۆرە-تۆپە بولوپ ، قىزلار چىرقىرىشپ ، مەيدان ئىككىگە بۆلۈندى.ھەيرانلىق ئىلكىدە ئۇرنىمىز تۇرۇپ قارىساق قار مەلىكە بىلەن ئۇسۇل ئۇيناۋاتقان بۇرادىمىز ئىلھام يەنە بىر ئاداش بىلەن تانسىنى تاشلاپ كىنوغا چقىپ كىتىپتۇ ! -ھەي لالما،ئاچاڭغا ئوخشتىپ قالدىڭما ؟ھۇ ھاراملىق ! -نىمە چاتقىڭ سويما ، ئاناڭمىتى ئۇ ؟ئىشىڭنى قىل ! -ھىي !سەن سولتەك .....ئۇ شۇنداق دىگەنچە كىلىپ ئىلھامنى كىلىشتۈرۈپ بىرنى سالدى .ئىلھام كەينىگە بىرقەدەم داجىپ ئۆزىنى ئوڭشاپ بولوپلا ياپۇنچىنى دوراپ ئۇنى بىركاللا بىلەن كەينىگە ياندۇردى . مۇزىكا توختىغان ، قىزلارنىڭ قىيا-چيالىرى دىبانى بىر ئالغان ئىدى، ئىككىمىز سەكرەپ بىرىپ ئوتتۇرىغا كىردۇق ،ئۇنىڭغىچە ئككى قوغداش خادىمى  بۇ جىدەلگە ئارلاشتى ! -ئاناڭنىڭ ئايۋىنى ئەمەس ماۋۇ ، ماڭە تالاغا چىقىپ ھاڭراش ، ھەت گۇيلا ، ئادەم بولمايدىغان ! شۇنداق دەپ بىز بىرىپ بولغىچە ئىلسام بىلەن ھلىقى ئاداشنى  سىرتقا چىقىرىپ  بولدى .ئەمدىلىكتە دىبانىڭ ئىچىدىكى ئادەملەر بىراقلا سىتقا كۆچكەن ئىدى، توۋۋا ، ھىلمۇ بۇنداق كىينۇلارنى كۆرىدىغانلار جىقكەن  ھە -؛دەيتىىم ئىچىمدە، ئەركىن بىلەن ئىككىمىزمۇ ئادەملەر ئارا قىستىلىپ يۈرۈپ دىبادىن چىقتۇق .سىتقا چىقىپ بولغىچە جەڭ قايناپ كىتىپتۇ ، ھېلىقى   ھارام تاماق ئلھامنىڭ ئۇزۇن چېچىنى تۇتۋېلىپ  ئۇنى يەرگە دوڭغايتىپ ئاغزى -بۇرنىغا تىزلاۋاتسا ، كەينىدىن بىر نەچچە ئۇغۇل ۋە قىزلار كىلىپ ئۇنىڭ كاسسىغا ھەدەپ تىپەتتى ، ئەلىمۇ بىر چەتتە قاتتىق مۇشلىىۋاتاتتى، بىز دەرھال بىرىپ ئىلھامنى قۇتقۇزۋالماقچى بولدۇق .ئەركىن چقىپ ھىلىق ھارام-تاماقىنى گالدىن سىقتى ، مەن كەينىدىن كىلىپلا ئارقا سەپ ھۇجۇمچىلرىنى ئۇققا تۇتتۇم ،ئەلۋەتتە جەڭ دىگەندە دائىم  يەڭگىلى بولمايتتى ! شۇ كۈنى بىز تۆتىمىز ئۆلگۈدەك تاياق يىدۇق، تېخى ئەڭ ئاخىردا بىر بۇزۇق بىزگە :- كىلە قىتىم داداڭنى باشلاپ كەل .سەندەكتىن ئونىڭ كەلسەڭمۇ ئۇرۇپ ئۈلگىرىمەن  دەپ پوپوزا قىلىپ ،ئاچچقتىن جېنىمىزنى ئالغان ئىدى، ئەسلى باياتىن مەن خاتا تەسەۋۇر قىلىپ قاپتىمەن ، ھىچكىممۇ بۇخىل كىنونى كۆرمەيدىكەن ، سىرتقا چىققانلارنىڭ ھەنۋاسى ئارتىس بولوپ بىزگە كىنو ئىلىشپ بەرگىلى چىققان ئىكەن ، شۇڭا شۇنداق قاتتىق تاياق يىسەكمۇ ھىچكىم بىزنى ئايرىپ قۇيمىدى.ئاخىر قۇيرۇقىمىزنى خادا قىلىپ ،ئاستا كەينىمىزگە ياندۇق ، بىراق بىر يەرلەرگە كەلگەندە ئەلى بېلىكىنى تۇتۇپ يىغلاپ يەدە دومىلاشقا باشلىدى ، ئەسلىدە بايامقى جەڭدە ئۇنىڭ قۇلى سۇنغان ئىكەن ،بىز تۆتىمىزنىڭ بېشى يەنە بىر قاتتى .چوڭ دوختۇرخانغا ئەكىرسەك  بالنىسقا ئالىدىكەن ، شۇنىڭ بىلەن ئۇيان -ئىزلەپ بۇيان ئىزلەپ ، بىر خەنزۇنىڭ شەخسى تىڭىق ئۇرنىغا كىردۇق ،ئۇ يۇقىرى باھا قۇيۇپ تۇرۋالدى ، بىز ينىمىزدا بارنىڭ ھەممىنى دەستۇرخانغا يېيىپ ئۇنىڭغا يالۋۇردۇق ،تۆتىمىزنىڭ  بىچارە ھالىنتىنى كۆرۆپ ئىچ ئاغرىدى بولغاي ، ماقۇل بولوپ تېڭىپ قۇيدى .ياندا سىنىت پۇلمۇ قالمىدى. ئۆيگە چقىپ كىتىدىغانغا يەنە 1كىلومىتىردەك يول بار ئىدى ، ئاخىر بىكەتكە كىلىپ «ئاللىقاچان بەك كەچ بولوپ كەتكەن بولوپ ، بۇ يەردە ئەڭ ئاخىرقى نۆۋەتىچى ماشىنا قالغان ئىكەن»شوپورغا يالۋۇردۇق ! -شوپوركا ، بىزنى نۇرلۇققا ئەچىقىپ قۇيسىڭىز ! -چاتاق يوق ، قىنى ماشنىغا چىقىڭلار ، ھازىلا ماڭمىز! -ئەمما بىزدە پۇل يۇق ! -پۇل يوق؟! -ھەئە ،پۇل يۇق ! -نۇمۇس قىلىشە ۋە گۇيلا ، ئاكاڭ قارغاينى ئاخماق كۈرۈپ قالدىڭما ؟ھەي تەڭگىۋاشلا ، كۆتەكتەك تۆت ئوغال بالا تۇروپ ، تۆت كوي پۇلغا چىدىماي ، پۇل يۇق دەپ بىراۋغا يىلىنىچە ، چىكەتسەڭ بولمامدۇ ۋاما ناھىيدىن ! نۇمۇس قىلشە ، نۇمۇس ،! -راسىت ، بىزدە پۇل يۇق !بىزنى ئالغان چىقپ كىتىڭ ! -بىشىمنى ئاغرىتما ! شۇنداق دەپ تۇرشىغا يەنە ئىككى كىشى كىلىپ ماشىنىغا چىقتى ، ماشىنا ئاستا قوزغالدى ! شۇنداق قىلىپ بىز ئۆيگە يەنى 10كىلومىتىر يولىنى كىچدە سوغۇقتا ، ئاچ قۇرساق ، تاياق يىگەن يەرلىمىز ئاغرىغان ھالەتتە مىڭ تەستە بىسىپ ، يىزا بازىرىغا چىقتۇق ،ئەمدى يەنە بەش كىلومىتر يول ماڭساق ئىلھامنىڭ ئۆيىگە باراتتۇق ،قىينىلىپ ئاران كىىتپ بارساق ، بىر بۇۋاي ئىشەك ھارۋىسى بىلەن كىلىپ قالدى، مىڭ يالۋۇرۇپ ئاخىرى ئىشەك ھارۋىسى بىلەن ئۆيگە كەلگەن ئىدۇق!بۇ ئىشنى مەڭگۈ ئۇنتۇپ قالماسلىققا ، ھەم ئىككىنجى قىزبالىغا رەھىم قىلماسلققا ۋەدە بىرىپ 5.ماي ۋەقەسى دەپ خاتىرە قىلدۇق ! ************************************************************** -بولدى ، يۇق گەپنى قىلماڭلا ، بۈگۈن ئۆيگە كىرىپ كىتىلى ، ئەتە-ئۆگۈنگىچە بۇ ئىشلارمۇ ئايدىڭ بولىدۇ ! -بولدى دېدى ئىلھام، بۈگەن بەك كەچ بولوپ كەتتى ، بىزنىڭكىدە قونىلى ، ھەقىچان دادام ناھىيىدە يىغىندا دەپ چقمايتۇ ، ئانام يالغۇز ، بىز پاتمىز ..... -ۋوي بولدى ، ئەتتىگەن دادام ئىتىزغا سۇ تۇتىمىز دىگەن ، كەتمەن كۈتۈرەپ سۇ تۇتىۋاتسام ئاچام كەپتىكەن ، كەتمەنىنى تۇتقۇزۇپ قۇيۇپلا قاچقان ئىدىم ، بۈگەن ئۆگە بامىسام ، ئەتە نامىزىغا كىرسەڭلا بولدۇ! -ئۇھۇي ! سىنىڭ ئۆيەڭگە يەنە 15-20كىلومىتىر بار ، ھىېرىپ قالاسەنمكى!؟ -ئۇنىڭ ئۈستىگە ھىلقى قىزنى يۈدۈپ بەك ھېرىپ كەتتىڭ ھەقىچان ! -ۋاي ياق! مەن ئۆيگە ماڭمىسام بولمايدۇ ! -ھە بوپتۇ ئەمسە ، ئەتىگىچە كۆرۆشەمىز ! شۇنداق دەپ بىز تارقىدۇق ، ئەلى بىلەن ئىلھام بىر يولدا ، مەن ئەركىن بىلەن بىر يولدا ئۆيگە قايتىپ كەتتىم ! داۋامى بار

0998waris

	قىنى بۇنىڭ  داۋامى ..؟ لاۋداجان تىزراق بۇلالا....

qayan444

	قىزىقىپ  قالدىم  داۋامىنى تىزراق يوللاڭ.    ماۋۇ ئادەم تاياق يەپ بېشى  مۇشۇن داق بوپ كىتىپتىكەن .   http://www.uycnr.com/sd/201307/t20130707_512811.html

riwayatnur

	بەك كۇلۇپ كەتتىم چوقۇم سىز خوتەنلىكقۇ دەيمەن ...پەيزى چىقىپتۇ ...ئاخىرىنى تىزراق يوللاڭ...

2muztag

	ئېسىل تىمكەن ھارمىغايسىز

mary

	قاتتىق ئۇرۇشلارنى باشىتىن كەچۇرۇپتىكەن بۇ لاۋدا ئاخىرى قىنى ؟

korax001

	ئۇف

begana

	ئوقۇپ كۈلۈپ كەتتىم شۇنداق قىززىق يىزىلىپتۇ.ھارمىغايسىز

gvlbar111

	قېنى سىز «لاۋدا »قارى؟....

omak13140

	ھىكايىڭىز ياخشى چىقىپتۇ ، ئوقۇپ بولغىچە كۇلۇپ چىقىپتىمەن . داۋامىنى تىزراق يوللىۋىتىڭە لاۋداجان