تۇرمۇشتا (شىئېر)

ئەرتېكىن

	تۇرمۇشتا... ئەنۋەرجان خوجا ئەرتېكىن تۇرمۇشتا بەكمۇ كۆپ كۈلكىلىك ئىشلار، كېملەردۇر ئۆتىدۇ كېملەرنى تىللاپ. بىراۋلار يىغلىسا ئاچچىق ياش تۆكۈپ، بىراۋلار كۈتىدۇ كېمنىدۇر چىللاپ. كېملەردۇر ياراتماي باشقىلارنى ھېچ، يېلىنار كېمگىدۇر يۈزىنى سىيلاپ. توقلۇقتىن كېكىرىپ تۇرسا بۇ جاھان، ئاچلىقتىن ياتىدۇ بىر بايقۇش يىغلاپ. بەدىنى كۈن كۆرمەي ئۆتكەن كېملەركىن، دېھقانچۇ؟! يۈرۈيدۇ ئېتىزنى قىغلاپ. بەزىلەر ھاياتقا قانماي كېتىدۇ، بەزىلەر يۈرمەكتە كوچىنى چىڭداپ. بىر ئەركەك ئۆيىدە بالا باقىدۇ، مەھبۇبى سورۇندا يۈرەر شىپىلداپ. مەستلىكتە قەي قىلىپ ياتماقتا بىرسى، تولغىنار بىر ئايال تەرلەپ چىپلداپ. كېمدۇر ئۇ پايپىتەك قازان بېشىدا، كېمدۇر ئۇ جۆيلۈگەن تاتلىق پىچىرلاپ. كېمدۇر ئۇ قار ياغقان قاپاق ئالدىدا، گۇناھكار سانىلىپ تۇرغان مىشىلداپ. يۈگۈرۈپ-يۈگۈرۈپ يۈرسە ھەر ئادەم، ماڭماقتا دەلتىدەك بىرسى مىسلداپ. تەر تۆكۈپ بىراۋلار تاپسا بەش يارماق، بىر يېگىت كەلمەكتە يانچۇق تىمسىقلاپ. سىر ئەمەس ھەر كىمگە ئىپارخان، نۇزگۇم، يىل، دىللار ئۆتىمىز سۆيۈپ ئىششىقلاپ. ۋەلېكىن خېلۋەتتە تالاي جانانلار، ھەر قېلىن لەۋلەرنى شۈمەر غىلجىڭلاپ. تاتلىققا ئۆچمىكىن؟ تۇرار بىر مەزلۇم - زەھەرنى كاللەكلەپ نەگىدۇر چىڭداپ. بىر ئاتا ئوغلىنى ئۇزاتتى بالدۇر، ئۆلمىگەچ بەزىلەر كەتتى يىرىڭداپ. تەبىئەت نېمىشقا مەينەت يۈردىكىن؟ ياغدۇردى ھېلىلا تۇپا چىپلداپ. كېملەردۇر كاكىراپ قىلماقتا نەغمە، بوۋامنىڭ ئۈنلىرى چىقار كىسىلداپ... («ئاقسۇ گېزىتى» نىڭ 2013-يىل 20-مايدىكى «جەنۇب شامىلى» ئەدەبىي بېتىدە ئېلان قىلىنغان)

atirgul

	ئەسسالامۇ ئەلەيكۇم! شېئىرىڭىز شۇنداق ياخشى چىقىپتۇ ئاكا ، ئىلھاملىرىڭىزغا كۆز تەگمىسۇن!

azat007

	بىر ئەركەك ئۆيىدە بالا باقىدۇ، مەھبۇبى سورۇندا يۈرەر شىپىلداپ. مەستلىكتە قەي قىلىپ ياتماقتا بىرسى، تولغىنار بىر ئايال تەرلەپ چىپلداپ.

ئەرتېكىن

	atirgul يوللىغان ۋاقتى  2013-7-22 23:52 ئەسسالامۇ ئەلەيكۇم! شېئىرىڭىز شۇنداق ياخشى چىقىپتۇ ئا ... ۋائەلەيكۇم ئەسسالام سىڭلىم، رەھمەت سىزگە!

0998waris

	بەدىنى كۈن كۆرمەي ئۆتكەن كېملەركىن، دېھقانچۇ؟! يۈرۈيدۇ ئېتىزنى قىغلاپ. بەزىلەر ھاياتقا قانماي كېتىدۇ، بەزىلەر يۈرمەكتە كوچىنى چىڭداپ. 2-مىسرانى ئۆزگەرتىش تەكلىېىنى بىرىمەن.شىئىرنىڭ رىتىم ،قاپىيە تۇپەيلى ئىشلەتكەن  قىغلاپ دىگەن سۈزىڭىز كىشىگە كەمسىتىشتەك تەسىر بىرىپ قۇيىدىكەن.بۇ شىئىردا كىشلەرنىڭ تۇرمۇش ،ئىجتىمائىلىق.ماددىي-مەنىۋى تەرەپلىرى قاتارلىقلارنى ئۇرتاق ئۆز ئىچىگە ئېلىپ پىكىر بايان قىلىنغاچقا قىغلاپ دىگەن سۆز دىھقاننىڭ خىزمەت مۇھىتىدىن ھالقىپ مەنىۋىيىتىگە تاقالمايدۇ دىگىلى بولمايدۇ.ئۇيلۇنۇپ كۈرۈڭ.

ئەرتېكىن

	قىممەتلىك پىكرىڭىزنى قۇبۇل قىلدىم، كۆپ رەھمەت. ئەمما توردىكى ئەسەرلەرنى تەھرىرلىگىلى بولمايدىكەن، ساۋاق ئالدىم.

مالىك

	ياخشى يىزىلىپتۇ ،تىخمۇ تىرىشىڭ ،سىزگە ئامە ت تىلەيمەن !

KAQURGEN

	مۇشۇنداق شئېرنىڭ يئېرىمىنى  يازالىغان بولسام ،ئۈزەمنى بەخىتلىك  ھىساپلىغان بولاتتىم ...

ئەرتېكىن

	مالىك يوللىغان ۋاقتى  2013-7-25 10:30 ياخشى يىزىلىپتۇ ،تىخمۇ تىرىشىڭ ،سىزگە ئامە ت تىلەيمەن  ... تىلىكىڭىزگە رەھمەت!

ئەرتېكىن

	KAQURGEN يوللىغان ۋاقتى  2013-7-25 23:49 مۇشۇنداق شئېرنىڭ يئېرىمىنى  يازالىغان بولسام ،ئۈزەمنى ... شېئىردىن زوقلانغان ئىكەنسىز سىزدە شېئىرىي دىت بار دىگەن گەپ، ئىشىنىمەنكى سىز چۇقۇم يازالايسىز.