سالام ساڭا
غېرىبى
( يۇرتتىن چىقىپ كەتكەن بىرسىگە ئاتاپ يېزىلدى)
سالام يازدىم سېغىنىپ،
يۈرۈگۈمنىڭ قېتىدىن.
چۈشۈپ كەتتى دىمىدۇق،
سىنى ياشلىق پېتىدىن.
ئاڭلىسام كەلمەكچى بوپسەن،
خوشلۇقۇم يەتتى پەلەككە.
نىمجان تېنىمغا جان كىرىپ،
قانلىرىم تەپتى يۈرەككە.
كەل نىگارىم،باغ ئارا،
دىل چىمەنزارىمغا كەل!
سۆيگۈ رىشتى ئوخچىغان،
چەشمىزارىمغا كەل!
سەن كېتىپ كەلمىدىڭ يار،
يىراق دەپ ئويلىدىڭمۇ؟!
يېقىنلاشتىغۇ ئارىمىز،
يا باشقىدىن تويلۇدۇڭمۇ؟!
سەن ئىدىڭ خوشپۇراقلىق،
يۇرتىمىزنىڭ بىر گۈلى.
قاي بوران ئېپ كەتتى سېنى،
تۇتسۇن سېنى ھەقنىڭ يولى.
مەيلى كەتسۇن ئۇ كۈنلەر،
تىزاي ساڭا دەستە گۈللەر.
باشقىدىن تاشلىغىن قەدەم،
ئۇنتۇلسۇن قارا تۈنلەر.....
قىلساڭ دىلىڭدىن توۋا،
مەغپىرەت قىلار ئاللا.
خۇش مۇبارەك ئېتەر ھەممە،
ياغدۇرۇپ كۆپ ھەشقاللا...
يۈز ئادەمنى ئۆلتۈرۈپتۇ،
رىۋايەتتە بىر ئادەم.
توۋىغاماڭغان ئىكەن ئۇ،
كەچۈرۈپتۇ ئاللا ئىگەم.
شۇنداق ئەمەسمۇ بىز ئەسلى،
تۇپراق، لايدىن يارالغان.
خام سۈت ئەمگەن،ئەقلى كەم،
نەپسى بالادىن ئەلگە تارالغان.
خالى ئەمەستۇر گۇنادىن،
بۇ دۇنيادا ھېچ كىشى.
شۇ گۇنادىن يانغانلار،
بىھىشكە لايىقتۇر ئىشى.
قىلغىن تەلەپ ، ئىبادەت،
ئەلدىن ئايىما ياخشىلىقنى.
بۇ ئىككىسى بولسۇن قوشماق،
ئارىلاشتۇرما ساختىلىقنى.
چىن دىلدىن ياشىڭنى تۆك،
ئىناۋەتلىك ۋەدە بەر ئەمدى.
لەۋزىڭدە تۇرساڭ بىر ئۆمۈر،
سىنى ھەممە سۈيەر ئەمدى...
2010.08.10
يوللىغان ۋاقتى 2010-8-10 16:42:58
