بادام دوپپام

blackrose

	بادام دوپپام بادام دوپپام، چىمەن دوپپام، بەلەن دوپپام، ئاي، يۇلتۇزدەك تاجىدار ئۇز، لېۋەن دوپپام. ئەسىر تارىخ پۈتۈلگەن جىيەكلىرىڭگە، روھ يىلتىزى،ۋىجدان كۆزى-گۈلشەن دوپپام! مومام تۇتقان يىڭنە، زەررە يىپلىرىڭنى، بوۋام پۈتكەن تامام ئەجداد سىرلىرىڭنى، يەرۇ-زېمىن، قۇياشقا ماس قىرلىرىڭنى، ئەزىزلەيمەن ئەي، قەدىناس يارەن-دوپپام. يىگىتلىكنىڭ شاھ تاجى-ئۇ، ھەم غۇرۇرى! ئۈزۈلمەس چىن ئەھدە ئۈچۈن -سۆيگۈ نۇرى! ساداقەتتە گۈل چىكىدۇ ئۇيغۇر قىزى، ئاقار يولدا بولۇپ بايراق تۈمەن دوپپام... مەن-ئۇيغۇرمەن، سېنىڭ بىلەن بار ئىززىتىم، جاندىن چارە، سەنسز مېنىڭ يوق قىممىتىم؟ چولپان كەبى نۇر چاچىسەن، سەن-ئىپپىتىم، يوق ھۆسنىڭدە زەررە نۇقسان- ئېۋەن، دوپپام!

kokasman

	شۇنداق ئۇيغۇر ئۇيغۇر دوپپىسى بىلەن ئالاھىدە ئۇيغۇر!

atirgul

	ئەسسالامۇ ئەلەيكۇم ئاللاھنىڭ سالىمى سىزگە بولسۇن ! بۇ شېئىرىڭىز بەك  ئېسىل چىقىپتۇ قېرىندىشىم ، ئىلھاملىرىڭىزغا كۆز تەگمىسۇن. بادام دوپپا  باش كىيىملەرنىڭ گۈلتاجىسى ھەمدە بىز ئۇيغۇلارنىڭ كىملىكى...ھارماڭ!

khan ھەقىي سالاھىيەتلىك ئەزا

	ماۋۇ شىئېرنى شىئېرنىڭ جېنى دېسەك بولغۇدەك. ماڭا بەك، بەك ياراپ كەتتى. ئۇيغۇرنىڭ دوپپىسى ئۇيغۇرنىڭ ۋىجدانى دېمەكتۇر. قېرىندىشىم قوللىرىڭىز دەرت كۆرمىسۇن.

blackrose

	قوللاپ بەرگەن قېرىنداشلىرىمغا تەشەككۈر..... تەكلىپ پىكىرىڭلارنى ئايىمىغايسىلەر.....

bargiya

	ئۇيغۇرنىڭ دوپپىسى ئۇيغۇرنىڭ ۋىجدانى. بىز بۇنى دىيىشنى بىلىمىز.بىراق ،بىلىپ تۇرۇپ كىيمەيۋاتقانلار قانچىلىك،كىيەلمەيۋاتقانلار قانچىلىك؟ھازىرغىچە دوپپا مەدىنىيەت بايرىمى بارلىقىنىمۇ ئۇقمايدىغان ،دوپپا مەدىنىيەت بايرىمى دىسەك نەدىكى بايراملار شەكىللىنىپ كېتىۋاتىدۇ ھە دەپ كۈلۈشىدىغان كىشىلەرمۇ بار. بۇ بايرامنىڭ نىمە ۋەجىدىن بارلىققا كەلگەنلىكىنى، بارلىققا كېلىشىنىڭ قانداق ئەھميەتكە ئىگە ئىكەنلىكىنى ئەسلا ،ئەسلا ئۇقمايدۇ،. تېخى دوپپا كىيىۋالغانلارنى كۆرسە قارىلىق بولۇپ قاپسەندە دەپ سورىشىدۇ.قىشتا يىغىندا بىز بىر نەچچە ئۇيغۇر ئاياللار بېشىمىزغا كىيگەن دوپپىلىرىمىز بىلەن باشقىلارنىڭ ئالاھىدە دىققىتىنى تارتقان ئىدۇق. تاراتقۇلارمۇ يۈگرەپ كېلىپ توختىماي رەسىمگە تارتقان ئىدى. بىزدە مىللى ئىپتىخارلىق تۇيغۇسى ئەۋىج ئېلىپ ھاياجانغا چۆمگەنتۇق. «دوپپا كىيگەن ئاۋۇ چىرايلىق گۈللەر بىلەن رەسىمگە چۈشەيلى » دىيىشىپ كەتكەنتى بىزنى. شېئىرىڭىز ئۇيغۇر دوپپىمىزنى ھەر تەرەپتىن مۇكەممەل تەسۋىرلەش بىلەن كىشىدە ئىپتىخارلىق تۇيغۇسىنى ئۇيغۇتىدىكەن.يەنە تېخى مىللىي خاسلىققا ئىگە بولغان لايىھەرىڭىزدىنمۇ دىلىم سۆيۈندى. دوپپا كىيگەن باش سۈرەتمۇ ئۆزگىچە. سىزگە گۈل تۇتۇمەن. ئىجادىيىتىڭىزگە ئىلھام بولسۇن!

ئۇتغۇر

	khan يوللىغان ۋاقتى  2013-7-19 19:09 ماۋۇ شىئېرنى شىئېرنىڭ جېنى دېسەك بولغۇدەك. ماڭا بەك، ب ... بۇ شېئىر ھەقىقەتەن ياخشى چىقىپتۇ، لېكىن ‹‹شېئىرنىڭ جېنى›› ئەمەس، شېئىرلارنىڭ ياخشىسى دېسەك بولارمىكىن؟ مەن شۇنداق قاراشتا.

ئۇتغۇر

	bargiya يوللىغان ۋاقتى  2013-7-21 04:15 ئۇيغۇرنىڭ دوپپىسى ئۇيغۇرنىڭ ۋىجدانى. بىز بۇنى دىيىشنى  ... كۆڭلۈمدىكى گەپلەرنى سىز دەۋەتتىڭىز، ناھايىتى توغرا قىلدىڭىز!

yarun

	ئالاھىدە تەكلىپ !!! قازايلى دوسلار ، تەكلىپ  ئۇيغۇر دوپپىللىرىنىڭ تارىخى ، مەنىسى ، تۈرلىرى ، پايدىلىق رولى ، يىتەكلەش كۈچى........

山男孩

	بەك ياخشى يىزىپسىز!!!